news

అమరావతి అనే పేరు వింటేనే, మొదటి నుంచి వైసిపీ పార్టీకి వ్యతిరేకత. అమరావతిని అన్ని విధాలుగా చంద్రబాబు పైకి తేవాలని, ప్రపంచంలోనే మేటి నగరాల్లో ఒకటిగా అమరావతిని నిలపాలని కలలు కన్నారు. దీనికి అక్కడ ప్రజలు కూడా సహకరించి, ఒక్క రక్తం బొట్టు కూడా చిందకుండా, 33 వేల ఎకరాలు ఇచ్చారు. ఇంత భూమి ప్రజలు, ప్రభుత్వానికి ఇవ్వటం, ప్రపంచంలోనే ఎక్కడా లేదు. ప్రణాళికలు తగ్గట్టుగానే, రోడ్లు వేసారు, ఇప్పటికే ఐఏఎస్, ఐపీఎస్ ల క్వార్టర్స్ నిర్మాణం పూర్తయింది. మరిన్ని నిర్మాణంలో ఉన్నాయి. శాశ్వత సచివాలయం, హైకోర్ట్ పనులు మొదలయ్యాయి. అయితే, ఈ నిర్మాణాలు జరుగుతున్నంత సేపు, వైఎస్ఆర్ పార్టీ, చివరకు జగన్ కూడా, అమరావతిని భ్రమరావతి అంటూ హేళన చేసారు. ఇక సాక్షిలో వచ్చిన కధనాలు అయితే, కోకొల్లలు. ఇలాంటి టైంలోనే, ప్రభుత్వం మారింది.

జగన్ మోహన్ రెడ్డి అధికారంలోకి వచ్చారు. అమరావతి నిర్మాణాలు ఆగిపోయాయి. అమరావతిని బూచిగా చూపించే ప్రతి సందర్భాన్ని వాడుకునే వైసిపీ పార్టీ, ఇప్పుడు మొన్న వచ్చిన వరదలను కూడా అలాగే వాడుకుంటుంది. మొన్న వరదలు ఎలా వచ్చాయో అందరికీ తెలుసు. 20 రోజుల నుంచి వరద వస్తున్నా, సరైన వాటర్ మ్యానేజ్మెంట్ చెయ్యటం చేత కాక, కృష్ణా పరివాహక గ్రామాలను ముంచారు. అయితే ఇంత చేసినా, అమరావతి కోర్ క్యాపిటల్ ఏరియాలోకి వరదలు రాలేదు. ఎక్కడో 30 కిమీ దూరంలో ఉన్న అమరావతి గ్రామం మునిగితే, అది అమరావతి రాజధాని ప్రాంతం అని ప్రచారం చేసారు. అయితే ఈ ప్రచారాల మధ్యే, ఇప్పుడు ప్రభుత్వం తరుపున, మంత్రి బొత్సా మరో బాంబు పేల్చారు. రాజధాని పై కీలక వ్యాఖ్యలు చేసారు. రాజధాని పై ప్రభుత్వంలో చర్చ జరుగుతుందని అన్నారు.

విశాఖలో ఆయన మీడియాతో మాట్లాడుతూ, రాజధాని పై త్వరలోనే ఒక ప్రకటన చేస్తామని అన్నారు. ఆ ప్రకటనలో పూర్తీ వివరాలు అందచేస్తామని అన్నారు. అమరావతి ప్రాంతంలో నిర్మాణ వ్యయం ఎక్కువ అవుతుందని అన్నారు. బయట నిర్మాణాల కంటే, ఇక్కడ ఎక్కువ వ్యయం అవుతుందని బొత్సా అన్నారు. మొన్న వరదలతో, ఇక్కడ ప్రాంతం మునిగిపోతుందని అర్ధమవుతుందని అన్నారు. ఈ వరదలు రాకుండా చెయ్యాలి అంటే, కాల్వలు, డ్యామ్‌లు నిర్మించాల్సి ఉంటుందని, ఇది ప్రభుత్వానికి ఒక అదనపు భారం అని, ప్రజాధనం వృధా అవుతుందని బొత్సా అన్నారు. అందుకే ఇవన్నీ ఆలోచిస్తున్నామని అన్నారు. అయితే బొత్సా ప్రకటన విశ్లేషిస్తే, రాజధానిని అమరావతి నుంచి తరలిస్తారా అనే అర్ధం వచ్చేలా ఉంది. ప్రజా ధనం వృధా అవుతుంది, చర్చిస్తున్నాం అంటున్నారు. మరో పక్క నిర్మాణాలు అన్నీ ఆపేశారు. ఇవన్నీ చూస్తుంటే, చంద్రబాబు మీద కోపంతో, మరో షాకింగ్ నిర్ణయం, త్వరలోనే ఏపి ప్రజలు వినబోతున్నారు అనిపిస్తుంది. వేచి చూద్దాం..

