news

జగన్ మోహన్ రెడ్డి చేసిన అక్రమాలకు గాను, ఇప్పటికే 11 సిబిఐ కేసుల్లో A1గా, 5 ఈడీ కేసుల్లో A1గా ఉన్న సంగతి తెలిసిందే. దీనికి గాను ఇప్పటికే 16 నెలలు జైలు జీవితం అనుభవించి, కండీషనల్ బెయిల్ పై బయట తిరుగుతున్నాడు. ప్రతి శుక్రవారం కోర్ట్ కి కూడా వెళ్తున్నాడు. అయితే, జగన్ మీద అనేక కేసులు ఉన్నా, చాలా కేసుల పై స్టే ఉంది. దాదపు 8 కేసుల పై స్టే ఉంది. అయితే తాజగా సుప్రీం కోర్ట్ ఇచ్చిన తీర్పుతో, ఈ స్టే నిన్నటితో అయిపొయింది. దీంతో నిన్న సిబిఐ కోర్ట్ స్పష్టమైన ఆదేశాలు ఇచ్చింది. స్టే పొడిగించుకోక పొతే, అన్ని కేసుల పై విచారణ మొదలు పెడతామని, దీని పై అక్టోబర్ 5 న నిర్ణయం ప్రకటిస్తామని చెప్పింది. అన్ని కేసుల పై విచారణ మొదలు పెడితే, ఇక జగన్ వారానికి 2-3 రోజులు కోర్ట్ లోనే ఉండాల్సిన పరిస్థితి వస్తుంది.

జగన్‌కు సంబంధించిన అక్రమాస్తుల కేసుల్లో గతంలో హైకోర్టు స్టే ఇచ్చింది. జగన్ కేసులే కాదు, ఎమ్మార్‌ ప్రాపర్టీస్‌, ఓఎంసీ కేసుల్లోనూ కోర్టు విచారణ వేగం పుంజుకుంటుందని సమాచారం. జగన్‌ కేసుల్లో పలువురు నిందితులు సీబీఐ కోర్టు విచారణను నిలిపివేయాలని కోరుతూ హైకోర్టును ఆశ్రయించగా.. విచారణను నిలిపివేస్తూ మధ్యంతర ఉత్తర్వులు ఇచ్చింది. అయితే క్రిమినల్‌ కేసులో కింది కోర్టుల్లో విచారణ ప్రక్రియను నిలిపివేస్తూ హైకోర్టు ఇచ్చిన మధ్యంతర ఉత్తర్వుల గడువు ఆరు నెలలు దాటితే.. ఆయా కేసుల్లో తాజాగా స్టే పొడిగిస్తూ ఉత్తర్వులు లేకపోతే ఆ కేసుల విచారణ ప్రక్రియను కొనసాగించాలని సుప్రీంకోర్టు ఆదేశించింది. జగన్‌, ఎమ్మార్‌, ఓఎంసీ కేసులకు సంబంధించి ఆ 6 నెలల గడువు ముగిసిపోయింది. ఈ నేపథ్యంలో మళ్లీ నిందితులు తాజాగా హైకోర్టు నుంచి స్టే పొడిగింపు ఉత్తర్వులు తెచ్చుకుంటేనే విచారణ నిలిపివేస్తామని.. లేదంటే విచారణను కొనసాగిస్తామని సీబీఐ కోర్టు తేల్చిచెప్పింది.

తదుపరి విచారణలోగా స్టేను పొడిగిస్తూ హైకోర్టు ఉత్తర్వులు జారీచేయకపోతే.. సీబీఐ కోర్టులో విచారణ ముందుకు సాగనుంది. ఇంకోవైపు.. అక్రమాస్తుల కేసుల్లో శుక్రవారం కోర్టులో జగన్‌, పలువురు నిందితులు హాజరయ్యారు. తదుపరి విచారణ వచ్చే నెల 12కు వాయిదాపడింది. అయితే ఈ విషయం పై జగన్ మల్లగుల్లాలు పడుతున్నారు. పాదయాత్రకు రాత్రే తిరిగి రావాల్సి ఉన్నా, లాయర్లతో రాత్రి అంతా చర్చలు జరిపి, ఉదయమే తిరిగి వచ్చారు. ఈ విషయం పై ఇక హై కోర్ట్ లో స్టే తెచ్చుకోవటం కష్టమని లాయర్లు చెప్పటంతో, జగన్ తీవ్ర డిప్రెషన్ లో ఉన్నారు. ఇదే విషయం పై సమాలోచనలకు, విజయసాయి రెడ్డిని ఢిల్లీ వెళ్లి, ఎదో ఒకటి చెయ్యాలని ఆదేశించారు.

