news

దగ్గుబాటి వెంకటేశ్వరరావు...భార్య బీజేపీలో, ఈయన వైసిపీలో ఉన్న గొప్ప వ్యక్తిత్వం ఉన్న మనిషి. ఈయనగారు, రేపు జగన్ సమక్షంలో వైసిపీ లో చేరుతున్నారు. జగన్ ని సంతోషపెట్టటానికొ, విజయసాయి రెడ్డిని ఆనందపరచటానికో కాని, ఈ రోజు తప్పుడు భాష మాట్లాడుతూ, "నా తోడల్లుడు వింత జాతికి చెందిన వ్యక్తి" అంటూ అనూహ్య వ్యాఖ్యలు చేసారు. ఇదే సందర్భంలో, ఇన్నాళ్ళు దగ్గుబాటిని అభిమానించిన అభిమానులు, జగన్ పార్టీలో ఆయన చేరటం జీర్ణించుకోలేక ఉత్తరం రాసారు. "గౌరవనీయులైన దగ్గభాటి వెంకటేశ్వరరావు గారికి , . . అయ్యా మీ తోడల్లుడుగారైనా చంద్రబాబు గారికి ఇంగ్లీష్ రాకపోయినా ఆయన గారి పనితనాన్ని ప్రపంచమే మెచ్చింది. సోషల్ మీడియాలో చంద్రబాబు గారి ఒక్కరినే తిట్టరండి మీరు చేరతున్న దొంగలపార్టీ నాయకుడిని , మిమ్మలని తిడుతున్నారు , మిమ్మలని తిడుతుంటే మా ఇంటి మనిషి ని తిట్టినట్లు మేము ఫీలయ్యాము , మేము ఫీలవుతున్నామని మీరు ఖైదీనంబర్ 6093 పార్టీలో చేరకుండా ఉన్నారా లేదే తిట్లు కామన్ అని తిరిగి అదే పార్టీలో చేరుతున్నారు, అలాంటి మీరు ఇలా మాట్లాడటం అసలు భాగా లేదు సర్"

"మీరు చెప్పినట్లు కలెక్టర్లు నవ్వుకోనుండవచ్చు , మీరు చెప్పేవన్ని ప్రభుత్వంలో కోన్ని నిజాలుండవచ్చు , మాయావతి , అఖిలేశ్ నవ్వుకోని ఉండవచ్చు తప్పులేదు . . . . అలా నవ్వితే వాళ్ళ పళ్ళే భయటపడుతాయి . . . మీకు , నాకు వచ్చిన భాద ఏముంది సర్ , ప్రభుత్వలోపాలను చక్కగా చెప్పి మంచి ప్రతిపక్ష పాత్రని హూందాగా పోషించఉండవచ్చు అలా చేయకుండా రాజకీయాలకు స్వస్తి అని చెప్పి మళ్ళీ రాజకీయాలు మొదలుపెట్టటం అనేది మీ విశ్వసనీయత మీద అనుమానం గా ఉంది సర్. చంద్రబాబు గారు మీ కోత్త నాయకుని వలే వ్యవస్ధలను లూటీ చేయలేదు . . . మీ స్దాయికి మీరు ఆ 420 నాయకత్వం లో పనిచేయటం అనేది మాకు ఆత్మహత్య సదృశ్యం సర్ మీకు కాదు ఎందుకంటే మీరు అభిమానుల అభిప్రాయాలను ఎప్పుడు పట్టించుకున్న పాపాన పోలేదు , నిర్ణయం తీసుకోని అప్పుడు అభిమానులను అభిప్రాయాలడుగుతారు . . . అప్పుడేమంటారు పిచ్చి జనాలు అయిష్టంగా తలలూపుతారు ఎక్కడ మీరు నోచ్చుకుంటారోనని . . ."

