news

సోషల్ మీడియాలో జరుగుతున్న విష ప్రచారం పై, చంద్రబాబు తీవ్రంగా స్పందించారు. అలాగే ప్రభుత్వాన్ని ప్రశ్నిస్తూ సోషల్ మీడియాలో పోస్టింగ్ లు పెడుతున్న తెలుగుదేశం కార్యకర్తలను అరెస్ట్ చెయ్యటం పై కూడా చంద్రబాబు స్పందిన్కాహారు. ఈ రోజు మీడియా సమావేశం పెట్టి, అక్కడ మీడియా వారికి పవర్ పాయింట్ ప్రెజంటేషన్ ద్వారా, వైసిఈ చేస్తున్న అరాచకాలను, కొన్ని క్లిప్పింగ్స్ రూపంలో చూపించారు. వైసిపీ నేతలు, కార్యకర్తలు, ఆంబోతులు లాగా ప్రజల మీద పడుతున్నారని, . ఈ ఆంబోతులు ఓ నేరచరిత కలిగిన వ్యక్తిని అడ్డం పెట్టుకుని, రెచ్చిపోతున్నారని చంద్రబాబు అన్నారు. కొన్ని ఉదాహరణలు చంద్రబాబు చదవి వినిపించారు. ఒక వైసీపీ అతను , జోహార్ చంద్రబాబు అంటూ కామెంట్ పెట్టారని, మేమంతా ఇన్నాళ్ళు రాజకీయాల్లో ఉన్నది ఇలాంటి వెధవ మాటలు వినడానికా? అంటూ మండిపడ్డారు. ఇవి కొన్నిమాత్రమేనని, వాళ్లు చేసినవన్నీ డీజీపీకి ఇచ్చామని, కానీ డీజీపీకి అవేమీ కనిపించడంలేదని విమర్శించారు.

మహిళలను కూడా వదిలిపెట్టటం లేదని, పంచుమర్తి అనురాధ, జగన్ ని ఆర్ధిక ఉగ్రవాది అంటూ సుప్రీం కోర్ట్ చెప్పిన వ్యాఖ్యలు చదివితే, ఆమె పై అసభ్యంగా బూతులు తిడుతూ పెట్టరాని అన్నారు. ఇలాంటి వారి పై, ఇప్పటి వరకు 49 కంప్లైంట్ లు ఇచ్చామని, ఒక్క కేసు విషయంలో కూడా పోలీసులు స్పందించలేదని అన్నారు. కాని మావారు, కడుపు మండి ప్రభుత్వాన్ని ప్రశ్నిస్తే మాత్రం, వెంటనే అరెస్ట్ చేసి, బెయిల్ కూడా రాకుండా, ఇబ్బంది పెడుతున్నారని అన్నారు. చిన్న చిన్న విషయాలు పెట్టినా, తట్టుకోలేక పోతున్నారని, వీరిని స్టేషన్ లో కొడుతూ, అక్కడ స్థానికి వైసిపీ ఎమ్మెల్యేలకు ఫోన్ లో లైవ్ చూపిస్తున్నారని అన్నారు. పోలీసులు ఇలాగేనా చేసేది అని ప్రశ్నించారు. ఈ సందర్భంగా, పోలీసులను చంద్రబాబు హెచ్చరించారు.

