news

ఆంధ్రప్రదేశ్ రాష్ట్రంలో తెలుగుదేశం నేతల పై కక్ష సాధింపు కొనసాగుతుంది. మొన్నటి మొన్న, చంద్రబాబు తన క్యాంపు ఆఫీస్ గా ప్రజా వేదిక ఇవ్వమని అడిగారని, రాత్రికి రాత్రి నిబంధనలు పేరుతొ, దాన్ని పదాగొట్టేసారు. అలాగే రాష్ట్రంలో వివధ చోట్ల తెలుగుదేశం నేతలకు చెందిన భవనాలు టార్గెట్ గా చేసుకుని, పడగొట్టారు. టీడీపీ నేత, మాజీ ఎంపీ మురళీ మోహన్, టీడీపీ మాజీ ఎమ్మెల్యే పీలా గోవిందుకు సంబంధించిన భవనాలు కూల్చిన సంగతి తెలిసిందే. అయితే, ఇప్పుడు వంతు మాజీ మంత్రి గంటా శ్రీనివాస్ రావుది. విశాఖపట్నంలో గంటా శ్రీనివాస్ రావుకు సంబంధించి, పలు భవనాలు కూల్చేందుకు ప్రభుత్వం సిద్ధమైంది. భీమిలోని గంటా శ్రీనివాస్ క్యాంపు ఆఫీస్ సహా, పలు భవనాలు కూల్చివేతకు ప్రభుత్వం సిద్ధం అయ్యింది. అయితే, కేవలం 24 గంటలు నోటీస్ ఇచ్చి, కొట్టేస్తున్నాం అని చెప్పటం కక్ష సాధింపు అంటూ తెలుగుదేశం ఆరోపిస్తుంది.

విశాఖ పరిధిలోని భీమిలిలో, టౌన్‌ సర్వేనంబర్‌ 442లో గంటా కుమార్తె గంటా సాయిపూజిత పేరుతో నిర్మించిన జి+2 భవనాన్ని గంటా శ్రీనివాస్ ఆయన క్యాంప్‌ కార్యాలయంగా వాడుకుంటున్నారు. అయితే జగన్ ప్రభుత్వం వచ్చిన కొత్తలోనే, ఈ భవనానికి అనుమతి లేదు, మేము కూల్చేస్తున్నాం అని నోటీస్ ఇవ్వటానికి వచ్చారు. ఆ సమయంలో అక్కడ ఎవరూ లేకపోవటంతో, ఆ భవనం ఉన్న గోడకు, నోటీస్ అంటించి వెళ్లారు. దీని పై, గంటా హైకోర్ట్ కు వెళ్లారు. దీని పై హైకోర్ట్ లో వాదనలు జరిగాయి. ఈ విషయం పై హైకోర్ట్, జీవీఎంసీ అధికారులను వివరణ కోరింది. ఆ సమయంలో జీవీఎంసీ అధికారులు, ఇది అక్రమ భవనం అని, అందుకే దీన్ని కూల్చేయాలని నిర్ణయం తీసుకున్నామని చెప్పారు.

అయితే దీని పై కోర్ట్ స్పందిస్తూ, అన్ని వివరాలు చూడాలని, అప్పటికీ కూల్చేయాలి అనుకుంటే, వారం ముందు ఆ భావన యజమానికి నోటీసు ఇచ్చి, ఆ భవనంలోని వస్తువులకు ఇబ్బంది లేకుండా చూసుకుని, అప్పుడు నిర్ణయం తీసుకోవాలని కోరింది. అయితే, జీవీఎంసీ అధికారులు మాత్రం, కేవలం 24 గంటలు నోటీస్ ఇచ్చి, భవనం కాళీ చెయ్యండి, లేకపోతె, కొట్టేస్తాం అంటూ నోటీస్ ఇచ్చారని గంటా వర్గం ఆరోపిస్తుంది. ఇప్పటికే భవన నిర్మాణం, క్రమబద్ధీకరణకు దరఖాస్తు చేసుకున్నామని, దాని పై ఏమి స్పందించకుండా, రాజకీయ కక్షతోనే తన భవనాన్ని కూల్చివేయాలని అధికారులు నిర్ణయించారని గంటా ఆరోపించారు. ఒక వేళ కూల్చాలి అనుకున్నా, కొంత టైం ఇవ్వాలి కదా, రాత్రి నోటీస్ ఇచ్చి, ఉదయం కొట్టేస్తాం అంటే ఎలా అని ప్రశ్నిస్తున్నారు.

