news

తిరుమల శ్రీవారి ఆలయ మాజీ ప్రధాన అర్చకులు రమణ దీక్షితులు ఇటీవల తిరుమల తిరుపతి దేవస్థానంపై చేసిన ఆరోపణలు అన్నీ పచ్చి అబద్ధాలు అని వాద్వా కమిటీ రిపోర్ట్ చెప్తుంది... అంతే కాదు, ఈ వ్యవహారం మొత్తం రమణ దీక్షితులకు అన్ని విషయాలు తెలుసని, కూడా ఈ రిపోర్ట్ చుస్తే అర్ధమవుతుంది... అన్నీ తెలిసి కూడా, రమణ దీక్షితులు, స్వామి వారితో ఎందుకు రాజకీయం చెయ్యాలని అనుకున్నారు ? ఎవరి ఒత్తిడితో, ఎవరి ప్లాన్ తో ఇవన్నీ చేసారో తేలాల్సి ఉంది... ముఖ్యంగా రమణ దీక్షితులు ఒక భయంకర ఆరోపణ చేసారు... స్వామి వారికి ఒక పింక్ డైమెండ్ ఉండేది అని, 2001లో స్వామి వారికి గరుడ సేవ చేసే సమయంలో, అది పగిలి ముక్కలు అయ్యింది అని, అప్పుడు అది జాగ్రత్త చేసామని, కాని ఇప్పుడు అది కనిపించకుండా పోయింది అని, దాన్ని విదేశాల్లో కొన్ని వేల కోట్లుకి అమ్మేశారని ఆరోపణ చేసారు...

కాని అది తప్పు అని, ఈవో ఏకే సింగాల్ ఇప్పటికే వివరణ ఇచ్చారు. జస్టిస్ జగన్నాథ రావు కమిటీ నివేదికలోనే 2001లో పగిలిపోయింది డైమాండ్ కాదని, రూబీ అని పేర్కొందని సింఘాల్ చెప్పారు. పగిలిపోయిన రూబీ ముక్కలు ఇప్పటికీ టీటీడీ ఆధీనంలోనే ఉన్నాయని తెలిపారు. ఆలయంలో రహస్యంగా ఏమీ జరగడం లేదన్నారు... ఆ పగిలన ముక్కలు మీడియా ముందు కూడా ప్రదర్శించారు... అయితే ఇదే విషయం వాద్వా కమిటీ రిపోర్ట్ చూస్తే కూడా స్పష్టంగా తెలుస్తుంది... వాద్వా కమిటీ అంటే, ఎదో ఆషామాషీ కమిటీ కాదు. "Justice Wadhwa Committee comprising of 2 Justices, 2 IAS Officers (Ex EOs too); 1 Ex DGP, 1 Ex AP Press Academy Chairman"