గత 5 ఏళ్ళ తెలుగుదేశం పార్టీ హయంలో, ఎలాంటి విష ప్రచారాలు జరిగినియ్యో అందరికీ తెలిసిందే. 5 ఏళ్ళలో అన్ని కులాలను విడగొట్టి, తెలుగుదేశం పార్టీకి దూరం చేస్తూ, నడిపిన క్యాంపైన్ ఎంతో సక్సెస్ అయ్యింది. సరైన టైంలో తెలుగుదేశం పార్టీ ఆ విష ప్రచారాన్ని తిప్పి కొట్టలేక పోవటంతో, ఏకంగా ఆ కులాల్లో చీలిక వచ్చి, అధికారమే కోల్పోవాల్సి వచ్చింది. సినిమాల దగ్గర నుంచి, ప్రతి విషయంలోనూ కులాన్ని లాగి, ఒక విష సంస్కృతిని తీసుకు వచ్చారు. అలాగే జూనియర్ ఎన్టీఆర్, తెలుగుదేశం పార్టీలకు గ్యాప్ వచ్చేలా కూడా పని చేసారు. ఇందులో ముఖ్యంగా ఒక ప్రముఖ ఛానెల్, పేపర్ ఆ పనికి లీడ్ తీసుకుంటే, కొన్ని వెబ్ సైట్స్ అదే పనిగా విషయం చిమ్మాయి. ఇవి తీసుకుని, సోషల్ మీడియాలో ఒక ప్రణాళిక ప్రకారం ప్రచారం చేసారు. తెలుగుదేశం పార్టీకి జరగాల్సిన నష్టం జరిగింది.

అయితే ఇప్పుడు తెలుగుదేశం పార్టీ ప్రతిపక్షంలో ఉన్నా కూడా, ఇలాంటి విష ప్రచారమే చేస్తున్నారు. అయితే, ఇప్పుడు తెలుగుదేశం పార్టీ మారింది. విష ప్రచారం చేస్తుంటే, వెంటనే ఖండిస్తున్నారు. తాజగా, ప్రభాస్ సాహో సినిమా పై, విషం చిమ్మే ప్రయత్నం జరుగుతుంది. తన సినిమా ప్రమోషన్లో భాగంగా, ప్రభాస్ ఒక తమిళ వెబ్ ఛానెల్ కి ఇంటర్వ్యూ ఇచ్చారు. ఆ సందర్భంలో, అక్కడ యాంకర్, కొన్ని పేరులతో ఉన్న కార్డ్స్ పెట్టి, ఒక్కో కార్డు తియ్యమని ప్రభాస్ ని కోరారు. ఆ కార్డు మీద ఎవరి పేరు అయితే ఉంటుందో, వారి గురించి అభిప్రాయం అడిగారు. అలా కొంత మంది పేరులతో ఉన్న కార్డ్స్ తీసిన తరువాత, జగన్ పేరు కూడా వచ్చింది. యాంకర్ మాట్లాడుతూ, జగన్ ఇప్పుడు పొలిటికల్ బాహుబలి కదా, మీ అభిప్రాయం ఏంటి అని అడిగారు. దానికి ప్రభాస్ స్పందిస్తూ, నాకు పాలిటిక్స్ గురుంచి పెద్దగా తెలియదు, i "think" he will do very good. He is a young CM. I think AP will be very beautiful. Let's wait and see అని అన్నారు.

