news

కాంగ్రెస్ మాజీ ఎంపీ ఉండవల్లి అరుణ్‌కుమార్‌, నిన్న ముఖ్యమంత్రి కార్యాలయం ఆహ్వానం మేరకు, అమరావతి వచ్చి చంద్రబాబుని కలిసిన విషయం తెలిసిందే. ఈ సమావేశంలో, ఉండవల్లి పలు ఆసక్తికర విషయం చంద్రబాబుకి చెప్పారు. రాష్ట్ర విభజన రాజ్యాంగ విరుద్ధంగా జరిగిందంటూ ఇటీవల ప్రధాని నరేంద్ర మోదీ చేసిన వ్యాఖ్యలనే ప్రధాన ఆయుధంగా మలచుకొని పార్లమెంటు వర్షాకాల సమావేశాల్లో పోరాటం చేయాలని సీఎం చంద్రబాబుకు మాజీ ఎంపీ ఉండవల్లి అరుణ్‌కుమార్‌ సూచించారు. రాష్ట్ర విభజన రాజ్యాంగ విరుద్ధంగా జరిగిందంటూ సుప్రీంకోర్టులో తాను వేసిన వ్యాజ్యం, రాష్ట్రపతి, ప్రధానికి గత ఏడాది తాను రాసిన లేఖల ప్రతులనూ బాబుకు అందజేశారు. రాష్ట్ర విభజన అంశంపైనా, దాని పై మోదీ చేసిన వ్యాఖ్యలపైనా పార్లమెంటు సమావేశాల్లో నిలదీయాలని సీఎంకు సూచించారు.

‘‘తలుపులు మూసి, రాష్ట్రాన్ని విభజించి ఆంధ్రప్రదేశ్‌కు కాంగ్రెస్‌ అన్యాయం చేసిందంటూ 2018 ఫిబ్రవరి ఏడున రాష్ట్రపతి ప్రసంగానికి ధన్యవాదాలు చెప్పే తీర్మానంపై ప్రధాని నరేంద్రమోదీ మాట్లాడుతూ వ్యాఖ్యానించారు. న్యాయం చేయాల్సిన వ్యక్తే మనకు అన్యాయం జరిగిందని అంగీకరిస్తున్నారు. ఆ అన్యాయాన్ని వారితోనే చెప్పించేందుకు ఈ పార్లమెంటు సమావేశాలే మంచి అవకాశం. అందుకే ఈ అంశంపై ప్రశ్నలు వేయడంతో పాటు జీరో అవర్‌ లో చర్చకు, స్వల్పకాలిక చర్చకు అవకాశమివ్వాలంటూ పట్టుబట్టాలని ముఖ్యమంత్రి చంద్రబాబుతో చెప్పాను’’ అని రాజమహేంద్రవరం మాజీ ఎంపీ ఉండవల్లి అరుణ్‌కుమార్‌ అన్నారు.

ఇదే విషయం ఉండవల్లి బయటకు వచ్చి మీడియా తో చెప్పారు ‘‘లోక్‌సభ నియమాలన్నింటినీ ఉల్లంఘించి..ఏపీ పునర్విభజన బిల్లు ఆమోదం పొందినట్లు 2014 ఫిబ్రవరి 18న ప్రకటించడం రాజ్యాంగ విరుద్ధం. దీనిపై లోక్‌సభలో చర్చ లేవనెత్తాలని నేను మొదటి నుంచీ చెబుతున్నా. ఇదే అంశంపై ముఖ్యమంత్రి చంద్రబాబుకు లేఖ రాయగా.. ఏమేం ఆధారాలు, పత్రాలున్నాయో తీసుకొచ్చి వివరించమని ఆయన కోరారు. ఆ మేరకు ముఖ్యమంత్రిని కలిశా. నేను రాసిన పుస్తకం, ప్రధాని, రాష్ట్రపతికి రాసిన లేఖలు, న్యాయస్థానంలో వేసిన ప్రమాణపత్రం ప్రతులు అందించా. ప్రధాని మోదీ వ్యాఖ్యలను దృష్టిలో పెట్టుకుని వర్షాకాల సమావేశాలు ప్రారంభం కానున్న నేపథ్యంలో లోక్‌సభలో ఎలా వ్యవహరిస్తే బాగుంటుదనే దానిపై కొన్ని సూచనలు, సలహాలిచ్చా. ఇక ఆలస్యం చేయొద్దని చెప్పా. మా భేటీ ప్రభావం రాబోయే సమావేశాల్లో లోక్‌సభ, రాజ్యసభలో కనిపిస్తుందనుకుంటా. మా భేటీకి ఎలాంటి రాజకీయ ప్రాధాన్యమూ లేదు. నేను ప్రస్తుతం ఏ పార్టీలోనూ లేను...భవిష్యత్తులో కూడా ఎందులోనూ చేరను.’’ అని వ్యాఖ్యానించారు.

