news

చంద్రబాబు హయంలో సోలార్ కు అధిక ప్రాధాన్యం ఇచ్చి, రాయలసీమలో పెద్ద పెద్ద సోలార్ ప్లాంట్ లు పెట్టించారు. కర్నూల్ లో ప్రపంచంలోనే అతి పెద్ద సోలార్ ప్లాంట్ పెట్టించిన సంగతి తెలిసిందే. అయితే జగన్ ప్రభుత్వం అధికారంలోకి వచ్చిన దగ్గర నంచి ఈ సోలార్ ప్లాంట్ లు టార్గెట్ గా వెళ్తున్నారు. మొన్నటికి మొన్న కడపలో గుర్తు తెలియని వ్యక్తులు 1700 సోలార్ ప్యానెల్స్ ని పగలగొట్టిన సంగతి తెలిసిందే. దీంతో ఆ కంపెనీకి 3 కోట్లు నష్టం వచ్చి, ఇలా అయితే ఇక్కడ నుంచి కంపెనీ ఎత్తేస్తాం అని చెప్పిన సంగతి తెలిసిందే. అయితే ఇప్పుడు ప్రపంచానికే తలమానికంగా ఉన్న, కర్నూల్ జిల్లా మెగా అల్ట్రా సోలార్ పార్క్ లో కూడా ఇలాంటి బెదిరింపుల పర్వమే కొనసాగింది. అయితే ఇక్కడ మాత్రం, దాడి చేసింది అధికార వైసీపీ నేతలు కావటం గమనార్హం. ఇప్పటికే పెట్టుబడులు రాక ఇబ్బంది పడుతుంటే, ఇలాంటి చర్యలతో, కష్టపడి గతంలో తెచ్చిన పెట్టుబడులు వెళ్ళిపోయే ప్రమాదం ఉంది. నిన్న జరిగిన సంఘటన చూస్తే, రాష్ట్రం పట్ల ప్రేమ ఉన్న ఎవరికైనా ఇలాంటి చర్యలును ఖండిస్తారు. జగన్ మోహన్ రెడ్డి గారు, ఇలాంటి వారిని పార్టీ నుంచి సస్పెండ్ చెయ్యాలి.

నిన్న కర్నూల్ సోలార్ పార్క్ లో, వైసీపీ నేతలు బెదిరింపులకు దిగారు. అక్కడ ఉన్న కాంట్రాక్టులు తమ పార్టీ వారికే ఇవ్వాలని సోలార్ పార్క్ కంపెనీ ప్రతినిధులతో గొడవకు దిగారు. కర్నూల్ జిల్లా, గడివేముల, ఓర్వకల్లు మండలాల్లో 5 వేల ఎకరాల్లో నిర్మించిన సోలార్ పార్క్ లో, నాలుగు కంపెనీలు విద్యుత్తు ఉత్పత్తి చేస్తున్నాయి. ఇందులో ఒక కంపెనీ అయిన, స్టెర్లింగ్‌ అండ్‌ విల్సన్‌ కంపెనీ ఏడు బ్లాక్‌లలో 350 మెగా వాట్ల విద్యుత్తును ఉత్పత్తి చేస్తోంది. ఈ ప్లాంట్ లో ఉన్న సోలార్ ప్యానెల్స్ శుభ్రం చేసే కాంట్రాక్టు ఉంది. ఈ విషయం పై గొడవ జరిగింది. ఆ కాంట్రాక్టు మాకే ఇవ్వాలి అంటూ, తుపాకులతో వచ్చి కంపెనీ ప్రతినిధులను బెదిరించారు వైసీపీ నాయకులు శివానందరెడ్డి, రామలింగేశ్వరరెడ్డి, మంచాలకట్టకు చెందిన అనిల్‌ కుమార్‌రెడ్డి, మేఘనాథ్‌రెడ్డి. కంపెనీ ప్రతినిధులను తుపాలకులతో బెదిరించి, ఆ కాంట్రాక్టు మాకే కావాలని బెదిరించారు. ఈ విషయంతో అవాక్కయిన కంపెనీ ప్రతినిధులు పోలీసులకు ఫిర్యాదు చేశారు. వీరి పై కేసు నమోదు చేసి రెండు తుపాకులను స్వాధీనం చేసుకున్నట్లు పోలీసులు తెలిపారు.

