news

ఆంధ్రప్రదేశ్ రాష్ట్రంలోని, తూర్పు గోదావరి జిల్లాలో జరిగిన దారుణ ఘటన అయిన, దళిత యువకుడికి శిరోమండనం పై, రాష్ట్రపతి తీవ్ర ఆగ్రహం వ్యక్తం చేసారు. ఏకంగా పోలీస్ స్టేషన్ లోనే, దళిత యువకుడికి, శిరోమండనం చేసిన విషయం తెలిసిందే. దీని పై తనకు న్యాయం జరగలేదు అంటూ, తనను నక్సల్స్ లోకి వెళ్ళే అవకాసం ఇవ్వాలని, తానే తనకు జరిగిన ఘటన పై ప్రతీకారం తీర్చుకుంటాను అంటూ, బాధితుడు ప్రసాద్, రాష్ట్రపతి కార్యాలయానికి లేఖ రాసారు. ప్రసాద్ రాసిన లేఖ పై, రాష్ట్రపతి స్పందిస్తూ, రిప్లై ఇచ్చారు. ఏపి జీఏడీకి చెందిన అసిస్టెంట్ సెక్రటరీ జనార్ధన్ బాబుకు ప్రసాద్ ఫైల్ ను, రాష్ట్రపతి కార్యాలయం ట్రాన్స్ఫర్ చేసింది. శిరోమండనం ఘటన పై, పూర్తి స్థాయి ఆధారాలు, కాల్ రికార్డ్స్, వీడియో క్లిప్పింగ్స్ తో సహా, నేరుగా జనార్ధన్ బాబను కలవాలని బాధితుడు ప్రసాద్ కు రాష్ట్రపతి కార్యాలయం సూచించింది. ప్రసాద్ కు పూర్తీ సహకారం అందించాలని అసిస్టెంట్ సెక్రటరీ జనార్ధన్ బాబుకు రాష్ట్రపతి కార్యాలయం ఆదేశించింది.

ఘటన జరిగి నెల రోజులు అవుతున్నా తనకు న్యాయం జరగలేదని, తనకు న్యాయం జరిగేలా చూడాలని, లేదా నక్సల్స్ లో కలిసిపోయే అవకాసం ఇవ్వాలని, తానే తనకు న్యాయం జరిగేలా చూసుకుంటాను అంటూ, ప్రసాద్ రెండు రోజుల క్రిందట, రాష్ట్రపతికి ఉత్తరం రాయటం సంచలనంగా మారింది. తనకు ప్రభుత్వం నుంచి సరైన సహకారం అందలేదని రాష్ట్రపతికి తెలియ చేయటంతో, రాష్ట్రపతి కార్యాలయం ఈ ఘటనను సీరియస్ గా తీసుకుంది. ప్రసాద్ రాసిన లేఖ అందింది అని, దీని పై పూర్తీ సమాచారంతో, జీఏడీకి చెందిన అసిస్టెంట్ సెక్రటరీ జనార్ధన్ బాబును కలవాలని సూచించింది. ఇప్పటికే మాజీ ఎంపీ హర్ష కుమార్ తో పాటుగా, తెలుగుదేశం పార్టీ కూడా బాధితుడుకి అండగా నిలిచింది. చంద్రబాబు కూడా బాధితుడికి జరిగిన అన్యాయం పై, ఆర్ధిక సాయం కూడా చేసారు. ప్రభుత్వం, కొంత మంది పోలీస్ అధికారులను సస్పెండ్ చేసాం అని చెప్తున్నా, అసలైన వారిని వదిలేసారని, బాధుతుడి ఆవేదన. మరి ఇప్పటికైనా తగు న్యాయం జరుగుతుందో లేదో చూడాలి.