వెలగపూడి సచివాలయంలో ముఖ్యమంత్రి చంద్రబాబుతో మాజీ ఎంపీ ఉండవల్లి అరుణ్‌కుమార్ భేటీ ముగిసింది. విభజన హామీల అమలు, పార్లమెంటులో పోరాటం పై కొద్ది రోజుల క్రితం ఉండవల్లి, ముఖ్యమంత్రికి లేఖ రాశారు. సీఎం కార్యాలయం ఆహ్వానం మేరకు ఉండవల్లి ఈ రోజు అమరావతికి వచ్చారు. గత కొంతకాలం ఏపీ విభజన హామీల పై అనేక సార్లు ప్రెస్ మీట్లు పెట్టారు. అనేక సందర్భాల్లో హోదా విషయంపై కేంద్రాన్ని ప్రశ్నిస్తూ వస్తున్నారు. కేంద్రం నుంచి ఏపీకి రావాల్సిన నిధులు, ఇప్పటి వరకు జరిగిన కేటాయింపులు, ఖర్చులకి సంబంధించి వాస్తవాలను వెలికితీసేందుకు జనసేన అధినేత పవన్‌ కల్యాణ్‌ ఏర్పాటు చేసిన జాయింట్‌ ఫ్యాక్ట్‌ ఫైండింగ్‌ కమిటీలో ఉండవల్లి కీలకపాత్ర వహించారు.

చంద్రబాబుతో భేటీ అనంతరం ఉండవల్లి మీడియాతో మాట్లడారు ‘‘నేనే ఏ పార్టీలో లేను. ఏ పార్టీలో చేరను. రాజీనామాలకు నేను వ్యతిరేకం. అయినా గతంలో నేను రాజీనామా చేయాల్సిన పరిస్థితి వచ్చింది. రాజ్యాంగ విరుద్ధంగా విభజన బిల్లును ఆమోదించారు. నేను గతంలో రాష్ట్రపతి, ప్రధానికి రాసిన లేఖలు, కోర్టుల్లో వేసిన పిటిషన్ల కాపీలను సీఎంకు అందజేశా. అన్ని విషయాలు ఆయనతో చర్చించాను. ఏ విధంగా పోరాటం చేస్తే మంచిదో చెప్పను. నా దగ్గర ఉన్నవి అన్నీ ఆయనకు ఇచ్చాను. ఈ భేటీలో ఎలాంటి రాజకీయం లేదు. రాష్ట్రం కోసం, ఎవరు పోరాడినా, నేను సహకరిస్తాను’’ అని చెప్పారు.

పార్లమెంటు తలుపులు మూసి ఏపీకి అన్యాయం చేశారని ఫిబ్రవరి 7, 2018న ప్రధాని మోదీ చేసిన వ్యాఖ్యలను ఈ సందర్భంగా చంద్రబాబుకు ఉండవల్లి గుర్తుచేశారు. ప్రధాని చేసిన వ్యాఖ్యలనే పార్లమెంటులో ప్రస్తావించాలని సీఎంను కోరానని, తన దగ్గర ఉన్న ఆధారాలను సీఎం చంద్రబాబుకు అందజేశానని పేర్కొన్నారు. ఏపీ విభజన బిల్లును ఆమోదించినప్పటి నుంచి రాజ్యాంగ విరుద్ధమని పోరాడుతున్నామని తెలిపారు. దేశ చరిత్రలో లోక్‌సభ నిబంధనలన్నీ ఉల్లంఘించి రాజ్యాంగ వ్యతిరేకంగా విభజన చట్టాన్ని ఆమోదించారని ఉండవల్లి తెలిపారు. బీజేపీ ప్రభుత్వం పై అవిశ్వాసం తీర్మానం పెట్టాడానికి ఏపీ ప్రభుత్వం సిద్ధమవుతున్న విషయం తెలిసిందే. దేశంలోని బీజేపీ, కాంగ్రెస్సేతర పార్టీలకు చంద్రబాబు లేఖ రాసి, మద్దతు ఇవ్వాలని కోరారు. ఈ నేపధ్యంలో ఉండవల్లి కూడా వచ్చి చంద్రబాబుతో చర్చించారు.

