news

సేవ్ కంట్రీ-సేవ్ డెమోక్రసీ అనే నినాదంతో సీఎం చంద్రబాబు దేశాన్ని ఏకం చేస్తున్నారు. బీజేపీ ప్రభుత్వాన్నిదించాలనే లక్ష్యంగా ఆయన కాంగ్రెస్‌తో పాటు ఇతర పార్టీల నేతలను ఢిల్లీలో కలిశారు. చంద్రబాబు పిలుపుతో బీజేపేతర పార్టీలన్నీ ఏకతాటిపైకి వస్తున్నాయి. ఈ పక్రియలో భాగంగా చంద్రబాబు దూకుడు పెంచారు. బీజేపేతర పార్టీలను ఏకం చేస్తున్న చంద్రబాబు వ్యూహానికి అనూహ్య స్పందన వస్తోంది. ఇప్పటికే 18 పార్టీలు కూటమిలో చేరేందుకు సానుకూలంగా ఉన్నాయని విశ్వసనీయవర్గాల సమాచారం. ఇదే సమయంలో బీజేపీ వ్యతిరేకపక్షాలతో దేశవ్యాప్తంగా భారీ సభలు, ర్యాలీల నిర్వహణకు సీఎం కసరత్తు చేస్తున్నారు. జాతీయ, ప్రాంతీయ పార్టీ నేతలతో జరుపుతున్న చర్చల్లో సీఎం ఈ ప్రతిపాదనలు తీసుకువస్తున్నారు.

డిసెంబరు 11న ఐదు రాష్ట్రాల ఎన్నికల ఫలితాలు వెలువడిన వెంటనే పార్లమెంట్‌ వేదికగా మహాకూటమి ఏర్పాటుకు నాంది పడనుంది. మహాకూటమికి రోజురోజుకూ స్పందన పెరుగుతోందని, కూటమిలో చేరే పార్టీల సంఖ్య పెరుగుతోందని కాంగ్రెస్‌ సీనియర్‌ నేత ఒకరు చెప్పారు. ఏపీ సీఎం చంద్రబాబు చేస్తున్న ప్రయత్నాలు సఫలీకృతం అవుతున్నాయన్నారు. ఒడిసాలో బీజేడీ కూడా మహాకూటమిలో చేరేందుకు సిద్ధమవుతోందని, ఆ రాష్ట్ర సీఎం నవీన్‌ పట్నాయక్‌ ఇప్పటికే బాబుతో చర్చించినట్లు తెలుస్తోందన్నారు. జనవరిలో మమతా నిర్వహిస్తున్న ర్యాలీకి హాజరయ్యేందుకు బీజేడీ అంగీకరిం చిందన్నారు.

కశ్మీరులో రాష్ట్రపతి పాలన విధించడంతో అక్కడి పీడీపీ, నేషనల్‌ కాన్ఫరెన్స్‌ రెండూ కూటమిలో చేరేందుకు అవకాశం ఏర్పడిందని తెలిపారు. జేడీయూ కూడా ఎన్డీయేకు గుడ్‌ బై చెప్పే అవకాశాలు కనిపిస్తున్నాయి. మహాకూటమిలో ప్రస్తుతం కాంగ్రెస్‌, తెలుగుదేశం,ఎస్పీ, బీఎస్పీ, తృణమూల్‌ కాంగ్రెస్‌, డీఎంకే, జేడీఎస్‌, ఎన్సీపీ, ఆర్జేడీ, జేఎంఎం, జార్ఖండ్‌ వికాస్‌ పార్టీ, రాష్ట్రీయ లోక్‌ దళ్‌, నేషనల్‌ కాన్ఫరెన్స్‌, పీడీపీ, లోక్‌ తాంత్రిక్‌ జనతాదళ్‌, సీపీఐ, సీపీఎం, ఆప్‌ఉన్నాయి.

