news

ఏపీ సీఎం జగన్‌మోహన్‌ రెడ్డి ఈ రోజు పశ్చిమగోదావరి జిల్లా నరసాపురంలో పర్యటించనున్నారు. ఈ రోజు ఉదయం 10 గంటలకు వైఎస్ జగన్ తాడేపల్లి ఇంటి దగ్గర నుంచి బయలురి.10.50 నిమిషాలకు నరసాపురం చేరుకుంటారు. ఆ తరువాత వివిధ కార్యక్రమాల్లో పాల్గొననున్నారు. అయితే జగన్ పర్యటనలకు బయటకు వచ్చిన ప్రతిసారి ప్రజలకు ఇబ్బందులు తప్పట్లేదు.. అయితే జగన్ ఈ నరసాపురం పర్యటనకు కూడా అడుగడుగునా ఆంక్షలు పెట్టారు. ఈ పర్యటన కోసం రెండు వేల మంది బందోబస్తుని ఏర్పాటు చేసారు. దారి పొడుగునా బారికేడ్లు ఏర్పాటు చెయ్యడం కోసం అడ్డుగా వున్న పెద్ద పెద్ద చెట్లను కూడా నరికివేశారు.. అయితే భీమవరంలో ఇపటికే టీడీపీ, బీజేపీ నేతల ముందస్తు అరెస్టులు చేసారు. బీజేపీ రాష్ట్ర కార్యదర్శి భూపతిరాజు శ్రీనివాస వర్మను అర్ధరాత్రి అరెస్ట్ చేసిన భీమవరం పోలీసులు. అయితే కారణాలు చెప్పకుండా ఎందుకు అరెస్ట్ చేస్తున్నారని పోలీసులు తీసుకెళ్లడాన్ని బీజేపీ నేతలు తీవ్రంగా తప్పు పట్టారు.. అయితే ఇప్పుడు నరసాపురం మొత్తం పోలీసుల దిగ్బంధంలోకి వెళ్ళిపోయింది.

జగన్ దిగే హెలిప్యాడ్ నుంచి సభా స్థలం వరకు హోటళ్లు, దుకాణాలు మొత్తం మూయించేసారు.. డ్వాక్రా సంఘాలకు , వాలంటీర్లు కు సభకు వీలయినంత ఎక్కువమందిని తీసుకు రావాలని బీమవరం వైసిపి టార్గెట్ ఇచ్చినట్టుగా తెలుస్తుంది.. ఈ సభ కోసం జనాలను తీసుకురావడానికి 750 బస్సులను కూడా ఏర్పాటు చేసారు. అయితే ఈ పర్యటన పై చంద్రబాబు స్పందించారు.. సాధారణంగా ప్రజాప్రతినిధులు తమ పర్యటనల్లో మొక్కలు నాటడం ఇన్నాళ్లూ చూశామని, కానీ సీఎం వస్తున్నారని భారీ వృక్షాలను...అది కూడా ఏ మాత్రం అడ్డుగాలేని చెట్లను నరికి వేయడం ఈ ప్రభుత్వంలోనే చూస్తున్నామని,మొక్కలు నాటడం నేర్పాల్సిన పాలకులు...చెట్లు నరికెయ్యమని సందేశం పంపుతున్నారా? ఇదే కదా రివర్స్ పాలన అంటే. నువ్వు జగన్ రెడ్డి కాదు...రివర్స్ రెడ్డి. ఇదేం ఖర్మ రాష్ట్రానికి? అని చంద్రబాబు ట్వీట్ చేసారు.

ఎప్పుడూ బూతులతో ప్రతి పక్షాలపై విరుచుకుపడే గుడివాడ వైసిపి ఎమ్మెల్యే కోడాలి నాని తీవ్ర అస్వస్థతతో హైదరాబాద్ లో అపోలో హాస్పిటల్ లో చేరారు.. కిడ్నీ సమస్యలతో గత కొన్ని రోజులనుంచి  ఆయన ఇబ్బంది పడటం తో,  ఆయనకుటుంబ సభ్యులు,కొడాలి నాని ని  అపోలో ఆసుపత్రిలో జాయిన్ చేసారు..నాని ని రెండు రోజుల క్రితమే అపోలో లో చేర్చినట్టు తెలుస్తుంది..డాక్టర్లు నిన్న రాత్రే కిడ్నీకి  సంబందించిన  శస్త్ర చికిత్సను చేసినట్టు తెలుస్తుంది. ప్రస్తుతం కోడాలి నాని అపోలో లోని   ఐసీయూలో  ఉన్నారు.ఆయన మరో రెండు రోజుల్లో డిశ్చార్జ్ అయ్యే అవకాశాలు ఉన్నాయి.  మరో 15 రోజులు ఆయన పూర్తిగా విశ్రాంతి తీసుకోవాలని డాక్టర్లు సూచించినట్టు తెలుస్తుంది.

2024 ఎలక్షన్స్ కు టీడీపీ పూర్తి స్థాయిలో సిద్దం అవుతున్నట్టు తెలుస్తుంది. ఈ రోజు జరుగుతున్న ఈ సమావేశం చాలా ప్రాధాన్యత సంతరించుకుంది. ఈ కార్యక్రమానికి టీడీపీ అధినేత చంద్రబాబు ఒక స్పెషల్ గెస్ట్ ను తీసుకొచ్చినట్టు తెలుస్తుంది.ఆంధ్ర ప్రదేశ్ లో జగన్ ను ఎలాగైనా గద్దె దించి , ప్రజా అభివృద్దే లక్ష్యంగా పని చేయాలని పార్టీ నేతలకు చంద్ర బాబు ఆదేశించారని, ఆ ప్రకారమే కార్యాచరణ ఖరారు చేయనున్నారు. వచ్చే ఎన్నికల వరకు పార్టీ భవిష్యత్ ప్రణాళికలను ఈ రోజు ప్రకటించనున్నారు. అంతే కాకుండా చంద్రబాబు ఏ జిల్లాల్లో పర్యటనలు చేస్తారో ఈ రోజు ఖరారు చేయనున్నారు. త్వరలో జరిగే లోకేశ్ పాదయాత్ర పైనా కూడా ఈ సమావేశంలో ఒక ప్రకటన చేసే అవకాశాలు ఉన్నాయి.

అంతే కాకుండా ఈ కార్యక్రమంలో వైసీపీ ప్రభుత్వ వైఫల్యాలను ఏ విదంగా ప్రజల్లోకి తీసుకెళ్ళాలి, రాజకీయంగా టిడిపి పార్టీ ని ఏ విదంగా ముందుకు తీసుకెళ్ళాలి అని కూడా చంద్రబాబు పార్టీ నేతలకు దిశ, నిర్దేశం చేయనున్నారు.అయితే ఈ కార్యక్రమానికి, ప్రత్యేకంగా ఇప్పటి వరకు తెర వెనుక ఉండి పార్టీకి వ్యూహాలు రచిస్తున్న-ప్రణాళికలు సిద్దం చేస్తున్న రాబిన్ శర్మ హాజరవుతున్నారు. 2019 ఎలక్షన్స్ ముందు రాబిన్ శర్మ, ప్రశాంత్ కిశోర్ తో కలిసి ఐ ప్యాక్ తరపున అప్పట్లో వైసీపీ కోసం పని చేసారు. ఇప్పుడు ప్రశాంత్ కిషోర్ ఐ ప్యాక్ నుంచి రాబిన్ శర్మ దూరం అవ్వడంతో ,ఇప్పుడు టీడీపీ కోసం పని చేస్తున్నారు.