news

స్పీకర్ స్థానంలో ఉన్నా తమ్మినేని సీతారం మాత్రం, రాజకీయ వ్యాఖ్యలు, విమర్శలు చేస్తూనే ఉన్నారు. కౌన్ కిస్కా గొట్టం గళ్ళు, అనుభవం మడిచి ఎక్కడో పెట్టుకో, ఇక రాయలేని మరో బూతు మాట్లాడిన తమ్మినేని, ఇవన్నీ తాను ఎమ్మెల్యేగా చేస్తున్నానని, ముందు తాను ఎమ్మెల్యేని అని, నేను రాజకీయాలు మాట్లాడుతున్నా అని తేల్చి చెప్పారు. ఈ సందర్భంలో, నిన్న స్పీకర్ తమ్మినేని చేసిన వ్యాఖ్యలు అందరినీ షాక్ కు గురి చేసాయి. రాజధాని పై చంద్రబాబుని ఉద్దేశిస్తూ, అది ఒక ప్రతిపక్షం, అతడొక నాయకుడు అంటూ, తీవ్ర వ్యాఖ్యలు చేసారు. అంతే కాదు, ముందు తమకున్న 23 మంది ఎమ్మెల్యేలను, చంద్రబాబు కాపాడుకోవాలి అంటూ, స్పీకర్ స్థానంలో ఉన్న తమ్మినేని చేసిన వ్యాఖ్యలు వివాదస్పదంగా మారాయి. ఒక స్పీకర్ స్థానంలో ఉండే వ్యక్తీ, ఫిరాయింపులకు అనుకూలంగా మాట్లాడుతున్నారా అనే అభిప్రాయం కలుగుతుంది. ఒక పక్క వైసీపీ, టిడిపి ఎమ్మెల్యేలను లాగేసుకుంటుంది. ఇప్పటికే వల్లభనేని వంశీ, మద్దాల గిరిని లాగేసుకుంది.

అయితే తెలివిగా వైసీపీలో చేరకుండా, వాళ్ళు ఇండిపెండెంట్ ఎమ్మెల్యే అంటూ చెప్పటం, ఇప్పటికే వంశీ విషయంలో స్పీకర్ దానికి ఒప్పుకోవటం జరిగిపోయాయి. ఫిరాయింపులు పై నీతులు చెప్పిన జగన్, అలాగే అసెంబ్లీ మొదటి రోజు నేను ఫిరాయింపులు ప్రోత్సహించను అని చెప్పిన స్పీకర్ తమ్మినేని, ఇప్పుడు ఇలా చెయ్యటం పై అందరూ ఆశ్చర్య పోయారు. అయితే ఇప్పుడు ఏకంగా స్పీకరే, మీ 23 మంది ఎమ్మెల్యేలని కాపాడుకోండి అని అంటున్నారు అంటే, ఇది ఎలా ఉందొ అర్ధం చేసుకోవచ్చు. నిన్న శ్రీకాకుళంలో మీడియాతో మాట్లాడిన తమ్మినేని సీతారం, మూడు రాజధానుల పై మాట్లాడుతూ, పై వ్యాఖ్యలు కూడా చేసారు. ఇదే సందర్బంలో రాజధాని పై మాట్లాడిన తమ్మినేని, చంద్రబాబు పై వ్యాఖ్యలు చేసారు.

అసలు చంద్రబాబు విశాఖపట్నం రాజధానికి అనుకూలమో కాదో చెప్పాలని తమ్మినేని కోరారు. మూడు రాజధానుల పై తమ వైఖరి ఏమిటో చంద్రబాబు చెప్పాలని కోరారు. ప్రజల కోసం, తమ్మినేని మూడు రాజధానుల నిర్ణయం తీసుకున్నారని గుర్తు చేసారు. అన్ని ప్రాంతాలు ఈ దెబ్బతో అభివృద్ధి చెందుతాయని అన్నారు. అయితే జగన్ చేస్తున్న మంచి పనికి ప్రతిపక్షాలు అడ్డు పడుతున్నాయని అన్నారు. ప్రజలే వాళ్ళకు బుద్ధి చెప్తారని అన్నారు. తెలుగుదేశం పార్టీకి ఉన్న ఎమ్మెల్యేలను వాళ్ళు రక్షించుకోవాలని అన్నారు. అమరావతిలో తెలుగుదేశం పార్టీ చేసిన ఇన్సైడర్ ట్రేడింగ్, ఇప్పటికే అసెంబ్లీ వేదికగా బహిర్గతం చేసామని అన్నారు. అయితే, తెలుగుదేశం పార్టీ స్పీకర్ కు సమాధానం ఇస్తూ, ఇప్పటికే చంద్రబాబు అమరావతి పై స్పష్టమైన ప్రకటన చేసి, వారి కోసం పోరాడుతున్నారని గుర్తు చేసారు.

