దేశ చరిత్రలోనే అతి దరిద్రమైన ఆట, కర్ణాటకలో ఆడి, మోడీ, అమిత్ షా చివరకు ఏమి సాధించారు ? గాలి జనార్ధన్ రెడ్డి లాంటి వాడిని చేరదీసి, పక్కన పెట్టుకుని, నిస్సిగ్గుగా ప్రచారం చేసారు... మెజారిటీ రాకపోయినా, గవర్నర్ వ్యవస్థను అడ్డం పెట్టుకుని, ప్రజాస్వామ్యాన్ని ఖూనీ చేసారు... చివరకు 150 కోట్లు ఆఫర్ చేసారు... అర్ధరాత్రి సుప్రీం కోర్ట్ తలుపులు తెరుచుకున్నాయి.. దేశంలో ఎంత దౌర్భాగ్యం లేకపోతే, అర్ధరాత్రి తలుపులు తెరుచుకుంటాయి ? అమిత్ షా, మోడీ కుట్రలని తిప్పి కొడుతూ, సుప్రీం కోర్ట్ ఒక్క రోజే బల నిరూపణకు టైం ఇచ్చింది... దీంతో బేర సరాలకు టైం సరిపోలేదు... చివరకు కర్ణాటక ముఖ్యమంత్రిగా మూడు రోజుల క్రితమే ప్రమాణస్వీకారం చేసిన బీఎస్ యడ్యూరప్ప తన పదవికి రాజీనామా చేశారు. అమిత్ షా, మోడీ కుట్రలని తట్టుకుని, దేశం గెలిచింది...
నీతీనిజాయితీ, విలువలూ విస్తరాకులూ, దేశభక్తీ జనోద్ధరణా అంటూ కబుర్లు చెప్పే బీజేపీ పార్టీకి అవన్నీ ఉత్తిత్తి కబుర్లు.. తాటాకు దరువులు.. ఆచరణలో దానివి దగుల్బాజీ పనులూ, దరిద్రపుగొట్టు కుయుక్తులూ .. ఈ దేశంలో కాంగ్రెస్ పార్టీకి ప్రజాస్వామిక విలువలన్నిటినీ తుంగలో తొక్కటానికి, అడ్డదిడ్డంగా బరితెగించటానికి 30, 40 ఏళ్ళ కాలం పట్టింది! విలువల వలువలను నట్ట నడివీధిలో నిర్లజ్జగా వదిలిపెట్టటానికి బీజేపీకి మోడీ హయాంలో మూడేళ్లు కూడా పట్టలేదు. అన్ని విలువలకూ పాతరేసి _ అధికార దాహం ఒక్కటే తన పరమాశయమని బీజేపీ పార్టీ రంకెలేస్తున్న నిస్సిగ్గు జాతర రోజూ దేశంలో నడుస్తూనే ఉంది .. కర్ణాటక ఇప్పుడు కాషాయ కంగాళీకి నిలువెత్తు వేదిక.
మోడీ, అమిత్ షా & పరివారం...బలం లేకున్నా అధికారం కోసం నానా గడ్డీ కరుస్తారు .. ప్రలోభాలూ బెదిరింపులూ దేబిరింపులూ .. ఎంతకన్నా దిగజారతారు... తమ నీతిమాలిన వ్యూహాల్లో గవర్నర్లను ఇష్టమొచ్చినట్టు ఉపయోగిస్తారు... అసెంబ్లీలో ప్రమాణ స్వీకారానికి ఎక్కువసార్లు గెలిచిన mla ని ప్రోటెం స్పీకరుగా పెట్టటం సాంప్రదాయం... అలా అయితే_ కర్ణాటకలో 8 సార్లు గెలిచిన కాంగ్రెస్ mla దేశ్ పాండే ని నియమించటం పధ్ధతి... దానిని కాలదన్ని 3 సార్లు గెలిచిన rss వాది బొప్పయ్యను నియమించారు... సిగ్గుమాలిన బీజేపీకి ఇంకా చెప్పటానికి నీతి కబుర్లు ఏమన్నా మిగిలాయా? నాలుగేళ్ల కాలంలో దాని నిజస్వరూపం మొత్తం దేశానికి ప్రదర్శించేసింది !! చాలు చాలు ఇక ... !! చెప్పటానికి నీతులు ఏమీ మిగల్లేదు !! గెలిస్తే గెలవొచ్చు గానీ, గెలిచేంత గొప్పది కాదు బీజేపీ .. ఓడినోడి వైఫల్యాలు గెలిచినోడికి పాఠాలే తప్ప, ప్రశంసలు కావు. దేశం చూస్తోంది .. దేశం మేల్కొంటోంది !!