పోలీసులు, అధికారులు, ప్రభుత్వ పెద్దల అండ చూసుకుని, అతిగా ప్రవర్తించవద్దని, ఈ ప్రభుత్వం శాశ్వతం కాదని గమనించాలని అన్నారు. గతంలో ఇలాగే విర్రవీగిన అధికారులు, జైలల్లో కూర్చుని, ఇప్పటికీ కేసుల కోసం కోర్ట్ ల చుట్టూ తిరుగుతున్నరాని చంద్రబాబు అన్నారు. ఇష్టం వచ్చినట్టు ప్రభుత్వానికి భజన చేస్తూ, రూల్స్ కు అతీతంగా స్పందిస్తూ, అధికారులు తమ భవిష్యత్తును నాశనం చేసుకోవద్దని సూచించారు. పోలీసులు, అధికారులు చట్టప్రకారమే ముందుకు వెళ్లాలని అన్నారు. ఈ ముఖ్యమంత్రి శాశ్వతం కాదని పోలీసులు గుర్తించాలని హితవు పలికారు. రాష్ట్రం కోసం పోరాడటానికి ఎంతకైనా సిద్ధమని స్పష్టం చేశారు. వైకాపా పాలనలో నీచాతినీచంగా పద్ధతి లేకుండా తెదేపా కార్యకర్తలపై ఎస్సీ, ఎస్టీ కేసులు పెట్టి వేధించడం చూస్తే బాధ కలుగుతోందన్నారు. ఇప్పటి వరకూ172 వివిధ రకాల అక్రమ కేసులు, 10 ఎస్సీ, ఎస్తేఎ కేసులు బనాయించి హింసించడం పోలీసులకు తగదన్నారు. పోలీసు అధికారులు విధులను సక్రమంగా నిర్వర్తించాలని హితవు పలికారు. ఎప్పటికైనా వైకాపా నేతలతోపాటు పోలీసులు సైతం చట్టం ముందు తలవంచుకోవాల్సి వస్తుందని హెచ్చరించారు.

టైం ఎప్పుడూ ఒకేలా ఉండదు. మారుతూ ఉంటుంది. ఇక రాజకీయాల్లో అయితే, రోజు రోజుకీ మారి పోతూ ఉంటుంది. ఇప్పుడు బీజేపీ, వైసిపీ మధ్య అదే జరుగుతుందా అనే సందేహం కలుగుతుంది. మొన్నటి దాకా ఇద్దరూ లోపాయకారీ ఒప్పందంతో పని చేసారు. ఎలా అయినా చంద్రబాబుని దింపాలి అనే ఉద్దేశంతో, అటు కేంద్రంలో ఉన్న బీజేపీ, ఇక్కడ జగన్ మోహన్ రెడ్డి పార్టీ కలిసి, వివిధ రకాలుగా రాజకీయం నడిపి, చంద్రబాబు దిగిపోవటానికి, అన్ని విధాలుగా సహకరించుకుని, మొత్తానికి జగన్ ను ఎక్కించారు. అయితే మొదట నెల రోజులు అంతా సాఫీగా సాగిపోయినా, తరువాత నుంచి మాత్రం, జగన్ కు బ్రేక్ లు ఇస్తూ వస్తున్నారు. చిన్న చిన్న పనులు కూడా చెయ్యటం లేదు. కనీసం స్టీఫన్ రవీంద్ర, శ్రీలక్ష్మీ లాంటి వారిని, పక్క రాష్ట్రం నుంచి డిప్యుటేషన్ పై తెచ్చుకుంటానికి కూడా కేంద్రం ఒప్పుకోలేదు. ఇక నిధులు సంగతి అయితే సరే సరి. విభజన హామీల ఊసే లేదు.