రాష్ట్ర రాజధాని అమరావతికి అన్యాయం చేసి, రాష్ట్రానికి మూడు రాజధానులు పెడతాను అంటూ జగన్ మోహన్ రెడ్డి చేసిన ప్రకటన పై, బీజేపీలో భిన్నాభిప్రాయాలు ఉన్న సంగతి తెలిసిందే. ఆంధ్రప్రదేశ్ రాష్ట్ర బీజేపీ అధ్యక్షుడు కన్నా లక్ష్మీనారాయాణ, అమరావతిని ఇక్కడే ఉంచాలీ అంటూ ఉద్యమాలు కూడా చేసారు. అలాగే రాజ్యసభ సభ్యుడు సుజనా చౌదరి కూడా, అమరావతికి మద్దతుగా ప్రకటనలు చేసారు. ప్రతి రోజు కొంత మంది బీజేపీ నేతలు, అమరావతి వెళ్లి రైతులకు మద్దతు పలుకుతున్నారు. అయితే మరో పక్క బీజేపీలోని మరో వర్గం మాత్రం, జగన్ నిర్ణయాన్ని స్వాగతిస్తుంది. మొదట్లో విష్ణు వర్ధన్ రెడ్డి, అమరావతికి వ్యతిరేకంగా మాట్లాడినా, తరువాత మాట మార్చి, అమరావతి ఇక్కడే ఉండాలి అంటూ ప్రకటించారు. అయితే మరో బీజేపీ నేత, రాజ్యసభ సభ్యుడు జీవీఎల్ నరసింహ రావు మాత్రం, దీనికి పూర్తీ భిన్నంగా మాట్లాడుతున్నారు. ఇక్కడ ఏపి బీజేపీ నేతలకు పూర్తీ భిన్నంగా, జీవీఎల్ మీడియా ముందుకు వచ్చి మాట్లాడుతున్నారు.

ఏపి బీజేపీ నేతలు, కేంద్రం కలుగ చేసుకుంటుంది అని చెప్తున్నా, జీవీఎల్ మాత్రం, కేంద్రానికి సంబంధం లేదని, కేంద్రం ఈ విషయంలో జోక్యం చేసుకోదని తేల్చి చెప్తున్నారు. రాష్ట్ర ప్రభుత్వం, ఏమి చేసుకున్నా, రాజధాని విషయంలో కేంద్రానికి సంబంధం లేదని జీవీఎల్ అంటున్నారు. అయితే జీవీఎల్ చేసిన ఈ ప్రకటన పై, రాష్ట్ర బీజేపీ నేతలు, జీవీఎల్ కు షాక్ ఇచ్చారు. నిన్న గుంటూరు, కృష్ణా జిల్లాకు చెందినా బీజేపీ నేతలు, బీజేపీ రాష్ట్ర అధికార ప్రతినిధి కోట సాయికృష్ణ, జమ్ముల శ్యాంకిషోర్‌, కొమ్మినేని సత్యన్నారాయణ, తుళ్లూరులో ఆందోళన చేస్తోన్న రైతులను కలిసి మద్దతు తెలిపారు. ఈ సందర్భంగా వారు రైతులతో మాట్లాడుతూ, జీవీఎల్ వ్యాఖ్యలు పట్టించుకునే అవసరం లేదని, ఇప్పటికే బీజేపీ స్టాండ్ ఏంటో, బీజేపీ రాష్ట్ర అధ్యక్షుడు కన్నా లక్ష్మీనారాయణ చెప్పారని అన్నారు.

అమరావతి పై బీజేపీ వైఖరి , జీవీఎల్‌ నరసింహారావుకు తెలియదని, ఆయన కొన్ని రోజులు ఇక్కడ, మరికొన్ని రోజులు ఢిల్లీ, ఇతర రాష్ట్రాల్లో ఉంటారని అన్నారు. అతని మాటలు పట్టించుకోవసరం లేదని, రైతులు త్వరలోనే శుభవార్త వింటారని జీవీఎల్ అన్నారు. అమరావతిని రాజధానిగా కేంద్రం గుర్తించింది కాబట్టే, రూ.2,500కోట్లు ఇక్కడ మౌలిక సదుపాయాల కల్పనకు విడుదల చేసిందని గుర్తు చేశారు. ఇప్పుడు అమరావతి మారుస్తాం అంటే, కేంద్రం చూస్తూ ఊరుకోదని తేల్చి చెప్పారు. అలాగే జీవీఎల్ వ్యాఖ్యల పై, కన్నా లక్ష్మీనారాయణ కూడా మాట్లాడుతూ, రాష్ట్రాలకు కొన్ని హక్కులుంటయి, వాటిని కేంద్రం హరించదు అన్నారని, అయితే రాష్ట్రానికి హక్కులున్నట్లే స్టేక్‌ హోల్డర్లకు కూడా ఉంటాయి, వాళ్లను కాదని రాజధాని మార్చేందుకు రాష్ట్రప్రభుత్వానికి హక్కు లేదు అని కన్నా అన్నారు.

