news

ఏపీలో జరిగిన ఎన్నికల పోలింగ్‌ ప్రక్రియపై తెదేపా నేత సబ్బంహరి అసంతృప్తి వ్యక్తం చేశారు. అయితే అంతా సవ్యంగా జరిగిందంటూ వైకాపా నేతలు మాట్లాడడం సరికాదని మండిపడ్డారు. విశాఖలో సబ్బంహరి మీడియాతో మాట్లాడారు. ప్రతి పోలింగ్‌ కేంద్రంలో 2 లేదా 3 ఈవీఎంలు పని చేయకపోతే జగన్‌ ఒక్క మాట కూడా ఎందుకు మాట్లాడలేదని ప్రశ్నించారు. ఈసీ అధికారుల మార్పిడిలో చూపిన శ్రద్ధ.. ఈవీఎంల నిర్వహణపై చూపితే బాగుండేదని ఎద్దేవా చేశారు. పోలింగ్‌ ప్రక్రియలో తప్పులు జరిగినప్పుడు దాన్ని ప్రశ్నించేందుకు జగన్‌కు భయమెందుకని నిలదీశారు. ప్రజలు తెదేపాకు బ్రహ్మరథం పట్టారని అన్నారు. గత ఎన్నికల్లో వచ్చిన ఫలితాల కంటే ఇప్పుడు తెదేపాకు పది సీట్లు పెరిగే అవకాశముందని ధీమా వ్యక్తం చేశారు.

మొత్తానికి 100కిపైగా సీట్లలో తెదేపా విజయం సాధిస్తుందని విశ్వాసం వ్యక్తం చేశారు. మరోవైపు వైకాపాకు గతంలో వచ్చిన దానికంటే ఇప్పుడు 20 సీట్ల వరకూ తగ్గే అవకాశముందని అభిప్రాయపడ్డారు. ఈ ఎన్నికల్లో ప్రజలు మళ్లీ చంద్రబాబుకు పట్టం కట్టబోతున్నారని, ఇది చారిత్రక అవసరమని అంతా గ్రహించారని అన్నారు. అమరావతిలో అన్నీ గ్రాఫిక్స్‌ అనే వాళ్లు వెళ్లి చూస్తే బావుంటుందని హితవు పలికారు. రాష్ట్రానికి హక్కుగా రావాల్సిన వాటిని కేంద్రం అడ్డుకోవడం మంచిది కాదని, భాజపాతో హోరాహోరీ పోరులో చంద్రబాబు విజయం సాధిస్తున్నారని అన్నారు. టీడీపీ గెలుస్తున్నదంటే.. ఆ ఘనత అంతా చంద్రబాబుకే దక్కుతుంది. భీమిలీలో నేను గెలిచినా దానికి కూడా చంద్రబాబే కారణం. ఆనాడు ఇందిరాగాంధీని చూసి ఎలాగైతే ప్రజలు ఓట్లు వేశారో, ఇపుడు చంద్రబాబును చూసి టీడీపీకి ఓట్లు వేస్తున్నారు.

ఈ ఎన్నికలు ముగిసిన తరువాత కూడా కేంద్రంతో ఈ ఘర్షణ తప్పదనే భావన కలుగుతోంది. దక్షిణ భారతదేశంలో బీజేపీ అనుకున్న స్థాయిలో విజయవంతం కాలేదు. ఏపీలో అయితే అకౌంట్‌ కూడా తెరవలేని దుస్థితిలో ఆ పార్టీ ఉంది. రాష్ట్రానికి కేంద్రం సహకరించడం లేదని చెప్పడానికి ఈవీఎంల మొరాయింపే నిదర్శనం. నేనుకూడా ఇబ్బంది పడ్డాను. 45 నిమిషాలు ఎదురుచూసి, ఈవీఎం పనిచేయక ఓటు వేయకుండానే వెనుదిరగాల్సి వచ్చింది. ఈసీ వైఫల్యాన్ని చంద్రబాబు ప్రశ్నించడం సబబే. ఎన్నికల సంఘమే వీటికి బాధ్యత వహించాలి. కీలకమైన సమయంలో అధికారులను ఆకస్మికంగా బదిలీ చేయడం ఎన్నికల సంఘం చేయాల్సిన పనికాదు. నేను టీడీపీలో వున్నప్పటికీ రాజకీయ పరిణామాలపై ఇంతకు ముందులాగే నిష్పక్షపాతంగా మాట్లాడతాను. పార్టీ విధానాలపై నా అభిప్రాయాన్ని అంతర్గత సమావేశంలో తెలియజేస్తా’’ అని సబ్బం హరి అన్నారు.

