news

ఆంధ్రప్రదేశ్ హైకోర్టులో ఈ రోజు అమరావతి కేసు విచారణకు రానుంది. ఈ రోజు ఉదయం 10.30 గంటలకు, హైకోర్ట్ త్రిసభ్య ధర్మాసనం ముందుకు, అమరావతి కేసు పై వాదనలు విననున్నారు. గతంలోనే హైకోర్టు రాజధాని పై స్పష్టమైన తీర్పు ఇచ్చిన సంగతి తెలిసిందే. ఒకసారి పార్లమెంట్ చట్టం ప్రకారం రాజధాని నిర్ణయం తీసుకున్న తరువాత, మూడు రాజధానులు అంటూ తీర్మానం చేసే అధికారం, రాష్ట్ర శాసనసభకు లేదని, ఇప్పటికే హైకోర్టు తన తీర్పులో స్పష్టం చేసిన విషయం తెలిసిందే. ఈ తీర్పు ఇస్తూనే, రాజధాని అమరావతి ప్రాంతంలో, మౌలిక వసతుల పనులు మొదలు పెట్టి, అభివృద్ధి పనులు కొనసాగించాలని సీఆర్డీఏకు స్పష్టమైన ఆదేశాలను హైకోర్టు జారీ చేసింది. అయితే ఈ తీర్పు అమలు చేయటం లేదు అంటూ, ఇప్పటికే రైతులు కోర్టు ధిక్కరణ పిటీషన్ ను హైకోర్టుఓ దాఖలు చేసారు. దీని పైన స్పందించిన హైకోర్టు, స్టేటస్ రిపోర్ట్ ఇవ్వాలి అంటూ, ప్రభుత్వాన్ని ఆదేశించింది. అయితే ప్రభుత్వం గతంలో, తమకు 60 నెలల సమయం కావాలని అఫిడవిట్ వేసింది. అమరావతి పై  రిట్ ఆఫ్ కంటిన్యూస్ మాండమస్ ఉంటుందని హైకోర్టు స్పష్టం చేసిన విషయం తెలిసిందే. ఇవన్నీ పక్కన పెడితే, హైకోర్టు తీర్పుపై ఇప్పటికే సుప్రీంకోర్టులో ప్రభుత్వం స్పెషల్ లీవ్ పిటిషన్ దాఖలు చేసింది. వీటి అన్నిటి నేపధ్యంలో, ఈ రోజు హైకోర్ట్ ఏమి చెప్తుంది అనే విషయం పై సామాన్య ప్రజలతో పాటు, ప్రభుత్వం కూడా ఎదురు చూస్తుంది.

తెలుగు రాష్ట్రాల్లో, రాజకీయాలు, సినిమా రంగం కలిసే ప్రయాణం చేస్తూ ఉంటాయి. గత ఎన్నికల్లో ఈ అంశాన్ని రాజకీయంగా ఉపయోగించుకోవటంలో వైసీపీ సక్సెస్ అయ్యింది. నందమూరి, మెగా ఫ్యామిలీ మధ్య చిచ్చు పెట్టి, దాన్ని కూడా రాజకీయంగా వాడుకోవటంలో వైసీపీ సకెస్స్ అయ్యింది. ఎన్నికల తరువాత, పవన్ కళ్యాణ్ ని, జగన్ టార్గెట్ చేస్తున్న విధానం చూసి, చాలా వరకు మెగా అభిమానులు, వైసీపీ నుంచి దూరం అయ్యారు. ఇదే సందర్భంలో జగన్ మాత్రం, చిరంజీవిని దగ్గరకు తీసారు. అయితే చిరంజీవికి వస్తున్న సినిమాలు ఫ్లాప్ అవ్వటం, రాజకీయంగా కూడా చిరంజీవి దూరంగా ఉండటంతో, వైసీపీకి రాజకీయంగా ఉపయోగ పడలేదు. తాజాగా గాడ్ ఫాదర్ సినిమా రిలీజ్ అవ్వటం, హిట్ టాక్ రావటంతో, సహజంగానే సినీ అభిమానుల్లో ఒకరి పై ఒకరు విమర్శలు చేసుకుంటూ ఉంటారు. దీన్ని తనకు అనుకూలంగా వైసీపీ మలుచుకుంది. చిరంజీవికి సపోర్ట్ గా వైసీపీ సోషల్ మీడియాలో ఆక్టివ్ గా ఉండే వారు పోస్ట్ లు పెట్టారు. ఇది ఇలా నడుస్తూ ఉండగానే, నిన్న హర్యానా గవర్నర్ బండారు దత్తాత్రయ్య నిర్వహించిన ఆలయ్ బలయ్ కార్యక్రమంలో, చిరంజీవి పాల్గున్నారు. చిరంజీవితో పాటుగా, పద్మశ్రీ గరికపాటి నరసింహరావు గారు కూడా పాల్గున్నారు.

