news

బాబ్లీ కేసులో రేపు చంద్రబాబు తరుపున ధర్మాబాద్ కోర్టుకు లాయర్లు హజరుకానున్నారు. ఆయన తరుపున నాన్ బెయిల్ పై అడ్వకేట్ సుబ్బారావు రీకాల్ పిటీషన్ వేయనున్నారు. వారెంట్లు అందుకున్న మిగిలిన ఏపీ నేతల తరపునా రీకాల్ పిటిషన్లు వేసే అవకాశం ఉంది. ఇదే కేసులో వారెంట్లు అందుకున్న తెలంగాణ నేతలు ప్రకాశ్ గౌడ్, గంగుల కమలాకర్, కేఎస్ రత్నం ధర్మాబాద్ కోర్టుకు హజరవుతున్నట్లు సమాచారం. బాబ్లీ కేసులో చంద్రబాబుతో సహా 15 మందికి మహారాష్ట్రలోని ధర్మాబాద్ కోర్టు అరెస్ట్ వారెంట్ జారీ చేసిన సంగతి తెలిసిందే.

పెండింగ్‌లో ఉన్న నాన్ బెయిల్ వారెంట్‌లో ఈనెల 21న ధర్మాబాద్ కోర్టుకు హాజరుకావాల్సిందిగా నోటీసులు జారీ చేసింది. గోదావరి పై మహరాష్ట్ర నిర్మిస్తున్న బాబ్లీ ప్రాజెక్టుకు వ్యతిరేకంగా 2010 సంవత్సరంలో ప్రతిపక్ష నేతగా ఉన్న చంద్రబాబు నేతృత్వంలో 40మంది ఎమ్మెల్యేలు బాబ్లీ సందర్శనకు వెళ్లారు. ఎత్తిపోతల పధకాల నిర్మాణాలు చేపట్టడం వల్ల గోదావరిలో నీటి ప్రవాహం తగ్గి, ఉత్తర తెలంగాణా ఎడారిగా మారుతుందని తెలుగుదేశం ఆందోళన చేపట్టింది.

విధి నిర్వహణలో ఉన్న పోలీసులను అడ్డుకోవడం, 144సెక్షన్ ను అమలులో ఉన్నా పట్టించుకోకపోవడం, వంటి కారణలతో చంద్రబాబు పై కేసు నమోదయ్యాయి. ఇటీవలే చంద్రబాబు కోర్టుకు హజరుకాకపోవడంతో నాన్ బెయిలబుల్ వారెంట్ జారీ చేసింది. దీనికి సంబంధించి చంద్రబాబు పార్టీ నేతలు, న్యాయవాదులో తర్జనభర్జనలు సాగించారు. ఈ నెల 22న ఐక్యరాజ్యసమితిలో పాల్గొనే అరుదైన అవకాశం ఉన్నందున తన బదులు న్యాయవాదులను కోర్టుకు పంపాలని చంద్రబాబు నిర్ణయించారు.

ఎమ్మెల్యేల పని తీరు ఎలా ఉంది.. వారి బలాలు ఏంటి, వైఫల్యాల ఏంటి అనే దాని పై నివేదికలు రూపొందించినట్లు ముఖ్య మంత్రి నారా చంద్రబాబు నాయుడు వెల్లడించారు. వాటిని త్వరలో మీ చేతికే ఇస్తానని, లోపాలను సవరించుకుంటారో, లేదో మీ ఇష్టం అంటూ ఎమ్మెల్యేలను హెచ్చరించారు చంద్రబాబు. నిన్న రాత్రి అసెంబ్లీ సమావేశాలు పూర్తయిన తరువాత, శాసనసభ ఆవరణలో జరిగిన తెలుగుదేశం లెజిస్లేటివ్ పార్టీ సమావేశంలో చంద్రబాబు ఈ విషయాన్ని స్పష్టం చేశారు. ప్రభుత్వ పనితీరు, వివధ పథకాల విషయంలో ప్రజల అభిప్రాయం ఎలా ఉంది ? అని చంద్రబాబు తొలుత ఎమ్మెల్యేలను అడిగారు. శాసనసభ్యులు అందరూ ప్రజల్లో చాలా సానుకూల స్పందన ఉందని చెప్పినట్లు తెలిసింది.

అప్పుడు చంద్రబాబు స్పందిస్తూ, అయితే మీరందరూ గెలవాలి కదా, మరి కొన్ని చోట్ల కొంత మంది గెలుపు పై ఎందుకు అనుమనాలొస్తున్నాయి ? అని ఎదురు ప్రశ్నించినట్లు తెలిసింది. దానికి ఆయనే సమాధానం చెప్తూ మీ పని తీరు, నడవడికలో లోపం వలనే అలాంటి అనుమానాలు వస్తున్నాయని కరాఖండిగా చెప్పినట్లు తెలిసింది. శాసనసభ్యుల పనితీరు, నడవడిక పై నియోజకవర్గాల వారీ ప్రత్యేక సమావేశాన్ని సేకరించినట్లు తెలిపారు. అందుకు సంబంధించి నివేదికలు కూడా సిద్ధమయ్యాయని, త్వరలో ఎవరివి వారికి ఇస్తానని తెలిపారు. మీకు ఆ కవర్లు త్వరలోనే వస్తాయి అంటూ చంద్రబాబు చెప్పినట్టు తెలుస్తుంది.

