news

బయట తక్కువగా, ట్విట్టర్ లో ఎక్కువగా కనిపించే వైసిపీ రాజ్యసభ సభ్యుడు విజయసాయి రెడ్డికి జలఖ్ ఇచ్చారు, ఒక విలేకరి. విజయసాయి రెడ్డి, విశాఖపట్నంలో నిన్న పర్యటించారు. ఈ సందర్భంగా ఆయన మీడియాతో మాట్లాడారు. అటు చంద్రబాబు పై, ఇటు పవన్ కళ్యాణ్ పై టార్గెట్ పెట్టుకుని, విమర్శలు గుప్పించారు. నోటికి వచ్చినట్టు మాట్లాడుతూ, రూల్స్ తమకు వర్తించవు అన్నట్టు మాట్లాడారు. చిన్న విమర్శ చేస్తేనే, సోషల్ మీడియాలో పోస్ట్ లు పెట్టే వారి పై కేసులు పెట్టి, అరెస్ట్ చేస్తున్న సంగతి తెలిసిందే. అలాగే, ఇప్పుడు కొత్తగా మీడియాను కూడా తమ నియంత్రణలోకి తెచ్చుకోవటానికి, కొత్త జీవో విడుదల చేసారు. అందులో, మీడియాలో తమకు వ్యతిరేక వార్తలు, వస్తే, కేసు పెడతాం అని చెప్తున్నారు. అయితే, ఈ రూల్స్ అన్నీ ప్రతిపక్షం వారికే అనట్టు, విజయసాయి రెడ్డి మీడియా సమావేశంలో వ్యవహరించారు. చంద్రబాబుని పెద్ద నిక్క, లోకేష్ ని చిన్న నక్క అంటూ, జుబుక్సాకర రీతిలో స్పందించారు.

ఇసుక మీద చంద్రబాబు ముసలి కన్నీరు కారుస్తున్నారు అంటూ, వ్యాఖ్యలు చేసారు. అంతా సవ్యంగా సాగుతుందని, జగన పాలనను దేశం అంతా మేచ్చుకుంటుందని, దేశానికి ఆదర్శంగా జగన్ పాలిస్తున్నారని, విజయసాయి రెడ్డి వ్యాఖ్యలు చేసారు. అయితే చంద్రబాబు, అతని పార్టనర్ మాత్రం, జగన్ పై విరుచుకు పడుతున్నారని అన్నారు. చంద్రబాబు ఇచ్చిన కాల్ షీట్లు, పవన్ కళ్యాణ్ కు ఇంకా అయిపోలేదని, చంద్రబాబుకు కావాల్సిన సమయంలో, పవన్ కళ్యాణ్ వచ్చి ఆక్షన్ చేస్తున్నారని అన్నారు. అలాగే పవన్ కళ్యాణ్ చంద్రబాబుకి దత్త పుత్రుడని, లోకేష్ సొంత పుత్రుడు అని అన్నారు. పవన్ కళ్యాణ్ ప్యాకేజి తీసుకుని, చంద్రబాబుకి ఇష్టం వచ్చినట్టు, ఇక్కడ ఆక్షన్ చేస్తున్నారని అన్నారు.

అయితే ప్రెస్ మీట్ లో, ఒక విలేఖరి ధైర్యం చేసుకుని అడిగిన ప్రశ్నకు, విజయసాయి రెడ్డి అవాక్కయ్యారు. తడబడుతూ సమాధానం చెప్పి, అక్కడ నుంచి వెళ్ళిపోయారు. మీరు పవన్ కళ్యాణ్, చంద్రబాబు దగ్గర ప్యాకేజీ తీసుకుని, మీ మీద వ్యతిరేకంగా మాట్లాడుతున్నారు అంటున్నారు కదా, దానికి మీ దగ్గర ఆధారాలు ఉన్నాయా ? అని అడిగారు. దీనికి విజయసాయి రెడ్డి, ముందుగా అవాక్కయ్యారు. ఏమి సమాధానం చెప్పాలో తెలియక, కొంచెం సేపు తడబడ్డారు. తరువాత తేరుకుని, అన్నిటికీ ఆధారాలు ఉండవు, కొన్ని మనసుకే తెలుస్తాయి అని చెప్పి వెళ్ళిపోయారు. మరి మనసుకి తెలిసే కధనాలు, పత్రికలు రాస్తే, మేము అరెస్ట్ చేస్తాం అంటూ జీవో ఇచ్చిన విజయసాయి రెడ్డి గారి పార్టీ ప్రభుత్వం, ఇలాంటి ఆరోపణలు చేసే వారి పై ఏమి స్పందించదా ? అని విలేఖరులు అడుగుతున్నారు.

