రెండు రోజుల నుంచి అనంతపురంలో పాదయత్ర చేస్తున్న జగన్, ఎలాంటి ప్రవచనాలు చెప్తున్నాడో వింటూనే ఉన్నాం... అసలు నాకు ఫాక్షన్ అంటే ఏంటో తెలీదు అన్నట్టు, నేను వస్తే అసలు ఫాక్షన్ లేకుండా చేస్తా అని, నీటి సూక్తులు వల్లిస్తున్నారు... కాని అక్కడ జరుగుతుంది వేరు... తాను ఎక్కడైతే పాదయత్ర చేస్తున్నాడో, అక్కడే జగన్ పార్టీ నేతలు రెచ్చిపోయారు... డబ్బులు ఇవ్వాలి అంటూ, వసూల్లకి పాల్పడుతూ, డబ్బులు ఇవ్వలేదు అని విచక్షణా రహితంగా ఒక పెద్దాయన్ను కొట్టారు... ఇదేనా జగన్ తెస్తాను అంటున్న రాజాన్న రాజ్యం ? ఇదేనా జగన్ తెస్తాను అంటున్న శాంతి బధ్రతలు ? తన మనుషుల చేత, జనాల మీద దౌర్జన్యాలు చేస్తూ, అక్రమ వసూళ్ళకు పాల్పడుతూ, నీతులు చెప్తున్నాడు... వివరాల్లోకి వెళ్తే...
అనంతపురం జిల్లా కంబదూరు మండలం తిమ్మాపురం సాంఘిక సంక్షేమ వసతి గృహ వార్డెన్‌ కృ ష్ణానాయక్‌ పై స్థానిక వైసీపీ సర్పంచ్‌ బంధువులు బుధవారం రాత్రి దాడి చేశారు. ధనుంజయ.. మిత్రులు కిరణ్‌, నాగేంద్ర, మనోహర్‌తో కలిసి అర్ధరాత్రి వేళ వసతి గృహంలోని వార్డెన్‌ గది వద్దకెళ్లాడు. పెద్దఎత్తున కేకలు పెట్టి, భయ భ్రాంతులకు గురి చేశారు. కృష్ణానాయక్‌ తలుపు తీయగానే ఇష్టారాజ్యంగా దాడి చేసి, తీవ్రంగా గాయపరిచారు. దాడికి చేసిన వారిలో కిరణ్‌ హాస్టల్‌లో పనిచేస్తున్న ట్యూటర్‌ హేమంత్‌కుమార్‌ కుమారుడు. వీరందరూ స్థానికంగా ఉన్న ప్రభుత్వ కార్యాలయాల్లో తిరుగుతూ మామూళ్లు వసూళ్లు చేసేవారని వార్డెన్‌ తెలిపారు
ట్యూటర్‌ కుమారుడితో కలిసి రెగ్యులర్‌గా వసతి గృహానికి వచ్చి, అక్కడే ఉండేవారన్నారు. తనను కూడా డబ్బు డిమాండ్‌ చేశారన్నారు. అందుకు ససేమిరా అనటం, హాస్టల్‌లో వారి ఆటలను సాగనివ్వకుండా అడ్డు చెప్తుండటంతో తనపై కక్షకట్టి దాడి చేశారన్నారు. వార్డెన్‌ను లేకుండా చేస్తే వారి ఆటలకు అడ్డులేకుండా చేసుకోవడంలో భాగంగా భయభ్రాంతులకు గురిచేస్తున్నారన్నారు. స్థానికుల దాడిలో తీవ్రంగా గాయపడిన వార్డెన్‌ కృష్ణా నాయక్‌ జిల్లా కేంద్రంలోని సర్వజనాస్పత్రిలో చికిత్స పొం దుతున్నారు.