news

వేలు పెడతా, కాలు పెడతా అంటున్న కేసీఆర్, మొత్తానికి ఏపిలో అడుగు పెట్టనున్నారు. కేసీఆర్‌ ఈ నెల 23నుంచి ఆంధ్రప్రదేశ్‌, ఒడిశా, పశ్చిమ్‌ బంగ, దేశ రాజధాని దిల్లీలో పర్యటించనున్నారు. ఈ మేరకు ఆయన పర్యటన షెడ్యూల్‌ ఖరారైంది. ప్రత్యేక విమానంలో సీఎం కేసీఆర్‌, కుటుంబ సభ్యులతో కలిసి ఈ నెల 23న ఉదయం 10గంటలకు బేగంపేట విమానాశ్రయం నుంచి విశాఖకు బయల్దేరతారు. విశాఖలో శారద పీఠాన్ని సందర్శిస్తారు. పీఠంలోని రాజశ్యామల దేవాలయంలో ప్రత్యేక పూజలు నిర్వహించి స్వరూపానంద స్వామి ఆశీస్సులు తీసుకుంటారు. అయితే ఇక్కడ రాజకీయంగా ఎవరిని కలుస్తారు అనేదాని పై క్లారిటీ లేదు. వైజాగ్ లో బాధ్యతలు చూస్తున్న వైసీపీ ఎంపీ విజయసాయి రెడ్డి, ఈ పర్యటన ఏర్పాట్లు చూస్తున్నట్టు తెలుస్తుంది.

అయితే కేసీఆర్ పర్యటన పై చంద్రబాబు స్పందించారు. మంచిది రానివ్వండి అంటూ ఆహ్వానించారు. తెలంగాణలో ఎన్నికల్లో ప్రచారానికి తాను వెళ్లిన నేపథ్యంలో కేసీఆర్‌ తనకు రిటర్న్‌ గిఫ్ట్‌ ఇస్తానని చేసిన వ్యాఖ్యలను, చంద్రబాబు నాయుడు తెదేపా సమన్వయ కమిటీ సమావేశంలో ప్రస్తావించారు. కేసీఆర్‌ ఆంధ్రప్రదేశ్‌ రాజకీయాల్లోకి వస్తే సంతోషమేనని వ్యాఖ్యానించారు. అందరినీ గందరగోళం చేసేందుకే కేసీఆర్‌ వివిధ రాష్ట్రాల్లో పర్యటనలకు వెళ్తున్నారని విమర్శించారు. ప్రజలకు ఈవీఎంలపై నమ్మకం రావడంలేదని, పోలైన ఓట్ల కంటే కౌంటింగ్‌లో ఎక్కువ ఓట్లు ఎలా వస్తాయని ప్రశ్నించారు. మన ఓటు ఎవరికి పడిందో తెలుసుకోవడం మన ప్రాథమిక హక్కు అని, ఈవీఎంల విషయంలో అందరూ అప్రమత్తంగా ఉండాలని చంద్రబాబు విజ్ఞప్తి చేశారు.

ఇటీవల జరిగిన ఐదు రాష్ట్రాల ఎన్నికల్లో ఈవీఎంలపై ఫిర్యాదులు రావడాన్ని తెదేపా పరిశీలిస్తోంది. తెలంగాణ, కర్ణాటక ఎన్నికల్లో లక్షలాది ఓట్లు గల్లంతు అవడాన్నిఆ పార్టీ నేతలు విశ్లేషిస్తున్నారు. ముఖ్యంగా కర్ణాటక ఎన్నికల్లో ముస్లిం ఓటర్ల పేర్లు తొలగించడం, అనేక మందికి గుర్తింపు కార్డులు లేకపోవడంపై జాతీయ మీడియాలో వచ్చిన కథనాలను పరిశీలిస్తున్నారు. ఈ ఓట్ల తొలగింపుపై కుట్ర ఉందని తెదేపా భావిస్తోంది. ఎన్నికల సంఘాన్ని కూడా కేంద్ర ప్రభుత్వం ప్రభావితం చేస్తోందని ఆ పార్టీ మండిపడుతోంది. ఉత్తర్‌ప్రదేశ్‌ తదితర రాష్ట్రాల్లో కూడా ముస్లిం ఓట్ల తొలగింపుపై ఆందోళన నెలకొన్న అంశాలపైనా ముఖ్యమంత్రి దృష్టి సారించారు. ముస్లింలు, ఎస్సీ, ఎస్టీ, బీసీ ఓటర్లను అప్రమత్తం చేసే బాధ్యతను పార్టీ నాయకులకు చంద్రబాబు అప్పగించారు.

