సామాన్యులకు సైతం కనీసావసరంగా మారిపోయిన మొబైల్ ఫోన్లు ఇప్పటికే మేడిన్ ఆంధ్రా బ్రాండ్‌తో తయారవుతున్న సంగతి తెలిసిందే. ఇప్పటిదాకా మొబైల్ ఫోన్ల తయారీ కేంద్రాలు ఇతర దేశాల్లోనే ఉన్నాయి. కానీ.. భారతదేశంలో మొట్టమొదటి మొబైల్ మాన్యుఫాక్చరింగ్ హబ్‌ను శ్రీ సిటీలో ఏర్పాటు చేసిన సంగతి తెలిసిందే..
ఫాక్స్‌కాన్‌, మైక్రోమాక్స్‌, లావా, సెల్‌కాన్‌, కార్బన్‌ మొబైల్ కంపెనీలు ఇప్పటికే రాష్ట్ర ప్రభుత్వంతో ఒప్పందం చేసుకున్నాయి. ఇటీవలి కాలంలో శ్రీసిటీ సెజ్‌లో ఫాక్స్‌కాన్‌ ప్లాంట్‌ కార్యకలాపాలు ప్రారంభించిన సంగతి తెలిసిందే. ఫాక్స్‌కాన్‌ ప్లాంట్‌ లో తయారైన Xiaomiకి చెందిన రెడ్‌మీ స్మార్ట్‌ఫోన్‌ ఇప్పటికే విస్తృతంగా మార్కెట్ లో ఉన్నాయి...
అయితే, ఇంటర్నేషనల్ డేటా కార్పొరేషన్ (IDC), 2017 క్వార్టర్ 3 ఫలితాలు ప్రకారం, Xiaomi టాప్ స్మార్ట్ ఫోన్ కంపెనీగా అవతరించింది... ఎక్కువ మంది, మన దేశంలో Xiaomiకి చెందిన రెడ్‌మీ మోడల్ స్మార్ట్ ఫోన్ లు వాడుతున్నారు... ఈ ఫోన్ లు, మన రాష్ట్రంలో తయారవుతున్న సంగతి తెలిసిందే... సామ్సంగ్ తో కలిసి, Xiaomi టాప్ బ్రాండ్ గా నిలిచింది... ఇద్దరూ కలిసి, 23.5 శాతం ఇండియన్ స్మార్ట్ ఫోన్ మార్కెట్ షేర్ కలిగి ఉన్నారు... మన రాష్ట్రంలో మేడ్ ఇన్ ఆంధ్రా అంటూ తయారవుతున్న ఫోన్ లు, ఇప్పుడు దేశంలోనే టాప్ బ్రాండ్ గా నిలవటం, మనకు కూడా గర్వ కారణం...