news

నిన్న ఒక పక్క కొత్త మంత్రి వర్గం వచ్చి, ఆంధ్రప్రదేశ్ రాష్ట్రాన్ని ఇక పరుగులు పెడతాం అని అంటుంటే, అందరూ అభివృద్ధిలో అనుకున్నారు. తీరా చూస్తే, ప్రభుత్వం అప్పల్లో పరగులు పెడుతుంది. ఈ ఆర్ధిక ఏడాది మొదటి నెలలోనే, అప్పుల కుమ్ముడు మొదలు పెట్టింది. కేంద్ర ప్రభుత్వ, అడ్డగోలు అండతో ఏపి ప్రభుత్వం అప్పుల్లో చెలరేగిపోతుంది. కొత్త మంత్రి వర్గం ఏర్పాటు అయిన రోజే, ఆర్బిఐ దగ్గరకు వెళ్లి రూ.2000 కోట్ల అప్పు తెచ్చుకుంది జగన మోహన్ రెడ్డి ప్రభుత్వం. నిన్న ఆర్బిఐ దగ్గర 7.52 శాతం వడ్డీకి రూ.2,000 కోట్లు అప్పు తెచ్చుకున్నారు. రూ.1000 కోట్ల అప్పు 20 ఏళ్లలో తీర్చాలి, మరో రూ.1,000 కోట్ల అప్పు 16 ఏళ్లలో తీర్చాల్సి ఉంటుంది. ఈ నెలలో ఇప్పటికే ఏప్రిల్ 5వ తేదీన రూ.2,000 కోట్ల అప్పు తెచ్చారు. అంటే ఆర్ధిక సంవత్సరం మొదటి 11 రోజుల్లోనే రూ.4,000 కోట్ల అప్పు తెచ్చి, జగన్ మోహన్ రెడ్డి ప్రభుత్వం రికార్డు సృష్టించింది. ఇక్కడ విశేషం ఏమిటి అంటే, ఈ నెలలో ఇప్పటి వరకు, ఏ రాష్ట్ర ప్రభుత్వం అప్పు తీసుకోలేదు. దీనికి కారణం కేంద్ర ప్రభుత్వం ఇంకా ఏ రాష్ట్రానికి అప్పు తీసుకోవటానికి అనుమతి ఇవ్వలేదు. మన ఆంధ్రప్రదేశ్ రాష్ట్రానికి మాత్రం, గత ఏడాది లెక్కలు చెప్పి, రూ.4,238 కోట్ల వరకు ఈ ఏడాది అప్పు తీసుకోవచ్చు అంటూ, నిబంధనలు మార్చి మరీ, ఆంధ్రప్రదేశ్ ప్రభుత్వానికి అప్పు తీసుకోవటానికి కేంద్రం అనుమతి ఇచ్చింది. పర్మిషన్ లేకపోతేనే చెలరేగిపోయే జగన్ ప్రభుత్వం, కేంద్రం పర్మిషన్ ఇస్తే, ఇంకా ఎందుకు ఆగుతుంది ?

