news

శ్రీరాముడు పై వివాదాస్పద వ్యాఖ్యలు చేసిన వివాదాస్పద టీవీ ప్యానలిస్టు కత్తి మహేశ్‌కు హైదరాబాద్‌ పోలీసులు నగర బహిష్కరణ విధించిన సంగతి తెలిసిందే. తరచూ వివాదాస్పద వ్యాఖ్యలు చేస్తూ ఓ వర్గం వారి మనోభావాలను దెబ్బ తీస్తుండటంతో శాంతి భద్రతల పరిరక్షణ కోసం ముందు జాగ్రత్తగా ఈ నిర్ణయం తీసుకున్నట్లు తెలంగాణ రాష్ట్ర డీజీపీ మహేందర్‌రెడ్డి ప్రకటించారు. కత్తి మహేష్ ను చిత్తూరులోని అతని స్వస్థలానికి తరలిస్తున్నామని తెలంగాణ రాష్ట్ర డీజీపీ మహేందర్‌రెడ్డి చెప్పారు. ఆరు నెలల పాటు నగర బహిష్కరణ విధించిన అధికారులు, ఇతన్ని ఆంధ్రప్రదేశ్ పోలీసులకు అప్పగిస్తున్నామని నిన్న, మీడియాతో చెప్పారు. అతను హైదరాబాద్ తిరిగి రావటానికి వీలు లేదని చెప్పారు.

అయితే, ఈ విషయం తెలుసుకున్న ఆంధ్రప్రదేశ్ పోలీసులు అలెర్ట్ అయ్యారు. వెంటనే తెలంగాణా పోలీసులతో సంప్రదింపులు జరిపినట్టు సమాచారం. అతన్ని ఆంధ్రపదేశ్ పంపించటం ఏంటని ? తప్పు ఎక్కడైనా తప్పే కదా అంటూ ప్రశ్నించారు. అతన్ని ఆంధ్రపదేశ్ లో విడిచి పెడితే, మేము మళ్ళీ తీసుకువచ్చి హైదరాబాద్ లో విడిచి పెడతామని చెప్పినట్టు తెలిసింది. ఆంధ్రపదేశ్ పోలీసులు గట్టిగా చెప్పటంతో, తెలంగాణా పోలీసులు కూడా వెనక్కు తగ్గారని సమాచారం. అయితే, ఇప్పటి వరకు కత్తి మహేష్ ను పోలీసులు ఎక్కడ విడిచి పెట్టారో తెలియదు. కత్తి మహేష్ మాత్రం, సోషల్ మీడియాలో , నేను ఒక సేఫ్ ప్లేస్ లో ఉన్నాను అంటూ స్టేటస్ పెట్టాడు.

విశ్వసనీయ సమాచారం ప్రకారం కత్తి మహేశ్‌ను కర్ణాటకలోని ఆయన బంధువుల ఇంటికి తెలంగాణా పోలీసులు తరలించినట్లు తెలిసింది. ఆంధ్రపదేశ్ పోలీసులు కత్తి మహేష్ ను ఇక్కడ దింపితే, మేము మళ్ళీ తీసుకువచ్చి హైదరాబాద్ లో దింపుతాం అని చెప్పటంతో, తెలంగణా పోలీసులు, అతన్ని కర్ణాటక తరలించినట్టు తెలుస్తుంది. మరో పక్క, కత్తి శ్రీరాముడిపై కత్తి మహేశ్‌ వ్యాఖ్యలను నిరసిస్తూ శ్రీపీఠం అధిపతి సాధూ పరిపూర్ణానంద పాదయాత్ర తలపెట్టడంతో ఉద్రిక్తతలు తలెత్తాయి. ఇప్పటికీ ఆయన హౌస్ అరెస్ట్ లో ఉన్నట్టు తెలుస్తుంది. మొత్తానికి, ఇప్పుడున్న పరిస్థితిలో, కత్తి మహేష్ లాంటి వివాదాస్పదుడిని ఆంధ్రప్రదేశ్ లోకి రాకండ, ఆంధ్రపదేశ్ పోలీసులు చేసిన ప్రయత్నం ఫలించింది.

