news

10 సంవత్సరాలు కాంగ్రెస్ అక్రమాలు చూసి, అప్పట్లో మోడీ ఇచ్చిన బిల్డ్ అప్ చూసి, ఈయనంటి నిజాయితీపరుడు ఈ ప్రపంచంలోనే లేడు అని నమ్మి, భారత దేశం మొత్తం, భారీ మెజారిటీతో మోడీని గెలిపించింది. కాని, 4.5 ఏళ్ళలో మోడీ చేతకాని పాలన చూసాం. చేతాకాని వాడు అనుకున్నాం కాని, అవినీతి పరుడు కాదులే అని అనుకున్న వాళ్ళు చాలా మంది. రాహుల్ గాంధీ రాఫెల్‌ కుంభకోణం గురించి చెప్పిన రోజు, ఎదో చెప్తున్నాడులే, రాహుల్ గాంధికి ఏమి తెలియదు అని చెప్పిన వారు చాలా మందే ఉన్నారు. కాని ఇప్పుడు అందరికీ మొబ్బులు తొలగిపోయాయి. మోడీ అవినీతిపరుడే కాదు, పెద్ద అబద్ధాల కోరు, మోసకారి అని వచ్చే వార్తలను చూస్తే అర్ధమవుతుంది. ఆంధ్రా ప్రజలను ఎలా నమ్మించి మోసం చేసారో, అలాగే ఈ దేశ ప్రజలను కూడా నమ్మించి మోసం చేసారు.

తాజాగా ఫ్రాన్స్‌ మాజీ అధ్యక్షుడు చెప్పిన మాటలతో, రాఫెల్‌ రహస్యం బట్టబయలైంది. యుద్ధ విమానాల డీల్‌లో మోదీ సర్కారు అడ్డంగా దొరికిపోయింది. అనిల్‌ అంబానీకి చెందిన రిలయెన్స్‌ డిఫెన్స్‌ సంస్థ ఎంపికలో తమ పాత్రేమీ లేదని, డసాల్ట్‌ కంపెనీయే ఆ సంస్థను ఎంచుకుందని కేంద్రంలోని బీజేపీ ప్రభుత్వం చేస్తున్న ప్రకటనలు అబద్ధాలని తేలిపోయింది. అనుభవం లేని రిలయన్స్‌ డిఫెన్స్‌ను రాఫెల్‌ భాగస్వామిగా మోదీ ప్రభుత్వమే ఎంపిక చేసిందని, సర్వీస్‌ ప్రొవైడర్‌గా దానితోనే ఒప్పందం కుదుర్చుకోవాలని ఫ్రాన్స్‌కు తేల్చి చెప్పిందని ఫ్రాన్స్‌ మాజీ అధ్యక్షుడు ఫ్రాంకోయిస్‌ హోలాండ్‌ సంచలన వాస్తవాన్ని బయటపెట్టారు.

మరో అవకాశం లేక డసాల్ట్‌ ఏవియేషన్‌ రిలయన్స్‌ డిఫెన్స్‌తోనే ఒప్పందం కుదుర్చుకోవాల్సి వచ్చినట్లు ఆయన ఒక ఫ్రెంచ్‌ పత్రికకు ఇచ్చిన ఇంటర్వ్యూలో తెలిపారు. ఈ ఒప్పందం కుదుర్చుకున్నప్పుడు ఫ్రాన్స్‌ అధ్యక్షుడిగా ఉన్న హోలాండ్‌ స్వయంగా ఈ విషయం చెప్పడంతో బీజేపీ ప్రభుత్వం ఆత్మరక్షణలో పడిపోయింది. రాఫెల్‌ విమానాలకు సేవలు అందించే సామర్థ్యం హిందుస్థాన్‌ ఏరోనాటిక్స్‌ లిమిటెడ్‌ (హాల్‌)కు లేదన్న మోదీ సర్కారు మాటలు వట్టి బూటకమేనని హాల్‌ మాజీ చీఫ్‌ సువర్ణరాజు వ్యాఖ్యానించిన మర్నాడే ఈ పరిణామం జరగడంతో బీజేపీ నెత్తిన మరో బాంబు పడినట్లయింది.