అయితే ప్రభాస్, జగన్ ని పొలిటికల్ బాహుబలి అన్నారు అంటూ వైసీపీ ప్రచారం చెయ్యటంతో, కొంత మంది ఓవర్ గా రియాక్ట్ అయ్యే తెలుగుదేశం కార్యకర్తలు, ప్రభాస్ పై కొంత కోపగించుకుంటూ పోస్ట్ లు పెట్టారు. గతంలో కృష్ణంరాజు చంద్రబాబుని తిట్టారు అంటూ, అదీ ఇదీ కలిపి కొన్ని పోస్ట్ లు పెట్టారు. అయితే, దీనికి తెలుగుదేశం పార్టీకి ఎలాంటి సంబంధం లేదు. ఎవరి వ్యక్తిగత అభిప్రాయం వారిది. కాని, వైసిపీకి అనుకూలంగా ఉండే ఓక వెబ్ సైట్ మాత్రం, ఇదంతా తెలుగుదేశం ప్లాన్ అని, ప్రభాస్ సినిమా ఫ్లోప్ చెయ్యటానికి తెలుగుదేశం ప్లాన్ చేస్తుందని రాసారు. అయితే, ఈ విష ప్రచారం వెనుక, రాజులను, తెలుగుదేశం పార్టీకి దూరం చెయ్యాలనే కుట్ర ఉంది. ఇది గ్రహించిన తెలుగుదేశం పార్టీ వెంటనే స్పందించింది. నారా లోకేష్ దీని పై ట్వీట్ చేస్తూ, ఆ వెబ్ సైట్ మాడు పగిలేలా స్పందించారు. ఈ అబద్ధాలు రాసిన నకిలీ జర్నలిస్టు సిగ్గుపడాలి. కుల విభజన, విద్వేషం నింపి సంపాదించిన సొమ్ముతో తిండి ఎలా తింటున్నారు? మీకు మనస్సాక్షి అనేదే లేదా?. సాహో ఓ భారీ బడ్జెట్ చిత్రం. ఈ అద్భుతమైన సినిమాను చూడ్డానికి ప్రభాస్ ఫ్యాన్స్ లాగా నేను కూడా ఎదురు చూస్తున్నాను. ఆ సినిమా బ్లాక్ బస్టర్ అవ్వాలని కోరుకుంటున్నా. సాహో చిత్రాన్ని ప్రభాస్ ఫ్యాన్సే కాదు, టీడీపీ కార్యకర్తలు కూడా చూసి, ఆ పనికిమాలిన కథనాన్ని తిప్పి కొట్టండి" అంటూ ట్వీట్ చేశారు. దీని పై , బాగా బుద్ధి చెప్పారు అంటూ టిడిపి అభిమానులు, ప్రభాస్ ఫాన్స్, లోకేష్ చర్యను మెచ్చుకుంటున్నారు.

పోలవరం ప్రాజెక్ట్ విషయంలో, చంద్రబాబు ముద్రలు చేరిపేయాలని చూస్తూ, బాగా పని చేస్తున్న నవయుగ కంపెనీని, తీసేసి, కొత్త టెండర్ ను పిలవాలని జగన్ ప్రభుత్వం నిర్ణయం తీసుకున్న సంగతి తెలిసిందే. అయితే ఈ విషయం పై అటు కేంద్రం కాని, ఇటు పోలవరం ప్రాజెక్ట్ అథారిటీ కాని మొదటి నుంచి గుర్రుగానే ఉన్నారు. అయినా సరే జగన్ ప్రభుత్వం మాత్రం, ముందుకే వెళ్తుంది. ఎందుకు ఇంత తొందర, కేంద్రం నిర్ణయం తీసుకునే దాకా ఎందుకు ఆగారు, అని ప్రశ్నించినా, మొండిగా ముందుకు వెళ్తున్నారు. దీంతో ఈ విషయం పై, కేంద్రం నిన్న సీరియస్ అయ్యింది. మా మాట వినండి అని చెప్పినా, 4 గంటల్లోనే రివర్స్‌ టెండర్లకు నోటిఫికేషన్‌ జరీ చేసిన జగన్ ప్రభుత్వం పై, కేంద్రం తీవ్రంగా స్పందించింది. ఈ విషయం పై పూర్తీ స్థాయి నివేదక మాకు ఇవ్వండి అంటూ, కేంద్ర జలశక్తి మంత్రిత్వ శాఖ పోలవరం ప్రాజెక్టు అథారిటీ సీఈవో ఆర్కే జైన్‌ను కోరింది.

