news

వ్యక్తిగత సమాచార గోప్యత, ప్రైవసీ, ఆధార్ భద్రతపై దేశవ్యాప్తంగా తీవ్ర చర్చ నడుస్తున్న వేళ ఆసక్తికరమైన అంశం వెలుగులోకి వచ్చింది. భారత టెలికాం నియంత్రణ సంస్థ(ట్రాయ్‌) ఛైర్మన్‌ ఆర్‌ఎస్‌.శర్మ ఆధార్‌ నంబర్‌ను సామాజిక మాధ్యమాల్లో పోస్టు చేయడంతో ఆయనకు సంబంధించిన సమాచారం మొత్తం హ్యాకర్లు బయటపెట్టిన విషయం తెలిసిందే. తాజాగా.. ఆధార్‌ మరోసారి వార్తలోకెక్కింది. ఆధార్‌ గురించి సందేహాలు నివృత్తి చేసుకునేందుకు ఏర్పాటు చేసిన హెల్ప్‌లైన్‌ నంబరు చాలా మంది ఫోన్లలో తమకు తెలియకుండానే సేవ్‌ అయిందని పలువురు ఆందోళన చెందుతున్నారు. శుక్రవారం భారత్‌లోని స్మార్ట్‌ఫోన్‌ వినియోగదారుల ఫోన్‌ బుక్‌లో భారత విశిష్ఠ గుర్తింపు ప్రాధికార సంస్థ(ఉడాయ్‌) హెల్ప్‌లైన్‌ నంబరు డీఫాల్ట్‌గా సేవ్‌ అయినట్లు కొందరు నెటిజన్లు ట్విటర్‌లో గగ్గొలు పెడుతున్నారు.

దీనికి సంబంధించిన స్క్రీన్‌షాట్లను కూడా ట్విటర్‌ వేదికగా పోస్టు చేస్తున్నారు. ప్రస్తుతం ఆధార్‌ హెల్ప్‌లైన్‌ నంబరు 1947. దీని స్థానంలో కొత్తగా 1800-300-1947 నంబరు ఉడాయ్‌ పేరు మీద చాలా మంది ఫోన్లలో తమకు తెలియకుండానే డీఫాల్ట్‌గా సేవ్‌ అయినట్లు చెబుతున్నారు. దీనిపై నెటిజన్లు ట్విటర్‌ వేదికగా ఆందోళన వ్యక్తం చేస్తున్నారు. తమ ఫోన్లలో తమకు తెలియకుండానే నంబర్‌ సేవ్‌ అయిందని, ఫోన్‌ హ్యాక్‌ చేసి ఈ విధంగా ఎవరైనా చేస్తున్నారేమోనని ఆందోళన వ్యక్తం చేశారు. ‘నా ఫోన్‌ నంబరును ఆధార్‌తో అనుసంధానం చేసుకోకపోయినా ఇలా జరిగింది’ అని మరో నెటిజన్‌ ట్వీట్‌ చేశారు. దీనిపై ఉడాయ్‌ ఇప్పటి వరకు స్పందించలేదు.

అయితే ఇది ప్రభుత్వమే చేస్తుందా, లేకపోతే ఫోన్ లు హ్యక్ అవుతున్నాయో తెలియక ప్రజలు తికమక పడుతున్నారు. ఇంత జరుగుతున్నా, ప్రభుత్వం వైపు నుంచి ఎలాంటి స్పందన లేదు. కొంత మంది షేర్ చేసిన ట్వీట్లు ఇలా ఉన్నాయి. "Just spoke to the UIDAI chairman's office. They say they are not responsible for the 1800-300-1947 nmber mysteriously appearing on phones. This is therefore a mass hack attack." "Check your phone contacts: You may see an entry for UIDAI with the number 1800-300-1947. This has been pushed mysteriously thru the back end? If correct It means agencies can push anything into your phone without your knowledge. And extract anything."

