దొంగే, దొంగా దొంగా అనటం, మన రాష్ట్రంలో ఉన్న ప్రతిపక్ష బ్యాచ్ కి బాగా అలవాటు. సొంత బాబాయ్ హత్యలో వీళ్ళు ఆడిన గేమ్ మనం చూసాం.. తరువాత ఫారం 7 విషయంలో, వీళ్ళే గేమ్ ఆడి, అది తెలుగుదేశం మీద తోసెయ్యటం చూసాం. ఇప్పుడు మళ్ళీ ఇలాంటి ఐడియాతోనే వస్తున్నారు. కాకపోతే, ఈ సారి మాత్రం ప్రజలు జాగ్రత్తగా ఉండాలి. అసలు విషయం ఏమిటి అంటే, కేంద్ర ఎన్నికల సంఘానికి వైఎస్సార్‌ కాంగ్రెస్‌ పార్టీ ఎంపీ విజయసాయిరెడ్డి లేఖ రాశారు. ఏపీలో ఓట్ల లెక్కింపు ముందు అల్లర్లు జరిగే అవకాశం ఉందని లేఖలో పేర్కొన్నారు. కౌంటింగ్ ప్రక్రియకు టీడీపీ ఆటంకం కల్పించే ఛాన్స్‌ ఉందన్నారు. కౌంటింగ్ కేంద్రాల వద్ద ముందస్తు భద్రత ఏర్పాటు చేయాలని ఆయన కోరారు.
ఆటంకాలను అధిగమించేందుకు ఈసీ కఠినంగా ఉండాలన్నారు. కౌంటింగ్ జరిగేంత వరకు ఎన్నికల అబ్జర్వర్‌ కౌంటింగ్ హాల్‌లోనే ఉండాలన్నారు. కౌంటింగ్ ఏజెంట్ల నియామక ప్రక్రియను ముందుగానే పూర్తి చేయాలన్నారు. కౌంటింగ్ ఏజెంట్లను క్షుణ్ణంగా తనిఖీ చేయాలన్నారు. ఎన్నికల ఫలితాల కౌంటింగ్ సందర్భంగా ఏపీలోని అధికార పార్టీ గొడవలు సృష్టించే అవకాశం ఉందనివిజయసాయిరెడ్డి అభిప్రాయపడ్డారు. కౌంటింగ్ సందర్భంగా అధికార పార్టీ కౌంటింగ్ ఏజెంట్లు ఫోర్జరీ 17సి ఫామ్‌లు తీసుకొచ్చి కౌంటింగ్ సూపర్‌వైజర్లతో వాదనకు దిగే అవకాశం ఉందని కేంద్ర ఎన్నికల సంఘానికి రాసిన లేఖలో పేర్కొన్నారు. ఈ కారణంగా కౌంటింగ్ ప్రక్రియ ఆలస్యం కావొచ్చని అన్నారు. ఇలాంటి వారిపై ఈసీ క్రిమినల్ చర్యలు తీసుకోవాలనీ... ఎన్నికల అబ్జర్వర్లు అక్కడే ఉండేలా చర్యలు తీసుకోవాలని లేఖలో కోరారు. కౌంటింగ్ ఏజెంట్ల అప్రూవల్ అంశంలో ఉద్దేశపూర్వకంగానే జాప్యం జరుగుతోందని అన్నారు.
చివరి నిమిషంలో హడావిడి లేకుండా ఈ ప్రక్రియను ముందుగానే ముగించాలని ఈసీని కోరారు. కౌంటింగ్ ఏజెంట్లు అగ్గిపెట్టెలు, కత్తులు, కత్తెర్లు, వాటర్ బాటిల్స్ తీసుకురాకుండా చర్యలు తీసుకోవాలని సూచించారు. కౌంటింగ్ హాల్స్ దగ్గర పటిష్టమైన బ్యారికేడ్లు ఏర్పాటు చేయాలని తెలిపారు. ఇనుప మెస్‌లు ఏర్పాటు చేయాలి. అన్ని కౌంటింగ్ కేంద్రాల దగ్గరా రాష్ట్ర పోలీసులకు బదులుగా సీఆర్‌ఫీఎఫ్ బలగాలను మొహరించాలని సూచించారు. అధికార పార్టీ అక్రమాలకు పాల్పడకుండా చూడాల్సిన బాధ్యత ఈసీపైనే ఉందని లేఖలో విజయసాయిరెడ్డి విజ్ఞప్తి చేశారు. అయితే ఈ లేఖ చూసిన ప్రజలు, మళ్ళీ ఎదో పెద్ద స్కెచ్ వైసీపీ వేస్తుందని, వీళ్ళే గొడవలు చేసే అవకాశాలు ఎక్కువగా ఉన్నాయని, జాగ్రత్తగా ఉండాలని చెప్తున్నారు.