news

ఆంధ్రప్రదేశ్ రాష్ట్రానికి మరో టాప్ ఎలక్ట్రానిక్స్ కంపెనీ రానుంది. జపాన్ పానసోనిక్ దిగ్గజమైన 'యాంకర్ ఎలక్ట్రానిక్స్' ఆంధ్రప్రదేశ్ లో తన ఉత్పత్తి కార్మాగారాన్ని తెరవబోతుంది. దాదాపు రూ.200 కోట్ల పెట్టుబడితో ఈ ప్లాంట్లు నిర్మిస్తున్నారు. అయితే దీంతో ఆంధ్రప్రదేశ్లో సుమారు రెండువేల ఉద్యోగాలకు అవకాశం ఉంది. ఇందులో 70 శాతం మహిళలకు కేటాయించింది. ఇప్పటికే దేశవ్యాప్తంగా ఉన్న 8 ఫ్యాక్టరీల్లో కంపెనీకి 9వేల మంది ఉద్యోగులున్నారు. దాదాపు 30 ఎకరాల విస్తీర్ణంలో ఆంధ్రప్రదేశ్లోని శ్రీ సిటీ వెంచర్లో ఈ ప్లాంట్ ను ప్రారంభించనున్నారు.

ఈ కంపెనీలో ఫ్యాన్లు, కేబుల్ వైర్స్, స్విచ్ బోర్డులు, స్విచ్ డేరింగ్ వంటి ఉత్పత్తులు తయారు చేస్తామని యాంకర్ ఎలక్ట్రానిక్స్ ఎండి వివేక్ శర్మ పేర్కొన్నారు. ఈ ప్లాంట్ 2020 నాటికి సిద్ధం కానుంది. ఇప్పటికే దేశవ్యాప్తంగా ఎలక్ట్రానిక్స్ వైరింగ్ మార్కెట్లో దాదాపు 36శాతం వాటాను కంపెనీ దక్కించుకుంది. రానున్న రెండేళ్లలో ఈ వాటాను మరింత పెంచుకోవాలని ప్రయత్నిస్తున్నట్లు వివేక్ తెలిపారు. 2018 ఆర్థిక సంవత్సరంలో కంపెనీ ఆదాయం 28శాతం పుంజుకొని రూ.2,980కోట్లుగా నమోదయ్యింది.

వార్షిక వృద్ధి రేటు 13శాతం పెరిగింది. రానున్న ఐయిదేళ్లలో కంపెనీ వార్షిక వృద్ధిరేటు 20 శాతానికి మంచి సాధించాలన్న లక్ష్యంతో పనిచేస్తుందని యాంకర్ ఎండి వివేక్ పేర్కొన్నారు. డబుల్ డిజిట్ వృద్ధి రేటు సాధించడానికి తగు ప్రణాళికలు కూడా రూపొందించినట్లు కంపెనీ వర్గాలు పేర్కొన్నాయి. రానున్న 5 ఏళ్ళల్లో కంపెనీ వార్షిక వృద్ధి రేటు (CAGR) 20 శాతంకు మించి సాధించాలన్న లక్ష్యంతో పనిచేస్తుందని యాంకర్ ఎండీ వివేక్ పేర్కొన్నారు. ఇప్పటికే దేశ వ్యాప్తంగా ఎలక్ట్రానిక్స్ వైరింగ్ మార్కెట్లో దాదాపు 36 శాతం వాటాను యాంకర్ దక్కించుకుంది. రానున్న రెండేళ్ళల్లో ఈ వాటాను మరింత పెంచుకోవాలని యోచిస్తున్నట్టు వివేక్ తెలిపారు.

విజయవాడ ఈస్ట్ ఎమ్మల్యే గద్దె రామమోహన్, తన రోజు వారీ కార్యక్రమంలో భగంగా, కృష్ణలంక 22వ డివిజన్ నగర దర్శిని కార్యక్రమానికి తన కారులో బయలుదేరి వెళుతున్న సమయంలో అనుకోని సంఘటన ఎదురైంది. పటమట లంక స్క్రూ బ్రిడ్జి వంతెన వద్ద ఓ యువతి కాల్వలోకి దూకే ప్రయత్నంలో ఉండగా ఆయన గమనించారు. వెంటనే కారును వంతెన మీద ఆపించి, తన అనుచరులను ఆ యువతి వద్దకు పంపించి ఆమె ప్రయత్నాన్ని అడ్డుకున్నారు. ఆమెతో మాట్లాడి ఆమె కష్టాలను అడిగి తెలుసుకున్నారు.

