news

అరకులోయ ఎమ్మెల్యే కిడారి సర్వేశ్వరరావు, మాజీ ఎమ్మెల్యే సివేరి సోమలను ఆదివారం లివిటిపుట్టులో కాల్చిచంపిన మావోయిస్టులు, ఇప్పటివరకు దీనిపై ఎలాంటి ప్రకటన చేయకపోవడం ఆశ్చర్యం కలిగిస్తోంది. సాధారణంగా ఇది ప్రతీకార చర్యనో, గిరిజన విద్రోహ కార్యకలాపాలకు పాల్పడుతున్నందుకు చంపామనో వారు ప్రకటిస్తుంటారు. ఇప్పుడు హత్యలు జరిగి 5 రోజులవుతున్నా ఇంతవరకు అలాంటి ప్రకటన జారీచేయలేదు. ఇది వ్యూహాత్మక జాప్యమా, లేక మరేదైనా కారణం ఉందా అని పోలీసులు ఆరా తీస్తున్నారు. మావోయిస్టులు ఎవరినైనా హతమారిస్తే.. అది తమ పనేనని సంఘటనా స్థలంలోనే లేఖ పెట్టి, నినాదాలు చేసుకుంటూ వెళ్లిపోతారు.

కొన్ని సందర్భాల్లో మరుసటి రోజో, రెండు రోజులు ఆగాకో లేఖ పంపుతారు. ఇన్‌ఫార్మర్ల ద్వారా లేఖలు అందజేస్తారు. విలేకరులకు పోస్టులో పంపించిన సందర్భాలు కూడా ఉన్నాయి. కానీ లివిటిపుట్టు ఘటనపై మావోయిస్టులు ఇప్పటివరకు ప్రకటన చేయలేదు. ఇద్దరు గిరిజన నాయకుల్ని కాల్చి చంపడంపై ఎటువంటి వివరణ ఇవ్వాలనే దానిపై వారు తర్జనభర్జన పడుతున్నారనే అనుమానాలు కలుగుతున్నాయి. గతంలోనూ వారు రాజకీయ నాయకుల్ని చంపారు. మణికుమారి గిరిజన సంక్షేమ మంత్రిగా ఉండగా ఆమె భర్త వెంకటరాజును హత్య చేశారు. హుకుంపేటలో సమిడ రవిశంకర్‌ను చంపారు. అయితే కిడారి, సోమలను హత్య చేయడంపై గిరిజనుల్లో ఆగ్రహం పెల్లుబుకుతోంది.

అధికార దాహం కోసం ప్రతిపక్ష నేతలు మావోలతో చేతులు కలపటం చూసాం.. ఆనాడు చంద్రబాబు పై దాడి చేసింది కూడా అప్పటి రాజశేఖర్ రెడ్డి అనుచురుడు గంగి రెడ్డి. నాడు చత్తీస్‌ఘర్‌ లో కాంగ్రెస్ కు చెందిన విసి శుక్లా, పిసిసి ప్రేసిడెంట్ నడకుమార్ పాటిల్, సీఎం రేస్ లో ఉన్న మహేంద్ర ఖర్మతో పటు 27 మందిని ఒకే స్పాట్ లో మావో లు కాల్చి చంపడం లో దాగి ఉన్న రాజకీయా కోణం ఏంటి ? యావత్ దేశం లోని మావోలకు అడ్డాగా మారిన చత్తీస్‌ఘర్‌ లో బిజేపీ 3 సార్లు పవర్ లోకి రావడం, మావోలతో కొందరు నేతలు చేతులు కలిపి చేస్తున్న రాజకీయం, అరకు ఘటన ఫై మావో పార్టి ఏమి చెప్పనుఉంది ? చంపాల్సినంత తప్పులు వారు ఏమి చేశారంటూ గిరిజన ఉద్యోగ సంఘాల నాయకులు కూడా ప్రశ్నిస్తున్నారు. మావోయిస్టుల చర్యను ఎవరూ హర్షించడంలేదు.

