అనంతపురం జిల్లలో ప్రజా ప్రతినిధుల తీరు పై ప్రజలు ఏకంగా పోస్టర్లను రిలీజ్ చేస్తున్నారు. మాకు ప్రజా ప్రతినిధులు అందుబాటులో ఉండటం లేదంటూ ప్రజలు రిలీజ్ చేస్తున్న పోస్టర్లు సామాజిక మాధ్యమాల్లో పెద్ద ఎత్తున వైరల్ అవుతున్నాయి. ముఖ్యంగా సింగమనల MLA జొన్నలగడ్డ పద్మావతి స్థానికంగా ప్రజలకు అందుబాటులో ఉండటం లేదంటూ ఆ నియోజక వర్గ పరిధిలో ఉన్నటువంటి గుంజేపల్లి గ్రామస్తులు ఒక పోస్టర్ను రిలీజ్ చేసారు. ఎన్నికల్లో ఓటు అడగటానికి వచ్చారు. ఎన్నికల్లో గెలిచిన అనంతరం ప్రజలకు అందుబాటులో ఉండటం లేదు ,గ్రామాల్లోకి వచ్చి పర్యటన చేయడం లేదు అంటూ ,ప్రజల సమస్యలు పరిష్కరిచ్తం లేదంటూ ,MLA ఆచూకి తెలపాలంటూ పోస్టర్ ను విడుదల చేయడం తీవ్ర చర్చనీయాంసంగా మారింది. ఏకంగా నియోజకవర్గ MLA అందుబాటులో లేదంటూ ఆ గ్రామ ప్రజలు పోస్టర్ రిలీజ్ చేయడం అనేది ,ఏ స్థాయిలో ప్రజా ప్రతినిధులు పట్ల ఆగ్రహంగా ఉన్నారో , వాళ్ళ పట్ల ప్రజలు ఎంత అసంతృప్తితో ఉన్నారని చెప్పడానికి ఈ ఘటన ఒక నిదర్సనంగా ఉందని చెప్పుకోవచ్చు.