news

ఆంధ్రప్రదేశ్ ముఖ్యమంత్రి చంద్రబాబు నాయుడి కాన్వాయ్‌ను అడ్డుకునేందుకు బీజేపీ కార్యకర్తలు అడ్డుకున్నారు. బీజేపీ కార్యకర్తలను పోలీసులు అదుపులోకి తీసుకున్నారు. బీజేపీ నేతల పై చంద్రబాబు ఆగ్రహం వ్యక్తం చేశారు. ఏపీకి అన్యాయం చేస్తున్న మోదీకి మీరెలా మద్దతిస్తారంటూ బాబు ప్రశ్నించారు. నాగమల్లితోట జంక్షన్‌ వద్ద ముఖ్యమంత్రి చంద్రబాబు కాన్వాయ్‌ను భారతీయ జనతా పార్టీ నేతలు అడ్డుకున్నారు. సీఎం డౌన్‌ డౌన్‌ అంటూ నినాదాలు చేశారు. దీంతో వారిని పోలీసులు అరెస్ట్‌ చేశారు. కాన్వాయ్‌ను అడ్డుకున్న భాజపా నేతలపై చంద్రబాబు ఆగ్రహం వ్యక్తంచేశారు. కాన్వాయ్ ఆపించి, అడ్డు తగిలిన వారిని రమ్మని, అసలు మీకు ఏమి కావలి, ఎందుకు అడ్డుకున్నారు అంటూ నిలదీశారు.

చంద్రబాబు ఇలా చేస్తారని ఊహించని వాళ్ళు అవాక్కయ్యారు. చంద్రబాబు అడిగే ప్రశ్నలకు సమాధానం లేక, డౌన్ డౌన్ అంటూ హడావిడి చేసారు. ఎందుకు డౌన్ డౌన్ చెప్పండి, అంటూ నిలదీశారు. రాష్ట్రానికి మోదీ ఏంచేశారని మండిపడ్డారు. రాష్ట్రంలో ఉండేందుకు భాజపా నేతలకు అర్హత లేదన్నారు. రాష్ట్రానికి మోదీ చేసిన అన్యాయాన్ని మీరు సమర్థిస్తారా అంటూ ఆగ్రహం వ్యక్తంచేశారు. రాష్ట్రాన్ని, దేశాన్ని మోదీ ముంచేశారని విమర్శించారు. మీరు ఇక్కడ నీరు, గాలి పీల్చుతూ, మన రాష్ట్రం కోసం నిలబడాలని, అంతే కాని ఢిల్లీ అన్యాయానికి నిలబడితే ఎలా అని నిలదీశారు. కాకినాడలో తలపెట్టిన ‘జన్మభూమి- మా ఊరు’ కార్యక్రమానికి వెళుతుండగా ఈ ఘటన జరిగింది.

కాకినాడ జేఎన్టీయూలో ‘జన్మభూమి-మా ఊరు’ కార్యక్రమానికి వెళుతున్న సీఎం చంద్రబాబుని బీజేపీ కార్యకర్తలు, నేతలు అడ్డుకున్న విషయం పై మంత్రి నారా లోకేశ్ ఘాటుగా స్పందించారు. బీజేపీ నేతలపై ఆయన విరుచుకుపడ్డారు. ఈ మేరకు వరుస ట్వీట్లు చేశారు. బీజేపీ, భారతీయ జోకర్స్ పార్టీగా మారిందని దుయ్యబట్టారు. ఆంధ్రప్రదేశ్ కి నీరు, మట్టి ఇచ్చి చేతులు దులుపుకున్న మోదీ ఇంటి ముందు ధర్నా చేసే దమ్మూ, ధైర్యం లేని బీజేపీ నాయకులు ముఖ్యమంత్రిని అడ్డుకునే ప్రయత్నం చేయటం సిగ్గుచేటని, ఆంధ్రాలో బీజేపీని ప్రజలు మట్టిలో కలిపేసే రోజులు దగ్గర పడ్డాయని ఘాటు వ్యాఖ్యలు చేశారు. ఈ సందర్భంగా ఉపాధిహామీ పథకం నిధులు గురించీ లోకేశ్ ప్రస్తావించారు. ఉత్తమ ప్రతిభ కనబర్చిన రాష్ట్రాలకు ఉపాధిహామీ పథకం ద్వారా అధిక నిధులు రావడం చట్టం ద్వారా వచ్చిన హక్కు అని అన్నారు.