నువ్వు రంగులు వెయ్యటానికి తప్ప, నీ ప్రభుత్వం దేనికీ పనికిరాదు... నిన్న ముఖ్యమంత్రిని చేసిందీ మేమే... పాలించటం చేతకాక పొతే ఇంట్లో కూర్చో... ఇంత అసమర్ధ, చేతకాని ముఖ్యమంత్రిని ఎక్కడా చూడలేదు... హిందువుల పట్ల జగన్ ప్రభుత్వం వివక్ష.. ఇలా ఎన్నో రకాలుగా తిడుతున్నా వైసీపీ నుంచి రెస్పాన్స్ లేదు.. అదేంటి, సొంత పేపర్, ఛానెల్, గట్టిగా మాట్లాడే మనుషులు, ఇంత మంది ఉన్నారు, ఎందుకు సైలెంట్ గా ఉంటారు అనుకుంటున్నారా ? ఈ ఆరోపణలు చేసింది తెలుగుదేశం పార్టీ అయితే, అలాగే ఒంటి కాలు మీద ఎగిరే వారు. కాని ఈ వ్యాఖ్యలు చేసింది బీజేపీ నేతలు. బీజేపీ జోలికి వస్తే, ఏమవుతుందో, వైసిపీలో ఉన్న నెంబర్ వన్, నెంబర్ టు నుంచి, కింద దాకా అందరికీ తెలుసు. అందుకే బీజేపీ నేతలు ఎంత పౌరుషంగా తిట్టినా, ఒక్క మాట అంటే, ఒక్క మాట కూడా తిరిగి అనటం లేదు, వైసీపీ. రెండు రోజుల క్రితం కూడా, కన్నా లక్ష్మీనారాయణ స్పందిస్తూ, రంగులు వేసుకోవటానికి తప్ప, జగన్ ప్రభుత్వం, దేనికీ పనికిరాదని అన్నారు.

అయితే ఈ వ్యాఖ్యల వేడి, ఇప్పుడిప్పుడే వైసీపీకి తగులుతున్నట్టు ఉంది. నిన్న విశాఖపట్నంలో పర్యటించిన విజయసాయి రెడ్డి, మీడియా సమావేశం నిర్వహించారు. యధావిదిగానే, జగన్ ప్రభుత్వం, ఈ దేశంలోనే గొప్పది అని చెప్తూ, చంద్రబాబు, పవన్ కళ్యాణ్ పై విరుచుకు పడ్డారు. అయితే, ఇదే సందర్భంలో, బీజేపే నేతలు చేస్తున్న విమర్శలు పై, మీడియా ప్రశ్నించగా, విజయసాయి రెడ్డి చాలా ఆచి తూచి స్పందించారు. కేంద్రంలోని బీజేపీ నాయకత్వం స్పందిస్తేనే, మేము స్పందిస్తామని, ఆంధ్రప్రదేశ్ రాష్ట్రంలో ఉన్న బీజేపీ తప్పు మార్గంలో పయనిస్తోందని, విజయసాయి రెడ్డి విమర్శించారు. అయితే, ఆంధ్రప్రదేశ్ లో బీజేపీని నడిపిస్తున్న, కన్నా లక్ష్మీనారాయణ పై ఇన్ డైరెక్ట్ గా గురి పెట్టరు.