ఏపీలో వైసీపీ-జనసేనతో కలిసి పనిచేస్తామని రాంమాధవ్ చెప్పకనే చెప్పారు. నిన్న కాకినాడలో జరిగిన బీజేపీ కార్యవర్గ సమావేశంలో ఆ పార్టీ జాతీయ ప్రధాన కార్యదర్శి రాంమాధవ్ మాట్లాడుతూ, ఏపీలో వైసీపీ-జనసేనతో కలసి పనిచేస్తామని చెప్పకనే చెప్పారు. వచ్చే ఎన్నికల్లో తెలుగుదేశం తప్ప ఎవరితో అయినా అధికారం పంచుకోవటానికి సిద్ధంగా ఉన్నామని, అధికారంలో మేము కచ్చితంగా ఉంటామనియా న్నారు. అంటే వైసీపీని, జనసేనని బీజేపీ తన రిమోట్ కంట్రోల్ తో నడిపిస్తున్నదని స్పష్టం చేశారు. 2019లో ఏపీలో టీడీపీయేతర ప్రభుత్వం ఏర్పడుతుందని, అందులో బీజేపీ పాలుపంచుకుంటుందని జాతీయ ప్రధాన కార్యదర్శి రాంమాధవ్ చెప్పడంలో అర్థమేమిటి?

అంటే జగన్, పవన్ తమ ఆధీనంలో ఉన్నట్లు స్పష్టం చేయడమే కదా. తెలుగుదేశం చాలాకాలం నుంచి మోడీ - జగన్- పవన్ లాలూచీ గురించి చెబుతున్న మాట నిన్న బీజేపీ రాష్ట్ర కార్యవర్గ సమావేశంలో స్పష్టమైంది. 2019లో కేంద్రంలో మోడీ ప్రభుత్వం రాదని మెజారిటీ సర్వేలు స్పష్టం చేస్తున్నాయి. అలాగే ఏపీలోనూ వైకాపా ఇప్పుడున్న స్థానాలను కూడా నిలబెట్టుకోలేదని అనేక సర్వేలు చెబుతున్నవి. 2014లో జగన్ అధికారంలోకి వస్తాడని చెప్పిన ఇండియా టుడే సర్వే తలకిందులైంది. తెలుగుదేశం అధికారంలోకి వచ్చింది. 2014లో ఆ మాత్రమైనా వైసీపీకి సీట్లు రావడానికి కారణం దళిత ఓట్లు, మైనారిటీ ఓట్లే.

ఇప్పుడు చంద్రబాబునాయుడు గారు చేస్తున్న మైనార్టీ సంక్షేమం, దళిత సంక్షేమం కారణంగానూ, జగన్ మోడీతో లాలూచీపడిన కారణంగానూ, 2019లో వైసీపీ ఇప్పుడున్న సీట్లు కూడా నిలుపుకోలేదని స్పష్టమవుతోంది. రాంమాధవ్ ఆటలు అరుణాచల్ ప్రదేశ్లో చెల్లవచ్చు కానీ, దక్షిణాదిలో చెల్లుబాటు కావు. కర్ణాటకలో అది రుజువైంది. అలాగే నంద్యాల, కాకినాడ ఎన్నికల్లోనూ రుజువైంది. తమ పార్టీ నాయకులు ఎక్కడ జారిపోతారేమోననే భయంతో 2019లో జగన్-బీజేపీ- జనసేన కలిసి అధికారానికి వస్తారని నమ్మించే ప్రయత్నం చేస్తున్నారు. వారి మాయమాటలకు ఆంధ్రులు మోసపోరు. పైగా విభజన చట్టం హామీలు అమలుచేయనందుకు నిరసనగా 2019లో బీజేపీకి సున్నా సీట్లు రావడం ఖాయం.