తన భర్త రోజు తాగి వచ్చి హింసిస్తున్నాడని, కుటుంబ కష్టాలు వెంటాడు తున్నాయని తెలపగా, ఆత్మహత్య చేసుకుంటే కష్టాలు తీరతాయా అంటూ ఆమెను మందలించి వారించారు. భర్తకు కౌన్సిలింగ్ ఇస్తామని, ఇలాంటి పిచ్చి పనులు చెయ్యవద్దని ఆ మహిళకు చెప్పారు. పిల్లల భవిషత్తు గురించి ఆలోచించాలని, ఇలాంటి పనులతో సమస్యలు పరిష్కారం కావని ఆ మహిళతో చెప్పారు. తరువాత, సమీపంలో ఉన్న ఆమె కుటుంబ సభ్యులను పిలిపించి వారికి అప్పగించి జాగ్రత్తగా ఇంటికి తీసుకు వెళ్ళమని ఆదేశించారు. ఎటువంటి ఇబ్బందులు ఉన్నా మధ్యాహ్నం సమయంలో తన కార్యాలయానికి వచ్చి కలవాలని యువతి కుటుంబ సభ్యులకు చెప్పారు.

ప్రతి సారి గవర్నర్ విజయవాడ రావటం, చంద్రబాబుని కలిసి, ఢిల్లీ నుంచి వచ్చిన సందేశం చెప్పటం.. ఇది ఎప్పుడూ జరిగే సీన్.. కాని ఈ సారి ఇక్కడ ఉంది దెబ్బ తిన్న ఆంద్రుల ప్రతినిధి. ఇప్పుడు సీన్ మారింది, డైలాగ్ మారింది. ఎప్పుడు మీరు నాకు ఢిల్లీ నుంచి సందేశం ఇచ్చే వారు, ఈ సారి నా సందేశం ఢిల్లీకి చెప్పండి అంటూ, చంద్రబాబు గవర్నర్ తో తేల్చి చెప్పారు. మంత్రవర్గ విస్తరణలో భాగంగా మంత్రులతో ప్రమాణస్వీకారం చేయించేందుకు గవర్నర్‌ ఈరోజు అమరావతికి వచ్చారు. ఈ కార్యక్రమం పూర్తయిన తర్వాత చంద్రబాబు గవర్నర్‌తో భేటీ అయ్యారు.

ఈ సమావేశంలో చంద్రబాబు అటు కేంద్రాన్ని, ఇటు గవర్నర్ ని కడిగి పారేసారు. రాష్ట్రం ఇన్ని ఇబ్బందుల్లో ఉంటే కేంద్రం కనీసం పట్టించుకోవటం లేదని, పైగా కుట్రలు చేస్తుందని అన్నారు. రాష్ట్రానికి న్యాయం చేసే విషయంలో, మీ నుంచి ఎటువంటి సహాయం అందటం లేదని, గవర్నర్ తో తేల్చి చెప్పారు. శ్రీకాకుళంలో భీకర తిత్లీ తుపాను వస్తే, కేంద్రం కనీస స్థాయిలో కూడా సాయం చేయలదని చెప్పారు. కేంద్రం సహకారం లేకపోవడం వల్లనే కడపలో ఉక్కు కర్మాగారం, విశాఖ మెట్రో ప్రాజెక్టులకు రాష్ట్ర ప్రభుత్వమే చేపడుతోందని తెలిపారు. ఇదే సందర్భంలో, జగన్ కోడి కత్తి దాడి విషయంలో, మీరు అతిగా జోక్యం చేసుకోవల్సిన అవసరం ఏముంది అంటూ, గవర్నర్ ను నిలదీశారు.

ముఖ్యమంత్రిని అయిన నన్ను అడగకుండా, డైరెక్ట్ గా మా ఆఫీసర్లను నివేదిక అడగటం పై ఆక్షేపించారు. ఇదే సమయంలో గవర్నర్ కూడా, సియంతో పాటు, మంత్రులు తన పై బహిరంగంగానే విమర్శలు చేయటం పై అభ్యంతరం వ్యక్తం చెయ్యటంతో, చంద్రబాబు అంతే రీతిలో సమాధానం చెప్పినట్టు తెలుస్తుంది. ఇన్నాళ్ళు ఢిల్లీ స్థాయిలో రాజకీయంగా ఎన్ని చేసినా, తన పై ఎంత బురద చల్లినా ఓర్పుగా ఉన్నానని, ఇప్పుడు ఏకంగా రాష్ట్రం పైనే కుట్రలు చేసి, శాంతి బధ్రతలు సమస్య సృష్టించాలనే కుట్రలు ఢిల్లీ స్థాయిలో జరిగాయనే పూర్తి సమాచారం తన వద్ద ఉందని, ఇలాంటి పనులు చేస్తే తగిన విధంగా ఢిల్లీ పెద్దలకు బుద్ధి చెప్తానని, ఇప్పటికే జాతీయ స్థాయి రాజకీయాల్లో ఏం చేస్తున్నానో చూసారాగా, వాళ్ళని వదిలిపెట్టను, ప్రజల ముందు దోషిగా నిలబెడతా అని చంద్రబాబు, ఒకింత ఘాటుగానే గవర్నర్ తో అన్నట్టు సమాచారం. గత 15 రోజులుగా జాతీయ రాజకీయాల్లో చంద్రబాబు దూకుడుతో, పరిణామాలు వేగంగా మారుతున్న విషయం తెలిసిందే.