news

ఏపిలో కాబినెట్ మార్పులు చేసే కంటే ముందు ఎప్పటి నుంచో తెలంగాణలో కూడా మంత్రివర్గ మార్పులు జరుగుతాయని విస్తృతమైన ప్రచారం జరిగింది. మంత్రి వర్గ మార్పులు చేయాలనే ఉద్దేశంతోనే కొత్తగా ఎమ్మెల్సీల్ని కూడా ఎంపిక చేసారనే వార్తలు కూడా వచ్చాయి. తెలంగాణా మంత్రివర్గ విస్తరణ కార్యక్రమం అంతా సంక్రాంతి పండగప్పుడే జరుగుతుందని ప్రచారం జరిగినా, ఇప్పటివరకు ఎటువంటి ప్రకటనా కెసిఆర్ చెయ్యలేదు. ఇప్పుడెమో ఆంధ్రప్రదేశ్ లో జరుగుతున్న పరిస్థితి చుసిన తరువాత, కేసీఆర్ అసలు క్యాబినెట్ విస్తరణ నిర్ణయం తీసుకోరనే వార్తలు వస్తున్నాయి. జగన్ కాబినెట్ ను మార్చిన తరువాత పార్టీలో వ్యతిరేకత ఎక్కువైంది. ఇప్పటి వరకు పార్టీలో ఉన్న అసంతృప్తి ఒక్కొక్కటిగా బయటకు వస్తుంది. సీనియర్ ఎమ్మెల్యేలు కూడా అలక పాన్పు ఎక్కారు. చివరకు జగన్ మోహన్ రెడ్డి బంధువు అయిన బాలినేని కూడా ఎదురు తిరిగారు. ఇక చాలా మంది ఎమ్మెల్యేలు బయట పడకపోయినా లోలోపల రగిలిపోతూ అవకాసం కోసం ఎదురు చూస్తున్నారు. ఇక సీనియర్ మంత్రులు బొత్సా, పెద్దిరెడ్డికి పదవి రాదని ముందు వార్తలు వచ్చినా, వారు ఢిల్లీ లెవెల్ లో చేసిన ఒత్తిడితో వారిని కూడా తీసుకుని, చివరకు ఒత్తిడికి తలొగ్గి, 11 మంది పాత వారినే కొనసాగించారు.

కేసీఆర్ తెలంగాణాలో 8 సంవత్సరాలుగా అధికారంలో ఉన్నారు. పార్టీ నేతల్లో అంతర్గతంగా ఈయనకు జగన్ కంటే ఇంకా ఎక్కువె వ్యతిరేకత ఉంది. అందులోను ఎప్పటి నుంచో పార్టీలో ఉన్న పెద్ద పెద్ద నేతలందరూ పదవుల కోసం ఎదురు చూస్తూ ఉన్నారు. ఇలాంటి సమయంలో కేసీఆర్ కనుక కాబినెట్లో మార్పులు చేస్తే విపరీతమైన పరిస్థితులు ఎదుర్కోవాల్సి వస్తుందని, దీనివల్ల లేని పోని తలనొప్పులు వస్తాయని కేసీఆర్ భావిస్తున్నట్లు సమాచారం. మరో పక్క బీజేపీ కూడా కేసీఆర్ ని దెబ్బ తీయటానికి అన్ని విధాలుగా రెడీగా ఉంది. అందుకే ప్రస్తుతం ఉన్న పరిస్థితిలో, ఇప్పుడున్న మంత్రివర్గంతోనే కొనసాగించాలని కేసీఆర్ నిర్ణయించుకున్నట్లు సమాచారం. ఎలాగూ తెలంగాణ ప్రభుత్వం ముందస్తు ఎన్నికలకు వెళ్ళాలని నిర్ణయించుకున్నట్లు విస్తృత ప్రచారం జరుగుతున్న నేపధ్యంలో ఉన్న పాత మంత్రులతోనే ముందస్తు ఎన్నికలకు కేసీఆర్ వెళ్తారని సమాచారం. జగన్ ఎదురుకున్న వ్యతిరేకత చూసి, కేసీఆర్ అలెర్ట్ అయ్యారు.

తిరుమలలో భక్తులు తీవ్ర ఇబ్బంది పడుతున్నారు. శ్రీవారి సర్వదర్శనం టోకెన్ల కోసం భక్తులుఎగబడ్డారు, దీంతో భక్తులు ఇబ్బందులు పడుతున్నారు. గత 20 సంవత్సరాలలో టిటిడి  ఇంత  పాలనా పరమైన వైఫల్యం ఎప్పుడూ చెందలేదని భక్తులు మండిపడుతున్నారు.  భక్తులందరూ నిరసన తెలుపుతూ తమ ఆవేదన వ్యక్తం చేస్తున్నారు. చాలా మంది పిల్లలకు పరీక్షలు ముగియటంతో  , శ్రీనివాసుని దర్సనం కోసం వేలాది మంది భక్తులు తిరుపతికి రావడంతో భక్తుల రద్దీ  విపరీతంగాపెరిగిపోయింది. అయితే తిరుమలలో  శ్రీవారి సర్వదర్శనం టోకెన్లు ఇచ్చేచోట ఒకేసారి భక్తులు  ఎగబడటంతో  వారి మధ్య తోపులాట జరిగింది. ఈ తోపులాటలో  కొంతమంది  భక్తులు సొమ్మసిల్లి పడిపోయారు. అందులో ఎక్కువమంది మహిళలు పిల్లలే ఉన్నారు. తోపులాటలో ముగ్గురికి గాయాలు కాగా ,గాయపడిన వారిని  రుయా ఆస్పత్రికి తరలించారు. అసలే ఎండలు మండి పోతుంటే,  ముసలి వారు,చంటి బిడ్డలతో వచ్చిన భక్తులు  విలవిలలాడిపోతున్నారు. టీటీడీ అధికారులు భక్తుల రద్దీని అంచనా వేయడంలో   తీవ్ర వైఫల్యం చెందారని భక్తులు తీవ్ర ఆవేదన చెందారు. వచ్చి మూడు, నాలుగు రోజులవుతున్నా కనీసం టోకెన్లు ఇవ్వట్లేదని, భోజనం, మంచినీళ్లు వంటి  కనీస సదుపాయాలు లేక కల్పించట్లేదని భక్తులు ఆవేదన చెందుతున్నారు.

