news

ఆర్ధికంగా రాష్ట్రం ఎన్ని కష్టాలు ఎదుర్కొంటున్నా తాను వస్తున్నా మీకోసం పాదయాత్రలో ఇచ్చిన హామీని నెరవేరుసక్తూ ఈమూ రైతులకు రుణమాఫీ చేశామని ముఖ్యమంత్రి చంద్రబాబు నాయుడు అన్నారు. ఈమూ రైతులకు జీవో నెం. 14 ద్వారా రుణ మాఫీ చేసినందుకు ఎంపీ మాగంటి బాబు, రైతు సంఘం నేతలు కంతేటి వెంకటరాజు ఆధ్వర్యంలో రైతుల వచ్చి సచివాలయంలో మంగళవారం రాత్రి ముఖ్యమంత్రి చంద్రబాబును కలసి సత్కరించారు. ఈ సందర్భంగా ముఖ్యమంత్రి మాట్లాడుతూ ‘వస్తున్నా మీకోసం’ పాదయాత్రలో ఇచ్చిన ప్రతి హామీని అమలుపరుస్తున్నామని చెప్పారు. ఈమూ రైతుల రుణాలు మాఫీ అయినందుకు సంతోషంగా ఉందని అన్నారు.

ఇదిలా ఉంటే కేంద్ర ప్రోత్సాహంతో 2008-09 సంవత్సరంలో చిన్న, సన్నకారు రైతులకు దన్నుగా ఉండాలన్న లక్ష్యంతో నాబార్డు బ్యాంకర్ల సహకారంతో రైతులచే ఈమూ పక్షుల పెంపకాన్ని ప్రోత్సహించింది. అయితే ఈమూ పక్షుల ప్రాసెసింగ్ యూనిట్స్ కానీ, మార్కెటింగ్ కానీ లేనంద వల్ల, పక్షులను పెంచిన రైతులందరూ కూడా పూర్తిగా నష్టపోయారు. అలాంటి కష్టకాలంలో ఈమూ రైతుల బాధలను మాగంటి, కంతేటి తదితరులు ‘వస్తున్నా మీకోసం’ పాదయాత్రలో భాగంగా వచ్చిన నాటి ప్రతిపక్షనేత చంద్రబాబు నాయుడి దృష్టికి తెచ్చారు. ఆనాడు ఈమై రైతుల కష్టాలను విని చలించిన చంద్రబాబు తాను అధికారంలోకి వచ్చాక పూర్తి న్యాయం చేస్తానని హామీ ఇచ్చారు.

అధికారంలోకి రాగానే సమస్యను సావధానంగా అధ్యయనం చేశారు. పలుమార్లు ఈ అంశంపై మాగంటి, కంతేటి ముఖ్యమంత్రిని కలిశారు. అదేవిధంగా ఈ సమస్యను ముఖ్యమంత్రి గారు ఎస్.ఎల్.బి.సి సమావేశంలో ప్లానింగ్ బోర్డు వైస్ చైర్మన్ సిహెచ్. కుటుంబరావుతో కలసి బ్యాంకర్లకు వివరించారు. బ్యాంకర్లు కూడా సానుకూలంగా ముఖ్యమంత్రి సూచనలను పరిగణనలోకి తీసుకున్నారు. రాష్ట్ర ప్రభుత్వం అసలు లో 50%, 25% బ్యాంకర్లు, 25% రైతులు భరించే విధంగా ఈ నిష్పత్తిలో వారికి న్యాయం చేసేందుకు, పూర్తిగా వడ్డీమాఫీ చేయడానికి ఎస్.ఎల్ .బి.సిలో తీర్మానం చేయించారు.

ముఖ్యమంత్రిని సత్కరించిన ఈమూ రైతులు... ఇదే విధంగా జీవో నెం..14 ద్వారా ఈమూ రైతులకు రుణమాఫీకి ఆదేశాలు జారీ చేసినందుకు మంగళవారం కంతేటి వెంకటరాజు ఆధ్వర్యంలో ఈమూ రైతులు ముఖ్యమంత్రి చంద్రబాబును కలిసి సత్కరించారు. ముఖ్యమంత్రి వీరికి మిఠాయిలు తినిపించారు. ఈ కార్యక్రమంలో ఏలూరి ఎంపీ మాగంటి బాబు, మంత్రులు ప్రత్తిపాటి పుల్లారావు,సోమిరెడ్డి చంద్రమోహనరెడ్డి, నారాయణ, రాజమండ్రి ఎంపీ మాగంటి మురళీ మోహన్, ఎమ్మెల్యేలు చింతమనేని ప్రభాకర్, ఈమూ రైతు నాయకులు కాకాని శ్రీనివాసరావు, వల్లూరు వంశీ కృష్ణ, కర్నాటి అశోక్ బాబు, కర్నాటి అజయ్ బాబు తదితరులు పాల్గొన్నారు.