గత 5 ఏళ్ళ కాలంలో చంద్రబాబు ఎంత కష్టపడి రాష్ట్రానికి పెట్టుబడులు తీసుకువచ్చారో, అందరికీ తెలుసు. చంద్రబాబు కష్టమే, మొన్న జగన్ మంత్రులు, ఎమ్మెల్యేలు రిలీజ్ చేసిన కియా కారు. అయితే గత 5 ఏళ్ళలో మాత్రం, ప్రతిపక్షంలో ఉన్న జగన్ మోహన్ రెడ్డి ప్రభుత్వం మాత్రం, చంద్రబాబు ఒక్క కంపెనీ కూడా తీసుకు రాలేదని ఎద్దేవా చేసారు. చంద్రబాబు విదేశీ పర్యటనలకు ఎంజాయ్ చెయ్యటానికి వెళ్తున్నారని ఆరోపణలు చేసారు. ఇక జగన మోహన్ రెడ్డి గారు అయితే, ప్రత్యెక హోదా కోసం పోరాడకుండా, ఈ ఉత్తుత్తి విదేశీ పర్యటనలు ఎందుకు చంద్రబాబు, నీ సుందర మొఖం చూసి, ఎవరైనా పెట్టుబడులు పెడతారా చంద్రబాబు అంటూ, హేళన చెయ్యటం చూసాం. ఎన్నికల ప్రచారంలో కూడా చంద్రబాబు ఒక్క కొత్త ఉద్యోగం కూడా తేలేదు అని ప్రచారం చేసారు.

కాని వాస్తవంలో చూస్తే, పరిస్థితి వేరు. మన రాష్ట్రం కొత్తగా ఏర్పడిన రాష్ట్రం. మౌలిక వసతులు లేవు. రాజధాని లేదు. అయినా దేశం మొత్తం మన గురించి మాట్లాడుకునేలా చేసారు చంద్రబాబు. ఒక పక్క మొబైల్ కంపెనీలు, మరో పక్క ఎలక్ట్రానిక్ కంపెనీలు, మరో పక్క ఆటోమొబైల్ ఇండస్ట్రీతో పాటు, చిన్న చిన్న ఐటి కంపెనీలు తేవటంలో సక్సెస్ అయ్యారు. పక్క రాష్ట్రాలు ఎంతో బలంగా ఉన్నా, వారిని కాదని, మన రాష్ట్రానికి వచ్చారు అంటే, అది చంద్రబాబు బ్రాండ్ అని చెప్పటంలో ఆశ్చర్యం లేదు. అయినా సరే, జగన్ మోహన్ రెడ్డి గారు అప్పట్లో రాజకీయం చేసారు. అయితే, ఇప్పుడు పరిస్థితి మారిపోయింది. జగన్ మోహన్ రెడ్డి గారు అధికారంలోకి వచ్చారు. పెట్టుబడులు పెట్టటం పై అనిశ్చితి నెలకొంది.

ఇలాంటి సమయంలోనే , జగన్ ప్రభుత్వం, గత 5 ఏళ్ళ కాలంలో ఎన్ని కంపెనీలు వచ్చాయో చెప్తూ, శ్వేతపత్రం విడుదల చేసింది. శ్వేత పత్రంలో అబద్ధాలు ఆడటానికి ఉండదు, అన్నీ నిజాలే చెప్పాలి. ఇప్పటికే ఆర్ధిక రంగం మీద శ్వేతపత్రం వదిలి, చంద్రబాబు ఎంత బాగా పని చేసారో, ఆ రిపోర్ట్ లోనే వివరించారు. ఇప్పుడు ఇండస్ట్రీస్ మీద ఉన్న శ్వేతపత్రంలో కూడా, చంద్రబాబు పని తీరు ఎంత బాగుందో తెలుస్తుంది. నెల రోజుల క్రితం, శాసనసభ సాక్షిగా పరిశ్రమల శాఖ ద్వారా 5,13,351 ఉద్యోగాలు, ఐటీ మరియు ఎలక్ట్రానిక్స్ శాఖల ద్వారా 30,428 ఉద్యోగాలు వచ్చాయని వాళ్ళే చెప్పారు. ఇప్పుడు అడ్వాన్స్ స్టేజ్ లో ఉన్న 137 కంపెనీల ద్వారా 2,78,586 ఉద్యోగాలు, మెగా ప్రాజెక్ట్స్ ద్వారా 1,33,898 ఉద్యోగాలు వస్తున్నాయని శ్వేత పత్రం ద్వారా బయటపెట్టారు. అంటే 'బాబు వచ్చారు...జాబు వచ్చింది' అని స్వయంగా జగన్ మోహన్ రెడ్డి గారి ప్రభుత్వమే ప్రకటించింది.

