news

ఆంధ్రప్రదేశ్ బీజేపీ నేతలకు, జాతీయ పార్టీ అధ్యక్షుడు అమిత్ షా నుంచి పిలుపు వచ్చింది... హుటాహుటిన ఢిల్లీ రావాలని ఆంధ్రా బీజేపీ నేతలకు పిలువు వచ్చింది... ఆంధ్రా బీజేపీ నేతలతో పాటు, తెలంగాణా బీజేపీ నేతలను కూడా రమ్మిని కబురు పంపించారు... ఈ నేపధ్యంలో నేతలు ఈ రోజు సాయంత్రం ఢిల్లీ పయానం అవ్వనున్నారు... రేపు ఢిల్లీలో అమిత్ షా తో, ఆంధ్రప్రదేశ్ బీజేపీ నేతలు, అదే విధంగా తెలంగాణా బీజేపీ నేతలు, సమావేశం కానున్నారు... రేపు ఉదయం ఢిల్లీలోని అమిత్ షా నివాసంలోనే ఇరు రాష్ట్రాల నేతలు అమిత్ షా తో భేటీ కానున్నారు...

ఆంధ్రప్రదేశ్ కు సంబంధించి ప్రధానంగా విభజన హామీలు, ఆ పై రాజకీయ పరిస్థుతులు గురించి అమిత్ షా మాట్లాడనున్నారు... ముఖ్యంగా విశాఖ రైల్వే జోన్, కాపు రిజర్వేషన్ అంశం పై వీరితో చర్చించి, వారి అభిప్రాయలు తీసుకోనున్నారు... అదే విధంగా, ఈ మధ్య కాలంలో రాష్ట్ర బీజేపీ నేతలు, చంద్రబాబు పై తీవ్ర విమర్శలు చెయ్యటం, దానికి చంద్రబాబు ఘాటుగా స్పందించటం, అవసరం అయితే, మీకు దండం పెడతా అనటం, ఈ వ్యాఖ్యలు నేషనల్ మీడియాకు హైలైట్ చెయ్యటంతో, ఢిల్లీ బీజేపీ నేతలు కూడా వీటికి ఫుల్ స్టాప్ పెట్టే విధంగా, రాష్ట్ర బీజేపీ నేతలకు క్లాసు పీకే అవకాసం ఉన్నట్టు సమాచారం...

అదే విధంగా ఇరు రాష్ట్రాలు అయిన, తెలంగాణా, ఆంధ్రప్రదేశ్ కు సంబంధించిన హైకోర్టు విభజన అంశంతో పాటు, అసెంబ్లీ స్థానాల పెంపు పై, అటు తెలంగాణా, ఇటు బీజేపీ నేతలతో చర్చించనున్నారు... వీరితో చర్చించిన తరువాత, అటు టీఆర్ఎస్ , ఇటు టీడీపీ నేతలతో కూడా అమిత్ షా చర్చించి, దీని పై కూడా రేపే కీలక ప్రకటన చేసే అవకాసం ఉంది... ఈ సమావేశానికి రావాల్సిందిగా ఏపీ నుంచి హరిబాబు, విష్ణుకుమార్ రాజు, అదే విధంగా తెలంగాణ నుంచి లక్ష్మణ్, కిషన్ రెడ్డికి సమాచారం అందింది...

ఇప్పటికే బీజేపీ - టిడిపి మధ్య బంధం ఉంటుందో ఊడుతుందో తెలియని పరిస్థుతుల్లో ఉంది... ఈ అవకాశాన్ని పూర్తిగా సద్వినియోగం చేసుకునేలా, తద్వారా తన సొంత ప్రయోజనాలు, కేసులు ఒక కొలిక్కి వచ్చేలా, జగన్ మోహన్ రెడ్డి కూడా ప్లాన్ వేస్తున్నారు... ఈ వేడిలోనే, మరో సారి ప్రధాని నరేంద్ర మోడీని కలవాలాని జగన్ మోహన్ రెడ్డి నిర్ణయించుకున్నారు... ప్రస్తుతం పాదయాత్రలో ఉన్నా, ఇది ఇంకో మూడు నాలుగు నెలలు కొనసాగుతుంది కాబట్టి, ఈ లోపే పాదయాత్రకు బ్రేక్ ఇచ్చి, ప్రధానిని కలిసి, మరింత దగ్గరవ్వాలని జగన్ ప్రయత్నిస్తున్నారు... ప్రధానితో అపాయింట్మెంట్ విషయం చూడామని, ఇప్పటికే విజయసాయి రెడ్డిని పురమాయించాడు జగన్...

ఫిబ్రవరి నెలలో బడ్జెట్ సమావేశాలు ఉంటాయి కాబట్టి, మార్చ్, ఏప్రిల్ నెలలో అపాయింట్మెంట్ కోసం ఇప్పటికే ప్రధాన మంత్రి ఆఫీస్ చుట్టూ, విజయసాయి రెడ్డి తిరుగుతునట్టు సమాచారం... ఈ విషయాన్ని వైసీపీ నేతలు కూడా ధృవీకరిస్తున్నారు... లోక్ సభకు ముందుస్తు ఎన్నికలు వస్తాయి అనే హడావిడి నేపధ్యంలో, ఈ లోపే అన్ని విషయాలు కొలిక్కి వచ్చేస్తే క్లారిటీ ఉంటుంది అని భావించిన ప్రశాంత్ కిషోర్ ఐడియా మేరకు, జగన్, ప్రధానిని కలవనున్నారు...

