2019 ఎన్నికలకు ముందు మొత్తం ఫేక్ ప్రచారం నడిచేది. ప్రశాంత్ కిషోర్ ఫేక్ బ్యాచ్ కి తోడుగా, జగన్ మోహన్ రెడ్డి పార్టీ కార్యకర్తలు, ఒక ఫేక్ వార్త సృష్టించి, దాన్ని రాష్ట్రం మొత్తం తిప్పటంలో సక్సెస్ అయ్యారు. ఈ ఫేక్ ప్రచారాన్ని ఖండిస్తూ, ప్రజల్లోకి వెళ్ళటంలో టిడిపి ఫెయిల్ అయ్యి, మూల్యం చెల్లించింది. ఇలాంటి ఒక పెద్ద ఫేక్ న్యూస్ లో, మొదటి స్థానం సంపాదించేది, అందరి మదిలో ఉండేది, పింక్ డైమెండ్. తిరుమలలో ఉన్న పింక్ డైమెండ్ చంద్రబాబు, విదేశాల్లో అమ్మేసారు అని, అలాగే చంద్రబాబు ఇంట్లోని నేలలో శ్రీవారి నగలు ఉన్నాయి అంటూ, విజయసాయి రెడ్డి చేసిన కామెంట్స్ అందరికీ తెలిసే ఉంటాయి. అప్పట్లోనే పింక్ డైమెండ్ అనేది లేదు అని అందరూ ఖండించినా, ఈ వార్త మాత్రం ప్రజల్లోకి వెళ్ళిపోయింది. తరువాత వైసీపీ అధికారంలోకి వచ్చినా, ఈ అంశం పై అసలు సౌండ్ చేయేలేదు. ఫేక్ అని వారికి కూడా తెలుసు కదా ? అయితే ఇప్పుడు తాజాగా ఈ అంశం మరోసారి తెర పైకి వచ్చింది. రెండు రోజుల క్రితం తిరుపతిలో సర్వ దర్శనం టికెట్ల కోసం జరిగిన రచ్చ, ప్రభుత్వ వైఫల్యం, ప్రజలు పడిన ఇబ్బందులు ఇవన్నీ తెలిసిందే. అయితే ఇదే అంశం పై, మాజీ ఐఏఎస్ అధికారి, ఎల్వీ సుబ్రహ్మణ్యం, నిన్న ఒక టీవీ ఛానల్ తో మాట్లాడుతూ, తన అభిప్రాయం పంచుకున్నారు.
గతంలో ఎల్వీ సుబ్రహ్మణ్యం, తిరుమలలో టిటిడి ఈవో గా కూడా పని చేసిన విషయం తెలిసిందే. ఆ అనుభవంతోనే, ఆయన తిరుమలలో జరుగుతున్న అంశాల పై స్పందించారు. ఈ సందర్భంగా గతంలో తిరుమలలో పింక్ డైమండ్ మాయం అయ్యింది అనే ఆరోపణలు వచ్చాయి, దీని పై మీ స్పందన ఏమిటి అని అడగగా, అసలు పింక్ డైమెండ్ అనేదే లేదని, అది రాజకీయాలు కోసం తీసుకుని వచ్చిన అంశం అంటూ, సంచలన వ్యాఖ్యలు చేసారు. ఈ సారి ఎన్నికల్లో బ్లూ డిమాండ్ వస్తుందేమో అంటూ వ్యంగ్యంగా స్పందించారు. రాజకీయాల కోసం ఇలాంటివి వాడుకోవటం దారుణం అని అన్నారు. దీంతో మరోసారి వైసీపీ చేసిన ఫేక్ ప్రచారం వెలుగులోకి వచ్చింది. ఇక మొన్న తిరుపతిలో దర్శనం టికెట్ల కోసం ప్రజలు పడిన ఇబ్బందులు పై ఎల్వీ సుబ్రహ్మణ్యం ఘాటుగా స్పందిస్తూ, ప్రభుత్వం పై విరుచుకు పడ్డారు. ఇది పూర్తిగా ప్రభుత్వ వైఫల్యమే అని, గతంలో ఇంత కంటే ఎక్కువ భక్తులు వచ్చినా, ఇబ్బంది రాలేదని, తెలుపుతూ, టిటిడి వైఖరి పై విమర్శలు చేసారు.
