news

ఆంధ్రప్రదేశ్ రాష్ట్రానికి కేంద్రంలోని బీజేపీ సర్కారు చేస్తున్న అన్యాయం పై తాను చేస్తున్న పోరాటాన్ని తీవ్రతరం చేసిన సీఎం చంద్రబాబునాయుడు, ఈ ఉదయం అమరావతిలో సైకిల్ యాత్ర చేశారు. పార్లమెంట్ సమావేశాల్లో అవిశ్వాసం, రాష్ట్రానికి జరిగిన అన్యాయంపై చర్చకు కేంద్రం నిరాకరిస్తున్న వైఖరిని తూర్పారబడుతూ, వెంకటపాలెం నుంచి అమరావతి వరకూ సైకిల్ పై వెళ్లి నిరసన తెలిపారు. కొద్దిసేపటి క్రితం వెంకటపాలెం గ్రామ నడిబొడ్డున ఉన్న ఎన్టీఆర్ విగ్రహానికి పూలమాల వేసి నివాళులు అర్పించిన ఆయన, అసెంబ్లీ వరకూ సైకిల్ పై బయలుదేరగా, పలువురు ఎమ్మెల్యేలు, ఎమ్మెల్సీలు, టీడీపీ నేతలు, కార్యకర్తలు ఆయనను అనుసరించారు.

ఈ సందర్భంగా చంద్రబాబు మాట్లాడుతూ, రాష్ట్ర ప్రయోజనాల కోసం కేంద్రంపై చేస్తున్న పోరాటంలో అందరూ కలిసిరావాలని పిలుపునిచ్చారు. పార్లమెంటులో తెదేపా ఎంపీలు వీరోచిత పోరాటం చేస్తున్నారన్నారు. ఎంపీల మానవహారానికి వైకాపా ఎంపీల గైర్హాజరు కావడం మ్యాచ్‌ ఫిక్సింగ్‌కు మరో రుజువని ఆరోపించారు. పార్లమెంటు చివరిరోజు ఎంపీలు పోరాటాన్ని మరింత ఉద్ధృతం చేయాలన్నారు. ఆంధ్రప్రదేశ్‌ను బలహీన పరచాలని కేంద్రం యోచిస్తోందని.. అది ఎప్పటికీ సాధ్యం కాదన్నారు.తెలుగువారితో పెట్టుకోవద్దని...తమ పొట్టకొట్టదన్నారు. లేదంటే గతంలో కాంగ్రెస్‌కు పట్టినగతే తమకు పడుతుందని ప్రధాని మోదీని సీఎం హెచ్చరించారు. హక్కులు సాధించే వరకు తమ పోరాటం కొనసాగుతుందని ఆయన స్పష్టం చేశారు. ఇది ఆరంభం మాత్రమే అని సీఎం చంద్రబాబు తెలిపారు..

తెలుగుదేశం పార్టీపై కుట్రలు పన్నుతున్నారని, అయితే... ఈ కుట్రలు తమకు కొత్తేమీకాదన్నారు. రాజధాని అమరావతి నిర్మాణానికి రైతులు ఇష్టపూర్వకంగా భూములు ఇస్తే బలవంతంగా తీసుకున్నారని ఎక్కడ నుంచో వచ్చి మాట్లాడుతున్నారని సీఎం అన్నారు. మన రాజధానిని మనమే నిర్మించుకోవాలని, ప్రతి ఒక్కరూ విరివిగా విరాళాలు ఇవ్వాలన్నారు. రాష్ట్రాభివృద్ధికి అండగా ఉండాల్సిన పార్టీలు టీడీపీపై బురద చల్లుతున్నాయని చంద్రబాబు అన్నారు.