వైఎస్‌కి నీడ అని ఆయనని పిలుస్తారు. వైఎస్‌ కోసం తన ప్రాణాలను కూడా ఫణంగా పెట్టే వ్యక్తి. మాటవరసకి వైఎస్‌ చెప్పాడని పోయి తన తలను గోడకి కొట్టుకున్న పిచ్చి అభిమాని. అలాంటివాడిని కూడా జగన్ తన వెంట నిలుపుకోలేకపోయాడు. అతనే రాజశేఖర్ రెడ్డి సహాయకుడు సూరీడు. ఇప్పుడు సూరీడు తెలుగుదేశం పార్టీలో చేరే అవకా శాలున్నాయి. ఈ మేరకు గురువారం ఆయన కడప జిల్లాళ్లు చెందిన మంత్రి ఆదినారాయణరెడిని వెలగపూడి సచివాలయంలో కలుసుకోవడం ప్రాధాన్యతను సంతరించుకుంది. వైఎస్ కుటుంబంతో దశాబ్దాల అనుబంధం కలిగిన సూరీడు ఇటీవలి కాలంలో కాంగ్రెస్లో క్రియాశీలకంగా ఉండి, గత ఎన్నికల్లో పోటీ చేసేందుకు ప్రయత్నించారు. అయితే పరిస్థితులు అనుకూలించకపోవడం, రాష్ట్ర విభజన జరిగిపోవడం వంటి కారణాలతో క్రియాశీల రాజకీయాలకు దూరంగా ఉంటూవస్తున్నారు.

ఆంధ్రప్రదేశ్లో తెలుగుదేశం ప్రభుత్వం అధికారంలో ఉండటంతో రాయలసీమకు చెందిన కొందరు మంత్రులతో, కొన్ని నెలలుగా సన్నిహితంగా ఉంటూ వస్తున్నారు. ఈ పరిణామాల నేపథ్యంలో సూరీడు తెలుగుదేశంలో చేరతారనే వార్తలకు బలం చేకూరింది. వైఎస్ మృతి అనంతరం జనగ్మోహనిరెడ్డితో కలిసి తన ప్రస్థానాన్ని సూరీడు కొనసాగిస్తారని అంతా భావించారు. అయితే వైఎస్ వద్ద లభించిన గౌరవం జగన్మోహన్ రెడ్డి వద్ద లభించదనే కారణంతో ఆయన ఆ కుటుంబానికి దూరమవుతూ వచ్చారని ప్రచారం జరుగుతోంది. మళ్ళీ సాధారణ ఎన్నికలు సమీపిస్తున్న తరుణంలో సూరీడు గురువారం వెలగపూడి సచివాలయానికి వచ్చి మంత్రి ఆదినారాయణ రెడ్డితో భేటీ కావడం ప్రాధాన్యతను సంతరించుకుంది. టీడీపీలో చేరే దిశగానే ఇరువురి మధ్య చర్చ జరిగినట్లు తెలుస్తోంది.

అయినా సూరీడు వస్తే ఏంటి ? ఏంటంటే… దాదాపు రెండు దశాబ్దాలకిపైగా వైఎస్ కుటుంబానికి సన్నిహితుడుగా ఉన్నాడు సూరీడు. కుంభకోణాల్లో చిక్కుకున్నా కోట్లకి కోట్ల ఆరోపణలు వచ్చినా జాగ్రత్తగా చేసుకోవాల, అని వైఎస్ బుజ్జిగా మందలించేవారు తప్పితే అతని మీద ఎలాంటి యాక్షనూ లేదు ఎప్పుడూ ! వైఎస్ మరణం తర్వాత ఇంట్లోనే ఉన్న సూరీడును జగన్ గట్టిగానే మెలిపెట్టాడు అంటారు. అప్పట్లో వ్యవహారాలన్నీ తవ్వితీసి, ఎంత వెనకేసేశావో కట్టమన్నాడని చెబుతారు. ఆ దెబ్బతో సూరీడు ఎటో వెళ్లిపోయాడు. మళ్లీ ఇన్నాళ్లకి, అది కూడా ఎలక్షన్ ముందు బైటకి వచ్చాడనే టాక్ నడుస్తోంది. మరి ఏం చెప్తాడు ? టీడీపీలోని ఓ మంత్రి, ఎమ్మెల్సీలతో టచ్ లో ఉన్నాడని అంటున్నారు. అసలకే సెల్ఫ్ గోల్స్ తో ఎటు పోతున్నాడో తెలియని జగన్ కి, ఇలాంటి సమయంలో సూరీడు లాంటి వాళ్లు ఇంటిగుట్టు బైటపడితే రాజకీయంగానే కాదు… జిల్లాలోనూ జగన్ దారుణంగా బోల్తా కొట్టే అవకాశాలుంటాయ్.