ప్రజల ఆకాంక్ష నెరవేరడానికి సీఎం చంద్రబాబు ‘ధర్మ పోరాట దీక్ష’... ప్రత్యేక హోదాతోపాటు రాష్ట్రానికి ఇచ్చిన హామీల అమలులో కేంద్రం నిర్లక్ష్యాన్ని నిరసిస్తూ ముఖ్యమంత్రి చంద్రబాబు తలపెట్టిన దీక్షకు ‘ధర్మ పోరాట దీక్ష’ అని పేరు పెట్టారు. తన పుట్టిన రోజైన ఈనెల 20వ తేదీన బాబు దీక్ష చేయనున్నారు. విజయవాడలోని ఇందిరాగాంధీ మునిసిపల్‌ స్టేడియంలో ఉదయం 7 గంటల నుంచి రాత్రి 7 గంటల వరకు 12 గంటలపాటు నిరశన దీక్ష చేస్తారు. పలువురు మంత్రులు, ఎంపీలు, ఎమ్మెల్యేలు, ఎమ్మెల్సీలు కలిసి సుమారు 150 మంది చంద్రబాబుతో దీక్షలో పాల్గొంటారు. స్టేడియంలో 10 వేల మంది కూర్చునేలా ఏర్పాట్లు చేస్తారు. 68ఏళ్ల వయసులో ముఖ్యమంత్రి హోదాలో చంద్రబాబు చేపడుతున్న ఈ దీక్షకు ప్రజలంతా మద్దతివ్వాలని ప్రభుత్వం కోరింది. 68 ఏళ్ల వయసులో కూడా తన పుట్టిన రోజు నాడు దీక్షకు కూర్చుంటున్న ముఖ్యమంత్రి చంద్రబాబునా యుడిని ఇతర పార్టీల నేతలు, సంఘాల నాయకులు , ప్రజలు ఆదర్శంగా తీసుకోవాలి.

విజయవాడలోని ఇందిరాగాంధీ మునిసిపల్‌ స్టేడియంలో ముఖ్యమంత్రి దీక్ష చేస్తారు. దీని ఏర్పాట్లను కృష్ణా జిల్లా కలెక్టర్‌ పర్యవేక్షిస్తారు. పలు పార్టీల నేతలు, అఖిలపక్ష నేతలు ఇందులో పాల్గొంటారు. మైదానంలో రెండు వేదికలు ఏర్పాటు చేస్తారు. ప్రధాన వేదికపై చంద్రబాబుతోపాటు 150 మంది కూర్చుంటారు. మరో వేదికపై సాంస్కృతిక కార్యక్రమాలు నిర్వహిస్తారు. ప్రత్యేక హోదాతో పాటు రాష్ట్ర విభజన చట్టంలో పేర్కొన్న అంశాల అమలులో ఏపీకి జరుగుతున్న అన్యాయాన్ని దేశ ప్రజల దృష్టికి తీసుకెళ్లడమే ధర్మ పోరాట దీక్ష లక్ష్యమని ప్రభుత్వ వర్గాలు పేర్కొంటున్నాయి.