గన్నవరం నియోజకవర్గం తెలుగుదేశం పార్టీకి కంచు కోట లాంటిది. గతంలో దాసరి బాలవర్ధాన్ రావు కానీ, మొన్న ఇంత గాలిలో కూడా వంశీ గెలిచాడు అంటే, టిడిపి క్యాడరే కారణం. వంశీకి మాస్ ఇమేజ్ ఉన్నా, పార్టీ మార్పుతో, తన వెంట పెద్దగా టిడిపి క్యాడర్ వెళ్ళే అవకాసం లేదు. 2019 ఎన్నికల్లో తెలుగుదేశం తరుపున గెలిచిన వంశీ, కొన్ని రోజులుకే తెలుగుదేశం పార్టీతో విభేదించారు. ముందుగా తన పై కేసు పెట్టటంతో, వైసీపీ పై విమర్శలు చేసిన వంశీ, తరువాత కాలంలో జగన్ ను కలిసి, చంద్రబాబుని తిట్టటం మొదలు పెట్టరు. దీంతో తెలుగుదేశం పార్టీ, వంశీని పార్టీ నుంచి సస్పెండ్ చేసి షోకాజ్ నోటీస్ ఇచ్చింది. అయితే వంశీ డైరెక్ట్ గా వైసీపీ పార్టీలో చేరక పోయినా, ఆయన వైసీపీలోకి వేల్లిపోయినట్టే లెక్క. అయితే ఇది జరిగి రెండు నెలలు అవుతున్నా, ఇప్పటికీ తెలుగుదేశం పార్టీకి గన్నవరం నియోజకవర్గంలో పెద్ద దిక్కు లేదు. ఒక వేళ ఎన్నికలు వస్తే, వంశీకి పోటీగా పక్కన నూజివీడు నియోజకవర్గంలో ఉన్న ముద్దరబోయిన కాని, గద్దె అనురాధని కాని దింపాలని అనుకున్నారు.

అయితే ఇప్పుడప్పుడే ఎన్నికలు జరిగే అవకాసం లేకపోవటంతో, గన్నవరం టిడిపి ఇంచార్జ్ గా ఎవరో ఒకరిని నియమించాలని, గన్నవరం టిడిపి క్యాడర్ నుంచి ఒత్తిడి వస్తుంది. ఈ నేపధ్యంలోనే, పార్టీ అధిష్టానం గన్నవరం ఇంచార్జ్ పై కసరత్తు ప్రారంభించింది. వంశీ ఇప్పుడు అధికార పార్టీలో ఉండటంతో, అతడి స్పీడ్ ని తట్టుకోగలిగే వారిని, ఆర్ధికంగా బలపడిన వారి కోసం, అదే విధంగా తెలుగుదేశం కార్యకర్తలతో మంచి సంబంధాలు ఉన్న వారి కోసం, టిడిపి అధిష్టానం అన్వేషిస్తుంది. గన్నవరం నియోజకవర్గంలో 1983 నుంచి 9 సార్లు ఎన్నికలు జరిగితే, టిడిపి ఆరు సార్లు గెలిచింది. ఈ నేపధ్యంలో, ఇక్కడ పట్టు తప్పకుండ, తొందరగా ఇంచార్జ్ ని నియమించాలని, తెలుగుదేశం పార్టీ అధిష్టానం భావిస్తుంది.

ఈ నేపధ్యంలోనే, విజయవాడ తూర్పు నియోజకవర్గ ఎమ్మెల్యే గద్దే రామ్మోహన్‌రావు సమీప బంధువు, పుట్టగుంట సతీశ్‌ ను గన్నవరం ఇంచార్జ్ ని చేస్తే ఎలా ఉంటుంది అనే దాని పై, అధిష్టానం ఫీడ్ బాక్ తీసుకుంటుంది. ఆయన గత కొన్నేళ్లుగా, పార్టీలో చురుగ్గా ఉంటున్నారు. 1994లో గద్దే రామ్మోహన్‌ గన్నవరం అసెంబ్లీ నియోజకవర్గం నుంచి స్వతంత్ర అభ్యర్థిగా పోటీ చేసిన సమయంలో, ఎన్నికల వ్యూహరచనలో సతీశ్‌ కీలకంగా వ్యవహరించారనే అభిప్రాయం ఉంది. ఇప్పటికే సతీస్ తో, విజయవాడ ఎంపీ కేశినేని నాని, మాజీ మంత్రి ప్రత్తిపాటి పుల్లారావు, గన్నవరం నియోజకవర్గంలో టీడీపీ ఇంచార్జ్ బాధ్యతలు తీసుకోవడం పై చర్చించారు. తరువాత అధిష్టానం కూడా రంగలోకి దిగటంతో, తాను కుటుంబసభ్యులు, మిత్రులతో మాట్లాడి తన నిర్ణయం చెప్తానని, అధిష్టానానికి చెప్పినట్టు సమాచారం.