news

ఢిల్లీ పర్య టనలో ఉన్న జనసేన అధినేత వవన్ బీజేపీ వర్కింగ్ ప్రెసిడెంట్ జెపి నడ్డాతో సమావేశ మయ్యారు. అంతేగాక ఆర్ఎస్ఎస్ ముఖ్య నేతలతో పలు అంశాలపై చర్చించినట్లు సమాచారం అమరావతిలోని పార్టీ కార్యాలయంలో రాష్ట్ర కార్యవర్గ సమావేశంలో జరుగుతున్న సమయంలో ఢిల్లీ నుంచి ఫోన్ కాల్ రావడంతో వవన్ వెంటనే ఢిల్లీ హుటాహుటిన వెళ్లిన విషయం విదితమే. రెండ్రోజులుగా ఢిల్లీలోనే ఉన్న పవన్, నాదెండ్ల మనోహర్ సంఘ్ వరివార్ నేతలతోనూ సమావేశమయ్యారు. బిజెపితో సమావేశం ద్వారా ఎపిలో కొత్తగా రాజకీయ సమీకరణాలకు తెరలేచింది. ప్రస్తుతం బిజెపి, జనసేనలు రాష్ట్రంలో కలిసి నడిచేందుకు కార్యాచరణ దాదాపు ఖరారైనట్లుగా కనిపిస్తోంది. రాష్ట్రంలో ప్రస్తుతం నెలకొన్న రాజకీయ పరిణామాలపై చర్చించినట్లు తెలుస్తోంది. ఇదే సమయంలో రానున్న రోజుల్లో ఏవిధంగా ముందుకెళ్లాలనే అంశాలపైనా పక్కా ప్రణాళిక రూపొందించినట్లు సమాచారం. అమరావతి రైతుల ఆందోళన, ప్రభుత్వ ఆలోచనలు ఏపీ బిజెపి తాజాగా చేసిన తీర్మానం, తన అభి ప్రాయం గురించి పవన్ ఈ భేటీలో సవివరంగా వివరించినట్లు తెల్సింది.

నడ్డాతో ఆంతరంగిక సమావేశం వెనుక.. బిజెపి వర్కింగ్ ప్రెసిడెంట్ గా ఉన్న జేపీ నడ్డా త్వరలో బిజెపి జాతీయ అధ్యక్షునిగా బాధ్యతలు చేపట్టనున్నారు. రెండ్రోజుల క్రితం ఢిల్లీ పర్యటనలో ఉన్న పవన్ రైతులుచేస్తున్న ఆందోళనపై పూర్తి సమాచారం ఇచ్చినట్లు తెలుస్తోంది. ఎపిలో బిజెపి, జనసేన పొత్తుపై కొద్దిరోజులుగా జోరుగా ప్రచారం సాగుతోంది. 2019 ఎన్నికల్లో పొత్తులేకుండా ఎన్నికల్లో పోటీ చేయడం వల్ల నష్టపోయామని వవన్ తాజాగా జరిగిన పార్టీ సమావేశంలో వ్యాఖ్యానించారు. దీనిద్వారా వవన్ రాష్ట్రంలో ఇతర పార్టీలతో పొత్తుకు సిద్ధంగా ఉన్నారనే సంకేతాలు పార్టీ నేతలకు ఇచ్చినట్లుగా కనిపిస్తోంది. 2019 ఎన్నికలు ముగిసిన నాటి నుంచి ప్రధాని మోడీ, కేంద్ర హోంమంత్రి అమిత్ షాపైన వవన్ సానుకూలంగా వ్యాఖ్యలు చేస్తున్నారు. తానా సభల సమావేశంలో రామ్ మాధవ్ తో సమావేశం సమయంలోనే బిజెపితో స్నేహం గురించి అంకురార్పణ జరిగింది.