పవిత్ర తిరుమలలో మరోసారి, అన్యమత ప్రచారంతో కలకలం రేగింది. పవిత్రమైన తిరుమల కొండ పై, వేరే మతాల ప్రచారం చెయ్యటం నిషేధం అని తెలిసిందే. అయితే, గత రెండు నెలల నుంచి, ఎదో ఓక అంశంలో తిరుమల వార్తలకు ఎక్కుతూనే ఉంది. అయితే ఈ రోజు తిరుమలలో జరిగిన అన్యమత ప్రచారంతో, ఒక్కసారిగా అందరూ అవాక్కయ్యారు. ఇంకా చెప్పే విషయం ఏమిటి అంటే, ఏకంగా ప్రభుత్వం ఆధ్వర్యంలో నడిచే ఆర్టీసీ బస్సుల్లో, ఏకంగా ప్రభుత్వం ఆధ్వర్యంలో నడిచే మైనారిటీ శాఖ ఈ ప్రకటన ఇవ్వటంతో, అక్కడ ఉన్న ప్రజలు అవాక్కయ్యే పరిస్థితి వచ్చింది. ఇది తిరుమల కొండ అనుకుంటున్నారా,ఏంటి అంటూ, భక్తులు ఆందోళన చెయ్యటంతో, అధికారులు ఎంటర్ అయ్యి, జరిగిన విషయం పై ఆరా తీసారు. పొరపాటు అయ్యింది అని, మరోసారి జరగకుండా చూస్తామని అన్నారు.

విషయం ఏమిటి అంటే, ఈ రోజు తిరుపతి నుంచి తిరుమల వెళ్ళే బస్సుల్లో ఇచ్చిన టికెట్ల వెనుక, భాగంలో ముస్లింల పవిత్ర హజ్ యాత్ర, క్రిస్టియన్ల పవిత్ర జెరూసలేం యాత్రకు సంబంధించిన యాడ్స్ దర్శనమిచ్చాయి. ఈ యాడ్స్ ఇచ్చింది, ఆంధ్రప్రదేశ్ ప్రభుత్వ, మైనారిటీ సంక్షేమ శాఖ. అయితే ఇవి చూసిన భక్తులు, వెంటనే గొడవ మొదలు పెట్టారు. తిరుమల కొండ పై అన్యమతాల ప్రచారం పై నిషేధం ఉన్నా, జరూసలేం యాత్రల పై ఎలా ప్రచారం చేస్తారని మండిపడ్డారు. ఆందోళనకు సిద్ధం అయ్యారు. హిందువుల మనోభావాలు దెబ్బతీస్తూ, ఏకంగా ప్రభుత్వమే ఇలా యాడ్స్ ఇస్తే ఎలా అంటూ నిలదీసారు. ఎవరో ప్రైవేటు వ్యక్తులు చేస్తే అనుకోవచ్చు, ప్రభుత్వమే ఇలా చెయ్యటం హేయం అని, హిందువుల మనోభావాలతో పని లేదా అని ప్రశ్నించారు.

అయితే ఈ ఘటన పై భక్తుల ఆందోళన తీవ్రం అవ్వటంతో, ఆర్టీసీ డిపో మేనేజర్ రంగంలోకి దిగారు. వేరే ప్రాంతానికి వెళ్లాల్సిన టికెట్ రోల్, పొరపాటున తిరుమల వచ్చిందని ఆర్టీసీ డిపో మేనేజర్ అన్నారు. భక్తుల ఫిర్యాదుతో టికెట్ రోల్ అధికారులు మార్చేసారు. తిరుమల రాంబగీచా బస్టాండ్ టికెట్ కౌంటర్‍లో ఈ ఘటన జరిగింది. అయితే, అధికారుల సమాధానం పై భక్తులు మాత్రం ఆగ్రహం వ్యక్తం చేస్తున్నారు. ఇది పొరపాటున వచ్చింది కాదని, దీని వెనుక ఎవరో ఉన్నారని అంటున్నారు. తిరుమల లాంటి చోట, పోరపాటున ఇలాంటివి జరగవని అంటున్నారు. మరోసారి ఇలాంటివి జరిగితే, తీవ్రంగా ఉంటాయని, హిందూ సంస్థలు హెచ్చరిస్తున్నాయి. ఇప్పటికే, జగన్ యాంటీ హిందూ అంటూ ప్రచారం మొదలు పెట్టిన బీజేపీ, దీని పై ఎలా స్పందిస్తుందో చూడాలి.