ఆంధ్రప్రదేశ్ ప్రభుత్వానికి న్యాయస్థానాల్లో ఎదురు దెబ్బలు తగలకుండా మాత్రం ఆగటం లేదు. తాజాగా ప్రభుత్వం జారీ చేసిన మరో జీవోని హైకోర్టు ఈ రోజు కొట్టేసింది. కరోనా కారణంగా ఆదాయం లేదని, అందుకే రాష్ట్ర ప్రభుత్వ ఉద్యోగులకు, పెన్షనర్లకు మార్చి, ఏప్రిల్ నెలల్లో 50 శాతం జీవో ఇస్తూ, ప్రభుత్వం నిర్ణయం తీసుకుంది. అయితే ఇదే సమయంలో, మిగతా పేమెంట్లు మాత్రం ఆపలేదని, కాంట్రాక్టర్లకు భారీ పేమెంట్లు చేసారని, ప్రతిపక్షాలు ఆరోపించాయి. అయితే 50 శాతం జీతాలు ఇవ్వటం పై, విశాఖపట్నంకు చెందిన రిటైర్డ్ జడ్జి కామేశ్వరి ఒక పిటీషన్ వేసారు. దీని పై హైకోర్టు ఈ రోజు విచారణ జరిపింది. ఈ సందర్భంగా, రాష్ట్ర ప్రభుత్వానికి హైకోర్టు కీలక ఆదేశాలు ఇచ్చింది. మార్చి, ఏప్రిల్ నెలల్లో, ప్రభుత్వ ఉద్యోగులు, పెన్షనర్లకు పడ్డ 50 శాతం బకాయలు చెల్లించాలని, అంతే కాకుండా, వీటికి 12 శాతం వడ్డీ జోడించి ఇవ్వాలని తీర్పు ఇచ్చింది. రెండు నెలల్లో చెల్లింపులు జరపాలని ఆదేశాలు ఇచ్చింది. గతంలో జారీ చేసిన జీవోని హైకోర్టు కొట్టేసింది.

అయితే ప్రభుత్వానికి మాత్రం కోర్టుల్లో ఇబ్బందులు తగులుతూనే ఉన్నాయి. ఏపి ప్రభుత్వం చట్ట వ్యతిరేకంగా జీవోలు, బిల్లులు చేస్తూ ఉండటం, రూల్ అఫ్ లా పక్కన పెడుతున్నారని ఆరోపణలు రావటంతో, చాలా సందర్భాల్లో కోర్టుల్లో ప్రభుత్వ నిర్ణయాలకు వ్యతిరేకత వస్తుంది. హైకోర్టు మీద వైసీపీ నేతలు కోపం చూపిస్తున్నా, సుప్రీం కోర్టుకు వెళ్ళినా అక్కడ కూడా ఎదురు దెబ్బలే. ప్రభుత్వం చేసే పనులు అలా ఉంటున్నాయి కాబట్టే, ఎక్కడా ఊరట దొరకటం లేదు. పైగా సుప్రీం కోర్టు, మాకు ఏపిలో ఏమి జరుగుతుందో అంతా తెలుసు అని వ్యాఖ్యానించింది అంటే, అర్ధం చేసుకోవచ్చు. ప్రభుత్వ భవనాలకు ఎవరైనా పార్టీ రంగులు వేసుకుంటారా ? చట్టంలో ప్రాంతీయ భాషలో విద్యబోధన ఉండాలని ఉంటే, ఆప్షన్ లేకుండా మొత్తం ఇంగ్లీష్ మీడియం ఎవరైనా పెడతారా ? తెలుగు మీడియం ఆప్షన్ పెడితే ఏమి అవుతుంది ? అలాగే రైతులు ప్రభుత్వంతో ఒక అగ్రిమెంట్ కుదుర్చుకుంటే, అది కాదని, అమరావతి నుంచి వెళ్ళిపోతే చెల్లుతుందా ? ఇక నిమ్మగడ్డ, డాక్టర్ సుధాకర్, వైఎస్ వివేక లాంటి కేసులు సంగతి తెలిసిందే. మారాల్సింది ప్రభుత్వ వైఖరే కదా.