ఎపిలో ప్రధాన ప్రతిపక్షంగా ఉన్న టిడిపితో పోటీగా ప్రభుత్వంపై జనసేన పోరాటం చేస్తుంది. ప్రస్తుత పరిస్థి తుల్లో టిడిపితో కంటే బిజెపితోనే జత కట్టడం ద్వారా భవిష్యత్ రాజకీయాల్లో మేలు జరుగుతుందనే అంచనాలో పవన్ ఉన్నట్లు తెలుస్తోంది. రెండు పార్టీలు కలిసి నడుస్తాయా లేక రాష్ట్ర సమన్వలపట్ల మాత్రమే కేంద్రంతో సయోధ్య అనే అంశంపై స్పష్టతరాలేదు. ఇప్పుడున్న పరిస్థితుల్లో ప్రధాని, అమిత్ షా ఢిల్లీ ఎన్నికల హడావుడిలో బిజీగా ఉన్నారు. అందువల్లే నడ్డాతో సమావేశమైనట్లు తెలుస్తోంది. ఇదే నమయంలో వారిద్దరి మధ్య ఎపి అంశాలపై కీలకచర్చ జరిగినట్లు తెలుస్తుంది. రానున్న స్థానిక సంస్థల ఎన్నికల్లో రెండు పార్టీల మధ్య సఖ్యత కుదిరితే ఈ ఎన్నికల నుంచే వారు పొత్తుతో ఎన్నికలకు వెళ్లే అవకాశం కనిపిస్తోంది. నడ్డాతో సమావేశం ముగిసిన వెంటనే పవన్ తిరిగి ఏపీకి పయనమయ్యారు.

జగన్ మోహన్ రెడ్డి, కేసీఆర్, ఈ రోజు, కేసీఆర్ ఇంట్లో సమావేశం అయ్యారు. వీరిద్దరూ, ముఖ్యమంత్రుల హోదాలో, ఇలా కలవటం ఆరోసారి. దాదపుగా నాలుగు నెలల తరువాత ఇద్దరూ కలిసారు. ఎన్నికలు అయిన మొదట్లో, తరుచూ కలిసిన నేతలు, తరువాత నాలుగు నెలలుగా కలవకపోవటం, అలాగే ఆర్టీసీ సమ్మె సమయంలో, కేసీఆర్, ఆంధ్రప్రదేశ్ ఆర్టీసీలో జరుగుతున్న పరిణామాల పై, విమర్శలు చెయ్యటంతో, వీరిద్దరి మధ్య గ్యాప్ వచ్చిందని అందరూ భావించారు. అయితే, నాలుగు నెలల తరువాత ఈ రోజు ఇరువురూ భేటీ అయ్యారు. అయితే ఈ సమావేశం మొత్తం ఆసక్తికర పరిణామాలతో సాగింది. ముందుగా, ఇద్దరు భేటీ అవుతున్నారు అంటే, ఎవరైనా రాష్ట్ర సమస్యల పై అనుకుంటారు. అయితే రాష్ట్ర సమస్యలు అయితే, అధికారులు కచ్చితంగా ఉండే వారు. అయితే, ఇప్పుడు వీరి భేటీలో అధికారులు లేరు. అంటే, ఇక్కడ వీళ్ళు రాష్ట్ర సమస్యలు కంటే, రాజకీయమే ఎక్కువ మాట్లాడుకున్నారని అర్ధమవుతుంది. గతంలో భేటీల్లో అధికారులు పాల్గున్న సంగతి తెలిసిందే.

ఇక మరో అంశం, ఈ భేటీ దాదాపుగా ఆరు గంటలు సాగింది. ఇది గతంలో భేటీల కంటే సుదీర్హంగా జరిగినట్టు. ముఖ్యంగా ఆంధ్రప్రదేశ్ రాష్ట్రంలో, మూడు రాజధానులతో జగన్ బోల్తా పడటంతో, ఆ విషయంలో ఎలా బయటకు రావాలో కేసీఆర్ చెప్పి ఉంటారని, అలాగే ఇద్దరు కలిసి బీజేపీతో ఎలా పోరాడాలో కలిసి మాట్లాడుకుని ఉంటారని తెలుస్తుంది. ఇక మరో అంశం, జగన్ రాగానే, కేసీఆర్, కేటీఆర్ వచ్చి స్వాగతం చెప్పిన సమయంలో, జగన్ పక్కనే విజయసాయి రెడ్డి ఉన్నారు. లోపలకి రాగానే, విజయసాయి రెడ్డి, కేసీఆర్ కళ్ళకి మొక్కారు. ఇలా ఎందుకు చేసారో ఎవరికీ అర్ధం కాలేదు. పోనీ ఇద్దరికీ పెద్ద వయసు తేడా ఉందా అంటే, రెండు - మూడేళ్ళు తేడా కూడా లేదు. మరి విజయసాయి రెడ్డి అంత స్వామి భక్తి ఎందుకు చూపించారో ?