ఇప్పటికే ఆధార్ గురించి, మొబైల్స్ లో ఉండే యాప్ ల గురించి, వాటి వాల్ల ఎదురవుతున్న సామాన్య ప్రజల ప్రైవసీ గురించి పెద్ద ఎత్తున చర్చ జరుగుతుంది. మనం ఎక్కడ ఉన్నాం, ఏమి మాట్లడుతున్నమో కూడా ట్రాక్ అవుతుందనే అపోహలు ఉన్న వేళ, ఇప్పుడు కేంద్రం తాజగా ఇచ్చిన ఉత్తర్వులు చూస్తే, మైండ్ బ్లాంక్ అవ్వటం ఖాయం. ఇప్పటికే దేశంలో ఉన్న వ్యస్థలు ఎలా నాశనం అవుతున్నాయో చూస్తున్నాం. ఉన్న వ్యవస్థలని అడ్డం పెట్టుకుని, రాజకీయ, వ్యక్తిగత కక్ష తీర్చుకుంటూ, ప్రభుత్వాలు నడుస్తున్నాయి. ఈ తరుణంలో, మీ ఇంట్లో ఉండే కంప్యూటర్, ల్యాప్ టాప్ లో ఉండే డేటా కూడా, ఇక కేంద్ర ప్రభుత్వం చేతుకోలోకి వేల్లిపోనుంది అంటే నమ్మగలరా ? ఇప్పటికే నేరస్థుల నుంచి, కంప్యూటర్లు సీజ్ చేసే అధికారం దర్యాప్తు సంస్థలకు ఉంది. మరి ఇప్పుడు తాజాగా ఇచ్చిన ఉత్తర్వులు ఎందుకో ఎవరికీ అర్ధం కావటం లేదు.

దేశంలోని ఏ కంప్యూటర్‌లో నిక్షిప్తమైన, తయారైన, పంపిన లేదా స్వీకరించిన సమాచారాన్ని అయినా అడ్డుకునే, పర్యవేక్షించే, విశ్లేషించే అధికారం ఇక 10 కేంద్ర దర్యాప్తు సంస్థలకు ఉంటుందని, ఉత్తర్వులు ఇస్తూ, కేంద్రం అధికారాలు కట్టబెట్టింది. కేంద్ర హోం వ్యవహారాల మంత్రిత్వశాఖ ఇందుకు సంబంధించిన ఉత్తర్వులను ఈనెల 20న జారీచేసింది. దేశంలోని ఏ కంప్యూటర్‌లోకి అయినా చొరబడే స్వేచ్ఛను కల్పించింది. ఈ మేరకు జారీ అయిన ఆదేశాలపై కేంద్ర హోం సెక్రటరీ రాజీవ్ గౌబా గురువారం సంతకం చేశారు. ‘‘ఏ కంప్యూటర్‌లో స్టోర్ చేసిన, పంపించిన, రిసీవ్ చేసుకున్న, జనరేట్‌ అయిన సమాచారాన్నైనా దర్యాప్తు సంస్థలు అడ్డుకోవచ్చు, పర్యవేక్షించొచ్చు, విశ్లేషించవచ్చు...’’ అంటూ సదరు ఉత్వర్వుల్లో పేర్కొన్నారు. ఇన్ఫ‌ర్మేష‌న్ టెక్నాల‌జీ చ‌ట్టంలోని 69(1) సెక్ష‌న్ కింద ఈ ఆదేశాలు వ‌ర్తిస్తాయ‌ని కేంద్ర హోంశాఖ పేర్కొంది.

కంప్యూటర్ రిసోర్స్‌కు చెందిన సబ్‌స్ర్కైబర్ లేదా సర్వీస్ ప్రొవైడర్ లేదా ఏ వ్యక్తి అయినా ఏజెన్సీలకు అవసరమైన అన్ని సౌకర్యాలను, సాంకేతిక సహాయాన్ని అందచేయవలసి ఉంటుందని ఉత్తర్వులో పేర్కొన్నారు. అలా చేయని పక్షంలో ఏడేళ్ల కారాగార శిక్షకు, జరిమానాకు అర్హులవుతారని హెచ్చరించారు. ప్రభుత్వం నుంచి ఈ అధికారాలు పొందిన వాటిలో ఇంటెలిజెన్స్ బ్యూరో, నార్కోటిక్స్ కంట్రోల్ బ్యూరో, ఈడీ‌, సెంట్ర‌ల్ బోర్డ్ ఆఫ్ డైర‌క్ట్ ట్యాక్సెస్‌, డైరెక్ట‌రేట్ ఆఫ్ రెవెన్యూ ఇంటెలిజెన్స్‌, సీబీఐ‌, ఎన్ఐఏ, క్యాబినెట్ సెక్ర‌ట‌రియేట్‌, ఢిల్లీ పోలీస్, ఆర్ అండ్ ఏడ‌బ్ల్యూ, డైర‌క్ట‌రేట్ ఆఫ్ సిగ్న‌ల్ ఇంటెలిజెన్స్ తదితర సంస్థలు ఉన్నాయి. అయితే ఇప్పటికే, దర్యాప్తు సంస్థలు, అనుమానం ఉన్న వారి దగ్గర నుంచి కంప్యూటర్ సీజ్ చేసి, ఆ డేటా డీకోడ్ చేస్తూ ఉండటం చూస్తున్నాం, మరి ఈ కొత్త ఉత్తర్వులు ఎందుకో, ఎవరి కోసమో, కేంద్రమే చెప్పాలి.

