news

ఐటీ రంగంలో పెట్టుబడులకు రాష్ట్ర ప్రభుత్వం తీసుకుంటున్న చొరవ సత్ఫలితాలను ఇస్తోంది. ఇప్పటికే అనేక ఐటీ కంపెనీలు రాష్ట్రంలో పెట్టుబడులు పెట్టగా, తాజాగా మరో ఆరు కంపెనీలు రాజధాని అమరావతిలో బుధవారం ప్రారంభం అయ్యాయి. రాష్ట్ర ఐటీ శాఖ మంత్రి లోకేష్ ప్రత్యేక శ్రద్ధ తీసుకుంటుండటంతో రాష్ట్రం కూడా ఐటీ హబ్‌గా మారుతోందనవచ్చు. గుంటూరు జిల్లా తాడేపల్లిలోని ఏపీఏన్నార్టీ కార్యాలయం ఇన్ఫోసైట్ భవనంలో ఏర్పాటైన ఐదు కంపెనీలను మంత్రి ప్రారంభించారు. జిటి కనెక్టు ఇండియా, పారికరం ఐటి సొల్యూషన్స్, టెక్ స్కేప్, ట్రెండ్ సాఫ్ట్, డియాగ్నో స్మార్ట్ సొల్యూషన్స్ కంపెనీలు తమ కార్యాకలాపాలను ప్రారంభించాయి. రాష్ట్ర విభజన తరువాత ఏపీలో ఐటీ రంగం జీరోగా ఉండేది.

రాష్ట్రంలో ఐటీ కంపెనీల పెట్టుబడులను ఆకర్షించేందుకు వీలుగా రాష్ట్ర ప్రభుత్వం ఇస్తున్న ఆనేక రాయితీలతో అనేక కంపెనీలు ముందుకు వచ్చాయి. దేశంలో ఏ రాష్ట్రంలోనూ లేనివిధంగా ఇక్కడ ఐటీ పాలసీలను రూపొందించారు. మంత్రి చొరవతో తీసుకువచ్చిన డీటీపీ పాలసీ చిన్న, మధ్య తరగతి కంపెనీలకు వరంగా మారింది. 50 శాతం అద్దె రాయితీతో అద్దెకు భవనాలు ప్లగ్ అండ్ ప్లే విధానంలో లభిస్తుండటంతో భారీ ఎత్తున ఐటీ కంపెనీలు వస్తున్నాయి. ఇందుకు ఏపీఎన్నార్టీ, ఏపీఈఐటీఏ సహకాకరం కూడా ఉపయోగపడుతోంది. విజయవాడలో బిజినెస్ స్పేసెస్ కార్యాలయంలో ఏపీ ఆన్‌లైన్ కంపెనీని లోకేష్ ప్రారంభించారు. ఈ ఆరు కంపెనీలతో 600 మందికి ఉద్యోగాలు లభించనున్నాయి. ఇప్పటి వరకూ ఏపీఎన్నార్టీ ద్వారా 87 చిన్న కంపెనీలు ఏర్పాటు కాగా, 4610 మందికి ఉపాధి లభించింది.