ప్రతికూల పరిస్థితుల్లోనూ 2018-19లో అత్యధికంగా ఉపాధి హామీ పథకంలో రూ.9,216 కోట్లు ఖర్చు చేసి రాష్ట్రం దేశంలోనే అగ్రస్థానంలో నిలిచింది. ఉపాధి కూలీలకు 24.64 కోట్ల పని దినాలను కల్పించింది. జాతీయ గ్రామీణ ఉపాధి హామీ కార్యక్రమం (నరేగా) ప్రారంభించాక ఇంత భారీగా రాష్ట్రంలో నిధులు వెచ్చించడం ఇదే మొదటిసారి. నిధులు సకాలంలో విడుదల కాని కారణంగా నరేగా అమలులో 2018-19లో అనేక ఇబ్బందులు ఎదురైనా దానిని అధిగమించి రాష్ట్రం ఈ ఘనతను సాధించింది. కేంద్ర గ్రామీణాభివృద్ధిశాఖ రెండు విడతలుగా రాష్ట్రానికి 2018-19లో 24.70 కోట్ల పని దినాలను కల్పించింది. మార్చి నెలాఖరు నాటికి 24.64 కోట్ల పనిదినాలను రాష్ట్రం వినియోగించుకుంది.

2017-18తో పోల్చి చూస్తే అదనంగా సుమారు 3 కోట్ల పని దినాలను వాడుకుంది. పూర్తయిన పని దినాలపై సమాచారం వెళ్లిన 15 నుంచి 20 రోజుల్లోగా కేంద్ర గ్రామీణాభివృద్ధిశాఖ కూలీల బ్యాంకు ఖాతాలకు వేతనాలు జమ చేసేది. 2018-19లో అనుకోని పరిణామాలు ఎదురయ్యాయి. 45 రోజులైనా చెల్లింపులు చేయక వేతన బకాయిలు ఒకానొక దశలో రూ.400 కోట్లకుపైగా పేరుకుపోయాయి. ఈ క్రమంలో రాష్ట్ర ప్రభుత్వం జోక్యం చేసుకుంది. తరువాత సర్దుబాటు చేస్తామంటే రాష్ట్ర ఖజానా నుంచి చెల్లింపులు జరుపుతామని కేంద్రానికి విజ్ఞప్తి చేసింది. కేంద్రం ఇటీవల రూ.918 కోట్లు కేటాయించి పాత బకాయిలన్నీ చెల్లించడంతో ఎట్టకేలకు కథ సుఖాంతమైంది.

‘మెటీరియల్‌ కాంపోనెంట్‌’ కింద సమకూరిన నిధుల వ్యయంలో, సంపద సృష్టిలో, నీటి కుంటలు, వ్యక్తిగత మరుగుదొడ్లు నిర్మాణంలో రాష్ట్ర ప్రభుత్వం దేశంలోనే మొదటి స్థానంలో నిలవడం విశేషం. ఈ ఏడాది (2019-20) కూలీలకు 20 కోట్ల పని దినాల కల్పనే లక్ష్యంగా ఇటీవలే రాష్ట్రంలో నరేగా పనులు ప్రారంభమయ్యాయి. హాజరు ప్రస్తుతం మందకొడిగా ఉన్నా క్రమంగా పెరుగుతుందని అధికారులు భావిస్తున్నారు.