తెలంగాణాలో ఎన్నికల వేడి మొదలు కావటంతో,అన్ని రాష్ట్రాల్లో చేసినట్టే, ఇక్కడ కూడా కేంద్ర పెద్దలు కేసులతో ఇబ్బంది పెడుతున్నారు. ఇక్కడ కెసిఆర్, మోడీకి పూర్తిగా లొంగిపోవటంతో, వీరి పని మరింత తేలిక అయ్యింది. అందుకే కెసిఆర్ కి కొరకారని కొయ్యగా తయారాయని రేవంత్ రెడ్డి పై, రాజకీయ కుట్ర మొదలు పెట్టారు. రేవంత్ ఇంట్లో లేని సమయంలో, తాళాలు బద్దులు కొట్టి మరీ లోపాలకి వెళ్లారు. ఒక టెర్రరిస్ట్ లాగా, ఒక రాజకీయ నాయకుడితో ప్రవరిస్తున్నారు. ఇదంతా రేవంత్ రెడ్డిని లొంగదీసుకోవటానికి, మిగతా వారిని బెదిరించటానికి. ఎవరో ఒక రౌడీ షీట్ అర్హుడైన ఉన్న వ్యక్తి, 32 కేసులు ఉన్న వ్యక్తి లెటర్ రాస్తే, ఐటి, ఈడీ వచ్చి మీద పడుతున్నాయి.

ఇది ఇలా ఉంటే, రేవంత్ మీద జరుగుతున్న దాడి పై, చంద్రబాబు పరోక్షంగా స్పందించారు. ఈ రోజు అమరావతిలో, తన అమెరికా పర్యటన వివరాలు చెప్తూ, విలేకరులు ఆడిగిన ప్రశ్నకు స్పందించారు. "కర్ణాటకలో ఏమి జరిగింది, తమిళనాడులో ఏమి జరిగింది, ఉత్తర్ ప్రదేశ్ లో ఏమి జరిగింది ? తెలంగాణాలో ఏమి జరుగుతుంది. వీళ్ళు దొంగలని పట్టుకోలేరు. నేరస్థులని పట్టుకోలేరు. ఇలా రాజకీయ కక్ష మాత్రమే చేస్తారు. నేను ఇక్కడ ఒక్క రేవంత్ అంశం మాట్లాడటం లేదు. ఎన్నికలు వచ్చిన ప్రతి సారి అన్ని రాష్ట్రాల్లో వీళ్ళు చేసేది ఇదే. ఎన్నికల వచ్చిన ప్రతి రాష్ట్రంలో, కేంద్రం చేస్తున్న కుట్ర రాజకీయాలు ఇవే. అంతా చూస్తూనే ఉన్నారు వెళ్లు ఏమి చేస్తున్నారో" అంటూ చంద్రబాబు స్పందించారు.

మరో పక్క ఒక ఇంట్లో, రెండు రోజులుగా ఐటీ అధికారులు సోదాలు ఏంటో ఎవరికీ అర్ధం కావటం లేదు. ఒక చిన్న ఇల్లు, మూడు బృందాలుగా ఐటి అధికారులు, రెండు రోజుల నుంచి సోదాలు చెయ్యటానికి ఏమి ఉంటుంది ? అదీ ఒక రాజకీయ నాయకుడు ఇంట్లో. ఒక గంట రెండు గంటల్లో అయిపోయే సోదాలు, రెండు రోజులుగా జరుగుతున్నాయి అంటేనే, అక్కడ వాళ్ళకి ఏమి దొరకలేదు అని అర్ధమవుతుంది. అయినా, 15 సంవత్సరాలుగా ప్రతిపక్ష ఎమ్మల్యేగా ఉన్న రేవంత్ మొండి లాండరింగ్ చెయ్యటం ఏంటి ? అలా చేస్తే రాజశేఖర్ రెడ్డి అసలు వదిలి పెట్టే వాడా ? కెసిఆర్ 4 ఏళ్ళుగా చూస్తూ కూర్చునే వాడా ? ఎదో కక్ష సాధించి, భయపెట్టి, ఒక రెండు రోజుల హంగామా తప్ప, ఇలాంటి వాటితో ఏమి సాధించేది ఉండదు అని అందరికీ తెలుసు..