ఎన్నికల సమయం ఆసన్నమవుతున్న సమయంలో ఆ నివేదికల్లో ఉన్న లోపాలను వెంటనే సవరించుకోకపోతే తానేమీ చేయలేనంటూ హెచ్చరించినట్లు తెలిసింది. అటు అభివృద్ధి పనులతో పాటు, ఇటు సంక్షేమ పథకాలను దిగ్విజయంగా అమలు చేస్తున్నప్పటికీ కొంత మంది వాటిని ప్రజలకు వివరించలేకపోతున్నారని కూడా సీఎం వ్యాఖ్యానించినట్లు సమాచారం. అందుకోసమే గ్రామదర్శిని-గ్రామ వికాసం కార్యక్రమాన్ని చిత్తశుద్ధితో నిర్వహించాలని సూచించారు. ఆ కార్యక్రమాన్ని బాగా చేస్తున్న వారిని అభినందిస్తూనే మిగిలిన వారు వెంటనే దాని నిర్వహణపై దృష్టి పెట్టాలని లేని పక్షంలో ఉపేక్షించేది లేదని హెచ్చరించారు. ఇప్పుడు ఎమ్మెల్యేలకు కవర్ ఎప్పుడు వస్తుందా, దాంట్లో ఏమి ఉంటుందా అనే టెన్షన్ పట్టుకుంది.

విజయవాడ సెంట్రల్‌ స్థానికి సంబంధించి వైకాపాలో ఇంకా సస్పెన్స్ కొనసాగుతోంది. ఈ సీటును ఆశిస్తున్న వంగవీటి రాధాతో మాజీ మంత్రి, వైసీపీ నేత పార్థసారథి ఇవాళ భేటీ అయ్యారు. ఇద్దరి మధ్య సుమారు గంట పాటు ఏకాంతంగా చర్చలు జరిగాయి. సెంట్రల్ సీటును మల్లాది విష్ణుకు ఎందుకు ఇవ్వాలని అనుకుంటున్నారు, ఆ మార్పు కారణాలను రాధాకు పార్థసారథి వివరించారు. విజయవాడ తూర్పు నుంచి పోటీ చేసే అంశంపై రాధాకు ఆయన వివరించారు. అధిష్టానం ఆలోచనలను ఆయన రాధా ముందు ఉంచినా ఫలితం కన్పించలేదని తెలుస్తోంది.

సెంట్రల్ సీటు విషయంలో రెండో ఆలోచన లేదని రాధా తేల్చి చెప్పినట్లు సమాచారం. తొందరపాటు నిర్ణయాలు వద్దని రాధాకి పార్థసారథి నచ్చ చెప్పినట్లు తెలుస్తోంది. సెంట్రల్ సీటు విషయంలో ఎట్టి పరిస్థితుల్లో తగ్గేది లేదని, రెండో ఆలోచన లేదని రాధా, పార్థసారథికి తేల్చి చెప్పారు. మొన్నటి దాక సీట్ నాదే అని నమ్మించి, ఇప్పుడు హ్యాండ్ ఇస్తే, క్యాడర్ కు ఏమని సమాధానం చెప్పను అంటూ, రాధా పార్ధసారధిని కడిగేస్తినట్టు సమాచారం. దీంతో చేసేది ఏమి లేక, పార్ధసారధి వెనుతిరిగి వచ్చేసారు. వంగవీటి రాధాతో జరిగిన చర్చల సారాంశాన్ని ఆయన పార్టీ అధినేత వైయస్ జగన్‌కు తెలపనున్నారు.

తనకు విజయవాడ సెంట్రల్ సీటు కేటాయించకపోవడంపై వంగవీటి రాధా తీవ్ర అసంతృప్తితో ఉన్న విషయం తెలిసిందే. ఆయన రంగా రాధా మిత్రమండలి, తన మద్దతుదారులతో వరుసగా భేటీ అవుతున్నారు. మూడు రోజుల పాటు వేచి చూసి ఆ తర్వాత నిర్ణయం తీసుకుందామని రెండు రోజుల క్రితం అనుచరులకు సూచించారు. ఈ నేపథ్యంలో పార్థసారథి మధ్యవర్థిగా వచ్చారు.సెంట్రల్ సీటును ఇప్పటికే మల్లాది విష్ణుకు కేటాయిస్తున్నట్లు సంకేతాలు ఇచ్చారు. ఆయనను ఇంచార్జిగా నియమించారు. మరోవైపు సీటు విషయంలో వంగవీటి రాధా తగ్గడం లేదు. ఈ నేపథ్యంలో రాధా పార్టీ మారే అవకాశాలు లేదా స్వతంత్రంగా పోటీ చేసే అవకాశాలు ఉన్నాయి. ఆయన చూపు జనసేన వైపు ఉందనే వాదనలు కూడా వినిపిస్తున్నాయి.