కన్నా లక్ష్మీనారాయణ ఇసుక కొరత విషయంలో, పోలవరంలో రివర్స్ టెండరింగ్ విషయంలో, విద్యుత్ పీపీఏల విషయంలో, రాష్ట్రంలో శాంతి భద్రతల విషయంలో, ఇలా ప్రతి విషయంలో, జగన్ ప్రభుత్వాన్ని టార్గెట్ చేస్తున్నారు. ఇసుక సమస్య పై ప్రధానంగా, ఆందోళన చేస్తూ, జగన్ ప్రభుత్వాన్ని, ప్రజల ముందు దోషిగా నిలబెట్టే ప్రయత్నం చేస్తున్నారు. ఈ కారణాలు అన్నిటి చేత, ఇవి మనుసులో పెట్టుకుని, కన్నా లక్ష్మీనారాయణను డైరెక్ట్ గా అనలేక, ఆంధ్రప్రదేశ్ లో బీజేపీ తప్పు దారిలో వెళ్తుంది అంటూ, విమర్శలు గుప్పించారు విజయసాయి. మళ్ళీ వెంటనే, కేంద్రం అన్ని విధాలుగా సహకరిస్తుందని, కేంద్రంలోని బీజేపీ విమర్శలు చేస్తేనే మేము స్పందిస్తాం అంటూ సేఫ్ గేమ్ ఆడారు. చూద్దాం మరి, ఏపి బీజేపీ ఎలా స్పందిస్తుందో....

నవ్యాంధ్ర రాజధాని అమరావతి నిర్మాణంపై ప్రజలు కన్న కలలు కలగానే మారనున్నాయి. భవిష్యత్ తరాలకు చిరకాల స్వప్నంగా మిగిలేలా నిర్మించ తలపెట్టిన రాజధాని నిర్మాణం ఇక అటకెక్కినట్టే. స్టార్టప్‌ ఏరియా నుంచి వైదొలగుతామంటూ సింగపూర్‌ కన్సార్షియం చేసిన లిఖితపూర్వక విజ్ఞప్తి పై, జగన్ స్పందించి, క్యాబినెట్ లో నిర్ణయం తీసుకున్నారు. సింగపూర్తో రాష్ట్ర ప్రభుత్వం గతంలో కుదుర్చుకున్న ఒప్పందాన్ని రద్దు చేసుకోవడంతో ఇక అమరావతిలో నిర్మించ తలపెట్టిన నవ నగరాలు గల్లంతేనని చెప్పక తప్పదు. రాజధానిపై వైసీపీ ప్రభుత్వం నూతనంగా నియమించిన కమిటీ నివేదిక తరువాతనే ఎక్కడనేది స్పష్టమవుతోందని పదేపదే చేస్తున్న వ్యాఖ్యలు కూడా ఇందుకు దోహదం చేస్తున్నాయి. దీంతో కొత్తగా నిర్మించ తలపెట్టిన నవ్యాంధ్ర రాజధాని నిర్మాణం అంతేనన్న అభిప్రాయాలు వ్యక్తమవుతున్నాయి. ప్రపంచ స్థాయి ప్రమాణాలు అందుకోవడానికి, ప్రపంచం నలువైపులా నుంచి పెట్టుబడులను ఆకర్షించడానికి ఆంధ్రప్రదేశ్ ప్రభుత్వం సింగపూర్తో ఒక అవగాహనా ఒప్పందం కుదుర్చుకుంది. దీని ప్రకారం రాజధాని ప్రాంతం, రాజధాని నగరం, సీడ్ కేపిటల్ ఏరియాల సర్వతోముఖాభివృద్ధికై సింగపూర్ ప్రభుత్వం ద్వారా అక్కడి సంస్థలు ఆర్థిక అభివృద్ధికి తోడ్పడాలని భావించారు.