అమరావతిలో అంత మంది ఆందోళన చేస్తున్నా, కేసులు హైకోర్టులో ఉన్నా, విశాఖ వెళ్ళిపోవటానికి ప్రభుత్వం తొందరపడుతుంది. ముందుగా ఈ నెల 16న రాజధానిగా విశాఖపట్నంలో శంకుస్థాపన చెయ్యాలని నిర్ణయం తీసుకోగా, కోర్టులో కేసు ఇంకా సుప్రీం కోర్టు తీసుకోకపోవటంతో, విజయదశమి రోజున భూమిపూజకు ప్రభుత్వం ముహూర్తం సిద్ధం చేసినట్టు తెలుస్తుంది. మూడు ముక్కల రాజధాని పై హైకోర్టులో రైతులు వేసిన పిటిషన్ల పై 14న విచారణ జరిగి తీర్పు వెలువడే అవకాశాలున్నాయని ప్రభుత్వం ఆశాభావంతో ఉంది. పాలనా రాజధాని విశాఖలో భూమిపూజకు ప్రధాన మంత్రి నరేంద్రమోడీని ఆహ్వానించాలని వైఎస్ జగన్మోహన్ రెడ్డి భావించారు. ఇందులో భాగంగా ఈ నెల 16నే భూమిపూజ నిర్వహించేందుకు రంగం సిద్ధం చేశారు. ఈ ముహూర్తం దాటితే మరో రెండు నెలల వరకు వేచి ఉండాలి. త్వరలో శూన్యమాసం ప్రారంభమవుతున్నందున అక్టోబర్ 25న దసరా విజయదశమిని ఎంచుకున్నట్లు ముఖ్యమంత్రి కార్యాలయ వర్గాల సమాచారం.

అమరావతి రాజధానిగా ప్రధానమంత్రి నరేంద్రమోదీ, తెలంగాణ ముఖ్యమంత్రి కేసీఆర్ సరిగ్గా 2015 అక్టోబర్ 21న విజయదశమి రోజునే శంకుస్థాపన చేశారు. ఈ నేపథ్యంలో తిరిగి ప్రధాని మోదీతో అదే రోజున భూమిపూజ చేయించాలని జగన్ మదిలో మాటగా చెప్తున్నారు. మరి అమరావతి ఇలా నాశనం అయిన, అదే రోజు శంకుస్థాపన అంటే మోడీ ఒప్పుకుంటారా ? ఈ నెల 16న రాజధాని శంకుస్థాపనకు హాజరు కావాలని ఇప్పటికే ప్రధానమంత్రి కార్యరాయాన్ని కోరారు. ఇప్పటికిప్పుడు ప్రధానమంత్రి రాక కష్టతరం కావటంతో పాటు కోర్టు కేసుల దృష్ట్యా వాయిదా వేసుకున్నట్లు తెలుస్తోంది. ఈ లోగా ప్రభుత్వం తరుపున హైకోర్టులో కౌంటర్ అఫిడవిట్లు దాఖలు చేసేందుకు ప్రత్యేక అధికారులను ప్రభుత్వం నియమించింది. ప్రస్తుతం ఉన్న న్యాయవాదులు చేస్తున్న వాదనలతో కోర్టుల్లో వరుస ఎదురు దెబ్బలు తగలటంతో, ఇప్పుడు వ్యూహం మార్చి, రాజధాని పై అఫిడవిట్లు తయారు చెయ్యటానికి, సీనియర్ అధికారులకు ప్రభుత్వం బాధ్యత అప్పచెప్పింది.

పురపాలకశాఖ ప్రత్యేక ప్రధానకార్యదర్శి శ్యామలరావు నేతృత్వంలో మరో అధికారికి ఈ బాధ్యతలు అప్పగిస్తూ ఆదేశాలు జారీ అయ్యాయి. కాగా ఏపీ సచివాలయాన్ని మిలీనియం టవర్స్ లేదా ఆంధ్ర యూనివర్శిటీలో కానీ ఏర్పాటు చేసేందుకు గతంలో పరిశీలన జరిపారు. ఇందులో పేచీలు తలెత్తటంతో కాపులుప్పాడ వద్ద కొత్తగా సచివాలయ భవనాల నిర్మాణం చేపట్టాలని నిర్ణయించారు. దీనికి భూమిపూజ చేయనున్నారు. ప్రధానంగా ముఖ్యమంత్రి క్యాంప్ కార్యాలయానికి భీమిలి బీచ్ రోడ్డులోని గ్రేహౌండ్స్ అతిథిగృహంలో ముఖ్యమంత్రి కార్యాలయం, శంకుస్థాపన నిర్వహించనున్నట్లు తెలిసింది. సింహాచలంలో దేవాదాయ, ధర్మాదాయ శాఖ ప్రధాన కార్యాలయంతో పాటు ఎండోమెంట్స్ ట్రిబ్యునల్, అక్కడికి సమీపంలోని గోశాలలో రాష్ట్ర పోలీస్ డైరెక్టర్ జనరల్ కార్యలయాల ఏర్పాటుకు రంగం సిద్ధమైనట్లు సమాచారం.