పోలవరంలో జగన్ ప్రభుత్వ వైఖరిని తప్పు బడుతూ, పార్లమెంట్ లోనే ప్రకటన చేసారు. ఇక విద్యుత్ పీపీఏ ల విషయంలో అయితే, ఒక అడుగు ముందుకు వేసి, జగన్ తప్పుడు సమాచారం చెప్తూ, తప్పుదోవ పట్టిస్తున్నారని, ఏకంగా కేంద్ర మంత్రి మీడియా ముందు చెప్పారు. అయితే, ఢిల్లీలో లాబీయింగ్ లో బిజీగా ఉండే విజయసాయి రెడ్డి, పప్పులు కూడా ఇప్పుడు అక్కడ ఉడకటం లేదని సమాచారం. మొన్నా మధ్య, మేము చేసే ప్రతి పనికి, ప్రధాని మోడీ, హోం మంత్రి అమిత్ షా ఆశీస్సులు ఉన్నాయని చెప్పిన దగ్గర నుంచి, విజయసాయి రెడ్డిని, ఢిల్లీ వర్గాలు దూరం పెట్టాయని తెలుస్తుంది. అయితే, ఇప్పుడు సిబిఐ నుంచి, జగన్ మోహన్ రెడ్డికి అదిరిపోయే జర్క్ వచ్చింది. కోర్ట్ విచారాణ నుంచి వ్యక్తిగత హాజరు నుంచి మినహాయింపు కోరుతూ, జగన్ వేసిన పిటీషన్ పై, సిబిఐ ఘాటు వ్యాఖ్యలు చేసింది.

జగన్ మోహన్ రెడ్డి సియం హోదాలో ఉన్నారని కూడా చూడకుండా, సిబిఐ, కోర్ట్ లో బలమైన వాదనలు వినిపించింది. జగన్ మోహన్ రెడ్డి ఆర్ధిక నేరాల పై సుప్రీం కోర్ట్ చేసిన తీవ్ర వ్యాఖ్యలు కూడా తమ వాదనల్లో వినిపించారు. అంతే కాదు, జగన్ మోహన్ రెడ్డి ఎంపీగా ఉన్నప్పుడే సాక్ష్యులను బెదిరించారని, ఇపుడు సియంగా ఉంటూ, ఏదైనా చేస్తారని, ఘాటుగా వాదనలు వినిపించారు. అయితే అంతా బాగుంది అనుకున్న టైంలో, సిబిఐ, ఇలా రివర్స్ అవ్వటం పై, వైసిపీ పార్టీలో గుబులు మొదలైంది. అమిత్ షా నుంచి వచ్చిన ఇన్ డైరెక్ట్ వార్నింగా అంటూ, గుసగుసలాడు కుంటున్నారు. సిబిఐ ఉన్నట్టు ఉండి స్పీడ్ పెంచటం పై, వైసిపీలో అంతర్మధనం మొదలైంది. ఒక వేళ కోర్ట్ కనుక, ప్రతి శుక్రవారం విచారణకు రావాలి అని అంటే, అంతకంటే అప్రతిష్ట ఏమి ఉండదని, గుబులు పడుతున్నారు. మరి, ఈ వ్యవహారం ఎక్కడి దాకా వెళ్తుందో చూడాలి.

ఎన్నికల ముందు వరకు, వైసిపీ, బీజేపీ, కేసీఆర్ కలిసి, ఆంధ్రప్రదేశ్ రాష్ట్రాన్ని ఎలా కైవసం చేసుకుంటున్నారు, చంద్రబాబుని తప్పించటానికి ఎన్ని కుట్రలు చేస్తున్నారు, ఆంధ్రప్రదేశ్ రాష్ట్రాన్ని ఎదగ నియ్యకుండా, ఏమి చేస్తున్నారు, ఇలా అనేక విషయాలతో, గత రెండేళ్ళుగా అప్రమత్తం చేస్తూ వచ్చిన సినీ హీరో శివాజీ, ఎన్నికలు అయిన తరువాత, సైలెంట్ అయ్యారు. ఒకానొక సందర్భంలో, టీవీ9 కేసులో, శివాజీని అరెస్ట్ చేసారు అంటూ, మీడియాలో వార్తలు వచ్చిన సందర్భంలో, శివాజీ అదేమీ లేదని, నన్ను ఎవరూ అరెస్ట్ చెయ్యలేదని, మీడియా ముందుకు వచ్చిన సంగతి తెలిసిందే. అయితే ఇప్పుడు మరో సారి రాజకీయ పరమైన అంశంతో, శివాజీ మరోసారి ప్రజల ముందుకు వచ్చారు. రెండు రాష్ట్రాల ముఖ్యమంత్రులతో పాటుగా, ఒక బడా కాంట్రాక్టర్ పై, సంచలన వ్యాఖ్యలు చేసారు. అన్ని విషయాలతో ఇక నుంచి, వారానికి ఒక వీడియో చొప్పున, వారి బండారం మొత్తం బయట పెడతాను అంటూ సంచలన ఆరోపణలు చేసారు శివాజీ.