ఈ రోజు రాజ్యసభ వాయిదా పడ్డా, సభలోనే టీడీపీ ఎంపీలు ఉండి ఆందోళన చేస్తున్నారు... టీడీపీ ఎంపీలు సుజనా, సీఎం రమేష్‌, గరికపాటి, రవీంద్రకుమార్, సీతారామలక్ష్మి రాజ్యసభలోనే కూర్చోని విభజన హామీలు నెరవేర్చాలని నినాదాలతో హోరెత్తించారు... సభలో రాష్ట్రానికి జరిగిన అన్యాయం పై చర్చ చేపట్టాలని ఆందోళన చేసారు...నినాదాలు చేస్తున్న ఎంపీలను బయటికి తీసుకెళ్లేందుకు మార్షల్స్‌ యత్నించారు. ఈ క్రమంలో మార్షల్స్‌తో టీడీపీ ఎంపీల వాగ్వాదానికి దిగారు.

ఇదిలా ఉంటే.. వీరికి మద్దతుగా, పార్లమెంట్‌ సెంట్రల్‌ హాల్‌లో టీడీపీ లోక్‌సభ సభ్యులు ధర్నా చేపట్టారు. ఎంపీ అవంతి శ్రీనివాస్‌ కుప్పకూలిపోయారు. పార్లమెంట్ సెంట్రల్ హాల్‌లో ఆందోళన కొనసాగిస్తుండగా ఆయన అస్వస్థతకు గురయ్యారు. గుండెనొప్పి లక్షణాలు కూడా కనపడటంతో హుటాహుటిన ఆసుపత్రికి తరలించారు. తొలుత వైద్యులు వచ్చి ఆయన్ను పరీక్షించారు. బీపీ కారణంగా అవంతి పడిపోయారని వైద్యులు తెలిపారు. ఆ తర్వాత ఆయన్ను రామ్ మనోహర్ లోహియా ఆసుపత్రికి తరలించారు.

మరో పక్క రాజ్యసభలో, ఆందోళన విరమించాలని టీడీపీ ఎంపీలను కోరిన డిప్యూటీ చైర్మన్ కురియన్‌, కేంద్ర మంత్రి విజయగోయల్‌ పలుమార్లు కోరినా..వాళ్లు మాత్రం ఆందోళన కొనసాగిస్తామని తేల్చిచెప్పారు. సభలో బైఠాయించిన టీడీపీ ఎంపీలకు వైద్య పరీక్షలు నిర్వహించడం జరిగింది. టీడీపీ ఎంపీల ఆరోగ్యం నిలకడగా ఉందని వైద్యులు మీడియాకు వివరించారు. మరోవైపు, రాజ్యసభలో బైఠాయించిన టీడీపీ సభ్యులతో రాజ్యసభ సెక్రెటరీ జనరల్ చర్చలు జరుపుతున్నారు. పార్లమెంటరీ వ్యవహారాల శాఖ సహాయ మంత్రి విజయ్ గోయల్ కూడా చర్చలు జరిపారు...

దారి తెన్నూ... దిక్కుమొక్కు ... దిశ దశ లేని అవమాన పడ్డ రాష్ట్రం... ఇలాంటి సందర్భంలో మేమున్నామంటూ, అమరావతి రైతులు 33 వేల ఎకరాలు భూమిని రాష్ట్రం కోసం ఇచ్చిన రైతులను అవమానించటానికి మీకు మనసెలా వచ్చింది....? ఎవరో కొద్ది మంది స్వార్దంతో....రాజకీయప్రేరేపణ తో ...అభివృద్ధి చెందిన తర్వాత అమ్ముకోవచ్చన్న ఆలోచనతో భూములు ఇవ్వటానికి విముఖత చూపించి ఉండవచ్చు... ఆక్రమణదారులు వారి బండారం బయటపడుతుందన్న ఆలోచనతో ఇవ్వటానికి ఇష్టం లేకపోవచ్చు...
అనేక గ్రామాలు...అనేక కులాలు...మతాలు...వర్గాలు..అందరూ కలసే భూములిచ్చారు...ఇన్నాళ్ళు కలిసి బతికారు...ఇప్పుడూ కలిసే బతుకుతారు... ఏ ఒక కులమో...వర్గమో ప్రయోజనం పొందరు...