జీవీఎల్ కి ప్రతి వారం కోటింగ్ ఇచ్చే కుటుంబరావు, ఈ రోజు సాక్షిలో వచ్చిన తప్పుడు వార్తా పై ఫైర్ అయ్యారు. జగన్, సాక్షి పత్రిక రాసిన కథనాలపై ఏపీ ప్రణాళికా సంఘం ఉపాధ్యక్షుడు కుటుంబరావు తీవ్రస్థాయిలో మండిపడ్డారు. శుక్రవారం ఆయన మీడియాతో మాట్లాడుతూ అమరావతి బాండ్లపై తప్పుడు ప్రచారం చేస్తున్నారని, దీన్ని సీరియల్‌లా వేస్తే ప్రజలు నమ్ముతారని అనుకుంటున్నారని, ఈ బుడబుక్కల రాతలు మానేయాలని సూచించారు. ఆర్థిక ఉగ్రవాదం మానేయాలని, ఆర్థిక ఉగ్రవాదానికి మంచి ఉదాహరణ వైసీపీనే అని కుటుంబరావు విమర్శించారు. ప్రజల్లో లేనిపోని అపోహలు కలిగేలా ఆరోపణలు చేయవద్దని హితవు పలికారు.

2, 3 వారాల్లో జగన్‌ కు సంబందించిన ఒక కొత్త విషయం బయటపెడతామన్నారు. అప్పుడు మొహం చూపించుకోలేక దాచుకోవాల్సి వస్తుందని ఆయన అన్నారు. నీతిమంతుల్లా మాస్కులు వేసుకుని బయట తిరుతున్నారని విమర్శించారు. సాక్షి మీడియాలో రాసిన ఆర్టికల్‌లో నిజం లేదన్నారు. తక్కువ వడ్డీకి అప్పు ఇప్పిస్తానంటే స్వాగతిస్తామని కుటుంబరావు స్సష్టం చేశారు. అయితే, ఈ వ్యాఖ్యల పై అందరూ ఆశ్చర్యం వ్యక్తం చేస్తున్నారు. ఎందుకంటే, 16 నెలలు జైలులో ఉండి వచ్చి కూడా, సిగ్గు లేకుండా ఎదో ఘనకార్యం చేసినట్టు జగన్ బయట తిరుగుతున్నాడు.

అలాంటి జగన్, సిగ్గు పడే విషయం, తల కూడా ఎత్తుకొలేని విషయం అంటే, ఏంటా అని అందరూ గుసగుసలాడుకుంటున్నారు. మొత్తానికి, కుటుంబరావు గారు చెప్పిన స్టొరీ, ఇప్పుడు హాట్ టాపిక్ అయ్యింది. ఈయన జగన్ కు సంబంధించి, ఏ విషయం చెప్తారా అని అందరూ, ఆసక్తిగా ఎదురు చూస్తున్నారు. అది అవినీతికి సంబంధించన విషయమా, లేక ఇంకా ఏమన్నానా అనే సందేహాలు వస్తున్నాయి. మరో పక్క జగన్ ను వెనకేసుకుని వస్తున్న ఉండవల్లితో గత కొన్ని రోజులగా, మాటల యుద్ధం నడుస్తుంది. జగన్‌ అప్పటి ముఖ్యమంత్రి కుమారుడు కాబట్టే ‘‘క్విడ్‌ ప్రోకో’’ కింద ఆయన కంపెనీల్లో పెట్టుబడులు పెట్టారని కుటుంబరావు ఆరోపించారు. జగన్‌ అవినీతిపరుడు కాదని మీ దగ్గర ఆధారాలుంటే.. వాటిని కోర్టులో ప్రవేశపెట్టొచ్చు కదా అని ఉండవల్లిని ప్రశ్నించారు.