వాద్వా కమిటీ రిపోర్ట్ ప్రకారం.. "16-09-2009న పింక్ డైమెండ్ పోయింది అనే ఆరోపణల గురించి ఎంక్వయిరీ చేసాము. 2001లో అప్పుడు పగిలింది పింక్ డైమెండ్ కాదని, రుబీ (కెంపు) అని మాత్రమే తేలింది. ఉత్సవ మూర్తులను, గరుడ సేవ నిమిత్తం ఊరేగింపుగా తీసుకు వెళ్తున్న సమయంలో, కొంత మంది భక్తులు, ముఖ్యంగా మహారాష్ట్ర నుంచి వచ్చిన భక్తులు స్వామి వారి పై coins వెయ్యటం వళ్ళ, ఆ రుబీ పగిలింది. డైమెండ్ అయితే అసలు పగలదు అనే విషయం అందరికీ తెలుసు. ఆ రుబీ కింద పాడినప్పుడు, ఆలయా ప్రధాన అర్చకుడు రమణ దీక్షితులు గారు, అది గుర్తించారు.. దీంతో ఆ ప్రదేశంలో అందరూ వెతకగా, ఆ రుబీ ముక్కలు అయ్యి కనిపించిది. ఇదే విషయం అప్పట్లోనే తిరువాభరణం రిజిస్టర్ లో కూడా ఎంటర్ అయ్యింది. ఆ పగిలిన ముక్కలు ఇప్పటికీ టిటిడి వద్ద బద్రంగా ఉన్నాయి. ఆ పగిలిన కెంపు స్థానంలో, పగడం పెట్టారు. 1945లో మైసూర్ మహారాజా గారు, అది ఇచ్చినప్పుడు ఆ కెంపు విలువ 50 రూపాయలు ఉంది. ఇదే విషయం ఒక కేసు విషయంలో, హై కోర్ట్ కి కూడా టిటిడి చెప్పింది" అంటూ వాద్వా కమిటీ రిపోర్ట్ లో స్పష్టంగా పెర్కున్నారు... మరీ అన్నీ తెలిసిన రమణ దీక్షితులు గారు, ఎందుకు అబద్దాలు ఆడతున్నారో, ఆ వెంకన్న దయతో త్వరలోనే వాస్తవాలు బయటకు తెలియాలని కోరుకుందాం...

గత రెండు మూడు రోజులుగా, రాష్ట్రంలో జరుగుతున్న విష ప్రచారం పై, రాష్ట్ర హోమ శాఖ ఒక మెసేజ్ ఇచ్చింది... ఇది రాష్ట్ర ప్రజలకు, హోం శాఖ ఇచ్చిన మెసేజ్ "శ్రీకాకుళం, విజయనగరం, ఇతర జిల్లాల్లో పార్ధీ గ్యాంగ్ సంచరిస్తుంది అంటూ జరుగుతున్న ప్రచారం అవాస్తవం. అమ్మాయలు, చిన్న పిల్లలను అపహరిస్తున్నారు అని, సోషల్ మీడియాలో తప్పుడు ప్రచారం చేస్తున్నారు. అవి ప్రజలు నమ్మకండి. ఆ తప్పుడు ప్రచారం చేసి, ప్రజలను భయపెడుతున్న వారి పై, విచారణ చేసి, సరైన ఆక్షన్ తీసుకుంటాం.." అంటూ హోం శాఖ ఒక ప్రకటనలో తెలిపింది.. దొంగలు ఇళ్లల్లో చొరబడి సొత్తు దోచుకోవడంతో పాటు మనషులపై దాడులు చేస్తున్నారని, చిన్న పిల్లలను అపహరించి హత్యలు చేస్తున్నారన్న వదంతులు వాట్సాప్‌ గ్రూపుల్లో వ్యాప్తి చెందటంతో గత కొన్ని రోజులుగా ప్రజలు భయభ్రాంతులకు గురి అవుతున్నారు..

గ్రామస్తులు కంటిమీద కునుకు లేకుండా కర్రల, మారణాయుధాలు చేత పట్టుకుని అర్ధరాత్రి సమయాల్లో కాపలా కాస్తున్నారు. గత మూడు రోజుల నుంచి అరబయట అరుగులపైనే పిల్లా పాపలతో సహా కాపలా కాస్తున్నారు. ఏ క్షణంలో ఏం జరుగుతుందోనని అందోళనకు గురవుతున్నారు. వీధుల్లో అనుమానంగా సంచరిస్తున్న గుర్తుతెలియని వ్యక్తులను పట్టుకుని పోలీసులకు అప్పగిస్తున్నారు. బంధువులు, తెలిసినవారు, గ్రామస్తులు వాట్సాప్ గ్రూపుల్లో ప్రతి నిమిషానికి సమాచారం పెట్టడం, మీ పిల్లలు, మీరు జాగ్రత్తగా ఉండడని పదే పదే ఫోనులు చేస్తుండటంతో భయమేస్తోందని గ్రామస్తులు అవేదన వ్యక్తం చేస్తున్నారు.

