news

విశాఖపట్నం జిల్లాలోని జైల్ రోడ్డు వద్ద ఉన్న స్టేట్‌బ్యాంక్ వద్ద ప్రముఖ మత ప్రబోధకుడు, ప్రజాశాంతి పార్టీ అధ్యక్షుడు కేఏ పాల్ హల్ చల్ చేశారు. తన సొసైటీ పేరుతో ఫ్రీజ్ అయిన అకౌంట్లో డబ్బులు తీసుకునేందుకు అనుమతి ఇవ్వాలంటూ బ్యాంకు అధికారులతో వాగ్వాదానికి దిగారు. సొసైటీకి తానే అధ్యక్షుని సొసైటీ తనదని కోర్టు ఉత్తర్వులు ఇచ్చిందని బ్యాంకు అధికారులకు పాల్ చెప్పారు. హాయ్ అకౌంట్‌కు సంబంధించి కోర్టు స్టేటస్కో ఉందని ఆయన చెబుతున్నారు. అయితే "మీకు డబ్బులు ఇవ్వాలంటే మాకు ఉన్నతాధికారుల నుంచి ఆదేశాలు రావాలి.. ఇప్పటి వరకూ మీకు డబ్బులివ్వాలని ఆదేశాలు రాలేదు కాబట్టి ఇచ్చే ప్రసక్తే లేదు" అని బ్యాంకు అధికారులు పాల్‌కు స్పష్టం చేశారు.

మరో పక్క, వచ్చే ఎన్నికల్లో తమ పార్టీ గెలిచి ప్రభుత్వాన్ని ఏర్పాటుచేస్తామని, తాను సీఎం కావడం తథ్యమని పాల్ ఎప్పటి నుంచో చెబుతున్నారు. చంద్రబాబునాయుడు అంగీకరిస్తే ఆయన్ని తన సలహాదారుడిగా నియమించుకుంటానంటూ ఆయన చేసిన వ్యాఖ్యలపై టీడీపీ శ్రేణులు మండిపడ్డాయి. తరుచూ టీవీ చర్చల్లో పాల్గొంటూ ఆయన చేసే వ్యాఖ్యలు నవ్వు తెప్పిస్తుంటాయి. చాలామంది ఆయన్ని జోకర్ అంటూ ఎగతాళి చేస్తుంటారు. ఇవేమీ పట్టించుకోని పాల్ తన పని చేసుకుంటూ వెళ్లిపోతున్నారు.

ప్రజాశాంతి పార్టీ తరఫున రాష్ట్రంలోని 175 అసెంబ్లీ స్థానాలకు రేపు(20న) అభ్యర్థులను ప్రకటించనున్నట్లు పాల్ ప్రకటించారు. పశ్చిమగోదావరి జిల్లా తణుకులో ఆయన మాట్లాడుతూ అన్ని అసెంబ్లీ స్థానాలతో పాటు 22 ఎంపీ స్థానాల్లో తమ అభ్యర్థులు పోటీ చేస్తారని తెలిపారు. టీచర్లు, డాక్టర్లు, నర్సులతో పాటు మహిళలకు 50శాతం సీట్లు కేటాయించనున్నట్లు పేర్కొన్నారు. నరసాపురం, కాకినాడ, విశాఖపట్నం ఎంపీ స్థానాల్లో ఒక చోట నుంచి పోటీలో ఉండనున్నట్లు వెల్లడించారు. తమ అభ్యర్థులందరూ 22న నామినేషన్‌ వేస్తానని పాల్ ప్రకటించారు.

గత కొన్ని రోజులుగా, జనసేన అధినేత పవన్‌కల్యాణ్ పోటీ స్థానంపై ఉత్కంఠ నెలకొంది. ఆయన ఎక్కడ్నుంచి పోటీ చేస్తున్నారన్న విషయంపై మెగా అభిమానులు, జనసేన కార్యకర్తల్లో సర్వత్రా ఆసక్తిరేపుతోంది. దీనిపై జనసేనాని ఓ క్లారిటీ ఇచ్చారు. ఎన్నికల్లో రెండు చోట్ల నుంచి పోటీ చేసే ఆలోచనలో పవన్ కళ్యాణ్ ఉన్నారు. పార్టీ కార్యవర్గం ఈ మేరకు నిర్ణయం తీసుకుంటుందని పవన్‌ ట్వీట్ చేశారు. ఇవాళ మధ్యాహ్నం కల్లా పవన్ పోటీ చేసే రెండు స్థానాలపై స్పష్టత వచ్చే అవకాశం ఉంది. అయితే కొద్ది సేపటి క్రిందట, ఆయన రెండు స్థానాల్లో పోటీ చేస్తారని, అవి విశాఖపట్నం జిల్లా గాజువాక, పశ్చిమగోదావరి జిల్లా భీమవరం అసెంబ్లీ స్థానాలని జనసేన వర్గాలు తెలిపాయి. ఈ మేరకు ఆ పార్టీ కార్యవర్గం మంగళవారం నిర్ణయం తీసుకుంది. పవన్‌కల్యాణ్‌ గాజువాక నుంచి పోటీ చేస్తారని తొలి నుంచీ ప్రచారం జరుగుతోంది. తిరుపతి పేరు మాత్రం అనూహ్యంగా వెలుగులోకి వచ్చింది.

