news

తెలుగుదేశంపార్టీ తరుపున తనను రాజ్యసభ అభ్యర్థిగా ప్రకటించినప్పటి నుంచీ, వైసీపీకిచెందిన కొందరునేతలు తనపై వల్లమాలిన ప్రేమాభిమానాలు చూపుతున్నారని, టీడీపీఅధినేత చంద్రబాబునాయుడు గతంలో తనకు రాజ్యసభ ఇస్తానని చెప్పి, ఇవ్వకుండా తనకేదో తీరని అన్యాయం చేశాడని వారంతా తెగబాధపడుతున్నారని టీడీపీ సీనియర్ నేత, ఆ పార్టీ పొలిట్ బ్యూరోసభ్యులు వర్ల రామయ్య ఎద్దేవాచేశారు. బుధవారం ఆయన మంగళగిరిలోని పార్టీ రాష్ట్ర కార్యాలయంలో విలేకరులతో మాట్లాడారు. రిలయన్స్ అధినేత అంబానీ తన ఇంటికి వస్తే, సాదరంగా ఆహ్వనించి స్వాగతం పలికిన జగన్మోహన్ రెడ్డి, గతంలో కుట్రచేసి, తన తండ్రిని ముకేశ్ అంబానీయే హ-త్యచేయించాడని, తన తండ్రిది సాధారణమరణం కాదని, కచ్చితంగా కుట్రపూరితంతో చేసిన హ-త్యేనని గగ్గోలు పెట్టింది నిజం కాదా అని వర్ల నిగ్గదీశారు. ఆనాడు వైసీపీ అధినేత, ఆయనపార్టీవారు, ఆయన కుటుంబసభ్యులు రిలయన్స్ అధినేతపై ఆరోపణలు చేసి, వారి సంస్థలకు చెందిన వేలాది కోట్ల ఆస్తుల విధ్వంసానికి కారకులయ్యారన్నారు. రిలయన్స్ ఆస్తులు ధ్వంసం చేయండి, వారి ఆస్తులు తగలబెట్టండి, రిలయన్స్ బంకులకు ని-ప్పుపెట్టండని జగనే, తనపార్టీకి చెందిన ఎన్ఎస్ యూఐ నాయకుడైన వంశీచంద్రారెడ్డికి ఆదేశాలిచ్చింది నిజమా...కాదా అని టీడీపీ నేత ప్రశ్నించారు.

ఆనాడు జగన్ ఇచ్చిన పిలుపుకారణంగా ఆవేశానికి గురై, తమ జీవితాలను జైళ్లపాలు చేసుకున్న వారిలో 90శాతం మంది దళితబిడ్డలే ఉన్నారని, వారి జీవితాలగురించి ఒక్కనాడైనా ఆదిమూలపు సురేశ్, సుచరిత, బల్లి దుర్గాప్రసాదరావులు ఎందుకు మాట్లాడలేదని వర్ల మండిపడ్డారు. అంతమంది దళితుల ఉసురుపోసుకున్న జగన్మోహన్ రెడ్డి, తన తండ్రిని చంపించిన వాడని ప్రచారం చేసిన వ్యక్తి చెప్పాడని, ఏమాత్రం ఆలోచించకుండా నత్వానీకి రాజ్యసభపదవి ఎలా ఇచ్చాడో సమాధానం చెప్పాలన్నారు. తండ్రిని చంపించినవారిగురించి, బాబాయిని చంపినవారి గురించి పట్టించుకోకుండా రాజకీయఅవసరాలకోసమే, జగన్ ప్రవర్తిస్తున్నాడన్నారు. రిలయన్స్ ఆస్తుల ధ్వంసంలో పాల్గొని కేసులుపెట్టబడిన కారణంగా, అనేకమంది దళితబిడ్డలు తమకు వచ్చిన ఉద్యోగాలను కూడా కోల్పోయారన్నారు. వారికి జరిగిన అన్యాయానికి జగన్మోహన్ రెడ్డి కారణంకాదా అని వర్ల ప్రశ్నించారు. వేలాది మంది దళితబిడ్డల భవిష్యత్ ను నాశనం చేసిన వ్యక్తిని వదిలేసి, తనకేదో అన్యాయం జరిగిందని వైసీపీమంత్రులు, నేతల చెప్పడం వారి దిగజారుడుతనానికి నిదర్శనం కాదా అన్నారు. నత్వానీకి ఇచ్చిన రాజ్యసభ సీటు ధర ఎంతో.. ఎంతమొత్తం బరువున్న మూటకు ఆసీటుని జగన్ అప్పగించాడో వైసీపీనేతలు ఎందుకు ప్రశ్నించలేకపోతున్నారన్నారు. అదే సీటుని నత్వానీకి ఇవ్వకుండా ఒక దళితే నేతకు ఎందుకివ్వలేదని వైసీపీలోని దళితనేతలు జగన్ ని ఎందుకు అడగటంలేదన్నారు. వైసీపీలో ఉన్న దళితనేతలు, తమపార్టీనుంచి ఎగురుకుంటూ వైసీపీలోకి వెళ్లిన దళితనేతలకు ఇవ్వకుండా ఎక్కడినుంచో వచ్చిన నత్వానీని పెద్దలసభకు పంపడమేంటన్నారు.