ఎన్డీఏ నుంచి బయటకు వచ్చిన తరువాత, ఆంధ్రప్రదేశ్ లో అనేక జాతీయ ప్రాజెక్ట్ లు అటకెక్కాయి... అప్పటికే జరుగుతున్న కొన్ని ప్రాజెక్ట్ లు మందగించాయి. ఇక, అమరావతిలో ముఖ్య పాత్ర పోషించే బెజవాడ సంగతి అయితే చెప్పే పనే లేదు. నగరానికి అత్యవసరమైన జాతీయ రహదారి ప్రాజెక్టుల విషయంలో అంతులేని జాప్యం నడుస్తోంది. భారీ వాహనాలు నగరం బయట నుంచే వెళ్లేందుకు రెండు జాతీయ రహదారులను విజయవాడ వెలుపలే అనుసంధానం చేసే విజయవాడ-గుండుగొలను ప్రాజెక్టు ఎక్కడ వేసిన గొంగళి అక్కడే అన్నట్టు ఉంది. నగరంలో అంతర్గత ట్రాఫిక్‌ సమస్యలు తగ్గించటానికి బెంజిసర్కిల్‌ రెండో వరుస ఫ్లై ఓవర్‌ పరిస్థితి కూడా అలాగే ఉంది. ఈ రెండు ప్రాజెక్టుల విషయంలో కేంద్రం తాత్సారం చేయటం, అనుమతుల్లో తీవ్ర జాప్యం చేస్తోంది.

బెంజిసర్కిల్‌ ఫ్లై ఓవర్‌ ప్రాజెక్టు అసంపూర్ణంగా ఉంది. ఒక వరస ఫ్లైఓవర్‌తోనే సరిపెట్టుకోవాలా? అన్నది ఇప్పుడు బెజవాడ ప్రజల మదిని తొలిచేస్తోంది. మొదటగా సెంట్రల్‌ డివైడర్‌ స్థానంలో నాలుగువరసల ఫ్లైఓవర్‌గా దీనిని నిర్మించాల్సి ఉంది. బెంజిసర్కిల్‌తోపాటు, విజయవాడ అందం దెబ్బతినకుండా ఉండటానికి రెండు వేర్వేరు ఫ్లై ఓవర్లుగా చెరో మూడు వరుసలతో మొత్తం అరు వరసల సదుపాయంతో కూడిన ప్రాజెక్టు సాకారం చేయాలని రాష్ట్రప్రభుత్వం భావించింది. దీనికి కేంద్రం సహకరించింది. మొదటి వరస ఫ్లైఓవర్‌ ప్రాజెక్టుకు సంబంధించి సహకారం బాగానే అందించింది. ఫ్లై ఓవర్‌ పనులు తుది దశకు చేరుకున్నాయి. రెండో వైపున ఫ్లై ఓవర్‌ నిర్మాణానికి రూ.110 కోట్ల వ్యయంతో అంచనాలు కేంద్రానికి పంపి ఆరు నెలలు గడుస్తున్నా ఇప్పటివరకు అతీగతీలేదు. దీనిపై ప్రతిష్ఠంభన నెలకొంది.

కేంద్ర ప్రభుత్వ ప్రాజెక్టులకు సంబంధించి రాష్ట్ర ప్రభుత్వం ఎలాంటి సవరింపులు చేసినా.. ఉద్దేశ్యపూర్వకంగా జాప్యం చేస్తోందన్న విమర్శలు ఉన్నాయి. ఈకోణంలో చూస్తే విజయవాడ-గుండుగొలను, బెంజిసర్కిల్‌ ఫ్లై ఓవర్‌లు ఉన్నాయి. దీంతోపాటు కనకదుర్గా ఫ్లైఓవర్‌ విషయంలో కూడా కేంద్రం నుంచి ఇబ్బందులు ఎదుర్కోవాల్సి వచ్చింది. కార్పొరేషన్‌ కార్యాలయం సమీపంలో కృష్ణాకెనాల్‌ నుంచి సబ్‌వేలకు అప్రోచ్‌ మార్గాన్ని వాల్‌తో కాకుండా పిల్లర్లు ఏర్పాటుచేయాలన్న ప్రతిపాదన రాష్ట్రప్రభుత్వం నుంచి వచ్చింది. ఈ ప్రతిపాదనను కేంద్రం అంగీకరించలేదు. ఫలితంగా రాష్ట్రప్రభుత్వం దీనికి అయ్యే వ్యయాన్ని భరించాల్సి వస్తోంది. ఇక గన్నవరం ఎయిర్ పోర్ట్ సంగతి కూడా అలాగే ఉంది. ఇప్పటి వరకు ఎక్కడా ఇంటర్నేషనల్ ఫ్లైట్ ల జాడ లేదు..