ఎమ్మెల్యేల పనితీరు పై ముఖ్యమంత్రి, టిడిపి జాతీయ అధ్యక్షులు నారా చంద్రబాబునాయుడు దృష్టి సారించారా...? 2019 ఎన్నికల్లో గెలుపే లక్ష్యంగా ఎమ్మెల్యే అభ్యర్థుల ఎంపికను ముఖ్యమంత్రి ఇప్పటికే ప్రారంభించారా..? గెలుపు గుర్రాల వేటలో బాబు బీజీగా ఉన్నారా...? సిట్టింగ్ ఎమ్మెల్యేల పనితీరు పై వాయిస్ కాల్స్ తో ప్రజలనాడీని తెలుసుకునే ప్రయత్నాలు చేస్తున్నారా...? ప్రజలకు మూడుప్రశ్నలు వేసి సరైన సమాధానాలు రాబడుతున్నారా...? సర్వేల ద్వారా ఎమ్మెల్యేల పనితీరును తెలుసుకోవడం సాధ్యమేనా...? ఇదే అంశం కొద్ది రోజులుగా టిడిపి వర్గాల్లో చర్చనీయాంశం అయింది. 2019 ఎన్నికల్లో 175 అసెంబ్లీ, 25 పార్లమెంట్ స్థానాల్లో మెజార్టీ సీట్లు సాధించి రాష్ట్ర, జాతీయ స్థాయిలో సత్తా చాటాలనిభావిస్తున్న చంద్రబాబునాయుడు 175 నియోజకవర్గాల్లో గెలుపుకై కసరత్తు ముమ్మరం చేసినట్లు వరుసగా జరుగుతున్న రాజకీయ పరిణామాలు, సర్వేల ద్వారా తెలుస్తోంది.

ఎమ్మె ల్యేల గెలుపు ఓటములను నిర్దేశించే క్షేత్రస్థాయి ఓటర్లలో ఎమ్మెల్యేల పనితీరు పై అంచనాకు రావడం, కార్యకర్తలలో ఎమ్మెల్యేలు, ఇన్ చార్జీల పై ఎలాంటి అభిప్రాయాలు ఉన్నాయే తెలుసుకోవడంలో భాగంగా యంత్రాంగం నర్వే చేపట్టినట్లు తెలుస్తోంది. మూడు ప్రశ్నలను బాబు వాయిస్ తో కార్యకర్తల ఫోన్లకు వాయిస్ మేసేజీలు వంపి వారి అభిప్రాయాలు నేరుగా తెలుసుకుంటున్నారు. మీ ఎమ్మెల్యే వనితీ పట్ల మీరు సంతృప్తి వ్యక్తం చేస్తున్నారా..?,మీ ఎమ్మెల్యే అందరి కలుపుకుని పనిచేస్తున్నారా..?ఎమ్మెల్యే ప్రభుత్వ సంక్షేమ కార్యక్రమాల చక్కగా అమలు చేస్తున్నారా...? అనే అంశాల పై సర్వేబృందం క్రీయశీ కార్యకర్తలకు వాయిన్ మేసేజ్ పంపి సమాచారం సేకరించడంతో పాట వారి అభిప్రాయాలను క్రోడీకరించి అధినేతకు నియోజకవర్గాల వారి నివేదికలు ఇస్తున్నట్లు సమాచారం.

ముఖ్యమంత్రి నిర్వహిస్తున్న ఐవీఆర్‌ఎస్‌ సర్వేతో కొంతమంది ఎమ్మెల్యేలు బెంబేలెత్తుతున్నారు. ప్రధానంగా గ్రామదర్శిని, జన్మభూమి, సభ్యత్వ నమోదు, సంక్షేమ పథకాల అమలులో చురుగ్గా వ్యవహరించని ఎమ్మెల్యేలు ఇప్పుడు ఆందోళన చెందుతున్నారు. 2-3 నెలల్లో ఎన్నికల షెడ్యూల్‌ వచ్చే తరుణంలో నేరుగా టీడీపీ క్రియాశీలక కార్యకర్తలతో అధినేత చంద్రబాబునాయుడు నేరుగా రంగంలోకి దిగడం గమనార్హం! కొన్ని నియోజకవర్గాల్లో పార్టీ ఆవిర్భావం నుంచి ఉన్న సీనియర్లు ఇప్పుడున్న జూనియర్లతో సర్దుకోలేక పోతున్నారు. సీనియర్‌, జూనియర్లను ఎమ్మెల్యే సమన్వయ పర్చడం లేదు. ఈ క్రమంలో ఎమ్మెల్యేలపై ఐవీఆర్‌ఎస్‌లో వ్యతిరేకంగా సమాధానాలు ఇస్తున్నట్లు తెలుస్తోంది. ఇది ఏ విధమైన పరిణామాలకు దారితీస్తోందనని పలువురు ఎమ్మెల్యేలు ఆందోళన చెందుతున్నారు.

