news

తెలుగు సినీ ఇండస్ట్రీ, తెలుగు రాజకీయాలు, రెండిటికీ దగ్గర సంబంధాలు ఉన్నాయి. సినీ ఇండస్ట్రీ నుంచి రాజకీయాల్లోకి వచ్చి, ఏకంగా సియం అయ్యి, దేశ రాజకీయాలనే శాసించారు ఎన్టీఆర్. అలాగే అనేక మంది సినీ ఇండస్ట్రీ నుంచి వచ్చి ఎమ్మెల్యేలు అయ్యారు, చిరంజీవి, పవన్ కళ్యాణ్ లాంటి వారు పార్టీలు పెట్టారు. ఇలా తెలుగు సినిమాకు, రాజకీయాలకు ఎప్పుడూ దగ్గర సంబంధాలు ఉన్నాయి. అయితే సామాన్య ప్రజలు లాగానే, సినిమా వాళ్ళు కూడా, ఒక పార్టీ వైపు మొగ్గు చూపటం చాలా సహజం. ఎవరు అధికారంలో ఉన్నా, మనకు ఇష్టం లేని వాళ్ళు అధికారంలో ఉన్నా, వారికి గౌరవం ఇవ్వాల్సిందే. అయితే, వైసీపీ నేత, సినీ ఆర్టిస్ట్ పృధ్వీ మాత్రం, ఎందుకో కాని, మొదటి నుంచి, సినీ ఇండస్ట్రీకి, జగన్ మోహన్ రెడ్డికి గ్యాప్ పెంచటానికి, ప్రయత్నం చేస్తున్నాడు.

ఇది కావాలని ప్లాన్ ప్రకారం జరుగుతుందా, లేక తెలియని తనంతో, జగన్ మీద పిచ్చ అభిమానంతో చేస్తున్నాడో అర్ధం కావటం లేదు. మొన్నటి ఎన్నికల్లో చంద్రబాబుని బాగా తిట్టినందుకు, జగన మోహన్ రెడ్డి అధికారంలోకి వచ్చిన తరువాత, 30 ఇయర్స్ పృధ్వీ కోసం, తిరుమల తిరుపతి దేవస్తానం ఛానల్ కు చైర్మెన్ గా చేసారు. ఈ సందర్భంలో, ఆ ప్రమాణస్వీకారం అయిన తరువాత, పృధ్వీ మీడియాతో మాట్లాడుతూ, తెలుగు సినీ ఇండస్ట్రీ పెద్దల పై విరుచుకు పడ్డారు. తెలుగు సినీ ఇండస్ట్రీ వాళ్లకు జగన్ అంటే గౌరవం లేదని, ఇప్పటి వరకు వచ్చి జగన్ ను ఎందుకు కలవలేదు, ఎందుకు సన్మానం చెయ్యలేదు అని పృధ్వీ ప్రశ్నించారు. దీని పై అగ్ర నటుడు రాజేంద్ర ప్రసాద్, తిరుమల వచ్చినప్పుడు స్పందించారు.

మేమేమీ పెట్టుబడిదారులం కాదని, జగన్ మోహన్ రెడ్డిని సియం అయిన సందర్భంగా అందరం అభినందించామని, అవసరం ఉన్నప్పుడు, ఆయన అవకాసం ఇచ్చినప్పుడు వెళ్లి కలుస్తామని రాజేంద్ర ప్రసాద్ అన్నారు. మరి ఈ మాటలో పృధ్వీ గారికి ఏమి తప్పు కనిపించిందో కాని, ఈ రోజు మరింతగా విరుచుకు పడ్డారు. జగన్ ను సినీ పెద్దలు కలిసి విష్ చెయ్యలేదు అని మాత్రమే తాను చెప్పానని పృథ్వీ తెలిపారు. ఈ విషయంలో ప్రముఖ నటుడు రాజేంద్రప్రసాద్ తిరుమలలో చేసిన వ్యాఖ్యలు అభ్యంతరకరంగా ఉన్నాయని చెప్పారు. . ఏపీ ముఖ్యమంత్రి జగన్ ను ఎవరు విమర్శించినా తాట తీస్తానని హెచ్చరించారు. మొత్తానికి, లేని రచ్చను లేపి, సినీ ఇండస్ట్రీకి, ఏపి ప్రభుత్వానికి గొడవ పెట్టేలా ఉన్నాడు పృధ్వీ. జగన్ కలగ చేసుకుని, కొంచెం తగ్గమంటే కాని, ఈయన తగ్గేలా లేడు.