అయితే ఇప్పటికే ఈ విషయం పై జైన్, ప్రాధమిక నివేదిక కేంద్రానికి ఇచ్చారు. అలాగే తాను రాష్ట్రానికి రాసిన లేఖలు కూడా, కేంద్రానికి పంపించారు. అలాగే జైన్ తో కేంద్ర అధికారులు ఫోన్ లో కూడా మాట్లాడారు. ఈ రోజు, రేపటి లోపు , నివేదిక కేంద్రానికి ఇస్తామని చెప్పారు. బుధవారం, కేంద్ర జల శక్తి మంత్రి గజేంద్ర సింగ్‌ షెఖావత్‌ ఈ విషయం ద్రుష్టి పెట్టి, తగిన సూచనలతో, ప్రధానిని కూడా కలిసే అవకాసం ఉందని తెలిస్తుంది. అయితే జగన్ అనవసర పట్టుబదలతో, పరిస్థితి చేయి దాటుతుందేమో అని రాష్ట్ర అధికారులు భావిస్తున్నారు. ఈ షాక్ నుంచి కోలుకోక ముందే, మరో గంటలోనే, మరొక వార్తా రాష్ట్రాన్ని కలవర పెట్టింది. మమ్మల్ని అకారణంగా పోలవరం ప్రాజెక్ట్ నుంచి తప్పించారని, కారణం చెప్పకుండా తొలగించారని, నవయుగ కోర్ట్ కి వెళ్ళింది.

నవయుగ ఈ అడుగు వేస్తుందని, జగన్ ప్రభుత్వం భావించలేదు. వాళ్లకి రాష్ట్రంలో కాంట్రాక్టు లు కావాలంటే, ప్రభుత్వంతో సఖ్యతగా ఉంటారు, అదీ కృష్ణపట్నం పోర్ట్ కూడా నవయుగ చేతిలో ఉంది కాబట్టి, వాళ్ళు ఇంత దూకుడుగా వెళ్తారని ప్రభుత్వం భావించలేదు. అయితే నవయుగ మాత్రం, మేము రికార్డు స్థాయిలో పని చేసి, రాష్ట్రానికి మంచి పేరు తెచ్చాం, ప్రాజెక్ట్ ని దూకుడుగా చేసి, 73 శాతం పూర్తీ చేస్తే, మేము ఏ తప్పు చెయ్యకుండా, తప్పించారని, కోర్ట్ కు వెళ్లారు. పనులు మమ్మల్ని కొనసాగనించాలని, వేరే సంస్థకు అవకాసం ఇవ్వకుండా చూడాలని కోర్ట్ ని కోరారు. అయితే ఈ వరుస వివాదాల నేపధ్యంలో, పోలవరం ప్రాజెక్ట్ నిర్మాణం మరుగున పడేలా కనిపిస్తుంది. ఒక పక్క కోర్ట్ లో ఉండటం, అలాగే కేంద్రానికి మండి, మళ్ళీ వాళ్ళే ప్రాజెక్ట్ బాధ్యతలు తీసుకుంటే, ఇక పోలవరం ఇప్పుడప్పుడే అయ్యే అవకాశమే లేదు. చూద్దాం ఏమి జరుగుతుందో ?