పార్టీ నేతలపై తెలుగుదేశం అధినేత, సీఎం చంద్రబాబు కొరడా ఝులిపించారు. నియోజకవర్గాల్లో మందకొడిగా సాగుతున్న పార్టీ సభ్యత్వ నమోదుపై ఇన్‌ఛార్జిలకు గట్టి క్లాస్‌ తీసుకున్నారు. వ్యక్తిగత పనులుంటే ఎన్నికలు కూడా వాయిదా పడతాయని భావిస్తున్నారా అంటూ నిలదీశారు. ‘‘గట్టిగా తిడితే ప్రజల్లో చులకన అవుతారని ఊరుకుంటున్నా. తిట్టకపోతుంటే మరీ మితిమీరి ప్రవర్తిస్తున్నారు’’ అంటూ ఆగ్రహం వ్యక్తంచేశారు. ప్రజావేదిక హాల్‌లో చంద్రబాబు అధ్యక్షతన పార్టీ సమన్వయ కమిటీ సమావేశం శుక్రవారం ప్రారంభమైంది. ఇందులో సభ్యత్వ నమోదు పై చర్చ చేపట్టారు. జిల్లాల వారీగా సభ్యత్వ నమోదు వివరాలు నేతలు వెల్లడించారు.

సభ్యత్వ నమోదు మొదటి 3 స్థానాల్లో పశ్చిమగోదావరి, కర్నూలు, కృష్ణ జిల్లాలు ఉండగా, నియోజకవర్గాల్లో అత్యధికంగా పీలేరు, అత్యల్పంగా నెల్లూరు గ్రామీణంలో సభ్యత్వం నమోదైంది. శ్రీకాకుళం జిల్లా నుంచి వరుసగా అన్ని నియోజకవర్గాల వారీగా సభ్యత్వ నమోదు విశ్లేషణ చేశారు. నేతలు సరిగా సభ్యత్వ నమోదుకు హాజరుకాకపోవటం పై ముఖ్యమంత్రి చంద్రబాబు మండిపడ్డారు. మంత్రి అచ్చెన్నాయుడు ఈ భేటీకి రాకపోవడంపై చంద్రబాబు అసహనం వ్యక్తంచేశారు. జిల్లాలో జరిగిన గ్రామ వికాసం కార్యక్రమంలో సైతం మంత్రి సరిగ్గా పాల్గొనడం లేదని వ్యాఖ్యానించారు. గుంటూరు జిల్లా నేతలకు ఓవర్ కాన్ఫిడెన్స్ ఎక్కువైందని వ్యాఖ్యానించారు. సమన్వయ కమిటీ సమావేశానికి అయ్యన్న, శిద్ధా, మోదుగుల, జేసీ ప్రభాకర్‌రెడ్డి గైర్హాజరు కావడంపై బాబు అసహనం వ్యక్తం చేశారు. సీనియర్లు కూడా పదే పదే చెప్పించుకోవడం సరికాదన్నారు.

సమన్వయకర్తలను నియమించకపోవడమేంటని నేతలను ప్రశ్నించారు. సమయం దొరకడం లేదని కొందరు నేతలు చెబుతున్నారని.. తనకు దొరికిన సమయం వాళ్లకు దొరకడం లేదా అన్నారు. ప్రజలకు పనులు చేసి మెప్పు పొందాలి కానీ పార్టీని మోసం చేస్తూ కాదని హితవు పలికారు. ఎన్నికలు వస్తున్నాయనే విషయాన్ని కూడా కొందరు గమనించడం లేదని, పార్టీ ఇచ్చిన కార్యక్రమాలు సీరియస్‌గా తీసుకోలేని వారికి మళ్లీ అన్ని పనులూ జరగాలంటే ఎలా అని ప్రశ్నించారు. చిన్నపిల్లలకు చెప్పినట్లు చెప్తున్నా కొందరు అర్ధం చేసుకోవడం లేదని, ఇలాగే ఉంటామంటే ఇక ఇంట్లోనే కూర్చుంటారంటూ హెచ్చరించారు. రాబోయే 6 నెలలు తాను కఠినంగానే ఉంటానని స్పష్టంచేశారు. రాబోయే ఆరు నెలలు తాను కఠినంగా ఉంటాననీ, నేతలందరూ ఎమర్జెన్సీ తరహాలో పనిచేయాలని చంద్రబాబు ఆదేశించారు. ప్రజలకు సేవ చేసుకుని మెప్పు పొందాలనీ, పార్టీని మోసం చేయవద్దని హితవు పలికారు. తిట్టకపోతే మితిమీరి ప్రవర్తిస్తున్నారని ఆగ్రహం వ్యక్తం చేశారు.