"కాని ఈ సారి అలా కాదు సార్ మీ సెంటిమెంట్ రాజకీయాలకు తెరపడినట్లే మీరు భారీ మెజార్టీతో ఓడిపోబోతున్నారు ఎందుకంటే విలువలు , విశ్వసనియత కి కేరాఫ్ అడ్రస్ మచ్చ లేని మా నాయకుడు అని చెప్పుకునే మా నాయకుడు పప్పులో కాదు సార్ తప్పులో కాలేసారని చాలా భాదపడుతున్నారు , భాద కాదు సరిగ్గా చెప్పాలంటే ఆగ్రహంతో ఉన్నారు . . .చెంచురామ్ గారిని తెలుగుదేశం నుంచి పోటీ చేపిద్దామనుకున్నారు అప్పుడు ఇప్పుడు మీరు చెప్పే బాబు గారి లోపాలు కప్పిపుచ్చేవారా సర్ చేరినట్లైతే. రోజకు పద్దేనిమిది గంటలు కష్టపడి పనిచేసే నాయకుడిని మీరు సమర్ధించకపోయినా పరవాలేదు గజదోంగ పంచన చేరి రాష్ట్ర భవిష్యత్త్ ని ఏమి చేద్దామనుకుంటున్నారు , దీనిని బట్టి మీ భాద్యతను శంకించవలసోస్తుంది.సార్ చివరగా ఒక్క మాట మీకు మీకు ఎన్నైనా ఉండవచ్చు , బాబు గారి పాలనలో అన్ని సరిగ్గా ఉన్నాయని చెప్పము కోన్ని లోపాలుండవచ్చు అంతమాత్రానా దోంగల చేతికి అధికారం అప్పగించాలని మీరు చేస్తున్న రాజకీయం మీరు జీవితంలో చేస్తున్న పెద్దచారిత్రాత్మక తప్పిదం . . . చంద్రబాబు గారి నాయకత్వాన్నే ఆంద్రప్రదేశ్ కోరుకుంటున్నది ఇది నిజం ఇదే నిజం" అంటూ దగ్గుబాటి అభిమాని ఉత్తరం రాసారు.

రాష్ట్రంలో మరో భారీ విద్యుత్‌ ప్రాజెక్టు ఏర్పాటు కానుది. దాదాపు 7వేల ఎకరాల్లో రూ.9వేల కోట్ల పెట్టుబడితో అతిపెద్ద హైబ్రిడ్‌ పవర్‌ ప్రాజెక్టు ప్రారంభించడానికి రంగం సిద్ధమవుతోంది. ఇప్పటి వరకూ సౌర, పవన, థర్మల్‌... ఇలా విద్యుత్‌ ప్రాజెక్టులను విడివిడిగానే ఏర్పాటు చేస్తున్నారు. అయితే ఒకేచోట సోలార్‌, పవన విద్యుదుత్పత్తి జరిగేలా కర్నూలు- కడప జిల్లాల్లో ఈ ప్రాజెక్టును ప్రారంభించడానికి రెండు కంపెనీలు సంసిద్ధత వ్యక్తం చేసినట్లు తెలిసింది. ఇది ప్రపంచంలోనే అతిపెద్ద హైబ్రిడ్‌ పవర్‌ ప్రాజెక్టు అవుతుందని భావిస్తున్నారు. అంతర్జాతీయంగా పేరు ప్రఖ్యాతులున్న జనరల్‌ ఎలక్ర్టిక్‌(జీఈ) కంపెనీ, మరో కంపెనీ సంయుక్తంగా దీని ఏర్పాటుకు ముందుకొచ్చినట్లు తెలిసింది.

దీనికి అవసరమైన భూమిని కూడా ఆయా కంపెనీలే సమకూర్చుకుంటాయి. అయితే దానిమధ్యలో ప్రభుత్వ భూమి ఉంటే అది మాత్రం ఇవ్వాల్సి ఉంటుందనే దిశగా చర్చలు జరుగుతున్నాయని సమాచారం. ఈ ప్రాజెక్టుకు ప్రభుత్వం సూత్రప్రాయంగా ఆమోదం తెలిపితే పెట్టుబడి పెట్టేందుకు ఆ కంపెనీలు సిద్ధంగా ఉన్నాయని సమాచారం. ఇది అత్యంత భారీ ప్రాజెక్టు కావడంతో సీఎం చంద్రబాబు స్వయంగా దీనిపై దృష్టి పెట్టారని తెలిసింది. ఇంత భారీ ప్రాజెక్టు ఏర్పాటైతే కడప-కర్నూలు జిల్లాల అభివృద్ధికి మరింతగా ఉపయోగపడే అవకాశం ఉంటుందని చెబుతున్నారు. కర్నూలు జిల్లా అవుకు, కడప జిల్లా మైలవరం ప్రాంతాల్లో దీని ఏర్పాటుకు సదరు కంపెనీలు సుముఖత చూపించాయని సమాచారం. ఈ ప్రాజెక్టుపై రాష్ట్ర ప్రభుత్వం త్వరలోనే నిర్ణయం తీసుకోనుందని సమాచారం.

