మనం చేసేది సరైనది... మనం వెళ్లే మార్గం సక్రమమైనది అని నిత్యం భావించే వాళ్లలో ఆంధ్రప్రదేశ్ ప్రతిపక్షం వైకాపా నాయకులు ఎక్కువగా ఉంటారు... వారు వెళ్లే మార్గం సరైనది కాకపోయినా ఎదుటి వాడు మంచి చేస్తున్నా వితండవాదంతో ముందుకు వెళ్లడం వారికి వెన్నతో పెట్టిన విద్య అనేది అందరికి తెలిసిన విషయమే... ఇప్పుడు రాజధాని భవనాల సూచనల విషయంలో ప్రభుత్వం ప్రముఖ దర్శకుడు రాజమౌళిని సంప్రదించడంతో వారి తత్వం మరోసారి బయటపడింది....
వచ్చే ఎన్నికల్లో గెలవకపోతే తన పరువుతో పాటు పార్టీ భవిష్యత్తు కూడా గంగలో కలిసిపోతుందని భావించిన ప్రతిపక్ష నేత జగన్ వచ్చే ఎన్నికలకు గాను తన ఎన్నికల సలహాదారుగా ప్రముఖ ఎన్నికల వ్యూహకర్త ప్రశాంత్ కిషోర్ ని నియమించుకున్నారు... పార్టీలో ఎవరితో ఎప్ప్పుడు మాట్లాడాలి అనే చిన్న చిన్న విషయాలను కూడా జగన్ ప్రశాంత్ ని నమ్ముకునే చేస్తున్నారడంలో ఎలాంటి సందేహం లేదు. అసలు భర్త మాట కాదని భార్య ఏమి చేయని విధంగా జగన్ ప్రశాంత్ మాటని కాదని ఏమి చేయట్లేదనేది అందరికి తెలిసిన విషయమే...
అంత వరకు బాగానే ఉంది... ఇప్పుడు ఏపీ ప్రభుత్వం విషయానికి వస్తే ఇటీవల రాజధాని భవనాల విషయంలో చంద్రబాబు రాజమౌళి సలహాలను తీసుకుని ముందుకు వెళ్లాలని సూచించారు.. సలహాలు మాత్రమే.. నార్మన్ ఫోస్టర్ డిజైన్స్ లలో, తెలుగు సంప్రదాయం అద్దటం కోసం, మన చరిత్ర ఆనవాళ్ళు ఆ డిజైన్స్ లో అద్దటం కోసం రాజమౌళి సలహాలు మాత్రమే ఇస్తారు... ఈ విషయం తెలుసుకున్న ప్రతిపక్ష నేతలు చంద్రబాబుని కాలకేయ నాయకుడిగా పోలుస్తూ రాజధానిని కాలకేయ సామ్రాజ్యంగా పోలుస్తూ విమర్శలు చెయ్యడం మొదలు పెట్టారు... గెలిచి ఏదో చేద్దాం అని ప్రశాంత్ ని నియమించుకుంటే తప్పు లేనప్పుడు కేవలం సలహా కోసం రాజమౌళిని సంప్రదిస్తే తప్పు ఎలా అవుతుందని పలువురు ప్రశ్నిస్తున్నారు...