జగన్ మోహన్ రెడ్డి తాజాగా చేసిన మంత్రివర్గ విస్తరణలో కొన్ని అనుహ్య నిర్ణయాలు ఉన్నాయి. కొన్ని బలమైన సామజికవర్గాలకు క్యాబినెట్ లో అసలు చోటు కూడా లేకపోవటం, కొన్ని బలమైన జిల్లాల నుంచి మంత్రులు ఎవరూ లేకపోవటం ఆశ్చర్య పరిచే అంశం. రాష్ట్రంలోని ఎనిమిది జిల్లాల నుంచి ఒక్కరికి కూడా క్యాబినెట్ పదవి లేదు. ముఖ్యంగా కృష్ణా జిల్లాలో ఒకే ఒక మంత్రి పదవి ఉండటం అందరినీ ఆశ్చర్య పరిచే అంశం. ఇక 4 కీలక సామాజిక వర్గాలైన వైశ్య, బ్రాహ్మణ, క్షత్రియ, కమ్మ వర్గాలకు ఒక్క పదవి కూడా లేకపోవటం కీలక అంశం. మన రాష్ట్ర చరిత్రలో ఎప్పుడూ లేని విధంగా, కమ్మ సామాజికవర్గం ప్రాతినిధ్యం లేకుండా మొదటి సారి క్యాబినెట్ ఏర్పడింది. మొన్నటి వరకు కొడాలి నాని కమ్మ సామాజికవర్గం నుంచి ఉండేవారు. ఇప్పుడు కొడాలి నానిని కూడా తీసి పడేయటంతో, కమ్మ సామాజికవర్గం నుంచి ఎవరూ లేకుండా పోయారు. మొదటి నుంచి జగన్ మోహన్ రెడ్డికి, ఆ పార్టీకి కమ్మ సామాజికవర్గం పై ద్వేషం ఉంది. కరోనా వైరస్ ని కూడా కమ్మ వైరస్ అనటం, రాజ్యంగబద్ధ పదవుల్లో ఉన్న ఎలక్షన్ కమీషనర్, సుప్రీం కోర్టు జడ్జిలను కూడా కులం పేరుతో తిట్టటం, ఇలా ఆ సామజిక వర్గం పై మొదటి నుంచి ద్వేషంతో ఉన్న జగన్, ఇప్పుడు ఆ ద్వేషాన్ని మంత్రివర్గ విస్తరణలో కూడా చూపించారు. ఇక మరో సామజికవర్గం అయిన ఆర్యవైశ్య సామాజిక వర్గం నుంచి నిన్నటి వరకు, వెల్లంపల్లి ఉండే వారు.

ఇప్పుడు వెల్లంపల్లిని తీసి వేయటంతో, ఆ సామజికవర్గానికి కూడా పదవి లేదు. క్షత్రియ రాజుల సామాజికవర్గం నుంచి కూడా శ్రీరంగనాథరాజున తీసేసినా, ఎవరినీ తీసుకోలేదు. ఇక బ్రాహ్మణ సామాజికి వర్గానికి ప్రాతినిధ్యం లభించలేదు. పోయిన ఎన్నికల్లో కమ్మ సామాజిక వర్గం 40 శాతం వరకు జగన్ కు ఓటు వేసింది. అలాగే 90% వరకు వైశ్య, బ్రాహ్మణ, క్షత్రియ వర్గాలు జగన్ కు ఓటు వేసాయి. గత మూడేళ్ళు కాలంగా, కమ్మ వాళ్ళని వెంటాడి వేటాడంతో, కమ్మ సామాజికవర్గం జగన్ కు దూరం అయ్యింది. ఇక రోశయ్యని అవమానించటం దగ్గర నుంచి సుబ్బారావు గుప్తా వరకు చేసిన పనులకు వైశ్య సామాజికవర్గం దూరం అయ్యింది. దేవాలయాల పై దా-డు-లు, మాట మార్పిడులతో బ్రాహ్మణ వర్గం దూరం అయ్యింది. రఘురామరాజుని వెంటాడి వేటాడటంతో, క్షత్రియ సామాజికవర్గం కూడా దూరం అయ్యింది. ఈ నాలుగు సామాజిక వర్గాలు ఇక మీకు ఓటు వేయవని, ఇప్పటికే బీసీలు టిడిపి వైపు చూస్తున్నారని, వారిని మరింత అటు మళ్ళకుండా, వీరికి పీకి వారికి పదవులు ఇవ్వలేని ప్రశాంత్ కిషోర్ చెప్పటంతో, జగన్ ఈ నిర్ణయం తీసుకున్నారని ప్రచారం జరుగుతుంది.