ఎవరితో చర్చించి, తనపార్టీలోని ఏవర్గానికి చెందిన నేతలతో సంప్రదించి జగన్మోహన్ రెడ్డి, తనపార్టీ తరపున రాజ్యసభ అభ్యర్థులను ఖరారుచేశాడో బహిర్గతం చేయాలని వర్ల డిమాండ్ చేశారు. గతంలో కూడా జగన్ రాజ్యసభకు ఇద్దరూ రెడ్లనే పంపాడని, ఇప్పుడుకూడా రెండుస్థానాలు వారికే ఇచ్చాడని, దానిపై వైసీపీలోని ఒక్క దళితనేతైనా ఎందుకు ప్రశ్నించలేకపోయారని రామయ్య నిలదీశారు. జగన్ పైకి దళితులుగురించి మాట్లాడుతూ, దళితవ్యతిరేక చర్యలకు పాల్పడుతున్నాడని, ఈ విషయం వైసీపీలోని దళితనేతలు ఎందుకు గమనించడంలేదన్నారు. నిత్యం టీడీపీ తరుపున మాట్లాడుతుంటానని, ఏనాడూ కూడా తనపేరుగానీ, తనఫొటోగానీ సాక్షిపత్రికలో, సాక్షి ఛానెల్ లో రాలేదని, దళితుడిని కాబట్టే తనపై సదరు మీడియా వివక్ష చూపుతోందని, నిన్నటికినిన్నమాత్రం రాజ్యసభ పదవి విషయంలో తనకు అన్యాయం జరిగిందంటూ పెద్దఫొటోవేసి, కథనాలురాశారన్నారు. దళితులంటే జగన్మోహన్ రెడ్డికి, సాక్షి మీడియాకు చిన్నచూపనడానికి తన వార్తలు చూపించకపోవడమే నిదర్శనమనన్నారు. జగన్మోహన్ రెడ్డికి అవకాశం ఉండికూడా దళితులకు రాజ్యసభ సీటు ఇవ్వలేదన్నారు. ప్రాధాన్యత లేనిచోట బానిసల్లా, జగన్ జమానాలో బతుకుతున్న వైసీపీకి చెందిన దళితమంత్రులు, ఎమ్మెల్యేలు ఇప్పటికైనా ఆలోచించుకొని, ఆత్మప్రబోధానుసారం నిర్ణయం తీసుకొని తనకు ఓటేయాలని రామయ్య విజ్ఞప్తిచేశారు. ఎంతోమంది దళిత బిడ్డల ఉసురు తీయడానికి కారకుడైన వ్యక్తి, నత్వానీకి రాజ్యసభ సీటు ఇవ్వడం ద్వారా తాను దళితవర్గాల వ్యతిరేకినేనని నిరూపించుకున్నా డన్నారు. వైసీపీఅధినేత జగన్ నత్వానీని తొలగించి, తనపార్టీలోని దళితనేతకు ఆస్థానం కట్టబెడితే, తాను తక్షణమే రాజ్యసభ రేసునుంచి తప్పుకుంటానని రామయ్య తేల్చిచెప్పారు

ఆంధ్రప్ర దేలో శాసనమండలి రద్దుకు రాష్ట్ర ప్రభుత్వం చేసిన ప్రతిపాదనకు కేంద్ర ప్రభుత్వం సానుకూల రీతిలో నిర్ణయం తీసుకోనున్నది. ఈ అంశంపై రాజ్య సభ ఎన్నికల అనంతరం కేంద్రం సానుకూల సాంకే తాలను ఇస్తుందనే కథనాలు ఆంధ్రప్రదేశ్ రాజకీయ వర్గాల్లో విస్తృతంగా ప్రచారంలోకి వస్తున్నాయి. ఏపీలో శాసనమండలిని రద్దు చేసేందుకు ఆంధ్ర ప్రదేశ్ ప్రభుత్వం కీలక నిర్ణయాన్ని తీసుకుంది. ఇందుకు ఏపీ శాసనసభ ఓటింగ్ విధానంలో ఏక గ్రీవంగా ఆమోదించింది. సభకు హజరైన వైసీపీ శాసన సభ్యులంతా శాసనమండలి రద్దుబిల్లుకు సానుకూలరీతిలో ఓటు చేసారు. ఆ వెంటనే బిల్లును రాష్ట్ర గవర్నర్ ఆమోదించడంతో కేంద్రానికి పంపిం చారు. కేంద్రం ఈ బిల్లును పార్లమెంటులో ప్రవేశపెట్టి ఓకే చేయాల్సి వుంది. ప్రస్తుతం జరుగుతున్న పార్లమెంటు బడ్జెట్ సమా వేశాల్లో ఈ బిల్లుకు చర్చకు వస్తుందని భావిస్తు న్నారు. గత నెల్లో ఢిల్లీ వెళ్లి ప్రధాని నరేంద్ర మోడీని, హోంమంత్రి అమిత్ షాను కలిసిన సందర్భంలో డీల్ కుదిరినట్టు చెప్తున్నారు.