అసెంబ్లీ రద్దు చేసిన కెసిఆర్ కి అన్ని వైపుల నుంచి ఇబ్బందులు వస్తూనే ఉన్నాయి. మీడియా కవరింగ్ తప్పితే, పరిస్థితి దారుణంగా ఉంది. అయితే ఇప్పుడు ఎన్నికల కమిషన్ రూపంలో, మరో ఇబ్బంది వచ్చింది. అసెంబ్లీ రద్దయిన మరుక్షణం నుంచే ఎన్నికల ప్రవర్తనా నియమావళి అమల్లోకి వస్తుందని ఈసీ పేర్కొంది. విధానపర నిర్ణయాలు తీసుకోవద్దని, ఎన్నికల సమయంలో వర్తించే నియమాలన్నీ పాటించాలని ఈసీ ఆదేశించింది. కేంద్ర కేబినెట్ కార్యదర్శి, అన్ని రాష్ట్రాల ప్రధాన కార్యదర్శులకు కేంద్ర ఎన్నికల సంఘం ఈ మేరకు గురువారం లేఖ రాసింది. దీంతో కెసిఆర్ ఏ నిర్ణయం తీసుకోవటానికి వీలు లేదు. ఇది కెసిఆర్ కు పెద్ద ఎదురు దెబ్బ.

ప్రజలని మభ్య పెడుతూ, కొన్ని నిర్ణయాలు చేద్దాం అనుకున్న కెసిఆర్ కి, ఇది పెద్ద ఎదురు దెబ్బ. అసెంబ్లీ రద్దయిన మరుక్షణం నుంచే ఎన్నికల ప్రవర్తనా నియమావళి అమల్లోకి వస్తుందని ఎన్నికల సంఘం స్పష్టం చేసింది. కొత్త అసెంబ్లీ ఏర్పడే వరకు ఇది వర్తిస్తుందని ఈసీ స్పష్టం చేసింది. కేంద్ర ప్రభుత్వం సహా అసెంబ్లీ రద్దయిన రాష్ట్రాల్లో ఎటువంటి ప్రజాకర్ష పథకాల పై ప్రకటన చేయరాదని కూడా ఈసీ స్పష్టం చేసింది. ఈరోజు కేంద్ర ఎన్నికల సంఘం కేంద్ర కేబినెట్‌ కార్యదర్శి, అన్ని రాష్ట్రాల ప్రభుత్వ ప్రధాన కార్యదర్శులకు లేఖ రాసింది. లేఖలో ఈసీ చాలా స్పష్టంగా చెప్పింది. ఎస్‌ఆర్‌ బొంబాయి వర్సెస్‌ యూనియన్‌ ఆఫ్‌ ఇండియాకు సంబంధించిన కేసులో సుప్రీంకోర్టు చెప్పిన నియమ నిబంధనలన్నీ వర్తిస్తాయని వెల్లడించింది.

ఆపద్ధర్మ ప్రభుత్వాలు ఉన్నచోట ఎన్నికల ప్రవర్తనా నియమావళి అమల్లో ఉంటుంది గనక, కేంద్ర ప్రభుత్వం కానీ, రాష్ట్రంలో ఆపద్ధర్మ ప్రభుత్వం కానీ ఓటర్లను ఆకర్షించే విధంగా కొత్త విధివిధానాలు ప్రకటించడం గానీ, విధాన పరమైన నిర్ణయాలు తీసుకోవడమైనా ఎన్నికల నియమావళి పరిధిలోకి వస్తాయని తెలిపింది. తెలంగాణలో అసెంబ్లీ రద్దయిన తర్వాత కూడా మెట్రో రైలుకు సంబంధించి ప్రారంభ కార్యక్రమంలో కేటీఆర్ పాల్గొని మంత్రి హోదాలో ఉన్నట్లుగా ప్రవర్తించారని, కేసీఆర్ వ్యవహార శైలిగానీ, కొన్ని కార్యక్రమాలో మంత్రులు పాల్గొనడం.. తదితర వాటిపై ఈసీకి పిర్యాదులు వచ్చాయి. వాటిని పరిశీలనలోకి తీసుకున్న కేంద్ర ఎన్నికల సంఘం గురువారం ఈ మేరకు ప్రకటన విడుదల చేసింది.