రంగం ఏదైనా, ప్రకటించే సంస్థ ఏదైనా... నెంబర్ వన్ అంటే ఆంధ్రప్రదేశ్ మాత్రమే అని మరోసారి రుజువైంది. ఒక విజనరీ చీఫ్ మినిస్టర్ ఉంటే ఇలాంటి ఫలితాలే ఒక రాష్ట్రానికి వస్తాయి. కొన్ని నెలలుగా ఈజ్ అఫ్ డూయింగ్ ర్యాంకులు ప్రకటన వాయిదా పడుతూ వస్తుంది. అయితే, ఎట్టకేలకు ఈ రోజు ఈజ్ అఫ్ డూయింగ్ ర్యాంకులు ప్రకటించారు. కేంద్రం, ప్రపంచ బ్యాంకు సంయుక్తంగా ఈ ర్యాంకులు ప్రకటించారు. ప్రతి ఆంధ్రుడు గర్వ పడేలా ఈ సారి కూడా ఆంధ్రప్రదేశ్ రాష్ట్రం, ఈజ్ అఫ్ డూయింగ్ బిజినెస్ లో నెంబర్ వన్ గా అవతరించింది. 2015లో మనమే టాప్ గా ఉన్నాం, 2016లో మనమే టాప్ గా ఉన్నాం, తాజాగా ప్రకటించిన 2017లో కూడా మనమే టాప్ లో ఉన్నాం.. ఇది ఒక విజనరీ ముఖ్యమంత్రిగా ఉంటే వచ్చే ఫలితాలు.

అయితే, గత సంవత్సరం నవంబర్ నెలలో, హైదరాబాద్ మీడియా చేసిన హంగామా అంతా ఇంతా కాదు. ఈజ్ అఫ్ డూయింగ్ బిజినెస్ ర్యాంకింగ్స్ ప్రకటించకుండానే, తెలంగాణా ఫస్ట్ అని, ఆంధ్రప్రదేశ్ 14వ స్థానంలో ఉంది అని ఎలా ఊదరగొట్టారో, సాక్షి లాంటి ప్రతికలు ఎలా రాసి మన రాష్ట్ర పరువు తీసారో చూసాం... తెలంగాణా ప్రభుత్వం ఇచ్చిన బ్రీఫింగ్ తీసుకుని, విషయం తెలుసుకోకుండా, ఆంధ్రప్రదేశ్ ఎక్కడో ఉంది అంటూ హేళన చేసారు... ఈ రోజు ఈజ్ అఫ్ డూయింగ్ బిజినెస్ లో ఆంధ్రప్రదేశ్ నెంబర్ వన్ గా ఉంది... మరి ఇప్పుడు హైదరాబాద్ మీడియాకి, ఇవి చూపించే దమ్ము ఉందా ? బ్రేకింగులు వేసే దమ్ము ఉందా... మొన్న ఆంధ్రప్రదేశ్ ను హేళన చేసినట్టు, ఈ రోజు తెలంగాణా రాష్ట్రాన్ని హేళన చేసే దమ్ము ఉందా ?

ఈజ్ అఫ్ డూయింగ్ బిజినెస్... గత రెండు సంవత్సరాలుగా, ఆంధ్రప్రదేశ్ ఎప్పుడూ ఫస్ట్ వస్తుంది... దేశంలో అన్ని రాష్ట్రాల కంటే, మన రాష్ట్రం ఫస్ట్ ఉంటూ వస్తుంది... కేంద్ర ప్రభుత్వం అంతర్జాతీయ ప్రమాణాలతో కూడిన 340 అంశాలను పరామీటర్స్ గా తీసుకుని, ర్యాంకింగ్స్ ఇస్తారు... ఈ సంవత్సరం కూడా, ఇవన్నీ క్రోడీకరించి ఈ ర్యాంకింగ్స్ ఇచ్చారు. ఈ పరామీటర్స్ అన్నీ రాష్ట్ర ప్రభుత్వాలు వెబ్సైటులో (http://eodb.dipp.gov.in/) అప్డేట్ చెయ్యాలి... అవన్నీ ఇవాల్యేట్ చేసి ర్యాంకింగ్స్ ఇస్తారు. ఐటి కంపెనీలు సహా ఎలక్ట్రానిక్స్ తయారి కంపెనీలు. ఆటో మొబైల్ రంగంలో కూడా ఈ రాష్ట్రాలు అగ్రగామిగా ఉన్నాయి. ఆంధ్రప్రదేశ్ లో కియా మోటార్స్ వంటి పరిశ్రమలు వేగంగా పనులు ప్రారంభించడానికి ఆంధ్రప్రదేశ్ ప్రభుత్వ౦ అనుసరిస్తున్న విధానాలే కారణం. ఇక ఐటి పరిశ్రమల విషయంలో కూడా ఆంధ్రప్రదేశ్ వేగంగా అనుమతులు ఇస్తున్న సంగతి తెలిసిందే.