ఢిల్లీ వెళ్ళిన సందర్బంలో ఆయన రాష్ట్రంలో పరిపాలనా వికేంద్రీకరణ, శాసనమండలి రద్దు బిల్లులపై వారితో చర్చించినట్లు సమాచారం. అయితే జగన్ డిమాండ్ కు, అమిత్ షా రాజ్యసభ డిమాండ్ పెట్టారని తెలుస్తుంది. ఈ నేపథ్యంలో శాసనమండలి రద్దుతో మండలి సభ్యులుగా కొనసాగుతున్న పిల్లి సుభాష్ చంద్రబోస్, మోపీదేవి వెంకట రమణ పదవులు కొల్పోతారు. వారిద్దరికి మంత్రి పదవులు ఆ తరువాత ఆరునెలలకు మించి ఉండవు. ఈ పరిస్థితుల్లో వారిని రాజ్యసభకు పంపించాలని ముఖ్యమంత్రి జగన్ నిర్ణయించారు. అన్నట్లుగానే రాజ్యసభ నోటిఫికేషన్ జారీ కావడంతో పిల్లి సుభాష్,మోపిదేవిలకు జగన్ రాజ్యసభ టిక్కెట్లు ఇచ్చారు. వారితో పాటుగా ఆళ్ళ ఆయోధ్య రామిరెడ్డి, ముకేష్ అంబాని సన్నిహితుడు పరిమల నత్వానికి సీటును కేటాయించారు. శాసన మండలి రద్దుకు కేంద్రం సానుకూలతను వ్యక్తం చేసినందునే మరి కొంతకాలం పిల్లి సుభాష్, మోపీ దేవిలు మంత్రులుగా కొనసాగే అవకాసం ఉన్నా, రాజ్యసభ టిక్కెట్లు జగన్ ఇచ్చారంటున్నారు.

అంతే కాకుండా కేంద్ర హోంమంత్రి అమిత్ షాతో సన్నిహిత సంబంధాలున్నా ముకేష్ అంబానీ ఆప్తమిత్రుడు పరిమళ నత్వానికి సీటు ఇవ్వడం వెనుక శాసనమండలి రద్దుకు కేంద్రం సుముఖతను వ్యక్తం చేసిన నేపథ్యం ఉందంటున్నారు. నిజానికి అమిత్ షా ఆదేశాలకు అనుగుణంగానే ముకేష్ అంబానీ, నత్వాని ముఖ్యమంత్రి జగన్ కార్యాలయానికి నేరుగా వచ్చారంటున్నారు. ప్రాంతీయ అంశాల ద్వారా రాష్ట్రం తీసుకునే నిర్ణయాలు ఏలా వున్నా అనేక కీలక అంశాల్లో వైకాంగ్రెస్ పార్టీ మద్దతుగా నిలుస్తున్నందున ఖచ్చితంగా ఎపి ప్రభుత్వం చేసిన ప్రతిపాదనల్లో కీలకమైన శాసనమండలి రద్దుకు అనుకూలరీతిలో నిర్ణయం తీసుకోవాలని కేంద్రం నిర్ణయించిందంటున్నారు. పరిపాలనా వికేంద్రీకరణ బిల్లు విషయంలో రాష్ట్ర బిజెపి నేతలతో పాటుగా, ఇతరత్రా కొంత కీలక చర్చ జరిగిన తరువాత మాత్రమే ఎటు స్పందించాలో అనే విషయంలో కేంద్రం నిర్ణయం తీసుకుం టుందన్నారు. అయితే రాష్ట్రానికి ఎన్నో హామీలు పెండింగ్ లో ఉన్న నేపధ్యంలో, రాజకీయ కారణాలతో, కేంద్రం రాష్ట్రం ఆడుకోవటం మాత్రం, గర్హనీయం...