అటు కేసిఆర్, ఇటు జగన్ మోహన్ రెడ్డి, మేఘా అనే ఒక కాంట్రాక్టర్ తో కలిసి, రాష్ట్రాలని దోచేస్తున్నారని ఆరోపించారు. తాను ప్రతీ వారం వీరు చేస్తున్న దోపిడీల గురించి సాక్ష్యాలతో సహా వీడియోలు రిలీజ్ చేస్తానని చెప్పారు. ఆంధ్రప్రదేశ్ రాష్ట్రంలో పోలవరం రివర్స్ టెండరింగ్ పేరుతొ 800 కోట్లకు ఆదా చేసామని ప్రభుత్వం చెబుతుందని, కాని దీని వెనుక జరిగిన విషయం మొత్తం, ఆధారాలతో సహా, వీడియో రిలీజ్ చేస్తానని చెప్పారు. అలాగే తెలంగాణ రాత్ర ప్రభుత్వంలో నిర్మాణం అవుతున్న కాళేశ్వరం ప్రాజెక్టులో 35వేల కోట్ల రూపాయాలు చేతులు మారాయని ఆరోపించారు. తెలుగు రాష్ట్రాన్ని, ప్రజలను రెచ్చ గొట్టి, రెండుగా చీల్చిన వారు, ఇప్పుడు బంగారు తెలంగాణ పేరుతొ, రాష్ట్రాన్ని కాంట్రాక్టర్లకు దోచి పెడుతున్నారని అన్నారు.

నేను పెద్ద పెద్ద వాళ్లతో పెట్టుకుంటున్నా అని తెలుసని, అందుకే తాను చెబుతున్న ప్రతీ అంశానికి ఆధారం, సాక్ష్యంతో మాట్లాడుతున్నా అని శివాజీ అన్నారు. ఓఎన్జీసీలో, మేఘా దోపిడీ తారా స్థాయికి చేరిందని అన్నారు. మేఘా సంస్థ ఏకంగా 27 రిగ్గులను దోచుకుంటోందని ఆరోపించారు. మేఘా యజమాని, ఏడేళ్ల కాలంలో ఏకంగా 26 వేల కోట్లకు ఎలా పడగెత్తింది, మొత్తం వివరిస్తానని అన్నారు. ఎలెక్ట్రిక్ బస్సుల విషయం చాలా చిన్నదని, అంతకంటే పెద్ద విషయాలు ఉన్నాయని శివాజీ అన్నారు. నాలుగు నెలలుగా తనను మానసికంగా హింస పెడుతున్నారని, తనను ఎలా టార్గెట్ చేసింది, మొత్తం, ప్రధాని మోదీ..హోం మంత్రి అమిత్ షాకు ఫిర్యాదు చేసానని శివాజీ అన్నారు. అయితే రెండు తెలుగు రాష్ట్రాల అధినేతలను, ఒక బడా కాంట్రాక్టర్ పై, ఇన్ని ఆరోపణలు చేస్తున్న శివాజీ ధైర్యాన్ని మాత్రం మెచ్చుకోవాలి. ఎందుకంటే, చిన్న ఆరోపణలు చేస్తేనే, లోపల వేసేస్తున్న విషయాలు మనం చూస్తున్నాం. అలాంటిది, శివాజీ ఇంత ధైర్యంగా విషయాలు చెప్తున్నారు అంటే, నిప్పు లేనిదే పొగ రాదు కదా.