దేవినేని అవినాష్ పోటి ఎక్కడి నుంచి...? ప్రస్తుతం ఒక్క బెజవాడ రాజకీయాల్లోనే కాకుండా ఆ ప్రాంత రాజకీయాల మీద అవగాహన ఉన్న ఉభయ తెలుగు రాష్ట్రాల ప్రజలను, దేవినేని కుటుంబం అభిమానులను తొలచి వేస్తున్న ప్రశ్న. 2017 లో తండ్రి దేవినేని నెహ్రు మరణం తర్వాత అవినాష్ రాజకీయ భవితవ్యంపై అందరికి ఆసక్తి పెరిగిపోయింది. ఆయన ప్రస్తుత౦ పార్టీలో ఒక బాధ్యత నిర్వహిస్తున్నా ఈ ఏడాది జరగబోయే ఎన్నికల్లో ఎక్కడి నుంచి పోటి చేస్తారు అనేది చర్చనీయంశంగా మారింది. ఈ నేపధ్యంలో పార్టీ వర్గాల్లో పలు కీలక విషయాలు బయటకు వస్తున్నాయి. పార్టీ భవిష్యత్తు దృష్ట్యా బలమైన కుటుంబ నేపధ్యం ఉన్న యువ నాయకులను ఎన్నికల్లో నిలపాలని భావిస్తున్నారు. ఇప్పటికే శ్రీకాకుళం ఎంపీగా ఉన్న రామ్మోహన్ నాయుడు ఎంపీగా తనకంటూ ప్రత్యేక గుర్తింపు తెచ్చుకున్నారు. ఇక పరిటాల శ్రీరామ్, కరణం వెంకటేష్, చింతకాయల విజయ్, గౌతు శిరీష, జేసి పవన్ రెడ్డి... వంటి యువ నేతలు తమ తమ ప్రాంతాల్లో సత్తా చాటుతున్నారు. తన తండ్రి ఆశయాల లక్ష్య సాధన కోసం నిరంతరం ప్రజల్లో ఉండే ప్రయత్నం అవినాష్ చేస్తున్నారు. పార్టీకి సంబంధించిన కార్యక్రమాల్లో చురుకుగా పాల్గోనడమే కాకుండా స్థానిక నాయకులను కలుపుకుపోతు వర్గ విభేదాలకు దూరంగా ఉంటున్నారు. ఈ విషయంలో ముఖ్యమంత్రి చంద్రబాబు సహా పార్టీ వర్గాల్లో అవినాష్ పై మంచి అభిప్రాయమే ఉందని తెలుస్తుంది.

ఇక ఆయన పోటి చేస్తారనే ప్రచారమున్న నియోజకవర్గాల విషయానికి వస్తే... ప్రస్తుతం తెలుగుదేశం పార్టీ నాయకత్వం బలహీనంగా ఉన్న కృష్ణా జిల్లాలోని రెండు నియోజకవర్గాలు గుడివాడ, నూజివీడు. ఈ రెండు నియోజకవర్గాల్లో ప్రధానంగా అవినాష్ ని గుడివాడ నుంచి బరిలోకి దించే అవకాశాలు ఎక్కువగా కనపడుతున్నాయి. 2004 నుంచి కొడాలి నాని ఇక్కడ మూడు సార్లు ఎమ్మెల్యేగా విజయం సాధించారు. ఆయనకు పార్టీలతో సంబంధం లేకుండా నియోజకవర్గంలో వ్యక్తిగత ఇమేజ్ ఉండటంతో 2014 లో నియోజకవర్గంలో బలమైన నేతకు టికెట్ ఇచ్చినా ఆయనను ఓడించడం సాధ్యం కాలేదు. ఈ నేపధ్యంలో గుడివాడ నుంచి ఈసారి కృష్ణా జిల్లా రాజకీయాల్లో... యువ సింహంగా పేరున్న అవినాష్ ని బరిలోకి దింపాలని పార్టీ అధిష్టానం భావిస్తుంది. గుడివాడ కోటను బద్దలు కొట్టాలి అంటే అవినాష్ సరైన నేత అనే వ్యాఖ్యలు వినపడుతున్నాయి. అవినాష్ కి యువతలో క్రేజ్ తో పాటు దేవినేని కుటుంబానికి నియోజకవర్గంలో కూడా అభిమానులు ఉండటంతో ఆయన గెలుపుకి కాస్త కష్టపడితే సరిపోతుందని పార్టీ వర్గాలతో పాటు రాజకీయ విశ్లేషకులు సైతం అభిప్రాయపడుతున్నారు. ఇక నియోజకవర్గంలో పార్టీ క్యాడర్ కూడా బల౦గానే ఉండటం అవినాష్ కి కలిసి వచ్చే అంశమనే అభిప్రాయం కూడా వినపడుతుంది. స్థానిక నాయకులు, కార్యకర్తలు కూడా అక్కడ బలమైన నాయకత్వాన్ని కోరుకుంటున్నారు అనే వ్యాఖ్యలు ఈ మధ్యకాలంలో సోషల్ మీడియాతో పాటు... పార్టీ వర్గాల్లో లో ఎక్కువగానే వినపడుతున్నాయి.