ముఖ్యమంత్రి చంద్రబాబు, మంత్రి లోకేశ్‌ తదితరులపై చేసిన ఆరోపణలకు తగిన ఆధారాలు చూపితేనే విచారణ చేపట్టగలమని హైకోర్టు స్పష్టం చేసింది. దీనిపై స్వచ్ఛంద పదవీ విరమణ చేసిన జడ్జి శ్రావణ్‌ కుమార్‌ దాఖలు చేసిన ప్రజా ప్రయోజన వ్యాజ్యాన్ని తోసిపుచ్చుతున్నట్లు తెలిపింది. దీంతో... పిటిషనరే వ్యాజ్యాన్ని వెనక్కి తీసుకున్నారు. పిల్‌ వేసే ముందు పూర్తి ఆధారాలు సేకరించి, లోతుగా అధ్యయనం చేసి రావాలని పిటిషనర్‌కు ధర్మాసనం సూచించింది. ఇటీవల తామర తంపరగా దాఖలవుతున్న పిల్స్‌లో... ప్రజాహితంకంటే ప్రచారమే ఎక్కువగా ఉంటోందని అభిప్రాయపడింది. ‘తగిన ఆధారాలు లేకుండా పిల్‌ వేస్తే ఎలా? కోర్టులకు జ్యోతి ష్యం తెలియదు. మా ముందున్న ఆధారాలతోనే విచారణ చేస్తాం. మేం పంచేంద్రియాలపై ఆధారపడే పని చేస్తున్నాం. 12, 13, 14 సెన్స్‌ లు లేవు’ అని తెలిపింది.

సమాచార చట్టం ద్వారా పూర్తి వివరాలు సేకరించవచ్చని సూచించింది. ఆర్టీఐ కింద సమాచారం ఇవ్వక పోతే అప్పీలు దాఖలు చేయవచ్చంది. కంపెనీల గురించిన సమాచారం రిజిస్ర్టార్‌ ఆఫ్‌ కంపెనీస్‌ (ఆర్వోసీ) వద్ద ఉంటుందని, ఆర్‌బీఐ వద్ద లభిస్తుందని తెలిపింది. ‘మీ వ్యాజ్యంలో ఆధారాలకంటే ప్రశ్నలే ఎక్కువగా కనిపిస్తున్నాయి. సాధారణంగా కోర్టులు పిటిషనర్‌ను ప్రశ్నిస్తాయి. ఇక్కడ మాత్రం మీరే కోర్టును ప్రశ్నిస్తున్నట్లుంది. ఆధారాలు లేకుండా కేసులు ఎలా విచారణ చేపడతామో మీకు తెలియదా?’ అని ప్రశ్నించింది. గతంలో మాజీ ఎమ్మెల్యే శంకర్‌రావు రాసిన లేఖను ఇదే హైకోర్టు సుమోటోగా విచారణ చేపట్టిందన్నారు. తన వ్యాజ్యంలో కూడా దర్యాప్తునకు ఆదేశిస్తే... వాస్తవాలు వెలుగులోకి వస్తాయన్నారు.

ఈ దశలో ధర్మాసనం కల్పించుకుని, ఆర్టికల్‌ 226 కింద కోర్టులకు ఉండే విచక్షణాధికారాలతో సుమోటోగా విచారణ చేపట్టవచ్చని వ్యాఖ్యానించింది. బాధితులు కోర్టుకు వచ్చి తమ ఆవేదన చెప్పుకొంటే పిల్‌గా స్వీకరించిన ఘటనలున్నాయని గుర్తుచేసింది. తగిన ఆధారాలు లేకుండా పిల్‌ వేస్తే విచారణ చేపట్టలేమని స్పష్టం చేసింది. ప్రభుత్వం చెబుతున్న సంస్థలు ఏపీలోనే కాదు భారతదేశంలో ఎక్కడా నమోదు కాలేదని పిటిషనర్‌ తెలిపారు. దర్మాసనం మళ్లీ జోక్యం చేసుకుని... ‘‘40 ఎకరాలను ఫ్రాంక్లిన్‌ టెంపుల్‌టన్‌ ఇన్వెస్ట్‌మెంట్స్‌ అండ్‌ ఇన్నొవా సొల్యూషన్స్‌ అనే సంస్థకు కేటాయించినట్లు చెబుతున్నారు. ఆ సంస్థ ఎక్కడుందో పిటిషన్‌లో తెలిపారా? భూములు కేటాయించారని చెబుతున్న సంస్థను ప్రతివాదిగా ఎందుకు చేర్చలేదు?’’ అని ప్రశ్నించింది. అయితే, పిల్‌ దాఖలు తర్వాత కొంత అదనపు సమాచారం లభించిందని, ఈ సమాచారాన్ని కోర్టు ముందుంచుతానని, రెండు వారాలు గడువు కావాలని కోరారు. అందుకు ధర్మాసనం నిరాకరించింది.