త్వరలో జరగ నున్న రాజ్యసభ ఎన్నికల బరిలోకి తెదేపా దిగాలని నిర్ణయించుకుంది. చంద్రబాబు వ్యూహాత్మకంగా కొత్త ఎత్తు గడను తెరపైకి తీసుకు వచ్చారు. రాష్ట్రం నుంచి నాలుగు రాజ్యసభ స్థానాల కోసం ఎన్నికలు జరగనున్న నేపథ్యంలో సంఖ్యా బలం అధికంగా ఉన్న వైకాపా ఆ స్థానాల న్నింటిని కైవసం చేసుకునే పరిస్థితి ఉంది. అయితే టీడీపీ అధినేత చంద్రబాబు సంఖ్యా బలం లేనప్పటికీ పార్టీ తరుపున అభ్యర్థిని బరిలోకి దింపి ఎన్నిక ఏకగ్రీవం కాకుండా చూడాలన్న లక్ష్యంతో పావులు కదుపుతున్నారు. ఈ నేపథ్యంలోనే మంగళవారం మీడియా సమావేశం నిర్వహించి మరీ రాజ్యసభ బరిలోకి దిగుతు న్నామని తమ పార్టీ తరుపున పొలిట్ బ్యూరో సభ్యుడు వర్ల రామయ్యను అభ్యర్థిగా నిలబెడుతున్నట్లు ప్రకటించారు. ప్రస్తుతం శాసనసభలో తెదేపాకు కేవలం 23 మంది సభ్యులు ఉండగా అధికార పక్షమైన వైకాపా 151 మంది సభ్యులు ఉన్నారు. అయితే ఇటీవల గుంటూరు, గన్నవరం ఎమ్మెల్యే లు మద్దాలి గిరిధర్, వల్లభనేని వంశీలు తెదేపాకు గుడ్ బై చెప్పి అధికారపక్షంతో కలిసి నడుస్తున్నారు.

ఈ రాజ్యసభ ఎన్నికలను ఆసరాగా చేసుకొని చేజారిన ఇద్దరు ఎమ్మెల్యేలను తిరిగి తమ గుప్పిట్లోకి తెచ్చుకునేందుకు తెదేపా ప్రయత్ని స్తుందని రాజకీయ విశ్లేషకులు పేర్కొంటున్నారు. రాజ్యసభ ఎన్నికల సమయంలో ఎమ్మెల్యేలు పోలింగ్ జరిగేందుకు బ్యాలెట్ ను చూపి మరి ఓటు వేసే పరిస్థితి ఉండడంతో దీనిని కీలకంగా చేసుకొని చంద్రబాబు ఈ నిర్ణయానికి వచ్చారని చెబుతు న్నారు. పార్టీ ఎమ్మెల్యేలకు విప్ జారీ చేసి మరు క్షణం ఆ ఆదేశాలను ఉల్లంఘిస్తే అనర్హత వేటు పడుతుంది. దీంతో ఇరువురు రెబల్ ఎమ్మెల్యేలు ఓటు హక్కు వినియోగించుకోకుండా ఉండడం లేదా తెదేపాకు వేయాల్సిన పరిస్థితి ఉందని లేని పక్షంలో వారిపై వేటు పడుతుందని రాజకీయ విశ్లేషకులు స్పష్టం చేస్తున్నారు.

ఇదే విషయాన్ని చంద్రబాబు మీడియా సమావేశంలో స్పష్టంగా చెప్పడం జరిగింది. పార్టీ విప్ జారీ చేస్తుందని దాని ప్రకారం నడుచుకోకపోతే అనర్హత తప్పదని హెచ్చరించారు. ఈ ఎన్నికల్లో తాము గెలుస్తామా..? లేదా..? అన్నది కాదని అయితే రాష్ట్రంలో జరుగుతున్న ఆరాచకాలను ప్రజలకు తెలియజెప్పేందుకేనని ఆయన స్పష్టం చేశారు. మరోవైపు ఎస్సీ సామాజిక వర్గానికి చెందిన వర్ల రామయ్య కు రాజ్యసభ అభ్యర్థిత్వం ఇవ్వడం ద్వారా బడుగులకు ప్రాధాన్యత ఇస్తున్నట్లుగా ప్రజలకు స్పష్టమవు తోందని తెదేపా భావిస్తుంది. వన్ షాట్ .. టు బర్డ్స్ అనే విధంగా, ఇటు సామాజిక వర్గ సమీకరణం, మరోవైపు ఎన్నిక ఏకగ్రీవం కాకుండాచూడాలన్నదే టీడీపీ లక్ష్యంగా స్పష్టమవుతోంది. ఇక వంశీ, మద్దాల గిరి ఆడుతున్న డ్రామాలకు కూడా చెక్ పెట్టబోతున్నారు.