జగన్ పార్టీలో నెంబర్ 2, వైసీపీ కీలక నేత, అలాగే పార్లమెంటరీ నేతగా కొనసాగుతున్న విజయసాయిరెడ్డికి ఢిల్లీలో ఏపీ ప్రభుత్వ ప్రతినిధిగా నియమిస్తూ ఆంధ్రప్రదేశ్ ప్రభుత్వం నిర్ణయం తీసుకున్న సంగతి తెలిసిందే. అయితే ఈ రోజు అనూహ్యంగా, విజయసాయి రెడ్డి నియామకం రద్దు చేస్తూ నిర్ణయం తీసుకున్నారు. విజయసాయి రెడ్డిని ఢిల్లీలో ఏపీ ప్రభుత్వ ప్రతినిధిగా తొలగిస్తూ ఉత్తర్వులు ఇచ్చారు. ఇందుకు సంబంధించి గత నెల 22న జారీ చేసిన జీవో నెంబర్ 68ని రద్దు చేస్తూ తాజాగా మరో ఉత్తర్వులు ప్రభుత్వం జారీ చేసింది. అయితే ఆయన పదవి ఎందుకు రద్దు చేసింది అధికారికంగా మాత్రం చెప్పలేదు. మీడియాకు ఇచ్చిన లీక్లు ప్రకారం, ఆయన ఇపటికే రాజ్యసభ ఎంపీగా లాభదాయక పదవిలో ఉన్నందున ఆయన నియామకం చెల్లదని, అందుకే రద్దు చేసామని చెప్తున్నారు. ఒక వేళ రెండు పదవుల్లో కొనసాగితే, రాజ్యసభ సభ్యతిత్వానికి అనర్హుడిగా ప్రకటించే అవకాసం ఉందని, అందుకే ఢిల్లీలో ఏపీ ప్రభుత్వ ప్రతినిధిగా చేసిన నియామకం వెనక్కు తీసుకున్తున్నట్టు చెప్తున్నారు.

విజయసాయిరెడ్డి స్థానంలో మరొకరిని ఢిల్లీలో ఏపీ ప్రభుత్వ ప్రతినిధిగా నియమించాలని ఆంధ్రప్రదేశ్ ప్రభుత్వం భావిస్తోంది. అయితే విజయసాయి ప్లేస్ లో వచ్చే ఆ ఇంకో వ్యక్తి ఎవరూ అనేదాని పై ఇప్పటి వరకు సమాచారం లేదు. అయితే విజయసాయి రెడ్డిని నియమించ కూడదు అని తెలిసినా, ఎందుకు నియమించారు ? ఇప్పుడు ఆయన్ను ఎందుకు తీసేశారు అనే విషయం పై మాత్రం క్లారిటీ లేదు. అంటే ప్రభుత్వంలో ఉండే అధికారులకు అంత మాత్రం తెలియదా ? లేక తెలిసే ఇలా చేసారా ? అధికారులకు తెలియకపోతే, జగన్ మోహన్ రెడ్డికి తెలియదా ? క్యాబినెట్ ర్యాంక్ పదవి విజయసాయి రెడ్డికి ఇస్తున్నాం అని ప్రచారం చేసి, ఇప్పుడు ఎందుకు ఇలా చేసారు అనే విషయం తెలియాలి. ఢిల్లీలోని ఏపీ ప్రభుత్వం ప్రతినిధిగా, ఏ పార్టీ అధికారంలో ఉంటే, ఆ పార్టీ నేతను అక్కడ పెట్టటం ఆనవాయితీగా వస్తోంది. తెలుగుదేశం పార్టీ హయాంలో కంభంపాటి రామ్మోహన్‌రావు ఏపీ ప్రభుత్వ ప్రతినిధిగా ఉన్నారు. ఇది క్యాబినెట్ ర్యాంక్ పోస్ట్ కావటంతో, అందరూ దీని కోసం పట్టుబడతారు. అయితే జగన్ , విజయసాయి రెడ్డికి ఇవ్వటంతో, వైసీపీ నుంచి ఎవరూ దాన్ని ప్రశ్నించలేక పోయారు. మరి ఇప్పుడు కొత్తగా ఎవరికి ఇస్తారో చూడాలి.

