news

ఆంధ్రప్రదేశ్ రాష్ట్రంలో గత రెండు మూడు వారాలుగా, డ్ర-గ్స్ స్కాం ఒక సెన్సేషన్ అయ్యింది. ఆఫ్గన్ నుంచి గుజరాత్ పోర్ట్ కు వచ్చిన హెరాయిన్ ని అధికారులు పట్టుకున్నారు. అయితే దాని మీద విజయవాడ అడ్రెస్ ఉండటంతో, మొత్తం సీన్ ఏపికి షిఫ్ట్ అయ్యింది. ఆషి ట్రేడింగ్ కంపెనీ పెట్టిన వ్యక్తికి కాకినాడ లింకులు ఉండటం, ఆ లింక్ వైసీపీ ఎమ్మెల్యే వరకు ఉందని టిడిపి ఆరోపించటం, బిగ్ బాస్ ఎవరు అంటూ, టిడిపి పెద్ద ఎత్తున విమర్శలు చేసింది. విమర్శలకు తగ్గట్టే పరిణామాలు జరగటంతో, వైసీపీ కూడా అలెర్ట్ అయ్యింది. ఎదురు దాడి చేసింది. అయినా టిడిపి వదిలి పెట్టలేదు. బిగ్ బాస్ ఎవరు అంటూ, రోజుకొక కొత్త విషయంతో, మీడియా ముందుకు వచ్చింది. అయితే ఈ కేసుని సీరియస్ గా తీసుకున్న కేంద్రం ఎన్ఐఏకు అప్పగించింది. ఎన్ఐఏ విచారణలో, విజయవాడలో కూడా సోదాలు చేయటం, కొన్ని పత్రాలు సీజ్ చేయటంతో, ఏపిలో కార్యకలాపాలు నిజమే కదా అంటూ, టిడిపి ఎదురు దాడి మొదలు పెట్టింది. అయితే ఈ విషయం సీరియస్ అవ్వటం, ప్రజల్లోకి బాగా వెళ్ళటం, టిడిపి ఇదే విషయం పట్టుకుని వేలాడటంతో, ప్రభుత్వం కూడా ఎదురు దాడి చేస్తూ, పోలీసుల చేత, ఎదురు దాడి చేపించింది. డీజీపీ పేరిట, పోలీసులతో, టిడిపి నేతలకు నోటీసులు ఇప్పించింది.

నారా లోకేష్ తో పాటుగా, రామ్మోహన్ నాయుడు, ధూళిపాళ్ళ నరేంద్ర, పట్టాభి, బుద్దా వెంకన్న, బోండా ఉమాతో పాటుగా, మీడియా అధినేతలు, ఎడిటర్లకు కూడా లీగల్ నోటీసులు పంపిస్తూ, వెంటనే పోలీసులకు క్షమాపణ చెప్పాలని, రీజాయిండర్ కూడా పేపర్ లో వేయాలని, లేని పక్షంలో చట్టపరమైన చర్యలు తీసుకుంటాం అంటూ, పబ్లిక్ ప్రాసిక్యూటర్ శ్రీనివాసరెడ్డి చేత నోటీసులు ఇప్పించారు. అయితే ఈ నోటీసులతో టిడిపి వెనక్కు తగ్గుతుందని అనుకున్నా, ఈ రోజు మళ్ళీ టిడిపి మొదలు పెట్టింది. ఈ రోజు ప్రెస్ మీట్ పెట్టిన పట్టాభి, తాము ప్రతిపక్షంగా అన్ని విషయాలు ప్రజలకు చెప్తాం అని, మీరు ఇచ్చే నోటీసులు మాకు చిత్తు కాగితాలతో సమానం అని, ఏమి పీక్కుంటారో పీక్కోండి అంటూ, డిజిపిని ఉద్దేశించి, ఘాటు వ్యాఖ్యలు చేసారు. ఈ రోజు విజయవాడలో ఎన్ఐఏ అధికారులు ఎందుకు వచ్చారో డిజిపికి తెలియదా అంటూ వ్యాఖ్యానించారు. డిజిపి తాటాకు చప్పుళ్ళకు భయ పడం అని, ప్రభుత్వాన్ని ప్రశ్నిస్తుంటే, డిజిపికి వచ్చిన బాధ ఏమిట్ అంటూ, పట్టాభి ఈ రోజు ప్రశ్నించారు.

అమరావతి అంటే చాలు జగన్ ప్రభుత్వానికి ఎందుకో భయం పట్టుకుంది. ఆ పేరు వింటేనే భయంగా ఉంది. గతంలో తెలుగుదేశంలో తెలుగు ఉందని, తెలుగు భాషని తీసి వేస్తున్నారు అంటూ రాజకీయంగా విమర్శలు వినిపించిన సంగతి తెలిసిందే. ఇప్పుడు అమరావతి అంటే అదేదో తెలుగుదేశం ఆస్తి అయినట్టు, అమరావతి మీద కక్ష చూపిస్తున్నారు. అమరావతి అంటే వెయ్యి ఏళ్ళ చరిత్ర ఉన్న ప్రాంతం, అమరావతిని ఆసరాగా చేసుకుని ఈ దేశాన్ని కూడా ఏలిని చరిత్ర శాతకర్ణిది. ఈ చరిత్ర అంతా పదవ తరగతి పుస్తకాల్లో నాటి ప్రభుత్వం పెట్టింది. అమరావతి చరిత్రతో పాటు, అమరావతిని రాజధానిగా చేసిన తీరు, నిర్మాణాలు ఇవ్వన్నీ ఒక లెసన్ గా పెట్టారు. అయితే అమరావతి అంటేనే భయం ఉన్న ఈ ప్రభుత్వం, ఆ లెసన్ ని తీసి వేస్తూ కొత్త పుస్తకాలు ప్రచురించింది. పాత పుస్తకాలు వెనక్కు పంపించి, కొత్త పుస్తకాలు అమరావతి లేకుండా పెట్టారు. ఈ చర్య పై పలువురు మండి పడుతున్నారు. మన రాజకీయ స్వార్ధం కక్ష కోసం, ఏళ్ళ నాటి మన సంస్కృతీ, చరిత్ర, మన ఖ్యాతిని ఇలా తక్కువ చేయటం ముర్ఖత్యం అని వాదిస్తున్నారు. ఇలాంటివి ఎన్నో చేసిన ఈ ప్రభుత్వం మారుతుందా ? మారదు కదా ?