ఎన్నికల్లో పోటీ విషయంలో పవన్ తన సోదరుడు చిరంజీవి బాటను అనుసరిస్తున్నారనే చెప్పాలి. గతంలో ప్రజారాజ్యం పార్టీ అధినేతగా చిరంజీవి కూడా రెండు చోట్ల పోటీ చేశారు. 2009 ఎన్నికల్లో పశ్చిమ గోదావరి జిల్లా పాలకొల్లు, తిరుపతి నుంచి ఆయన పోటీ చేశారు. ఆ ఎన్నికల్లో తిరుపతిలో మాత్రమే చిరంజీవి గెలుపొందారు. ఇప్పుడు పవన్‌ కూడా రెండు చోట్ల పోటీ చేస్తుండగా.. అందులో చిరంజీవి పోటీ చేసిన తిరుపతి స్థానం ఒకటి కావడం గమనార్హం. ఇది ఇలా ఉంటే, ఆంధ్రప్రదేశ్‌లోని మరో 13 శాసనసభ స్థానాలకు, మరో లోక్‌సభ స్థానానికి జనసేన నుంచి పోటీ చేసే అభ్యర్థుల జాబితాను పార్టీ అధినేత పవన్‌కల్యాణ్‌ సోమవారం అర్ధరాత్రి ప్రకటించారు. ఆదివారం విడుదల చేసిన రెండో జాబితాలో ఒక అభ్యర్థి స్థానాన్ని మార్చారు. గిద్దలూరు స్థానం నుంచి ముందుగా ప్రకటించిన షేక్‌రియాజ్‌ తాజా మార్పులో భాగంగా ఒంగోలు శాసనసభ స్థానం నుంచి పోటీ చేయనున్నారు. గిద్దలూరు స్థానం నుంచి బైరబోయిన చంద్రశేఖర్‌ యాదవ్‌ పోటీ చేస్తారని జనసేన ప్రకటించింది. చిత్తూరు జిల్లా పలమనేరు నుంచి పోలూరు శ్రీకాంత్‌నాయుడు పోటీ చేయనున్నారు. పార్టీ అధినేత పవన్‌కల్యాణ్‌ విశాఖ జిల్లా గాజువాక నుంచి పోటీ చేసే అవకాశం ఉందని సమాచారం.

శాసనసభ అభ్యర్థులు: 1. టెక్కలి: కణితి కిరణ్‌కుమార్‌, 2. పాలకొల్లు: గుణ్ణం నాగబాబు, 3. గుంటూరు తూర్పు: షేక్‌ జియాఉర్‌ రెహ్మాన్‌, 4. రేపల్లె: కమతం సాంబశివరావు, 5. చిలకలూరిపేట: మిరియాల రత్నకుమారి, 6. మాచర్ల: కె.రమాదేవి, 7. బాపట్ల: పులుగు మధుసూదన్‌రెడ్డి, 8. ఒంగోలు: షేక్‌ రియాజ్‌, 9. మార్కాపురం: ఇమ్మడి కాశీనాథ్‌, 10. గిద్దలూరు: బైరబోయిన చంద్రశేఖర్‌యాదవ్‌, 11. ప్రొద్దుటూరు: ఇంజా సోమశేఖర్‌రెడ్డి, 12. నెల్లూరు నగరం: కేతంరెడ్డి వినోద్‌రెడ్డి, 13. మైదుకూరు: పందింటి మల్హోత్రా, 14.కదిరి: సాడగల రవికుమార్‌ (వడ్డే రవిరాజు), 15 ఒంగోలు (లోక్‌సభ): బెల్లంకొండ సాయిబాబా.