హైదరాబాద్‌లో సైబరాబాద్‌ను సృష్టించినట్టే విశాఖ శివారులో క్లౌడ్‌ సిటీని నిర్మించాలని రాష్ట్ర ప్రభుత్వం భావిస్తోంది. విశాఖ నుంచి భోగాపురం వరకు ప్రత్యేకంగా మరో కొత్త నగరాన్ని ఏర్పాటు చేయాలని ప్రణాళికతో ముందుకెళుతున్న ప్రభుత్వం పచ్చని కొండలు, విశాలమైన రోడ్డు, సముద్రతీరం కలిగిన విశాఖ శివార్లో 1,350 ఎకరాల్లో ఈసిటీని నిర్మించబోతోంది. దేశంలోనె సముద్రం మీదుగా విమా నం ల్యాండ్‌ అయ్యే అవకాశం ఒ క్క భోగాపురం విమానా శ్ర యంలో ఉండటం ప్రత్యేక ఆకర్షణగా ఉంది. అదె వి ధంగా విశాఖ పట్ట ణంలోని కాపుల ప్పాడులో ఏర్పాటవుతన్న అదానీ డేటా సెంటర్‌ పార్క్‌ కోసం అదాని గ్రూప్‌ 20ఏళ్లలో దాదాపు రూ.70వేల కోట్లు పెట్టుబడి పెట్ట నుంది.

దీంతో 28వేల మందికి ప్రత్యక్షంగా, 85వేలమందికి పరోక్షంగా ఉద్యోగాలు రానున్నాయి. విశాఖపట్టణంలోని కాపులప్పాడులోని 500 ఎకరాల్లో మూడు ప్రాంతాల్లో 1గిగా వాట్‌ డేటా సెంటర్‌ ఏర్పాటు కానుంది. ఇప్పటికే శంకుస్థాపన కార్యక్రమాలు పూర్తి చేసేకున్న ఈసెంటర్‌ ప్రపంచంలోనే మొట్టమెదటి పర్యావరణహిత డేటా సెంటర్‌ పార్క్‌గా చరిత్రలో నిలిచిపోనుంది. దీనిలో భాగంగానే 5గిగా వాట్స్‌ సోలార్‌ పార్క్‌ని కూడా ఏర్పాటు చేయనున్నారు. ఈడేటా సెంటర్‌ ఆంధ్రప్రదేశ్‌కి ఇంటర్నెట్‌ సేవలు అందించే కీలక కేంద్రంగా మారనుంది. అదేవిధంగా ప్రపంచ వ్యాప్తంగా ఉన్న అనేక ఐటీ కంపెనీలు, డేటా సెంటర్లు, హార్డ్‌ వేర్‌ సప్లయిర్స్‌, సాఫ్ట్‌వేర్‌, స్టార్టప్‌, టెలికాం కంపెనీలు పెద్ద ఎత్తున రాష్ట్రానికి వచ్చే అవకాశాలు ఉన్నాయి.

ఇది ఇలా ఉంటే, మధురువాడ హిల్‌ నెంబర్‌ 3లో నిర్మాణం పూర్తి చేసుకున్న మిలీనియం టవర్‌ని ఈమధ్యకాలంలోనే ముఖ్యమంత్రి చంద్రబాబు ప్రారంభించారు. రూ.145కోట్లతో నిర్మించిన ఈమిలీనియం టవర్‌ మొత్తం గ్రౌండ్‌ ఫ్లోర్‌ కాకుండా ఏడు అంతస్తులుగా నిర్మించారు. 2లక్షల స్క్యేర్‌ ఫీట్ల విస్తీర్ణంలో అత్యంత సుందరంగా రూపుదిద్దుకున్న ఈటవర్‌ తొలిదశలో 1600 మంది ఉద్యోగులతో ప్రారంభమై ఏడాదిలోగా 4500మందికి ఉద్యోగాలు కల్పించనుంది. ఇప్పటికే విశాఖలో పలు ఐటీ కంపెనీలు తమ కార్యకలాపాలను ప్రారంభించాయి. ప్రముఖ కంపెనీలు ఏపీలో పెట్టుబడులు పెట్టేందుకు రాష్ట్ర ప్రభుత్వం పలు రాయితీలు కల్పించి, కంపెనీలకు అనుగుణంగా పాలసీలు రూపొందించి పెట్టుబడులను ఆహ్వానిస్తోంది. దీంతోపాటు మంత్రి లోకేష్‌ దేశంతోపాటు ఇతర దేశాల్లో పర్యటించి ఏపీలో పెట్టుబడులు పెట్టడానికి ఉండే అవకాశాలను వివరిస్తూ కంపెనీలను ఏపీకి తీసుకొచ్చేందుకు తీవ్రంగా కృషిచేస్తున్నారు. ఐటీ కంపెనీలు ఏపీలో పలు ప్రాంతాల్లో పెట్టుబడులు పెడుతున్నప్పటికీ అనుకూల వాతావరణం ఉండే విశాఖపట్టణంలో ఎక్కువగా ఆసక్తి చూపుతున్నారు.