2019 ఎన్నికల ముందు జగన్ మోహన్ రెడ్డి పాదయాత్ర చేస్తూ ఉండగా, కోర్టు వాయిదా కోసం విశాఖ ఎయిర్ పోర్ట్ కి వచ్చిన జగన్ మోహన్ రెడ్డి పై కోడి కత్తితో అటాక్ జరిగిన విషయం తెలిసిందే. జగన్ భుజానికి కొంచెం గుచ్చుకోవటంతో, వైసీపీ చేసిన రాద్దాంతం అంతా ఇంతా కాదు. అప్పట్లో అధికారంలో ఉన్న చంద్రబాబు చేపించాడు అంటూ, గోల గోల చేసారు. అయితే కేవలం రెండు గంటల్లోనే, ఆ వ్యక్తి వైసీపీ సానుభూతి పరుడుగా తేలింది. జగన్ పేరుతో ఫ్లెక్స్ లు, జగన్ అంటే అభిమానం, ఇలా అనేక విషయాలు ఆధారాలతో బయటకు రావటంతో, అప్పట్లో వైసీపీ ఇరుకున పడింది. వెంటనే తమ ప్రచారం వేరే విధంగా తిప్పి, టిడిపి మీద ఆరోపణలు చేయాలనే తమ ప్లాన్ ను మార్చుకోక తప్పని పరిస్థితి ఏర్పడింది. అయితే ఇప్పుడు కూడా ఇలాగే టిడిపి మీద ఆరోపణలు చేద్దాం అని ప్రయత్నం చేసిన వైసీపీకి భారీ షాక్ తగిలింది. రాష్ట్రంలో మంచి ఏమి జరిగినా తమ ఖాతాలో వేసుకుని, చెడు ఏమి జరిగినా టిడిపి ఖాతాలో వేయటం, వైసిపికి బాగా అలవాటు. ఏమి జరిగినా, చంద్రబాబు మీద, టిడిపి మీద తోసేసి పబ్బం గడుపుతూ ఉంటారు. ఇలాగే రెండు రోజుల క్రితం, హైకోర్టులో పేదల ఇళ్ళ నిర్మాణాల పై ఇచ్చిన తీర్పు విషయంగా, టిడిపిని, చంద్రబాబుని, కోర్టులను ఆపాదిస్తూ వైసీపీ చేసిన ప్రచారం బూమరాంగ్ అయ్యింది.

విషయానికి వస్తే, పేదలకు ఇళ్ళ నిర్మాణం అంటూ వైసిపి హడావిడి చేస్తున్నా, ఒక్క ఇల్లు నిర్మాణం కూడా ఇప్పటి వరకు జరగలేదు. ఈ లోపు రెండు రోజుల క్రితం, కోర్టులో వేసిన ఒక పిటీషన్ లో, ఇళ్ళ నిర్మాణం సెంటు భూములు చేయటం పై అభ్యంతరం వ్యక్తం కాగా, కోర్టు ఒక కమిటీ వేసి, దీని పై నెల రోజుల్లో రిపోర్ట్ ఇవ్వాల్సిందిగా కోరింది. అయితే, దీన్ని అవకాసంగా తీసుకున్న వైసీపీ, టిడిపి ఈ పిటీషన్ వేసిందని, ఇళ్ళ నిర్మాణం టిడిపికి ఇష్టం లేదు అంటూ ప్రచారం చేసారు. అయితే తీరా చూస్తే పిటీషన్ వేసిన వ్యక్తి. పొదిలి శివమురళి అనే వైసిపి కార్యకర్త, జగన్ తో సేల్ఫీ కూడా దిగిన ఫోటోలు బయటకు వచ్చాయి. దీంతో ఈ పిటీషన్ వైసీపీనే వేయించింది అంటూ టిడిపి ఎదురు దాడికి దిగింది. గతంలో జూపూడి జాన్సన్ అనే వైసీపీ ఎమ్మెల్యే ఆళ్ల అనుచరుడు, అలాగే వైసీపీ ఎమ్మెల్యే శ్రీదేవి అనుచరుడు కూడా ఇలాగే కేసులు వేసి, ఎదురు టిడిపి పైన ఆరోపణలు చేయటాన్ని టిడిపి గుర్తు చేస్తుంది. ఇళ్లు కట్టలేక వైసీపీ నాటకాలు ఆడుతూ, తమ పైన ఆరోపణలు చేస్తుంది అంటూ, టిడిపి ఈ ప్రచారాన్ని తిప్పి కొట్టింది.