వైఎస్ జగన్, ఒకేసారి 175 మంది అభ్యర్ధులను ప్రకటించిన విషయం తెలిసిందే. అయితే, అక్కడ జగన్ అటూ, ఇటూ పెట్టుకున్న వారి పై విమర్శలు వస్తున్నాయి. చంద్రబాబు కూడా, ఇదే పాయింట్ చెప్పూర్. వైసీపీ అభ్యర్థుల ప్రకటన విధానంపై సీఎం చంద్రబాబు విమర్శలు గుప్పించారు. నేరగాళ్లతో జగన్‌ అభ్యర్థుల ప్రకటన చేయించారని ఆరోపించారు. ఒక వైపు నందిగం సురేశ్‌, మరో వైపు ధర్మాన ప్రసాదరావు మధ్యలో ఏ1 నిందితుడు జగన్‌ ఉన్నాడని విమర్శించారు. నందిగం సురేశ్‌ రాజధాని విధ్వంసంలో నిందితుడిని తెలిపారు. ఇక కన్నెధార గ్రానైట్‌ తవ్వేసిన నిందితుడు ధర్మాన ప్రసాదరావు ఉన్నారని వెల్లడించారు. రెవెన్యూ మంత్రిగా ఉన్నప్పుడు ధర్మానపై అనేక ఆరోపణలు వచ్చాయని గుర్తుచేశారు. అలాగే విశాఖ భూస్కాంలో కూడా ప్రధాన నిందితుడు ధర్మాన అన్నారు. ఎన్నికల్లో సైబర్‌ నేరగాళ్ల అరాచకం పెరిగిందని సీఎం ధ్వజమెత్తారు.

సైబర్ నేరగాళ్లంతా వైసీపీలో చేరారని సీఎం చంద్రబాబు అన్నారు. నేరగాళ్ల కేరాఫ్‌ అడ్రస్‌గా వైసీపీ మారిందని తెలిపారు. మైండ్‌ గేమ్‌లోనే కాదు.. సైకో గేమ్‌లోనూ జగన్‌ దిట్ట అని మండిపడ్డారు. అందరి అభిప్రాయాలు తీసుకుని గెలుపు గుర్రాలనే ఎంపిక చేసినట్లు స్పష్టంచేశారు. టీడీపీ గెలుపు ఏకపక్షం కావాలని పిలుపునిచ్చారు. దొంగ సర్వేలతో మైండ్‌గేమ్‌ ఆడినా.. కుట్రలు పన్నినా టీడీపీ గెలుపును ఎవ్వరూ ఆపలేరన్నారు. ప్రజల్లో టీడీపీ పట్ల ఉన్న సానుకూలతను ఎవరూ తగ్గించలేరని పేర్కొన్నారు. కసి, పౌరుషంతో సైకిల్‌ గుర్తుపై ఓటు వేసేందుకు ప్రజలు సిద్దమయ్యారని వెల్లడించారు. వైసీపీని ఓటమి భయం వెంటాడుతోందన్నారు. దిక్కుతోచనిస్థితిలో వైసీపీ ఎంతటి అరాచకాలకైనా తెగపడుతుందని ధ్వజమెత్తారు.

దొంగ సర్వేలతో ఎంత వ్యూహాత్మకంగా వ్యవహరించినా, కుట్రలు పన్నినా తెదేపా గెలుపును ఎవరూ ఆపలేరని చంద్రబాబు చెప్పారు. ప్రజల్లో తెలుగుదేశం పట్ల ఉన్న సానుకులతను ఎవరూ తగ్గించలేరని స్పష్టం చేశారు. సైకిల్‌ గుర్తుకు ఓటేయాలని పథకాల లబ్ధిదారులు కసి, పౌరుషంతో ఉన్నారని, దీంతో వైకాపాకు ఓటమి భయం వెంటాడుతోందని అన్నారు. దిక్కు తోచని స్థితిలో ఎంతటి అరాచకాలకైనా వైకాపా సిద్ధమవుతోందని, కార్యకర్తలు అప్రమత్తంగా ఉండాలని చంద్రబాబు సూచించారు. అందరి అభిప్రాయాలు తీసుకుని గెలుపు గుర్రాలనే ఎంపిక చేశామని తెలుగుదేశం అధినేత చంద్రబాబు పార్టీ నేతలకు స్పష్టం చేశారు. ఇక తెదేపా గెలుపు ఏకపక్షం కావాలని ఆయన కోరారు.