ఈ సందర్భంగా గరికపాటి వారు ప్రసంగిస్తూ ఉండగా, మరో పక్క చిరంజీవి ఫోటో షూట్ లు చేస్తూ బిజీగా ఉన్నారు. స్టేజి పైన మొత్తం గందరగోళంగా ఉండటంతో, గరికపాటి వారికి ఆగ్రహం వచ్చింది. అప్పటికీ గౌరవంగానే, చిరంజీవిని విజ్ఞప్తి చేస్తూ, ఫోటో షూట్ ఆపేయాలని కోరారు. ఇలా ఉంటే తాను ప్రసంగించలేనని అన్నారు. కొద్ది సేపటికి చిరంజీవి వచ్చి, ఆయన పక్కన కూర్చోవటంతో, ఆయన ప్రసంగించారు. వాళ్ళు ఇద్దరూ అక్కడ బాగానే ఉన్నారు. నిజానికి ఇద్దరూ అతిధులే, ఒకరు మాట్లాడేప్పుడు, మరొకరు గౌరవించుకోవాలి. అయితే ఈ అంశంలో, చిరంజీవి అభిమానులు, సోషల్ మీడియాలో గరికపాటి పై వ్యతిరేకంగా పోస్టులు పెడుతున్నారు. దీనికి ఆజ్యం పోస్తూ వైసీపీ సోషల్ మీడియా కూడా రంగంలోకి దిగింది. గతంలో గరికపాటి తన ప్రసంగాలలో వివిధ సందర్భాల్లో అన్న ఎన్టీఆర్, చంద్రబాబు ప్రస్తావన తీసుకు వస్తూ చేసిన ప్రసంగాలు పెట్టి, ఆయన్ను తెలుగుదేశం వారిగా సృష్టించే ప్రయత్నం చేస్తూ, అమర్యాదగా పోస్టులు పెడుతూ, పద్మశ్రీ గరికపాటి వారిని తిడుతూ పోస్టులు పెడుతున్నారు. చిరంజీవి, గరికపాటికి లేని బాధ, వీళ్ళకు ఎందుకో మరి.

సుప్రీం కోర్టు అదేశాలకు విరుద్దంగా సిఐడి పోలీసులు వ్యవహరించారు...వెంటనే నరేంద్రను విడుదల చేయాలి అని లేఖ. లేఖలోని అంశాలు:- టీడీపీ మీడియా కోఆర్డినేటర్ దారపనేని నరేంద్రను సిఐడి పోలీసులు అక్రమంగా అరెస్టు చేశారు. సుమారు 7 మంది వ్యక్తులు రాత్రి సమయంలో నేమ్ బ్యాడ్జ్ లు కూడా లేకుండా నరేంద్ర ఫ్లాట్‌లోకి ప్రవేశించి, తాము సిఐడికి అని చెప్పి అతన్ని తీసుకువెళ్లారు. ఆరోగ్య సమస్యలు ఉన్న నరేంద్ర ఆరోగ్యానికి సంబంధించి ఏదైనా అవాంఛనీయ సంఘటన జరిగితే మొత్తం పోలీసు శాఖ బాధ్యత వహించాలి. ప్రతిపక్ష టీడీపీ నేతలు, క్యాడర్‌ను టార్గెట్ చేయడంలో సిఐడి పూర్తిగా నిమగ్నమైంది. సెక్షన్ 41A కింద నోటీసు ఇవ్వకుండా అరెస్టు చెయ్యాల్సిన అవసరం ఏముంది? ఇదే కేసులో అంకబాబును అరెస్టు చేసినందుకు కోర్టు సిఐడి పోలీసులకు షోకాజ్ నోటీసు జారీ చేసినవిషయం గుర్తులేదా? సుప్రీం కోర్టు మార్గదర్శకాలకు విరుద్ధంగా రాత్రి సమయంలో నరేంద్రను అరెస్టు చేయాల్సిన అవసరం ఏంటి? సిఐడి తనంతట తానే ఒక చట్టం అని భావిస్తుంది. వైఎస్సార్‌సీపీ ప్రతీకార రాజకీయాలకు సీఐడీ సహకారం విస్మయం కలిగిస్తోంది.అధికార పార్టీ ప్రయోజనాల కోసం సిఐడి దిగజారడం బాధాకరం. బాధితులను బెదిరించడం, కస్టడీలో చిత్రహింసలకు గురిచేయడం కోసమే పోలీసులు ఈ తరహా అరెస్టులు చేస్తున్నారు. దారపనేని నరేంద్రను వెంటనే బేషరతుగా విడుదల చేయాలని, భవిష్యత్తులో ఇలాంటి అక్రమ అరెస్టులు జరగకుండా చూడాలని డిమాండ్ చేస్తున్నాను.