ఈగలు వచ్చినా, దోమలు వచ్చినా చంద్రబాబే.. తన కారే వెళ్లి లారీని ఢీ కొట్టినా చంద్రబాబే.. వైసీపీ అధినేత జగన్, జనసేనాని పవన్ కల్యాణ్ ప్రతిదానికి చంద్రబాబు పనేనని చెప్పడంలో ఎందుకు తాపత్రయపడుతున్నారు? సర్వం చంద్రబాబే అనే భావన తేవాలని ఎందుకు ప్రయత్నిస్తున్నారు? ఈ ఇద్దరు ఎలాగైనా చంద్రబాబును చెడు చేయాలని మంచి చేస్తున్నారా? తెలంగాణ ప్రచారంలో సెంటర్ పాయింట్ ఎవరు? ఏపీలో జగన్ సభకు ఆవును పంపింది ఎవరు? పవన్ కాన్వాయ్ కారు లారీని ఢీ కొ్ట్టడానికి కారణం ఎవరు? ఇప్పుడు తెలుగు రాష్ట్రాల్లో నడుస్తున్న రాజకీయమిది.

తెలంగాణ ఎన్నికల్లో సెంటిమెంట్ కోసం టీఆర్ఎస్ ఎలా ఉపయోగించుకుంటుందో.. అంత కంటే ఎక్కువగా జగన్, పవన్‌లు చంద్రబాబుపై నిందలు వేస్తున్నారు. బాబుపై ఆరోపణలు చేయడానికి వారు చిన్నదా.. పెద్దదా.. అని చూడ్డంలేదు. ఏదైనా తమకు ఇబ్బంది కలిగింది అంటే దానికి కారణం చంద్రబాబే అంటున్నారు. పోరాట యాత్రను పవన్ శ్రీకాకుళం జిల్లా ప్రారంభించారు. అప్పటికే బాబు, లేకేష్‌లను ఆయన వ్యక్తిగత శత్రువులుగా భావించారు. పలాస పోరాటయాత్రకు వెళ్లి ఓ కళ్యాణ మండపంలో బస చేశారు.

అప్పుడు కరెంట్ పోయింది. ఆ తర్వాత కవాతు చేస్తున్నప్పుడు కొన్ని గెదెలు పోరాట యాత్రకు ఎదురొచ్చాయి. ఆ కవాతు చూసి గెదెలు బెదిరాయి. కరెంట్ పోవడానికి, గెదెలు రావడానికి చంద్రబాబు కుట్రే కారణమని పవన్ విమర్శించారు. అదే తరహాలో జగన్ కూడా చంద్రబాబుపై విమర్శలు గుప్పించారు. ఆయన విజయనగరం శివారులో పాదయాత్ర చేసి మాట్లాడుతున్న సమయంలో ఓ ఆవు వచ్చింది. ఇరుకు రోడ్డులో సభ జరుగుతున్న ప్రాంతంలో ఆవు ఇరుక్కుపోయింది. దాన్ని పక్కకు పంచించి.. దాన్ని చంద్రబాబే పంపారని జగన్ ఆరోపించారు. ఏం జరిగినా చంద్రబాబే కారణమని ఆరోపించడంలో వీరిద్దరికి ఏకాభిప్రాయం కుదిరినట్లుగా ఉంది. Source:andhrajyothy