మేకతోటి సుచరిత.. హోంమంత్రిగా చేసిన మహిళ. దళిత సామాజికవర్గానికి చెందిన నేత కావటంతో, ఆమెకు సామాజిక సమీకరణాలతో మంత్రి పదవి ఇచ్చారు. పేరుకే హోంమంత్రి కానీ, ఆమె ఏ నాడు ఆ అధికారం వినియోగించ లేదనే చెప్పాలి. సుచరితకు షాడో మంత్రిగా సజ్జల ఉండే వారు. సజ్జల ఏమి చెప్తే అదే జరిగేది. పైకి పేరుకి మాత్రమే సుచరిత ఉన్నారు అని, హోంశాఖ మొత్తం సజ్జల చెప్పినట్టే నడుస్తుంది అనేది బహిరంగ రహస్యమే. నిన్న జరిగిన మంత్రివర్గ మార్పుల్లో సుచిరతకు స్థానం ఇవ్వలేదు. ఎస్సీల్లో, పాత వారిని అందరినీ ఉంచారు కానీ, సుచరితను మాత్రం పీకేసారు. వారికి ఉన్న అర్హతలు ఏమిటి, తనకు లేని అర్హతలు ఏమిటి అంటూ ఆమె రగిలిపోయారు. నిన్నటి నుంచి సుచరిత వర్గీయులు తీవ్ర ఆవేదన వ్యక్తం చేసారు. వైసీపీలో రెడ్లకు ఒక న్యాయం, ఎస్సీలకు ఒక నయయమా అని నినాదాలు చేసారు. ముఖ్యంగా సజ్జల రామకృష్ణా రెడ్డికి వ్యతిరేకంగా నిన్నటి నుంచి సుచరిత అభిమానాలు ఆగ్రహం వ్యక్తం చేసారు. సుచరిత అనేక సార్లు సజ్జలను కలవటానికి ప్రయత్నం చేసినా, సజ్జల కనీసం అపాయింట్మెంట్ కూడా ఇవ్వలేదని, సుచరిత అభిమానాలు ఆగ్రహం వ్యక్తం చేస్తున్నారు. సుచరితను, సజ్జల అవమానించారు అంటూ, సజ్జల డౌన్ డౌన్ అంటూ నినాదాలు చేసారు.

ఇక ఇక్కడ గమనించాల్సిన మరో అంశం, బాలినేని శ్రీనివాస్ రెడ్డి మంత్రి పదవి రాలేదని అలిగితే, సజ్జల ఆయన ఇంటి చుట్టూ, మూడు సార్లు తిరిగారు. చివరకు బాలినేనిని జగన్ వద్దకు తీసుకుని వెళ్లి సెటిల్మెంట్ చేసి పంపించారు. అయితే సుచరిత వద్దకు మాత్రం, నిన్న ఎంపీ మోపిదేవిని పంపించి, చేతులు దులుపుకున్నారు. ఈ రోజు ఆమె రాజీనామా చేస్తున్నా అని కార్యకర్తలతో ప్రకటించినా, ఎవరూ ఆమె వద్దకు వైసీపీ నుంచి రాలేదు. దీంతో సుచరిత వర్గీయులు మరింత ఆగ్రహం వ్యక్తం చేస్తున్నారు. బాలినేని శ్రీనివాస్ రెడ్డిని అంతలా బుజ్జగించి, సుచరితని కనీసం పట్టించుకోలేదని, హోం మంత్రి ఇచ్చి, ఏమి లాభం అంటూ నిరసన తెలిపారు. జగన్ కోసం, మొదటగా తన ఎమ్మెల్యే పదవికి రాజీనామా చేసింది సుచరిత అని గుర్తు చేస్తున్నారు. అలాగే ఆమె భర్తను వరం రోజుల్లో ట్రాన్స్ఫర్ చేసినా, ఆమె ఏమీ మాట్లాడలేదని, ఈ రోజు సుచరితకు ఇంత అన్యాయం జరిగితే, జగన్ మోహన్ రెడ్డి కనీసం పట్టించుకోలేదని ఆవేదన వ్యక్తం చేసారు.