అలాగే, మరో అంశం, కేటీఆర్ తనయుడు హిమాన్షు, జగన్ ను కలిసి కొంచెం సేపు మాట్లాడారు. ఇద్దరూ కలిసి ఫోటోలు దిగారు. జగన్, మంత్రి కేటీఆర్ ఇద్దరూ ఒకే తరహా ఫాంట్, షర్టు వేసుకోవటంతో కెమెరాలు ఒక్కసారిగా క్లిక్ మన్నాయి. ఆరు గంటల పాటు సాగిన ఈ భేటీ గురించి, ఎవరూ ఇప్పటి వరకు మీడియాతో మాట్లాడలేదు. కొద్ది సేపటిలో సిఎంఓ ప్రెస్ నోట్ ఇచ్చే అవకాసం ఉంది. మరో పక్క, ఈ భేటీ పై, టిడిపి స్పందించింది. జగన్‌, కేసీఆర్‌లు ఇప్పటివరకు 6 సార్లు భేటీ అయ్యారని, ఇప్పటి వరకు, అనేక సమస్యలు పెండింగ్ లో ఉన్నాయిని, రెండురాష్ట్రాలమధ్య రూ.లక్షా97వేలకోట్ల ఆస్తుల పంపకాలు పెండింగ్ లో ఉన్నాయని, షెడ్యూల్‌ 9, 10 కింద అనేక అంశాలు పెండింగ్ లో ఉన్నాయని, ఢిల్లీలోని ఆంధ్రాభవన్‌ ఆస్తులకి సంబంధించి రూ.5,500కోట్లు పంపకాలు జరగాల్సి ఉందని, ఏపీజెన్‌కోకు తెలంగాణ డిస్కంలనుంచి రూ.5,700కోట్లు రావాల్సిఉందని, వేలాదిఉద్యోగుల సమస్య అలానే ఉందని, వీటి పై ఏమి చేసారు అంటూ టిడిపి ప్రశ్నించింది.

రాష్ట్ర ప్రభుత్వానికి హైకోర్టులో ఎదురుదెబ్బ తగిలింది. శాంతియుతంగా నిర్వహించే ప్రదర్శనలను అనుమ తించాల్సిందేనని రాష్ట్ర ప్రభుత్వాన్ని ఆదేశిస్తూ రాష్ట్ర ఉన్నత న్యాయస్థానం సోమవారం సాయంత్రం మధ్యంతర ఉత్తర్వులు జారీ చేసింది. దేవాలయాలలో పూజలు చేసుకునేందుకు అడ్డుచెప్పరాదని, మహిళల పట్ల అనుచితంగా ప్రవర్తించిన పోలీస్ అధికారులు, సిబ్బందిని గుర్తించి వారిపై చర్యలు తీసుకోవాలని హైకోర్ట్ ప్రధాన న్యాయమూర్తి జస్టిస్ జితేంద్ర కుమార్ మహేశ్వరి, జస్టిస్ సత్యనారాయణ మూర్తిలతో కూడిన ధర్మాసనం ఆదేశించింది. సెక్షన్ 1-4-4 కింద నిబంధనలు పాటించకుండా వ్యవహరించిన పోలీస్ అధికారుల పట్ల ఏం చర్యలు తీసుకుంటున్నారని ప్రభుత్వాన్ని ప్రశ్నించింది. అరెస్ట్ చేసిన వారి జాబితాలను వెంటనే సంబంధిత జుడిషియల్ మేజిస్ట్రేట్లు ముందుంచాలని ధర్మాసనం ఆదేశించింది. మొత్తం పది అంశాలపై స్పందిస్తూ ధర్మాసనం మధ్యంతర ఉత్తర్వులు జారీ చేసింది. రాజధాని గ్రామాల్లో ఏం జరుగుతుందో అర్థం కాని పరిస్థితి నెలకొన్నదని, ధర్మాసనం అభిప్రాయపడింది. గ్రామాల్లో పోలీస్ కవాతు ఎందుకు నిర్వహిస్తున్నారని ధర్మాసనం ప్రశ్నించింది.