తెలుగుదేశం పార్టీ అధినేత చంద్రబాబుకి కుడి చేతికి కట్టుతో కనిపించిన విషయం తెలిసిందే. మంగళవారం జరిగిన టీడీపీ రాష్ట్రస్థాయి విస్తృత సమావేశానికి చంద్రబాబు చేతికి కట్టుతో హాజరయ్యి, కార్యకర్తలను కంగారు పెట్టారు. అయితే, ఆయన కుడి చేతి నరం పై ఒత్తిడి పెరిగిందని, దానికి నొప్పి రావటంతో ఆయన కొద్దిగా ఇబ్బంది పడుతున్నారని, దీంతో చేతికి మరింత ఒత్తిడి పెరగకుండా, చేతికి కట్టులాగా కట్టి, సపోర్ట్ గా ఉంచారని, తెలుగుదేశం వర్గాలు చెప్పాయి. నొప్పి మరీ ఎక్కవుగా ఉండటంతో, చంద్రబాబుని రెండు రోజులు రెస్ట్ తీసుకోమని డాక్టర్లు చెప్పారని, అందుకే చంద్రబాబు రెండు రోజులు విశ్రాంతి తీసుకున్నారని తెలుగుదేశం వర్గాలు చెప్పాయి. అయితే, ఆయన హైదరాబాద్ వచ్చారని తెలియటంతో, తెలంగాణా తెలుగుదేశం నేతలతో పాటు, వివిధ పార్టీల నాయకులు కూడా చంద్రబాబుని కలిసారు.

రాఖీ సందర్భంగా, కాంగ్రెస్ ఎమ్మెల్యే సీతక్క చంద్రబాబుని కలిసి రాఖీ కట్టారు. పార్టీలు వేరు అయినా, చంద్రబాబు మీద అభిమానం ఎప్పటికీ చచ్చిపోదని ఆమె అన్నారు. ఈ సందర్భంగా చంద్రబాబుకి చేతి కట్టు పై అక్కడ నాయకులు ఆందోళన వ్యక్తం చెయ్యటంతో, వారికి చంద్రబాబు సమాధానం చెప్తూ, ఇది చాలా చిన్న విషయం అని, నేను సంపూర్ణ ఆరోగ్యంగా ఉన్నాని చెప్పారు. ఇటీవలే అమెరికాకి వెళ్లి ఆరోగ్య పరీక్షలు అన్నీ చేపించుకున్నానని, ఎప్పటికి మీద ఈ సారి రిపోర్ట్ లు బాగున్నాయని, నా ఆరోగ్యం గురించి ఎటువంటి ఆలోచన పడాల్సిన పనిలేదని చంద్రబాబు అన్నారు. చేతికి కొంచెం ఒత్తిడి తగలటంతో, ఇబ్బందిగా ఉందని అన్నారు. తాను పూర్తి ఆరోగ్యంగా ఉన్నట్లు చంద్రబాబు వారికి వివరించారు.

ఇక మరో పక్క రాష్ట్రంలో జరుగుతున్న విషయాల పై చంద్రబాబు ఎప్పటికప్పుడు స్పందిస్తున్నారు. నిన్న ఏకంగా జపాన్ ప్రభుత్వం, ఆంధ్రప్రదేశ్ ప్రభుత్వానికి ఉత్తరం రాయటంతో, చంద్రబాబు స్పందించారు. ఒక పక్క కేంద్రం చెప్తుంది, ఒక పక్క కోర్ట్ లు చెప్తున్నాయి, ఇప్పుడు విదేశాలు కూడా చెప్తున్నాయని, అయినా జగన్ మొండిగా వెళ్తున్నారని, పేరులో సగం ఉంటే, తన చేష్ట,లతో, మరో సగం మొండితనం కనిపిస్తుందని చంద్రబాబు అన్నారు. "విద్యుత్ ఒప్పందాల పునః సమీక్ష మంచిది కాదని, రాష్ట్రానికి పెట్టుబడులు దూరమవుతాయని కేంద్ర ఇంధన శాఖ కార్యదర్శి చెప్పారు, వినలేదు. కేంద్ర విద్యుత్తుశాఖ మంత్రి చెప్పారు, వినలేదు. ఇప్పుడు జపాన్ రాయబార కార్యాలయం కూడా ఆ మనిషి తలకెక్కేలా కాస్త చెప్పమని భారత్ కు లేఖ రాసింది. జగమొండి అనే పదంలో సగం ఆయన పేరులో ఉంటే, మిగతా సగం ఆయన చేసే పనుల్లో ఉంది. రాష్ట్రం దాటి, దేశం దాటి, జగమంతా వారికి హితవాక్యాలు చెబుతుంటే... బహుశా ఇలా చెప్పించుకోవడం కూడా వాళ్ళకు గర్వకారణంగా ఉందో ఏమో! పిచ్చికి అనేక రూపాలు మరి." అంటూ చంద్రబాబు స్పందించారు.