తిరుమల మహాసంప్రోక్షణ వివాదంపై ముఖ్యమంత్రి చంద్రబాబు నాయుడు స్పందించారు. మహాసంప్రోక్షణ విషయంలో గతంలో పాటించిన నిబంధనలే అమలు చేయాలని సీఎం చంద్రబాబు టీటీడీకి ఆదేశించారు. మహాసంప్రోక్షణ సమయంలోనూ భక్తులను దర్శనానికి అనుమతించాలని చంద్రబాబు సూచించారు. గతంలో మహా సంప్రోక్షణలో పాటించిన నిబంధనలను అనుసరించాలని తెలిపారు. మహాసంప్రోక్షణ సందర్భంగా ఆరు రోజుల పాటు భక్తుల దర్శనాలు నిలిపివేయాలని టీటీడీ నిర్ణయించిన విషయం తెలిసిందే. దీనిపై జరుగుతున్న వివాదంపై స్పందించిన చంద్రబాబు భక్తులకు ఇబ్బంది కలిగేలా నిర్ణయాలు ఉండొద్దని టీటీడీకి సూచించారు. రోజుల తరబడి భక్తులు ఎదురుచూసేలా చేయొద్దన్నారు. ఆగమ శాస్త్ర ప్రకారమే పూజాకైంకర్యాలు జరగాలన్నారు.

మహాసంప్రోక్షణ క్రతువు ఉన్నందున 9 రోజుల పాటు శ్రీవారి దర్శనానికి భక్తులకు అనుమతి నిరాకరిస్తున్నట్లు ప్రకటించింది. ఆగస్టు 9వ తేదీ సాయంత్రం ఆరు గంటల నుంచి ఆగస్టు 17 ఉదయం 6 గంటల వరకు వెంకన్న దర్శనానికి భక్తులను అనుమతించకూడదని ఈరోజు జరిగిన టీటీడీ పాలకమండలి సమావేశంలో నిర్ణయం తీసుకున్నారు. తిరుమలలో 12ఏళ్లకు ఒకసారి నిర్వహించే మహా సంప్రోక్షణ పై టీటీడీ ఈ నిర్ణయం తీసుకుంది. ప్రస్తుతం రోజూ తిరుమలకు వచ్చే వారి సంఖ్య లక్షకు పైగా చేరడంతో ఈ నిర్ణయం తీసుకున్నట్లు టీటీడీ చెబుతోంది. ఒకవేళ పరిమితంగా అనుమతించినా రోజుకు 20వేల మందికి మాత్రమే దర్శనం అవకాశం కలుగుతుందని మిగిలిన వారు క్యూలైన్లలో వేచి ఉండాల్సి ఉంటుందని అంటోంది.

అయితే, ఇలాంటి అవకాశం కోసం కాచుకుని కూర్చున్న జగన్ బ్యాచ్, బీజేపీ బ్యాచ్, రెండు రోజుల నుంచి రచ్చ రచ్చ చేస్తున్నాయి. తిరుమలలో తవ్వకాలు జరుపుతున్నారు అని, స్వామి వారి నగలు తరలిస్తున్నారని, ఇలా ఇష్టం వచ్చినట్టు ప్రచారం మొదలు పెట్టారు. ఆ సమయంలో స్వామి వారికి పూజలు చేస్తారు అని చెప్పినా వినకుండా, బ్రహ్మం గారు చెప్పారు, గుడి మూసేస్తారు అని, ఇప్పుడు చంద్రబాబు అలాగే చేస్తున్నారు అంటూ, హడావిడి చేసారు. దీంతో సామాన్య భక్తులకు కూడా అనుమానాలు మొదలయ్యాయి. తిరుమల ప్రతి ఒక్కరికి అవినాభావ సంబంధం ఉండటంతో, ఇలాంటి వాటికి కనెక్ట్ అయిపోతారు. అందుకే చంద్రబాబు వెంటనే ఈ విషయం పై స్పందించారు. భక్తుల మనోభావాలు దెబ్బ తినకూడదు అని, తిరుమల పవిత్రతని నాశనం చేసే పన్నాగాలు చేస్తున్నారని, వారికి అవకాశం ఇవ్వకూడదు అని, గతంలో మహా సంప్రోక్షణలో పాటించిన నిబంధనలను అనుసరించాలని, ఎంత మందికి దర్శనం వీలు అయితే అంత మందికి దర్శనం చేపించాలని సూచించారు..