చాలా కాలం నుంచి వైసీపీ , రాష్ట్రంలో ఉన్న బీజేపీ నేతలతో సన్నిహితంగా ఉంటుంది.... రాష్ట్ర బీజేపీ నేతలు కూడా, చంద్రబాబు ప్రభుత్వం పై అవకాసం దొరికిన ప్రతి సారి విరుచుకుపడుతున్నారు... ఏకంగా, వైసిపీ ఆఫీస్ లోనే ప్రెస్ మీట్లు పెట్టే అంత దగ్గర అయిపోయారు... ఈ నేపధ్యంలో, బీజేపీతో, జగన్ పొత్తు పై చర్చలు జరుపుతున్నారు అనే వార్తలు వస్తున్నాయి... జాతీయ మీడియా కూడా ఇదే విషయం పై పలు కధనాలు కూడా వేసింది... చంద్రబాబు కూడా, రాష్ట్రానికి ఏ సహాయం చెయ్యని బీజేపీని వదిలించుకోవటానికే ప్రయత్నిస్తున్నట్టు కనిపిస్తుంది... ఈ అన్ని పరిణామాలు తనకు అనుకూలంగా మార్చుకుని, కేసుల నుండి విముక్తి పొందటానికి, జగన్ వేగంగా స్పందించి, బీజేపీ పెద్దలతో, ప్రధానితో భేటీ అవ్వాలని, నిర్ణయించుకున్నారు... అవసరమైతే, ఒక వరం రోజులు (శుక్రవారం, కోర్ట్ వారం మినహా), పాదయాత్రకు బ్రేక్ ఇచ్చి, ఢిల్లీ వెళ్లనున్నట్టు సమాచారం...

ఆంధ్రప్రదేశ్ ముఖ్యమంత్రి చంద్రబాబు నాయుడు బుధవారం సచివాలయంలో సైకిల్ తొక్కారు... వెలగపూడి సచివాలయం 2వ బ్లాక్ నుంచి తన కార్యాలయం వరకు సైకిల్ తొక్కుకుంటూ వెళ్ళారు... సచివాలయంలో నూతనంగా ఏర్పాటు చేసిన స్మార్ట్ సైకిల్ వ్యవస్థను ముఖ్యమంత్రి ప్రారంభించారు. ఈ సందర్బంగా ఓ సైకిల్ ను తొక్కుకుంటూ వెళ్ళారు... కాలుష్యాన్ని తగ్గించడమే లక్ష్యంగా ఈ స్మార్ట్‌ బైక్స్‌ను ప్రవేశపెడుతున్నారు. మాస్టర్ ప్లాన్ ప్రకారం సీఆర్‌డీఏ పరిధిలో సైకిల్ సవారీకి ప్రత్యేకంగా ట్రాక్‌లను కూడా ఏర్పాటు చేశారు... ఇప్పటికే జర్మనీ నుంచి 30 సైకిళ్లు సచివాలయానికి చేరాయి. ఆవరణలోపల ప్రస్తుతం రెండు స్మార్ట్‌ సైకిల్‌ స్టేషన్లను ఏర్పాటు చేయనున్నారు. సచివాలయం వాహనాల పార్కింగ్‌ వద్ద మరో స్టేషన్‌ ఏర్పాటు చేసారు...

ప్రతి స్టేషన్‌లో 10 సైకిళ్లను ఉంచుతారు. అవసరమైన వారు సైకిల్‌ తీసుకుని వెళ్లవచ్చు. సైకిల్‌ కావలసిన వ్యక్తికి స్వైపింగ్‌ కార్డు ఇస్తారు. పాస్‌వర్డ్‌ ఇస్తారు. పాస్‌వర్డ్‌తోనే సైకిల్‌ లాక్‌ తెరుచుకుంటుంది. సచివాలయం లోపల, బయట సందర్శకులు వీటిని ఉపయోగించుకోవచ్చు. పని ముగించుకున్న తర్వాత ఆ సైకిల్‌ను 3 స్టేషన్లలో ఏదో ఒకచోట నిలిపి వెళ్లిపోవచ్చు... ఇవీ ప్రత్యేకతలు.. ఈ స్మార్ట్‌ బైక్స్‌ బాడీ మొత్తం ఎల్లాయిడ్‌, అల్యూమినియంతో తయారు చేయబడింది. వర్షంలో తడిసినా తుప్పు బట్టే అవకాశం లేదు. ఈ బైక్‌కు మూడు గేర్లు ఉన్నాయి...

ఈ బైక్‌ కదలాలంటే స్వైపింగ్‌ కార్డు ఉండాలి. ఇందుకు పాస్‌వర్డ్‌ తెలియాలి. దీనికి జీపీఎస్‌ సిస్టం అమర్చబడి ఉంటుంది. ఎవరైనా దొంగిలించినా సైకిల్‌ ఎక్కడ ఉందో వెంటనే తెలుసుకోవచ్చు. రాత్రి పూట కూడా వినియోగించుకునేందుకు ద్విచక్ర వాహనాలకు వలే ఫ్రంట్‌, బ్యాక్‌ లైట్లు ఏర్పాటు చేశారు. ఈ సైకిల్‌కి అమర్చిన బ్యాటరీ చార్జింగ్‌ చేయకపోయినా ఏడాదిపాటు పని చేస్తుందని అధికారులు తెలిపారు. హ్యాండిల్‌ లాక్‌ కూడా ఆటోమేటిక్‌ సిస్టంలోనే ఉంటుంది.