రాజధాని గ్రామాల్లో 1-4-4 సెక్షన్ ఎందుకు విధించాల్సి వచ్చిందో చెప్పాలని రాష్ట్ర ఉన్నత న్యాయస్థానం రాష్ట్రప్రభుత్వాన్ని ఆదేశించింది. రాజధాని అమరావతి పరిరక్షణ కోసం రైతులు, మహిళలు ఆందోళన చేస్తున్న నేపధ్యంలో పోలీసులు సెక్షన్ 1-4-4 క్రింద నిషే-ధాజ్ఞలు జారీచేశారు. మహిళలు, రైతులపై పోలీసులు అనుచితంగా ప్రవర్తించారన్న ఆరోపణలు సైతం వెలువడ్డాయి. జాతీయ మహిళా కమిషన్ జోక్యం చేసుకొని క్షేత్ర స్థాయి పరిశీలనకు ఒక బృందాన్ని పంపించింది. సంప్రదాయంగా నిర్వహించుకునే పూజలు, మొక్క బడులు చెల్లించకుండా పోలీసులు అడ్డుకుంటున్నారని పోలీసులపై విమర్శలు వెల్లువెత్తాయి. ఈ పరిణామాలన్నింటి పైనా రాష్ట్ర ఉన్నత న్యాయస్థానం సుమోటోగా స్పందించింది. రాష్ట్రంలో జరుగుతున్న సంఘటనలను పత్రికలు, ప్రసార మాధ్యమాల ద్వారా తెలుసుకున్న హైకోర్టు ప్రధాన న్యాయమూర్తి సుమోటోగా స్పందించి వివరణ ఇవ్వాల్సిం దిగా ప్రభుత్వాన్ని ఆదేశించారు. ఇదే విషయమై హైకోర్టులో ప్రజా ప్రయోజన వ్యాజ్యం దాఖలు అయింది.

రాజధాని ప్రాంతానికి చెందిన న్యాయవాది పారా కిషోర్ ఈ పిటీషన్ దాఖలు చేశారు. సర్వోన్నత న్యాయ స్థానం ఆదేశాలకు విరుద్ధంగా పోలీసులు రాజధాని గ్రామాల్లో 1-4-4 సెక్షన్ కింద నిషేధాజ్ఞలు జారీ చేసి ప్రజలను భయ-భ్రాంతులకు గురిచేస్తున్నారని, మహిళలు, రైతుల పట్ల అమా-నుషంగా ప్రవర్తిస్తున్నా రని వాటిని నియంత్రించే విధంగా ఆదేశాలు ఇవ్వాలని పిటిషనర్ తన పిటిషన్లో న్యాయమూర్తిని అభ్యర్థించారు. పిటీషనర్ తరుపున ప్రముఖ హైకోర్టు న్యాయవాది కారుమంచి ఇంద్రనీల్ బాబు వాదించారు. ఇదే తరహాలో మరికొన్ని పిటిషన్లు దాఖలు అయ్యాయి. ఈ పిటీషన్లను అత్యవసరమైనవిగా భావించి లంచ్ మోషన్లో విచారించాల్సిందిగా కోరారు. పిటిషన్లను విచారణకు స్వీకరించిన న్యాయమూర్తి, ఈ సంఘటనలపై హైకోర్టు సుమోటోగా స్పందిస్తుందని ప్రకటించి విచారణను మధ్యాహ్ననికి వాయిదా వేశారు. వాయిదా అనంతరం న్యాయమూర్తి ఇరుపక్షాల వాదనలు విన్నారు. రాజధాని ప్రాంతంలో రైతులు, మహిళలు నిరసనలు వ్యక్తం చేసుకునేందుకు వీలుగా ఆదేశాలు జారీ చేయాలని పిటీషనర్ తరపు న్యాయవాది ఇంద్రనీల్, న్యాయమూర్తిని అభ్యర్థించారు. పోలీసులు వ్యవహార శైలిపై న్యాయమూర్తి ప్రశ్నించారు. ఈ విషయంపై కౌంటర్ దాఖలు చేసేందుకు 20వ తేదీ వరకు గడువు ఇవ్వాల్సిందిగా ప్రభుత్వం తరుపున అడ్వకేట్ జనరల్ న్యాయమూర్తిని కోరారు. అందుకు న్యాయమూర్తి నిరాకరించి కేవలం మూడు రోజులు మాత్రమే గడువు ఇచ్చారు. ఈ నెల 17వ తేదీలోగా కౌంటర్ దాఖలు చేయాలని ఆదేశించారు.