జగన్ మోహన్ రెడ్డి అధికారంలోకి రాగానే, కీలకమైన అన్ని చోట్లా, తన మనుషులను పెట్టుకుంటున్నారు. ఈ క్రమంలోనే, జూన్ 22న జీవో నెం 68 జారీ చేస్తూ, ఢిల్లీలో రాష్ట్ర ప్రభుత్వ ప్రత్యేక ప్రతినిధిగా జగన్ సన్నిహితుడు, నెంబర్ 2 అయిన ఎంపి విజయ సాయి రెడ్డిని నియమించారు. విత్ ఇమిడియట్ ఎఫెక్ట్ అంటూ ఈ ఆదేశాలు జారీ అయ్యాయి. అయితే 13 రోజులు తరువాత, అంటే నిన్న, విజయసాయి రెడ్డిని ఢిల్లీలో రాష్ట్ర ప్రభుత్వ ప్రత్యేక ప్రతినిధిగా తీసేస్తూ ప్రభుత్వం మరో జీవొ జారి చేసింది. ఎంపీగా ఉంటూ ఈ పదవిలో ఉండ కూడదు అని సమాచారం రావటంతో, వైసీపీ ప్రభుత్వం ఈ నిర్ణయం తీసుకుంది. అయితే, అప్పటికే విజయసాయి రెడ్డి 13 రోజులు రెండు పదవులు అనుభివించారు. ఇప్పుడు ఇదే విషయం విజయసాయి రెడ్డి మెడకు చుట్టుకుని, ఆయన ఎంపీ పదవి కూడా పోయేలా చేస్తుందని విశ్లేషకులు అంటున్నారు. వ్యవస్థలు కనుక రూల్స్ ప్రకారం పని చేస్తే, విజయసాయి రెడ్డి వెంటనే తన రాజ్యసభ ఎంపీ పదవి కోల్పాతారు.

ఆర్టికల్ 102(1)ఏ ప్రకారం, ప్రజా ప్రాతినిధ్య చట్టం ప్రకారం విజయ సాయి రెడ్డిని రాజ్యసభ సభ్యుడిగా తొలగించే అవకాసం ఉంది. ఆర్టికల్ 102(1) ఏ లో, ‘‘ If he holds any office of profit under the Government of India or the Government of any state, other than an office declared by parliament by law not to disqualify its holder ’’ అని పేర్కొన్నారు. విజయ సాయి రెడ్డిని ఢిల్లీలో రాష్ట్ర ప్రభుత్వ ప్రత్యేక ప్రతినిధిగా నియమిస్తూ 22.06.2019న జీవో నెం 68 జారీ చేశారు. విత్ ఇమిడియట్ ఎఫెక్ట్ కింద ఈ నియామకం అమల్లోకి వస్తుందని ఆ జీవోలో పేర్కొన్నారు. అయితే ఇప్పుడు ఈ నియామకాన్ని రద్దు చేస్తూ 04.07.2018న మరో జీవో ఇచ్చారు. అంటే 13 రోజుల పాటు ఆ పదవిలో విజయ సాయి రెడ్డి వ్యవహరించారు. 13రోజులు ఆఫీస్ ఆఫ్ ప్రాఫిట్ కింద పనిచేసిన విజయ సాయి రెడ్డిని తక్షణమే ఎంపిగా అనర్హుడిగా ప్రకటించాలని ఎవరైనా కోర్ట్ కు వెళ్తే, ఆయన ఎంపీగా అనర్హుడు అవుతారు. తెలుగుదేశం పార్టీ కూడా ఇదే విషయం ప్రస్తావిస్తూ, ఎన్నికల సంఘం చర్యలు తీసుకోవాలని కోరుతుంది.