పట్టణ పరిపాలన, నగర అభివృద్ధిపై పరిజ్ఞానాన్ని సింగపూర్ ప్రభుత్వ సంస్థలైన సెంటర్ ఫర్ లివబుల్ సిటీస్, ఐఐ సింగపూర్ నుంచి స్వీకరించడం, దీనితోపాటు సంస్థాగతమైన తోడ్పాటు అవసరం. ఈ ఒప్పందంలో భాగంగా రాజధాని ప్రాంతం, రాజధాని నగరం, సీడ్ కేపిటలకు మాస్టర్ ప్లాన్ సింగ పూర్‌కు చెందిన సుర్బానాజు సింగ్ రికార్లు వ్యవధిలో 2015 జులైలో సమర్పించింది. అయితే ప్రస్తుతం అధికారంలోకి వచ్చిన వైసీపీ ప్రభుత్వం గత ప్రభుత్వ ప్రతిపాదనలను పక్కనపెట్టడంతో రాజధాని అమరావతిలో స్టార్టప్ ఏరియా (సీడ్ కేపిటల్) ప్రాజెక్టు ఇక అటకెక్కినట్లే. సీడ్ కేపిటల్ ప్రాజెక్టు నుంచి తప్పుకునేందుకు సింగపూర్ కన్సార్షియానికి ప్రభుత్వం అనుమతి ఇచ్చింది. ప్రపంచంలోని మహానగరాలలో పర్యటించి వాటి నిర్మాణాల గురించి తెలుసుకుని దేశంలోని ఛత్తీస్డ్ రాజధాని నయా రాయపూర్ నిర్మాణాలను స్వయంగా చూసిన తరువాత చంద్రబాబునాయుడు ఆధునిక అమరావతి నిర్మాణం విషయంలో అనేక ఆలోచనలు చేశారు. రాషానికి గుండెకాయ వంటిది రాజధాని. అటువంటి రాజధాని ఒక్క పరిపాలనకే పరిమితం కాకుండా ఆర్థిక కార్యకలాపాలు, ఆదాయ మార్గాలు, విద్య, వైద్యం, ఐటి విభాగాలతో పాటు ఉపాధి అవకాశాలకు నిలయంగా ఉండేలా నవనగరాలను నిర్మించాలని గత ముఖ్యమంత్రి చంద్రబాబునాయుడు నిర్ణయించారు.

అమరావతి అంటేనే తెలుగుదనం ఉట్టిపడాలని ఆయన ఉబలాటపడ్డారు. నవరత్న నగరాలను నిర్మించాలని కలలు కన్నారు. కానీ ఆ కలలకు వైసీపీ సర్కార్ చెక్ పెట్టింది. రాజధాని నిర్మాణంపై ప్రభుత్వం వేసిన కమిటీ నిర్ధారించిన తరువాతే తమ అభిప్రాయాన్ని వెల్లడిస్తామని పదేపదే స్పష్టం చేస్తున్న నేపధ్యంలో ఇక రాజధాని నిర్మాణంపై ప్రజల్లో మరింత ఆందోళన పెరుగుతోంది. అమరావతి అభివృద్ధి కోసం సింగపూర్, జపాన్, చైనా, రష్యా, యునైటెడ్ కింగ్డమ్ తదితర దేశాలతోనూ, అంతర్జాతీయ వ్యా పార సంస్థలతోనూ వాణిజ్యం, పట్టుబడులు, ఉమ్మడి సంస్థలు, శాస్త్ర సాంకేతిక పరిజ్ఞానం, పర్యాటకం, మౌలిక సదుపాయాలు, పట్టణ ప్రణాళికలు, స్మార్ట్ నగరాలు, సంప్రదాయేతల ఇంధన వనరులు, విద్య, వైద్యం, పర్యావరణం, రవాణా వ్యవస్థలు, సామాజిక సంక్షేమం మొదలైన రంగాలలో పరస్పర సహకారం కోసం టీడీపీ ప్రభుత్వం గతంలో చేసుకున్న అనేక ఒప్పందాలను వైసీపీ ప్రభుత్వం రద్దు చేసేందుకు సిద్ధమైంది.