దీనితో గుడివాడ కోటను బద్దలు కొట్టడానికి అవినాష్ ని ప్రయోగించాలి అనే నమ్మకానికి తెలుగుదేశం పార్టీ అధినాయకత్వం వచ్చినట్టు తెలుస్తుంది. ఇక ఇదే క్రమంలో మరో నియోజకవర్గం పేరుని కూడా అధినాయకత్వం పరిశీలిస్తుంది. అదే నూజివీడు నియోజకవర్గం. ఇక్కడ పార్టీ క్యాడర్ బలంగానే ఉన్నా టికెట్ కోసం ఆశపడే నేతలు ఎక్కువగానే ఉన్నారు. దానికి తోడు విజయవాడ నుంచి వెళ్ళిన కొందరు అక్కడ సీటు కోసం ప్రయత్నాలు చేస్తున్నారనే ప్రచారం ఉంది. అదే విధంగా ఎంపీ మాగంటి బాబు వర్గానికి చెందిన ఒక వ్యక్తికి ఇక్కడ సీటు ఇస్తారనే వార్తలు కూడా వస్తున్నాయి. ఈ నియోజకవర్గంలో పార్టీ క్యాడర్ తో పాటు దేవినేని అభిమానులు ఉండటం, సరిహద్దు మైలవరం నియోజకవర్గం ప్రభావం కూడా ఉండటంతో అవినాష్ ని ఇక్కడి నుంచి బరిలోకి దించాలని భావిస్తున్నారు. ఇక ఆ రెండు కాకపోతే పెనమలూరు సీటు విషయాన్ని కూడా పార్టీ అధిష్టానం ఆలోచిస్తున్నట్టు తెలుస్తుంది. కాని ఇక్కడ బోడె ప్రసాద్ కి సీటు ఖరారైనట్టు తెలుస్తున్నా ఆఖరి నిమిషంలో చంద్రబాబు ఏ నిర్ణయం తీసుకుంటారో చూడాలి అంటుంది పార్టీ క్యాడర్. ఒక్క పెనమలూరు మినహా నూజివీడు, గుడివాడలో పార్టీకి సమర్ధమవంతమైన నాయకత్వం లేకపోవడంతో వీటిల్లో ఒక దాని నుంచే అవినాష్ బరిలోకి దిగే అవకాశం ఉందని తెలుస్తుంది.