ఐవైయ్యార్... ఉండవల్లి లాంటి వారు పక్షపాతంతో, జగన్ కి మద్దతుగా వ్యవహరిస్తారు... ఇది అందరికి తెలిసిందే ... తగుదునమ్మా అంటూ ఐవైయ్యార్ కి సపోర్ట్ చేస్తూ, పవన్ కూడా విషం కక్కుతుంటే, ఏమనుకోవాలి ? భూములిచ్చిన రైతులు కంటే వీరు తెలివైన వారు అనుకుంటున్నారా...? ఈ రోజు వీరందరూ మాట్లాడిన మాటలు ఏమిటి ? ప్రతి ఒక్కరు దొనకొండ రాజధాని ఎందుకు చెయ్యలేదు అని అడుగుతున్నారు ? అసలు దొనకొండ రాజధాని చెయ్యమని శివరామ కృష్ణన్ కమిటి ఎక్కడ చెప్పింది ? అప్పటి కాంగ్రెస్ తో బెయిల్ డీల్ లో, జగన్ బ్యాచ్ పన్నిన పన్నాగం ఈ దొనకొండ... అంటే, ఈ రోజు మాట్లాడే బ్యాచ్ అంతా, జగన్ కోసం దొనకొండ అంటున్నారా ? మొన్న జగన్ కూడా పాదయాత్రలో ఇదే విషయం చెప్పాడు... నేను సియం అయితే, దొనకొండ రాజధాని చేస్తాను అని... అంటే, వీరందరూ కలిసి పన్నుతున్న కుట్రా ఇది ?

పవన్ కళ్యాణ్ ఈ మధ్య పదే పదే మాట్లాడుతూ, అమరావతి తెలుగుదేశం పార్టీ రాజధాని అంటూ, ఒకే కులం రాజధాని అంటూ, ఎలాంటి సంకేతాలు ప్రజలకు ఇస్తున్నారు ? అమరావతి 29 గ్రామాల్లో, ఎన్ని కులాలు ఉన్నాయి, ఎంత మంది ఎన్ని ఏళ్ళ నుంచి అక్కడ కలిసి ఉంటున్నారు అనే విషయం, ఈ అజ్ఞానికి తెలుసా ? ఎవరినికి సంతోష పెట్టటానికి ఈ మాటలు ? ఒకే కులం, ఏ ఊరిలో అన్నా ఉంటుందా ? ఈ మైదనాలకి తెలియని విషయం ఏంటి అంటే, ఇక్కడ 33 వేల ఎకరాలు తీసుకుని డెవలప్ చేసి, మళ్ళీ రైతులకే అక్కడ భూమి ఇస్తున్నారు.... ఇక్కడ బాగుపడేది అక్కడి రైతులే... అంతే కాని తెలుగుదేశం పార్టీ వారు కాదు... ఈ రోజు వీరు మాట్లాడిన మాటలు చూస్తుంటే, ఈ 33 వేల ఏకరాలు ఇచ్చిన రైతుల నోట్లో మట్టి కొట్టి, అమరావతిని రాజధానిగా మార్చమని చెప్తున్నారు... ట్విస్ట్ ఏంటి అంటే, ఈ బ్యాచ్ అంతా హైదరాబాద్ నుంచి వచ్చి, మన రాజధాని మీద కబుర్లు చెప్తున్నారు... రేపు ఫ్లైట్ కి, మళ్ళీ హైదరాబాద్ చేక్కిస్తారు... అయినా కలిసి ఉండాలి అని చెప్పాలి కాని, ఎప్పుడూ విడిపోతారు, గొడవలు అవుతాయి అని చెప్తావు ఏంటి పవన్ ? ఇది మన ఖర్మ....