ఇలాఉంటే కన్స్యూమర్ ఎలక్ట్రానిక్స్ తయారీలో ప్రఖ్యాతి గాంచిన టీసీఎల్ కార్యాకలాపాలు త్వరలో తిరుపతిలో ప్రారంభం కానున్నాయి. ముఖ్యమంత్రి చంద్రబాబు నాయుటు చేతుల ఈ నెల 20న భూమి పూజ నిర్వహించనున్నారు. మాన్యుఫాక్చరింగ్ క్లస్టర్ సమీపంలో 158 ఎకరాల్లో ఈ కంపెనీ ఏర్పాటు కానుంది. దీంతో తిరుపతి ఎలక్ట్రానిక్స్ హబ్‌గా మారనుంది. ఏపీలో 2200 కోట్ల రూపాయలను పెట్టుబడిగా పెట్టనుంది. డిసెంబర్ 2019 నాటికి ఉత్పత్తి ప్రారంభించేందుకు లక్ష్యంగా నిర్మాణ పనులను చేపట్టనున్నారు. ఈ కంపెనీ ఏపీకి రావడంలో మంత్రి లోకేష్ కీలక పాత్ర పోషించారు. భారత్‌లో ప్రతి సంవత్సరం 500 బిలియన్ డాలర్ల విలువైన కన్స్యూమర్ ఎలక్ట్రానిక్స్ వ్యాపారం జరుగుతుండగా, అందులో 250 బిలియన్ డాలర్ల కన్స్యూమర్ ఎలక్ట్రానిక్స్ పరికరాలను ఏపీలో తయారు చేసేందుకు లక్ష్యంగా పెట్టుకున్నట్టు టీసీఎల్ కంపెనీ ప్రతినిధులకు వివరించడంలో ఆయన కృతకృత్యులయ్యారు.

ఒక పక్క బాధ్యతల నుంచి పారిపోయి, మోడీ, అమిత్ షా లకు భయపడి, రాజీనామా చేసి, ఇంట్లో కూర్చున్న ఎంపీలు, మరో పక్క సిబిఐ, ఈడీ, ఐటి దాడులతో బెదిరిస్తున్నా, చివరకు ఆరోగ్యం బాగోకపోయినా, రాష్ట్రం కోసం మోడీ, అమిత్ షా లకు ఢిల్లీలోనే ఎదురు తిరుగుతున్న ఎంపీలు.. ఇది మన రాష్ట్రంలో వివిధ ప్రజా ప్రతినిధులు ఎలా ఉన్నారనేది తెలియటానికి ఒక ఉదాహరణ. కేంద్ర ప్రభుత్వానికి వ్యతిరేకంగా తెలుగుదేశం పార్టీ కొనసాగిస్తున్న పోరాటంలో ఆ పార్టీ లోక్‌సభాపక్షనేత తోటనరసింహం, ఆరోగ్యం సహకరించక పోయినా, నిరసనలో పాల్గుంది నిబద్ధత చాటుకున్నారు. అనారోగ్యం కారణంగా నడవలేని స్థితిలో ఉన్నప్పటికీ ఆయన పార్లమెంటు సిబ్బంది సాయంతో స్పీకర్‌ పోడియం వరకూ వెళ్లి నిరసన కొనసాగించారు.

మధుమేహం, నరాల సమస్య కారణంగా ఆయన మనిషి సాయం లేనిదే అడుగువేయలేని స్థితికి చేరుకున్నారు. కొంతకాలంగా ఇంటికే పరిమితమైన ఆయన కొద్దీగా కోలుకున్నప్పటికీ నడవలేని పరిస్థితుల్లోనే ఉన్నారు. మంగళవారం అదే పరిస్థితుల్లో పార్లమెంటు సహాయ సిబ్బంది ఊతంతో సభలోకి మెల్లగా నడుచుకుంటూ వచ్చారు. ఇన్నాళ్లు ఆరోగ్యంతో కనిపించిన సహచర సభ్యుడు ఇలా నడవలేని స్థితిలో రావడం చూసి రోజూ ఆయన పక్కన కూర్చొనే సభ్యులు ఆశ్చర్యపోయారు. శివసేన నాయకుడు చంద్రకాంత్‌ఖైరే, ఐఎన్‌ఎల్‌డీ సభ్యుడు దుశ్యంత్‌చౌతాలా, బీజేడీ, బీజేపీ సభ్యులు ఆయన వద్దకు వచ్చి విషయం అడిగి తెలుసుకున్నారు. ఆయన వారికి తన పరిస్థితిని చెప్పడంతో అందరూ సానుభూతితో కూర్చోమని సూచించారు. అయితే తాను నిరసనలో పాల్గొనాలంటూ, సిబ్బంది ఊతంతో పోడియం వరకు మెల్లగా అడుగులోఅడుగేసుకుంటూ వచ్చారు.