అన్ని పార్టీలు, పక్షాలకు ఆహ్వానం.. ధర్మ పోరాట దీక్షకు అన్ని పార్టీల నేతలను, అఖిలపక్ష నేతలను ఆహ్వానిస్తున్నామని నారా లోకేశ్‌ తెలిపారు. వారితో పాటు ప్రజా సంఘాలు, స్వచ్ఛంద సేవా సంస్థలు, మహిళా, వాణిజ్య, ఉపాధ్యాయ సంఘాలు, బార్‌ అసోసియేషన్‌, ట్రేడ్‌ యూనియన్లు, రిక్షా, ఆటో యూనియన్లు, విద్యార్థి సంఘాలతో పాటు వైద్యులు, ఇతర వృత్తుల వారంతా దీక్షలో పాల్గొనాలని కోరారు. ‘‘ఏపీకి జరుగుతున్న అన్యాయంపై దేశవ్యాప్తంగా చర్చ జరగాలి. ఢిల్లీలో కదలిక రావాలని ఈ పవిత్ర దీక్షకు ముఖ్యమంత్రి శ్రీకారం చుట్టారు. రాష్ట్ర విభజన చట్టం అమలులో కేంద్ర ప్రభుత్వం అనుసరిస్తున్న నిర్లక్ష్య వైఖరి తెలిపేలా సాంస్కృతిక కార్యక్రమాలు ఉంటాయి’’ అని తెలిపారు. విభజన కష్టాలున్నప్పటికీ ప్రభుత్వం సంక్షేమ, అభివృద్ధి పథకాలు అమలు చేస్తోందని... సాంస్కృతిక కార్యక్రమాలుంటాయని చెప్పారు.

ఆంధ్రుల్లో ఐక్యతను పాదుకొలపనున్న సీఎం దీక్ష ... ‘రాష్ట్రానికి కేంద్రం చేస్తున్న అన్యాయానికి, మోసానికి నిరసనగా ఐదు కోట్ల ఆంధ్రుల పక్షాన ముఖ్యమంత్రి తన పుట్టిన రోజునాడు ధర్మ పోరాట దీక్ష చేస్తున్నారు. అన్ని వర్గాల ప్రజలు ఈ దీక్షకు మద్దతు ఇచ్చి ఆంధ్రుల ఐక్యతను చాటనున్నారు... రాష్ట్ర విభజన సమయంలో సమన్యాయం కోసం 2013 అక్టోబరులో ఢిల్లీలో వారం రోజులపాటు చంద్రబాబు దీక్ష చేశారు.ఏపీకి ప్రత్యేక హోదా సాధనే ధ్యేయంగా ఐదు కోట్ల మంది తెలుగు ప్రజలు ఒకే మాట ఒకే బాటగా ముందుకు సాగుతున్నారు.. 2014 ఎన్నికల ముందు కనీస ధర్మం పాటించకుండా రాష్ట్రాన్ని రెండుగా విభజించారు. ఆదాయం వచ్చే హైదరాబాద్‌ను తెలంగాణాకు ఇచ్చి, పెద్దగా ఆదాయం లేని 13 జిల్లాలను ఆంధ్రాకు ఇవ్వడం 5 కోట్ల ప్రజలను ఆవేదనకు లోనుచేస్తోంది.

ఎన్నికల ప్రచారంలో భాగంగా తిరుపతి బహిరంగ సభలో ఏపీని అన్ని విధాలా ఆదుకుంటామని, రాజధాని నిర్మాణానికి సహకరిస్తామని మోదీ హామీ ఇచ్చి మాట తప్పారు. బీజేపీ నేతలు ఆ హామీని ఒకసారి గుర్తుకు తెచ్చుకోకుండా తిరిగి ఆంధ్రప్రదేశ్ అభివృద్ధికి గుదిబండగా మారుతున్నారు. ఏపీకి ప్రత్యేక హోదా, రైల్వేజోన్‌, విశాఖ స్టీల్‌ ప్లాంట్‌కు సొంత గనుల హామీలను అమలు చేయాల్సిన మోడీ ప్రభుత్వం మొండి చేయి చూపుతోంది. ఎన్నికల ముందు ఏపీకి వారు ఇచ్చిన హామీలను అమలు చేయాలని యావత్ ఆంధ్రుల కోరిక ఆకాంక్ష. తెలుగు ప్రజలు చాలా తెలివైనవారు, వారి ఆత్మగౌరవానికి భంగం కలిగితే ఏపీలో కాంగ్రెస్‌కు పట్టిన గతే బీజేపీకి కూడా పడుతుందన్న వాదన ప్రజల్లో నెలకొంది. రాష్ట్ర ప్రయోజనాలకోసం అన్ని పార్టీలు జెండాలు, అజెండాలు పక్కన పెట్టి పోరాటానికి సిద్ధపడాల్సిన సమయం ఆసన్నమైంది.