రెండు రోజుల క్రితం చంద్రబాబు, ఏమి చెప్పారో అదే జరిగింది. హైకోర్ట్ హడావిడిగా విభజించటం, కేసులు బదిలీ చెయ్యకుండా ప్లాన్ వెయ్యటం, ఇవన్నీ చూస్తుంటే, జగన్ కేసుల విచారణ తిరిగి మొదటికి వస్తుందని, కేసుల విచారణను సాధ్యమైనంత ఆలస్యం చేసేందుకు జగన్ తో కలిసి బీజేపీ కుట్ర చేసిందని, చంద్రబాబు చెప్పిందే నిజం అయ్యింది. ఈ రోజు శుక్రవారం జగన్ కోర్ట్ కి వెళ్ళటంతో, అక్కడ విచారణ ఈ నెల 25కు వాయిదా పడింది. సీబీఐ కోర్టు న్యాయమూర్తి వెంకటరమణ ఏపీకి బదిలీ కావడంతో.. కొత్త జడ్జీ వచ్చే వరకు దీనిపై విచారణ నిలిచిపోనుంది. జడ్జి వెంకటరమణ రెండేళ్ల పాటు మూడు ఛార్జిషీట్లపై సుమారు 100 గంటలపాటు వాద, ప్రతివాదనలు విన్నారు. ఉమ్మడి హైకోర్టు విభజనతో వెంకటరమణ ఏపీకి బదిలీ అయ్యారు. దీంతో కొత్త జడ్జీ వచ్చాక విచారణ మళ్ళీ మొదటికి వచ్చే అవకాశం లేకపోలేదని సీనియర్ న్యాయవాదులు అభిప్రాయం వ్యక్తం చేస్తున్నారు. జనవరి ఏడు నుంచి సంక్రాంతి సెలవులు కావడంతో.. సెలవుల అనంతరం వాదనలు ప్రారంభం కానున్నాయి.

జగన్‌ దాఖలు చేసిన డిశ్చార్జ్‌ పిటిషన్లపై సీబీఐ కోర్టు మళ్లీ విచారణ చేపట్టనుంది. రెండున్నరేళ్లుగా వీటిపై విచారణ కొనసాగుతుండగా న్యాయమూర్తి బదిలీతో వాదనలు మళ్లీ ప్రారంభం కానున్నాయి. దీంతో ఈ కేసు మొదటికి వచ్చినట్లయింది. జగన్‌ ఆస్తుల కేసులో మొత్తం 11 అభియోగపత్రాలను సీబీఐ నమోదు చేసింది. విచారణ ప్రక్రియలో భాగంగా నిందితులుగా ఉన్నటు వంటి జగన్మోహన్‌రెడ్డి, విజయసాయిరెడ్డి, మిగతా నిందితులు డిశ్చార్జ్‌ పిటిషన్లు దాఖలు చేశారు. నేరానికి ఎలాంటి సంబంధం లేకుండానే తమపై అక్రమంగా కేసులు బనాయించారు కాబట్టి ఎఫ్‌ఐఆర్, ఛార్జిషీట్ల నుంచి తమను తప్పించాలని పిటిషన్లు వేశారు. వీటిపై గత కొంతకాలంగా వాదనలు కొనసాగుతున్నాయి. మొత్తం 11 కేసులకు గానూ 4 కేసుల్లో వాదనలు పూర్తయ్యాయి. రెండున్నరేళ్లుగా ఇది కొనసాగుతోంది.

ఈ నేపథ్యంలో సీబీఐ కోర్టు న్యాయమూర్తి వెంకట రమణను ఏపీకి కేటాయించడంతో బదిలీ అయ్యారు. కొత్తగా వచ్చే న్యాయమూర్తి డిశ్చార్జ్‌ పిటిషన్లపై మళ్లీ వాదనలు వినాల్సి ఉంటుంది. ఒక్కో ఛార్జిషీట్లో తీర్పు వెల్లడించినట్లయితే ఇతర కేసులపై ప్రభావం పడుతుందని భావించి.. అన్ని కేసుల్లో ఒకేసారి తీర్పు ఇవ్వాలని గతంలో సీబీఐ కోర్టు నిర్ణయించింది. ఈ నేపథ్యంలో డిశ్చార్జ్‌ పిటిషన్లపై మళ్లీ వాదనలు జరగనున్నాయి. అందుకు మరికొన్నేళ్లు పట్టే అవకాశం ఉన్నట్లు తెలుస్తోంది. ఇక, జగన్ పై ఉన్న కేసులను అమరావతికి తరలించడం సాధ్యం కాదని న్యాయ నిపుణులు అంటున్నారు. ఈ కేసులు ఉమ్మడి రాష్ట్రంలో జరగడం, అటాచ్ అయిన జగన్ ఆస్తులు హైదరాబాద్ లోనే ఉండటం కారణంగా విచారణ నాంపల్లిలోని సీబీఐ కోర్టులోనే సాగాల్సివుందని చెబుతున్నారు.