దీంతో పోలీసులు రంగలోకి దిగారు. సోషల్‌ మీడియాలో జరుగుతున్న ప్రచారం వాస్తవం కాదని పోస్టర్ల ద్వారా ప్రచారం చేస్తున్నారు. అంతేకాదు.. ఎలాంటి నరహంతక గ్యాంగ్‌లు రాలేదని, జనం ఆందోళన చెందవద్దని మైకుల్లో ప్రచారం చేస్తున్నారు. ప్రత్యేకంగా పికెటింగ్ ఏర్పాటు చేసి ప్రజల్లో అవగహన కార్యక్రమాలు నిర్వహిస్తున్నారు. ఇవి రాష్ట్రమంతా పాకటంతో, ఏకంగా రాష్ట్ర హోం శాఖ కూడా, ప్రకటన ఇవ్వాల్సి వచ్చింది. సోషల్ మీడియాలో వస్తున్న వార్తలపై పూర్తి సమాచారం కోసం వాట్సప్, ఫేస్‌బుక్ యాజమాన్యాలకు నోటిసులు పంపించామని, అవసరమైతే న్యాయపరంగా చర్యలు తీసుకుంటామన్నారు. ప్రజలకు ఎవరిపైనా అనుమానాలు ఉంటే పోలీసులకు ఫోన్ చెయ్యాలని చెప్పారు.

ఆపరేషన్ గరుడ అంటే ఏంటో అనుకున్నారు అందరూ.. మీ రాష్ట్రంలో అనిశ్చితి నెలకోల్పుతాం, రాష్ట్రం మొత్తం ఆందోళనలతోనే ఈ సంవత్సరం మీరు గడపాలి అన్నప్పుడు, చుక్కలు చూపిస్తాం అన్నప్పుడు, కేసులు వేసి అరెస్ట్ చేపిస్తాం అన్నప్పుడు, ఇవన్నీ రాజకీయ ఆరోపణలు అనుకున్నాం... కానీ అవే వాస్తవాలు.. ఈ గుజరాత్ ద్వయం చేస్తున్న కక్ష సాధింపు ఇది... మీరు మమ్మల్ని ఎదిరిస్తారా ? 13 జిల్లాల వారు, ఢిల్లీ పీఠాన్ని శాసిస్తారా అనే అహంతో, మన రాష్ట్రం మీద organizedగా దాడి జరుగుతుంది... ఒక పక్క కుల గొడవలు రేపటానికి, ఒకడిని లైన్ లో పెట్టి తిప్పుతున్నారు... మరో పక్క అవకాసం దొరికిన ప్రతిసారి, మతాల మధ్య గొడవలకు ప్లాన్ చేస్తున్నారు (గుంటూరులో జరిగిన సంఘటన)... మరో పక్క లేని వివాదాలు సృష్టించి రచ్చ రచ్చ చేస్తూ, ఎదో జరిగిపోయినట్టు వాతావరణం సృష్టిస్తున్నారు... వీరికి బీహార్ బ్యాచ్, చింతలబస్తీ బ్యాచ్ తోడు... అసలు ఈ తిరుమల ఇష్యూ, ఆపరేషన్ గరుడ అని ఎందుకు అనుకుంటున్నామో చూద్దాం...