మంత్రివర్గ విస్తరణలో, స్థానం కోల్పోయిన ఎంతో మంది ఎమ్మెల్యేలు రోడ్డెక్కి రచ్చ రచ్చ చేసారు, టైర్లు తగలబెట్టారు, సియం డౌన్ డౌన్ అన్నారు, ఇలా అనేక ఆందోళనలు చేసారు. ముఖ్యంగా బాలినేని శ్రీనివాస్ రెడ్డి, పిన్నెల్లి రామకృష్ణా రెడ్డి, శిల్పా చక్రపాణి రెడ్డి, కోటంరెడ్డి, ఇలా అనేక మంది ఎమ్మెల్యేలు రచ్చ రచ్చ చేస్తే, అందరినీ బుజ్జగించిన వైసీపీ అధిష్టానం, సుచరిత పై మాత్రం సీరియస్ అయ్యింది. ఆమె తన మంత్రి పదవి ఊడబీకటం పై వైసీపీ అధిష్టానం పై ఆగ్రహంగా ఉన్నారు. మరీ ముఖ్యంగా, మంత్రి పదవి కంటే కూడా, సజ్జల అపాయింట్మెంట్ ఇవ్వకపోవటం పై, ఆమె రగిలిపోతున్నారు. తన ఆత్మగౌరవం దెబ్బతిందని ఆమె భావిస్తున్నారు. ఈ నేపధ్యంలోనే, ఆమె తన ఎమ్మెల్యే పదవికి రాజీనామా చేసారు. రాజీనామా లేఖను తన వద్దకు దూతగా వచ్చిన మోపిదేవికి ఇచ్చారు. ఈ సందర్భంగా సుచరిత అభిమానాలు, మోపిదేవిని అడ్డుకున్నారు. అయితే మోపిదేవి వెళ్ళిన తరువాత, ఒక్కరు కూడా మళ్ళీ సుచరిత వద్దకు రాలేదు. బాలినేని వద్దకు సజ్జల, పిన్నెల్లి దగ్గరకు పెద్దిరెడ్డి ఒకటికి మూడు సార్లు వెళ్లి బుజ్జగించారు కానీ, సుచరిత వద్దకు మాత్రం ఎవరూ వెళ్ళలేదు. దీంతో ఆమె ఆత్మగౌరవం మరింత దెబ్బతింది. హోంమంత్రిగా చేసిన మహిళకు, వైసీపీ పార్టీలో దక్కిన న్యాయం ఇదా అని ప్రశ్నిస్తున్నారు.

అయితే సుచరిత వైఖరి పై, వైసీపీ అధిష్టానం సీరియస్ అయ్యింది. రాజీనామా లేఖ ఇవ్వటం, అలాగే మోపిదేవిని అడ్డుకోవటం, సజ్జలకు వ్యతిరేకంగా నినాదాలు చేయటం, ఇవన్నీ వైసీపీ అధిష్టానానికి ఆగ్రహం తెప్పించాయి. ఆమె మాట్లాడకుండా, ఆమె కూతురితో మీడియాతో మాట్లాడించటం పై ఆగ్రహంగా ఉన్నారు. హోంమంత్రి పదవి ఇచ్చి, డిప్యూటీ సియం పదవి ఇచ్చినా, ఆమె ఇలా చేయటం ఏమిటి అంటూ వైసీపీ అధిష్టానం ప్రశ్నిస్తుంది. అయితే సుచరిత మాత్రం, నలుగురు ఎస్సీలు ఉంటే, ముగ్గురికి మంత్రి పదవి కంటిన్యూ చేసారని, తనని ఎందుకు తీసారు అని అడిగితే సమాధానం చెప్పలేదని, సజ్జల వద్దకు వెళ్దామని అపాయింట్మెంట్ అడిగినా తనను పట్టించుకోలేదని, ఇది ఆత్మగౌరవానికి సంబంధించిన విషయం అని ఆమె వర్గీయులు అంటున్నారు. అయితే సుచరితతో మాత్రం ఎలాంటి బుజ్జగింపులు చేయని వైసీపీ అధిష్టానం, ఆమె పై చర్యలు తీసుకోవాలని యోచిస్తున్నట్టు తెలుస్తుంది. ఆమెకు ముందుగా షోకాజ్ నోటీస్ ఇచ్చే అవకాసం ఉందని ప్రచారం జరుగుతుంది.