రాష్ట్రానికి ఇచ్చిన హామీల అమలులో కేంద్రం నిర్లక్ష్యాన్ని నిరసిస్తూ ముఖ్యమంత్రి చంద్రబాబు ‘ధర్మ పోరాట దీక్ష’ చేస్తున్న సంగతి తెలిసిందే. తన పుట్టిన రోజైన ఈనెల 20వ తేదీన బాబు దీక్ష చేయనున్నారు. విజయవాడలోని ఇందిరాగాంధీ మునిసిపల్‌ స్టేడియంలో ఉదయం 7 గంటల నుంచి రాత్రి 7 గంటల వరకు 12 గంటలపాటు నిరశన దీక్ష చేస్తారు. ఆయనకు మద్దతుగా దీక్షలో పాల్గొనేందుకు జిల్లా నుంచి పార్టీ శ్రేణులు తరలివెళ్లాలని భావిస్తున్నాయి. అయితే తెలుగు దేశం పార్టీ కూడా ఈ దీక్షను విజయవంతం చేయడానికి అందరి మద్దతును కోరుతోంది. ఇందులో భాగంగా ఇటీవల జరిగిన అఖిలపక్ష సమావేశానికి హాజరైన నేతలందరికీ దీక్షకు హాజరు కావాలని ఆహ్వానాలు పంపింది.

విశాఖ జిల్లా నుంచి సీనియర్‌ నాయకుడు మాజీ మంత్రి కొణతాల రామకృష్ణకు కూడా ఆహ్వానం అందింది. మంగళవారం ఉదయం రాష్ట్ర విద్యుత్‌ శాఖా మంత్రి కళా వెంకటరావు, సాయంత్రం నీటి పారుదల శాఖ మంత్రి దేవినేని ఉమలు వేర్వేరుగా ఫోన్‌ చేసి, కొణతాలను తప్పకుండా దీక్షకు హాజరు కావాలని కోరినట్టు తెలిసింది. ఇప్పటికీ కొణతాల రామకృష్ణ, ఏ పార్టీలో లేరు. ప్రస్తుతం, విశాఖ రైల్వే జోన్ కోసం పోరాడుతున్నారు.. చాలా రోజులుగా, జగన్ తన పార్టీలోకి లాగటానికి ప్రయత్నిస్తున్నా, ఆయాన మాత్రం, జగన్ పార్టీలో చేరటానికి మక్కువ చూపటం లేదు. ఈ నేపధ్యంలో, ఆయన చంద్రబాబుతో పాటు, విజయవాడ వచ్చి దీక్షలో కూర్చుంటారనే సమాచారం వస్తుంది.

ధర్మ పోరాట దీక్షకు అన్ని పార్టీల నేతలను, అఖిలపక్ష నేతలను ఆహ్వానిస్తున్నామని నారా లోకేశ్‌ తెలిపారు. వారితో పాటు ప్రజా సంఘాలు, స్వచ్ఛంద సేవా సంస్థలు, మహిళా, వాణిజ్య, ఉపాధ్యాయ సంఘాలు, బార్‌ అసోసియేషన్‌, ట్రేడ్‌ యూనియన్లు, రిక్షా, ఆటో యూనియన్లు, విద్యార్థి సంఘాలతో పాటు వైద్యులు, ఇతర వృత్తుల వారంతా దీక్షలో పాల్గొనాలని కోరారు. ‘‘ఏపీకి జరుగుతున్న అన్యాయంపై దేశవ్యాప్తంగా చర్చ జరగాలి. ఢిల్లీలో కదలిక రావాలని ఈ పవిత్ర దీక్షకు ముఖ్యమంత్రి శ్రీకారం చుట్టారు. రాష్ట్ర విభజన చట్టం అమలులో కేంద్ర ప్రభుత్వం అనుసరిస్తున్న నిర్లక్ష్య వైఖరి తెలిపేలా సాంస్కృతిక కార్యక్రమాలు ఉంటాయి’’ అని తెలిపారు. విభజన కష్టాలున్నప్పటికీ ప్రభుత్వం సంక్షేమ, అభివృద్ధి పథకాలు అమలు చేస్తోందని... సాంస్కృతిక కార్యక్రమాలుంటాయని చెప్పారు.