ఈ రోజు ఇందిరా గాంధీ స్టేడియంలో జరిగిన స్వాతంత్ర దినోత్సవ వేడుకల్లో, జగన్ మోహన్ రెడ్డి పాల్గున్నారు. అయితే ఈ కార్యక్రమం చివరలో, అనుకోని సంఘటనతో, అందరూ ఒక్కసారిగా అవాక్కయ్యారు. ముఖ్యంగా జగన్ భద్రతా సిబ్బంది, ఊహించని సంఘటన చూసి షాక్ అయ్యారు. ఒక రాష్ట్ర ప్రభుత్వం జరుపుతున్న సెక్యూరిటీ వేడుకల్లో, సెక్యూరిటీని దాటుకుని, జగన్ మోహన్ రెడ్డి దగ్గరకు దూసుకెళ్ళారు చంద్రబాబు వీరాభిమాని. అయితే ఇది రాజకీయంగా ఎదో హాని చెయ్యటానికి మాత్రం కాదు. గత ప్రభుత్వంలో చంద్రబాబు ఇచ్చిన మాట నెరవేర్చాలని చెప్పటానికి. దీని పై జగన్ కూడా సానుకూలంగా స్పందించినట్టు తెలుస్తుంది. ఇక విషయానికి వస్తే, విజయవాడకు చెందిన కోలా దుర్గారావు అనే వ్యక్తికి రెండు చేతులు లేవు.

చిన్నప్పుడు ఎలెక్ట్రిక్ షాక్ తో, రెండు చేతులు పోయాయి. అయితే గతంలో చంద్రబాబు సియంగా ఉండగా, అతన్ని అన్ని విధాలుగా ఆదుకున్నారు. చంద్రబాబు ప్రభుత్వంలో ఉండగా, అమెరికా నుంచి సెన్సార్లతో పనిచేసే కృత్రిమ చేతులు తెప్పించి ఇచ్చారు. అదే విధంగా, దుర్గారావుకు ఉద్యోగం కూడా ఇస్తానని చంద్రబాబు హామీ ఇచ్చారు. హామీ ఇచ్చిన మేరకు, ముందుకు వెళ్తున్న వేళ, ఎన్నికలు రావటం, ఎన్నికల కోడ్ రావటంతో, ఆ హామీని చంద్రబాబు నెరవేర్చలేకపోయారు. ఇదే విషయాన్ని ఈ రోజు అతి కష్టం మీద జగన్ ను కలిసి, దుర్గారావు చెప్పారు. గత ప్రభుత్వంలో చంద్రబాబు , తనకు ఇచ్చిన హామీని ఇప్పుడు అధికారంలో ఉన్న మీరే తీర్చాలని అతను జగన్ కు కోరారు. తనకు రెండు చేతులు లేవని, ఆదుకోవాలని కోరారు. అయితే ఈ విషయం పై దృష్టి పెట్టాలని సంబంధిత అధికారికి జగన్ ఆదేశాలు జారీ చేశారు.

దుర్గారావు నేపధ్యం చూస్తే, అతను విజయవాడలోని రాజరాజేశ్వరీపేట వాస్తవ్యుడు. అయితే చిన్నప్పుడే ఊహించని రీతిలో తన రెండు చేతులను కోల్పోయాడు. చిన్న వయసులో గాలిపటం కోసం కరెంట్ స్తంభం ఎక్కి ప్రమాదానికి గురయ్యాడు. కరెంట్ తీగలపై పడటంతో, రెండు చేతులు తెగిపోయాయి. అయితే రాను రాను క్రీడల్లో బాగా రానిస్తూ మంచి పేరు సంపాదించాడు. అయితే సంఘటన జరిగిన తరువాత, చంద్రబాబుకు విషయం తెలియటంతో, పదేళ్ళ క్రితమే అతనికి చంద్రబాబు సహాయం చేసారు. తరువాత చంద్రబాబు 2014లో అధికారంలోకి రావటంతో, 2018 సమయంలో దుర్గారావు చంద్రబాబుని వచ్చి కలిసి, డిగ్రీ చదివాను అని, క్రీడల్లో బాగా రానిస్తున్నాని, తన జీవినం సాగించాటానికి ఏదైనా ఉద్యోగం ఇవ్వాలని కోరగా, స్పోర్ట్స్ కోటాలో ఉద్యోగం ఇచ్చే అవకాశాలు చూడాలని చంద్రబాబు ఆదేశించారు. అయితే ఎన్నికల కోడ్ రావటం, ఇప్పుడు ప్రభుత్వం మారటంతో, చంద్రబాబు ఇచ్చిన హామీని, మీరు నెరవేర్చాలని జగన్ ను కోరారు. మరి జగన్ గారు, ఎదో చూడమనటం కాకుండా, నిజంగా అతనికి ఉద్యోగం ఇవ్వాలని ఆశిద్దాం.