40 ఏళ్ళు ఆ కుటుంబం, పులివెందులని ఏలింది... తాత సిల్వర్ స్పూన్ తో పుట్టాడు అని ప్రచారం చేసుకుంటూ ఉంటారు... తండ్రి, ముఖ్యమంత్రిగా కూడా చేసారు... ఇక మనోడు అయితే, ఎంపీగా చేసి, నాలుగేళ్ల నుంచి ఎమ్మల్యేగా చేస్తున్నాడు... ఆ ఊరికి చేసింది ఏంటి అంటే, కనీసం నీళ్ళు కూడా ఇవ్వలేని పరిస్థితి.. అలాంటి పరిస్థుతుల్లో, తన ప్రధాన ప్రత్యర్ధి ఊరికి నీళ్ళు ఇచ్చే, నా ఊరికి నీళ్ళు తీసుకువెళ్తా అని చెప్పిన చంద్రబాబు, చేసి చూపించారు... కరువు కాటకాలకు నిలయమైన పులివెందుల ప్రాంతంలో 40 ఏళ్ళ రైతుల నిరీక్షణ, నిన్నటితో తీరింది... పులివెందుల బ్రాంచి కెనాల్ కుడి, ఎడమ కాలువలకు కృష్ణా జలాలను పారేలా చేసి ఈ ప్రాంత రైతుల్లో సతోషాన్ని నింపారు, చంద్రబాబు...
నిన్న పెంచికల బసిరెడ్డి రిజర్వాయర్ వద్ద లింగాల కుడి కాలువకు మంత్రులు ఉమా, సోమిరెడ్డి, ఆదినారాయణరెడ్డి నీరు విడుదల చేసారు.. అనంతరం, అక్కడ ఏర్పాటు చేసిన మీటింగ్ లో మాట్లాడారు... దేవినేని ఉమా మాట్లాడుతూ, జిల్లాకు అవుకు సొరంగం గుండెకాయ వంటిదనీ, ఇది పూర్తయితేనే అవుకు, గండికోట జలాశయానికి నీరు చేరుతుందన్నారు. తన కమిషన్‌ కోసం ఈ పనులకు జగన్ అడ్డుపడ్డారని, బిల్లుల చెల్లింవులు జరగకుండా 9 నెలలు అడ్డుపడ్డారని ఆరోపించారు. నంద్యాల, కాకినాడ ఎన్నికల్లో ప్రజలు గుణపాఠం చెప్పినా జగన్‌లో మార్పు రాలేదన్నారు.
శాసనమండలి మాజీ ఉపాధ్యక్షుడు సతీష్‌రెడ్డి మాట్లాడుతూ కృష్ణా జలాలు ఈ ప్రాంతానికి వస్తాయా? ప్రాజెక్టులు పూర్తవుతాయా అనే సందేహం అందరిలో ఉండేదని, అనుమానాలను పటాపంచలు చేస్తూ కృష్జాజలాలను విడుదల చేయడం చారిత్రాత్మకమన్నారు. కలెక్టరు బాబూరావు మాట్లాడుతూ కడప చరిత్రలో ఎన్నడూ లేనివిధంగా 30 టీఎంసీల కృష్ణా జలాలను తెచ్చుకున్నట్టు చెప్పారు. రోజుకు 200 క్యూసెక్కుల చొప్పున 90 రోజుల పాటు నీటిని విడుదల చేస్తామన్నారు. ఫలితంగా 23 వేల ఎకరాలకు సాగునీరిస్తామని ప్రకటించారు. ఎమ్మెల్సీ బీటెక్‌ రవి మాట్లాడుతూ ఇది.. పులివెందుల ప్రాంతాన్ని కృష్ణాజలాలతో సస్యశ్యామలం చేయడానికి నాంది పలికిన రోజన్నారు.