ఆంధ్రప్రదేశ్‌లో జరిగిన ఎన్నికల సరళి పై నటుడు శివాజీ స్పందించారు. ఈ మేరకు ఒక వీడియోను విడుదల చేశారు. భాజపా నూతన డ్రామాకు తెరతీసిందని విమర్శించారు. తెరాసకు 16 ఎంపీ సీట్లు, జగన్‌కు 17 ఎంపీ సీట్లు వస్తాయని, తొలివిడత జరిగిన పోలింగ్‌లో ఎన్డీయేకు మరో 39 సీట్లు కలిపి మొత్తం 72 స్థానాలు తమ సొంతమవుతాయని భాజపా ప్రచారం చేసుకుంటోందని వివరించారు. ఈ నాటకాన్ని శుక్రవారం మరింత ఉద్ధృతం చేశారని, జగన్‌ బెస్ట్‌ సీఎం అంటూ ప్రశాంత్‌ కిషోర్‌ పొగడడం వంటి కొన్ని వీడియోలు విడుదల చేశారని విమర్శించారు. అయితే ఇవి కేవలం ఊహలు మాత్రమేనని శివాజీ కొట్టిపారేశారు. మే 23న అనూహ్య ఫలితాలు ఉండబోతున్నాయని శివాజీ ధీమా వ్యక్తం చేశారు.

భాజపా, వైకాపాల దుష్ప్రచారాన్ని ఎవరూ పట్టించుకోకుండా నిర్భయంగా ఉండాలని ప్రజలకు ఆయన పిలుపునిచ్చారు. చంద్రబాబు వ్యూహాన్ని తెదేపా నేతలు అర్థం చేసుకోలేకపోయారని, నిశ్చింతగా ఉండాలని శ్రేణులకు సూచించారు. ‘పీఏఆర్సీ అనే పేపర్ ను తయారుచేసి, వాళ్లదో గవర్నమెంటు స్టాంపులాగా ఓ స్టాంపు వేసి ఇదే రాజముద్ర అన్నట్లు ఎన్డీయేకు 39, ఫెడరల్ ఫ్రంట్ కు 33 సీట్లు వస్తున్నాయని చూపించారు’ అని ఆగ్రహం వ్యక్తం చేశారు. అంటే కేసీఆర్ కు 16, జగన్ మోహన్ రెడ్డికి 17 సీట్లు.. మొత్తం కలిపి 33 సీట్లు వస్తాయని చెబుతున్నారని తెలిపారు. అయితే, ఇందుకు భిన్నంగా ఏపీలో ప్రజలు ఒకవైపే ఉన్నారనీ, మే 23న ప్రజాతీర్పుతో ప్రజాప్రభుత్వం ఏర్పడబోతోందని శివాజీ వ్యాఖ్యానించారు.

చంద్రబాబు ఓడిపోతున్నాడు కాబట్టే ఫ్రస్ట్రేషన్ తో ఉన్నారని చెప్పేందుకు వైసీపీ ఇంటర్నల్ వీడియోలను విడుదల చేసిందని ఆరోపించారు. చంద్రబాబు వ్యూహాన్ని టీడీపీ నేతలు అర్థం చేసుకోలేక భయపడుతున్నారన్నారు. ‘ఎవ్వరూ భయపడాల్సిన పని లేదు. 23న ప్రజా ప్రభుత్వం ఏర్పడబోతోంది. తీర్పు అనూహ్యంగా ఉండబోతోంది. బెట్టింగులు, అంచనాలు కేవలం టైంపాస్ కు మాత్రమే. ప్రజలంతా వన్ సైడ్ గా ఉన్నారు. ఎంజాయ్’ అంటూ వీడియోను ముగించారు.