ఎన్నికలు దగ్గర పడుతూ ఉండటంతో రాష్ట్రంలోని వివిధ పార్టీలు వివిధ రూపాల్లో ప్రజాక్షేత్రంలోకి వస్తున్నాయి. కేంద్రం, రాష్ట్రంలో మారుతున్న రాజకీయ సమీకరణలు, పార్టీలు చేపడుతున్న వివిధ కార్యక్రమాల ప్రభావంతో అనంతపురం జిల్లా రాజకీయాలు కూడా వేడెక్కుతున్నాయి. ఫలితంగా రానున్న మూడు, నాలుగు నెలల్లో జిల్లా రాజకీయ ముఖచిత్రం కూడా మారబోతోంది. క్షేత్రస్థాయిలో బలం పెంచుకునే క్రమంలో భాగంగా జిల్లాలో పాగా వేసేందుకు బీజేపీ కసరత్తు మొదలుపెట్టింది. ఇటీవల ఆ పార్టీ రాష్ట్ర అధ్యక్షుడు కన్నా లక్ష్మీనారాయణ జిల్లాలో పర్యటించి పార్టీ శ్రేణులకు దిశానిర్దేశం చేశారు. మరోవైపు రాష్ట్ర విభజనతో అడ్రస్ గల్లంతైన జాతీయ పార్టీ కాంగ్రెస్ రాబోయే ఎన్నికల్లో ఉనికి చాటుకోవడానికి పాత నేతల్ని, జిల్లా నాయకుల్ని కలుపుకునేందుకు కార్యాచరణ మొదలు పెట్టింది.

పీసీపీ చీఫ్ ఎన్.రఘువీరారెడ్డి అనంతపురం జిల్లా వాసి కావడంతో పార్టీ వీడిన నేతలను సమీకరించేందుకు ఉత్సాహం చూపుతున్నారు. ఏఐసీసీ జనరల్ సెక్రటరీ, కేరళ మాజీ సీఎం ఊమెన్ చాందీ ఈనెల 23న అనంతపురం జిల్లా పర్యటనకు రానున్నారు. వైఎస్‌ఆర్ కాంగ్రెస్ పార్టీ ‘వంచనపై నిరసన దీక్ష’ చేపట్టింది. అదే సమయంలో సీపీఐ జాతీయ నేతలు కూడా జిల్లాలో పర్యటించారు. జనసేన అధినేత పవన్ కల్యాణ్ ఈ నెలలోపు జిల్లాలో పర్యటించేందుకు కార్యాచరణ రూపొందిస్తున్నట్లు సమాచారం.

టీడీపీ నవ నిర్మాణదీక్ష, ఏరువాక, ఇంటింటికీ టీడీపీ వంటి కార్యక్రమాలతో ప్రభుత్వ అభివృద్ధి, సంక్షేమ పథకాలను ప్రజల్లోకి తీసుకెళ్లే ప్రయత్నం చేసింది. కడప ఉక్కు.. ఆంధ్రుల హక్కు పేరుతో చేపట్టిన ఆమరణ నిరాహారదీక్షల ప్రభావం కూడా అనంతపై పడింది. కేంద్రంపై వత్తిడి కొనసాగింపులో భాగంగా వెనుకబడిన ప్రాంతాల అభివృద్ధి పేరుతో టీడీపీ ఎంపీలు చేపట్టిన ధర్మ పోరాటదీక్ష ఈ నెల 11న అనంతపురంలో నిర్వహించేందుకు భారీ ఏర్పాట్లు జరుగుతున్నాయి. అన్ని పార్టీలూ బీసీ, ఎస్సీ, ఎస్టీ, మైనార్టీ ఓటర్లను తమవైపు తిప్పుకునేందుకు ఎత్తుగడలు, వ్యూహాలకు పదును పెడుతున్నాయి. మారుతున్న రాజకీయ పరిణామాలు అనంతపై ప్రభావం చూపుతుండటంతో పార్టీల పొత్తులు, టికెట్ల కేటాయింపు విషయంలో స్పష్టత కోసం అధిష్టానం నిర్ణయంపై ఆధారపడుతున్నారు. ఎవరికి టికెట్ వస్తుందో, ఎవరికి రాదోనన్న ఆందోళన జిల్లా టీడీపీ నేతలను వెంటాడుతున్నా, నియోజకవర్గాల్లో చురుగ్గా పాల్గొంటుండటం గమనార్హం.