రెండు రోజుల నుంచి పవన్ కళ్యాణ్ ఎలా ఊగిపోతున్నాడో చూస్తున్నాం. చంద్రబాబుని ఒక చేతకాని ముఖ్యమంత్రి అంటూ, తనకు ఇష్టం వచ్చినట్టు హైదరబాద్ నుంచి వచ్చి మాట్లాడుతున్నాడు. ఇక చింతమనేని పై అయితే చెప్పే పనే లేదు. చివరకు నిన్న వింత వింతగా మాట్లాడారు. తనకి తాను ఎదో పెద్ద గొప్ప శక్తిగా ఊహించుకుంటూ, నన్ను చంపటానికి ప్లాన్ చేసారు, అది వీడియో తీసి నాకు పంపించారు, నేను భయపడును, చిన్నప్పుడే రౌడీలను కొట్టాను, మట్టి, మశానం అంటూ ఏదేదో మాట్లాడాడు పవన్. ఎలా అయినా టెన్షన్ వాతావరణం తీసుకురావటానికి, అన్ని విధాలుగా ప్రయత్నం చేస్తున్నాడు.

అయితే పవన్ ఇంత దాడి చేస్తున్నా, చంద్రబాబు మాత్రం, తన ట్రేడ్ మార్క్ స్టేట్స్ మెన్ స్టైల్ లో స్పందించారు. ప్రాణహాని ఉందని జనసేన అధినేత పవన్‌కల్యాణ్ చెప్పడం సరికాదని, ఆయనకు ప్రాణహాని ఉందని చెబితే భద్రత కల్పిస్తామని సీఎం చంద్రబాబు చెప్పారు. పోలీసు వ్యవస్థపై అందరికీ నమ్మకముండాలని చెప్పారు. ఇలా స్పందిస్తూ ఉండగానే, విలేకరి మరోసారి పవన్ మీద కుట్ర, దాడి అని చెప్పి ప్రశ్నలు అడుగుతుంటే, దానికి సమాధానం చెప్తూ, "నీకు ఏమైనా ఫండమెంటల్స్ తెలుసా. ఏదిబడితే అది మాట్లాడే వాళ్ళ మాటలు పట్టుకొని, అడగడం కరెక్ట్ కాదు ఆయన భద్రత వ్యవహారం పోలీసులు చూసుకుంటారు. ఆయనకు అనుమానాలుంటే చెప్పాలి" అంటూ పవన్ చేస్తున్న గాలి ఆరోపణల పై చంద్రబాబు బదులు ఇచ్చారు.

‘‘టీడీపీకి నేర చరిత్ర లేదు. నేర రాజకీయాలకు టీడీపీ నేతలు బలయ్యారు. రాజశేఖర్ రెడ్డి ఎంత మందిని చంపాడో అందరూ చూసారు. నక్సలిజాన్ని, ఫ్యాక్షనిజాన్ని నేనే నియంత్రించాను. నేరాలను ప్రోత్సహించడం టీడీపీ విధానం కాదు. నేరచరితులను ప్రోత్సహించే సమస్యే లేదు’’ అని చంద్రబాబు స్పష్టం చేశారు. రేవంత్ పై ఐటి దాడుల పై స్పందిస్తూ, "వీళ్ళు దొంగలు పట్టుకోలేరు, నేరస్తులు పట్టుకోలేరు ఇలాంటి పొలిటికల్ విక్టిమైజేషన్ చేస్తుంటారు. ఎప్పుడు ఎన్నికలు వచ్చినా ఇలానే చేస్తుంటారు. కర్ణాటక లో ఏం జరిగింది, యుపి ఏం జరిగింది, తమిళనాడులో ఏం జరిగింది, ఇప్పుడు ఏం చేస్తున్నారు. ఎప్పుడు ఎన్నికలు వచ్చినా ఇదే పని చేస్తున్నారు.
ఇది సమాజానికి మంచిది కాదు దేశానికి మంచిది కాదు" అని చంద్రబాబు అన్నారు.