వైస్ వివేకా హ-త్య కేసు చివర దశకు చేరుకుకుండటంతో రోజుకో మలుపు తిరుగుతుంది. ఈ కేసులో నిందితులు ఏకంగా సీబీఐ దర్యాప్తు అధికారులపైనే, ఆరోపణలు చేయటం అందరినీ ఆశ్చర్య పరిచింది. ఈ పరిణామంతో ఒక పక్క సీబీఐ అధికారులు తలలు పట్టుకుంటున్నారు. ఇక ఈ కేసును పరిష్కరించాటానికి ఏ రకంగా చర్యలు తీసుకుంటారో చూడాలి. అయితే సీబీఐ అధికారుల దగ్గర ఉన్న ముఖ్య ఆధారం దేవిరెడ్డి శివశంకర్ రెడ్డి. కీలక నిందితుడుగా భావిస్తున్న దేవిరెడ్డి శివశంకర్ రెడ్డి, ఒక సర్జరీ కోసమని రిమ్స్ లో జాయిన్ అయ్యారు. అయితే దీని కోసం కుడా శివశంకర్ రెడ్డి కోర్ట్ పర్మిషన్ తీసుకోలేదని, కోర్ట్ చురకలు అంటించిన విషయం తెలిసిందే. ఈ కేసులో ముఖ్య నిందితుడుని కోర్ట్ దగ్గర పర్మిషన్ తీసుకోకుండా రిమ్స్ కు ఎలా పంపిస్తారని, ఆరోగ్య సమస్యలు ఏమైనా ఉంటే రూల్స్ ని పాటించి, ముందు కోర్ట్ దగ్గర అనుమతి తీసుకోని వెళ్ళాలని హెచ్చరించింది. అయితే తాజాగా శంకర్ రెడ్డికి నార్కో పరీక్షలు జరిపించాలని, ఆ పరీక్షలు చేస్తేనే నిజా నిజాలు బయటకు వస్తాయని సీబీఐ అభిప్రాయపడుతుంది. దాని గురించే సీబీఐ కోర్టులో అనుమతి కోసం పిటీషన్ వేసింది. నిబంధనలు ప్రకారం నిందితుల అంగీకారంతోనే నార్కో పరీక్షలు నిర్వహించాలి.
గతంలో కూడా కొంతమంది అనుమతి లేకుండానే నార్కో టెస్టులు చేయాలని ప్రయత్నించగా ఆ నిందితులు కోర్ట్ దగ్గర తాము నార్కో పరీక్ష కు వ్యతిరేఖత వ్యక్తం చేయటంతో కోర్ట్ ఆ టెస్టులు నిలిపి వేసిన సందర్భాలు ఉన్నాయి. ప్రస్తుతం ఇప్పుడు ఈ నార్కో పరీక్షకు శివశంకర్ రెడ్డి తాను ఒప్పుకోను అంటూ కోర్టుకు తెలిపారు. దీంతో మళ్ళీ విమర్శలు మొదలయ్యాయి. ఈ పరీక్ష నిర్వహిస్తేనే నిజాలు బయటకు వస్తాయని సీబీఐ అభిప్రాయ పడుతుంది. శంకర్ రెడ్డి ఈ నార్కో పరీక్షకు వ్యతిరేఖత తెలిపటంతో, ముఖ్య నిందితులుగా అభియోగం ఎదుర్కుంటున్న శంకర్ రెడ్డి, అవినాష్ రెడ్డి ఇద్దరి పైన అనుమానాలు ఇంకా పెరిగిపోయాయి. ఈ కేసుకు సంభందిచిన నిజాలు బహిర్గతం అవుతాయనే నార్కో టెస్టులుకు భయపడుతున్నారని అని విమర్శలు ఎదుర్కోక తప్పదనే అభిప్రాయం వ్యక్తం అవుతుంది. ఈ అనుమానాలన్నీ వాళ్ళకు కొత్తేమీ కాదు బట్టి, సీబీఐ వాళ్ళు ఎంత అనుమానించినా సరే దేవిరెడ్డి శంకర్ రెడ్డి నార్కో టెస్టులకు ఒప్పుకోవటం లేదు. మరి సిబిఐ అపీల్ కి వెళ్తుందో లేదో చూడాలి.