హోంమంత్రి రాజ్‌నాథ్‌సింగ్‌ కూడా తోటనరసింహం స్థితిని చూసి ఏమైందని అడిగి తెలుసుకున్నారు. ఇంకా ఇక్కడ ఎందుకు నిల్చుంటారంటూ వెళ్లికూర్చోమని సూచించారు. కానీ తోటనరసింహం మాత్రం అలాగే ముందుకొచ్చి స్పీకర్‌ టేబుల్‌ను ఊతగా పట్టుకొని నిల్చొని ఆంధ్రప్రదేశ్‌కు న్యాయం చేయాలంటూ సహచర సభ్యుడు జయదేవ్‌గల్లాతో కలిసి నిరసన కొనసాగించారు. సభ వాయిదాపడేంతవరకూ అలాగే నిల్చొని ఆందోళన చేశారు. నిన్న తెలుగుదేశం ఎంపీ రామ్మోహన్‌ నాయుడు పార్లమెంటు ప్రాంగణంలోని గాంధీ విగ్రహం ముందు ముఖ్యమంత్రి చంద్రబాబు స్ఫూర్తిగా ధర్మపోరాట దీక్ష నిర్వహించారు. ఏప్రిల్‌ 20న తన పుట్టినరోజును పురస్కరించుకొని చంద్రబాబు ధర్మపోరాట దీక్ష చేసిన విషయం విదితమే. దానిని స్ఫూర్తిగా మంగళవారం తన పుట్టినరోజు పురస్కరించుకొని రామ్మోహన్‌నాయుడు గాంధీ విగ్రహం వద్ద ఉభయ సభలు ప్రారంభం నుంచి ముగిసే వరకూ దీక్ష నిర్వహించారు. పలు పార్టీల నేతలు దీక్ష స్థలికి వచ్చి రామ్మోహన్‌నాయుడుకు పుట్టినరోజు శుభాకాంక్షలు చెప్పి దీక్షకు సంఘీభావం తెలిపారు.

ఆర్థిక సాయం అందించి పసి హృదయానికి పునర్జన్మనిచ్చారు ముఖ్యమంత్రి చంద్రబాబు. అతిపిన్న వయసులోనే గుండె మార్పిడి చేయించుకుని పునర్జన్మ పొందిన పిన్న వయస్కుడైన అబ్రహం ముఖ్యమంత్రి చంద్రబాబునాయుడును కలసి కృతజ్జ్ఞతలు తెలిపాడు. వెలగపూడిలోని సచివాలయంలో వైజాగ్ జిల్లాలోని ఆనందపురం మండలం బోని గ్రామవాసి అబ్రహం తన తండ్రి గోపాల్ తో వచ్చి ముఖ్యమంత్రి చంద్రబాబును కలుసుకున్నాడు. కొన్నాళ్ళక్రితం గుండె సంబంధ సమస్యతో సతమతమవుతూన్న అబ్రహంకు గుండె ఆపరేషన్ విషయమై సహాయం చేయాలని గోపాల్ సీఎం చంద్రబాబుకు మొర పెట్టుకున్నాడు.

తక్షణం ముఖ్యమంత్రి స్పందించి అబ్రహం గుండె ఆపరేషన్ కోసం సీఎంఆర్ ఎఫ్ నుంచి పది లక్షల రూపాయలు మంజూరు చేశారు. బెంగుళూరులోని ఆసుపత్రిలో అబ్రహంకు విజయవంతంగా గుండె ఆపరేషన్ జరగడంతో సాధారణ జీవితం గడపగలుగుతున్నాడు. పూర్తిగా కోలుకున్న తర్వాత అబ్రహంను ముఖ్యమంత్రి చంద్రబాబు వద్దకు తీసుకు వచ్చారు. "మీరు సకాలంలో ఆదుకుని మా కుమారుడికి పునర్జన్మనిచ్చారని" అబ్రహం తండ్రి గోపాల్ ముఖ్యమంత్రి చంద్రబాబుకు ధన్యవాదాలు తెలిపాడు.