తెలుగుదేశం పార్టీ అధినేత చంద్రబాబు, పార్టీ ప్రక్షాళన పై దృష్టి పెట్టారు. ఇందులో భాగంగా, వివిధ నియోజకవర్గాల ఇంచార్జ్ లను మార్చటం, కొంత మందికి కొత్త బాధ్యతులు ఇవ్వటం చేస్తున్నారు. ఇందులో భాగంగా చంద్రబాబు, విజయవాడ వెస్ట్ నియోజకవర్గం ఇన్‌ఛార్జ్ పై స్పష్టత ఇచ్చారు. విజయవాడ ఎంపీగా ఉన్న కేశినేని నానికే ఇప్పుడు విజయవాడ వెస్ట్ నియోజకవర్గ బాధ్యతలు కూడా అప్పగించారు. విజయవాడ వెస్ట్ నియోజకవర్గ కో-ఆర్డినేటర్ గా కేశినేని నానిని నియమించారు. అయతే విజయవాడ వెస్ట్ బాధ్యతలను, బుద్దా వెంకన్న, అలాగే నాగుల్ మీరా ఆశించారు. అయితే ఇద్దరికీ ఇప్పటికే పార్టీలో వేరే బాధ్యతలు ఉండటంతో, కేశినేని నానికి ఇచ్చినట్టు తెలుస్తుంది. అయితే కేశినేని నాని కూడా ఎంపీగా ఉండటం, ఆయనకు అదనపు బాధ్యతులు ఇవ్వటం చర్చనీయాంశం అయ్యింది. ఇక విజయవాడ వెస్ట్ నియోజకవర్గంలో, కమిటీల నియామకానికి కూడా కేశినేని నానికి స్వేఛ్చ ఇచ్చారు. దీంతో ఇప్పటి వరకు ఉన్న బుద్ధా, నాగుల్ మీరా వేసిన కమిటీలు పక్కన పెట్టనున్నారు. మొత్తానికి, ఇది ఆసక్తికర పరిణామం అనే చెప్పాలి.