అమిత్ షా కర్ణాటక ఎన్నికల ప్రచారం ముగించుకుని తిరుమల దర్శనానికి వచ్చారు... దర్శనానికి ముందు, అమిత్ షా తో, రమణ దీక్షితులు దాదాపు 40 నిమషాలు ఏకాంతంగా భేటీ అయ్యారు అనే సమాచారం బయటకు వచ్చింది... అప్పుడు ఎవరూ పెద్దగా సీరియస్ గా తీసుకోలేదు... అమిత్ షా వెళ్ళిన రెండో రోజే, రమణ దీక్షితులు, చెన్నై వెళ్లి ప్రెస్ మీట్ పెట్టి ఆరోపణలు చేసారు... అందులో ప్రధానమైనవి, స్వామి వారికి నైవేద్యం సరిగ్గా పెట్టటం లేదు అని, పింక్ డైమండ్ పోయింది అని, పోటులో నేలమాలిగల్లో నిధి తవ్వేసారు అని... కాని అవన్నీ అవాస్తవాలు అని తేలాయి.. స్వమి వారికి నైవేద్యం సరిగ్గా పెట్టటం లేదు అనే ఊహే అసలు భయంకరం, అంత సాహసం ఎవరు చేస్తారు ? అసలు టిటిడి రికార్డ్స్ లో పింక్ డైమండ్ అనేది లేదు అని రికార్డు లు చెప్తున్నాయి.. అలాగే పోటులో నేలమాలిగలు అనేవి పచ్చి అబద్ధాలు అని పురావస్తు శాఖ డైరెక్టర్ చెప్పారు... ఇన్ని చెప్పినా, నిన్న ఒక పెద్ద నేషనల్ వైడ్ క్యంపైన్ నడిచింది...

ఉన్నట్టు ఉండి, బీజేపీకి అత్యంత ప్రీతి పాత్రుడు, రిపబ్లిక్ టీవీ అర్నాబ్, ఈ విషయం పై నిన్నటి నుంచి రచ్చ రచ్చ చేసాడు.. ఇక్కడ ట్విస్ట్ ఏంటి అంటే, మిగతా ఏ నేషనల్ మీడియా ఈ విషయం పై కనీసం స్క్రోలింగ్ కూడా వెయ్యలేదు... రిపబ్లిక్ టీవీ వెయ్యగానే, బీజేపీ సోషల్ మీడియా పైడ్ బ్యాచ్, విషం చిమ్మటం మొదలు పెట్టింది... మొత్తం ఒక organized అట్టాక్ స్టార్ట్ అయ్యింది... ఎంత మంది అధికారులు, అర్చకులు, రమణ దీక్షితులు ఆరోపణలు తప్పు అని చెప్పినా, వీళ్ళు మాత్రం, బీజేపీ స్క్రిప్ట్ ప్రకారం నడుచుకున్నారు.. వీరికి ఎవరైనా ఎదురు వెళ్తే, వారు హిందూ వ్యతిరేకులు అని ప్రచారం చెయ్యటం వీరికి బాగా అలవాటు.. అందులో భాగమే ఈ కుట్ర... అయితే ఈ కుట్ర కు సంబంధించి, మరో అతి పెద్ద ఆధారం బయట పడింది... పోయిన శుక్రవారం, రమణ దీక్షితులు, ఢిల్లీ వెళ్లి అమిత్ షా ని కలసిన ఫోటోలు బయటకు వచ్చాయి.. అలాగే ఆయన ప్రధానికి అత్యంత దగ్గర అధికారాని కూడా కలిసినట్టు చెప్తున్నారు... మరి ఇదంతా కుట్ర కాక, ఇంకా ఏమిటి ? అయినా దీక్షితులు గారిని స్వామి సేవ చెయ్యమంటే, అమిత్ షా సేవ చెయ్యటం ఏంటి ? అమిత్ షా ఒక సాధారణ ఎంపీ.. అయనను వెళ్లి గెస్ట్ హౌస్ లో కలవాల్సిన అవసరం, ఏమి ఉంటుంది... అమిత్ షా సేవ చేసి వచ్చి, స్వామీ వారికి సేవ చేస్తారా ? ఒక్కటి మాత్రం నిజం, ఇందులో ఎవరిది తప్పు ఉన్నా, వెంకన్న చూస్తూ ఊరుకోడు... అందరి లెక్కలు సరి చేస్తాడు... వడ్డీతో సహా...