వైఎస్ వివేకా కేసులో మరో సంచలనం తెర మీదకు వచ్చింది. వైఎస్ వివేకా కేసుకు సంబంధించి పలు అనుమానాలు మొదట నుంచి వ్యక్తం అవుతున్నాయి. ఈ కేసు ఆంధ్రప్రదేశ్ హైకోర్టు ఆదేశాలతో సిబిఐ విచారణ ప్రారంభం అయ్యింది. తొలత ఈ విచారణలో కొంత జాప్యం జరిగినా, ఇటీవల కాలంలో ఈ కేసు విచారణలో సిబిఐ దూకుడు పెంచిన విషయం తెలిసిందే. అయతే సునీల్ యాదవ్ అనే వ్యక్తిని కస్టడీలోకి తీసుకున్నప్పటి నుంచి ఈ కేసులో వేగం పెరిగింది. అయితే ఈ రోజు వైఎస్ వివేక కుమార్తె, వైఎస్ సునీత, కడప జిల్లా ఎస్పీ లేఖ రాసారు. ఈ లేఖలో పలు సంచలన విషయాలు బయట పెట్టారు. ఇప్పుడు ఈ లేఖలోని వివరాలు ఈ మొత్తం దర్యాప్తులోనే కీలకంగా మారింది. ఈ లేఖలో ప్రధానంగా ఉన్న విషయం, వైఎస్ కుటుంబానికి అత్యంత సన్నిహితుడు అయిన, దేవిరెడ్డి శివసంకర్ రెడ్డిని ఈ రోజు సిబిఐ విచారణకు పిలిచింది. ఇతను వివేక కేసులో ప్రధాన అనుమానితుడు అని , రాజకీయంగా బలంగా ఉన్న వారు ఈ కేసులో ఉన్నారు అంటూ సునీత మొదటి నుంచి చెప్తున్నారు. ఎవరైతే అనుమానితులు ఉన్నారో, అందులో ఈ దేవిరెడ్డి శివసంకర్ రెడ్డి కూడా ఉన్నారు. అయితే ఆగస్టు 10 సాయంత్రం 5 గంటల సమయంలో, అంటే మూడు రోజులు క్రితం, ఒక వ్యక్తి తమ ఇంటి చుట్టూ రెక్కీ చేసాడని ఆమే లేఖలో తెలిపారు.
పులివెందులలో ఉండే వైఎస్ వివేక ఇంటికి ఒక వ్యక్తి రెండు పర్యాయాలు వచ్చి, రెక్కీ నిర్వహించి వెళ్ళాడని, అతని పై అనుమానం ఉందని చెప్పి, సునీత రెడ్డి ఈ రోజు రాసిన లేఖలో పేర్కొన్నారు. ఈ లేఖకు సిసి టీవీ ఫూటేజ్ కూడా జత చేసారు. ఇదే అంశానికి పులివెందుల సిఐకి కూడా ఫిర్యాదు చేసామని, సిఐ వచ్చి విచారణ చేసి, ఆ వ్యక్తీ పోలికలు తెలుసుకున్నారని, ఆమె లేఖలో తెలిపారు. అయితే దేవిరెడ్డి శివసంకర్ రెడ్డికి సన్నిహితుడుయినా మణికంఠరెడ్డిగా ఆ వ్యక్తి ఉన్నాడని, శివశంకర్ రెడ్డి పుట్టినరోజుకి వేసిన ఫ్లెక్సీలు ఈ మణికంఠరెడ్డి ఉన్నాడని, ఇతనే తమ ఇంటి దగ్గర రెక్కీ చేసాడని సునీత తెలిపారు. తన వీధిలో, తన ఇంటి వద్ద రెక్కీ చేయటం, వీళ్ళే ప్రధాన అనుమానితులు కావటంతో, తమకు భయంగా ఉందని, పలు మార్లు తమకు ప్రా-ణ-హా-ని ఉందని చెప్తున్నామని, ఇప్పుడు తమ పైనే రెక్కే చేయటం చేస్తుంటే ఏదో జరుగుతుందని అనుమానంగా ఉందని ఆ లేఖలో తెలిపారు. దీని పై పూర్తి స్థాయిలో దర్యాప్తు జరపాలని కోరారు. దీంతో ఇప్పుడు ఈ లేఖ కీలకంగా మారింది. ఈ లేఖ విషయం పై సిబిఐ కూడా ఆరా తీసే అవకశం ఉంది.