news

బీజేపీ ఎంపీ, ఏపీ బీజేపీ రాష్ట్ర అధ్యక్షుడు కంభంపాటి హరిబాబు ఎవరూ ఊహించని సంచలన నిర్ణయం తీసుకున్నారు. సోమవారం అర్ధరాత్రి అధ్యక్ష పదవికి రాజీనామా చేశారు. తన రాజీనామా లేఖను ఫ్యాక్స్ ద్వారా ఆ పార్టీ జాతీయ అధ్యక్షుడు అమిత్ షాకు పంపించారు. హరిబాబు ఆకస్మిక నిర్ణయానికి కారణాలేమిటో స్పష్టంగా తెలియడంలేదు. రాష్ట్ర బీజేపీలో ఒకవర్గం మొదటి నుంచి తెలుగుదేశం సర్కారుపై ధ్వజమెత్తుతుండగా... హరిబాబు సంయమనం పాటిస్తూ వస్తున్న సంగతి తెలిసిందే. ఆయన స్థానంలో మరొకరిని పారీ అధ్యక్షుడిగా నియమిస్తారని ఒక దశలో గట్టి ప్రచారం జరిగింది. ఇప్పుడు... పార్టీ కోరినందునే ఆయన అధ్యక్ష పదవిని వదులుకున్నారా, లేక తనంతట తాను ఈ నిర్ణయం తీసుకున్నారా అనేది తెలియాల్సి ఉంది.

కొద్ది రోజుల క్రితం ఎమ్మెల్సీ సోమువీర్రాజుకు రాష్ట్ర బీజేపీ అధ్యక్షపదవి ఇవ్వనున్నట్లు పెద్ద ఎత్తున వార్తలు వచ్చాయి. అన్నీ అనుకున్నట్లు జరిగితే త్వరలోనే ఆయన అధ్యక్ష పదవి స్వీకరిస్తారని ప్రచారం సాగింది. అధిష్టానం అధికారికంగా ప్రకటించడమే ఇక ఆలస్యం అని వార్తలు వచ్చాయి. అందుకే హరిబాబు చేత రాజీనామా చేయించారా? లేదా తనకు తానుగా ఆయన రాష్ట్ర బీజేపీ నేతలతో పోరు పడలేక రాజీనామా చేశారా? లేదా ప్రస్తుతం ఎలాగో ఎంపీ పదవి ఉంది గనుక ఈ కొద్ది రోజులు పార్టీలోనే ఉండి అనంతరం బీజేపీకి రాజీనామా చేసేసి భవిష్యత్ కార్యాచరణ ప్రకటిస్తారానే యోచనలో ఆయన ఉన్నట్లు విశ్వసనీయ వర్గాల సమాచారం.

ఎన్డీఏ నుంచి టీడీపీ బయటికొచ్చేసిన తర్వాత బీజేపీ నేతలను టార్గెట్ చేసిన అధికార పార్టీ నేతలు తీవ్ర విమర్శలు గుప్పిస్తూ దుమ్మెత్తి పోసిన సందర్భాలు కోకొల్లలు. అంతేకాదు ఇప్పటికీ కొందరు రాష్ట్ర బీజేపీ నేతలు.. టీడీపీకి వత్తాసు పలకడంతో ఆ మధ్య పార్టీ నేతల మధ్య చిన్నపాటి గొడవలు జరిగి మీడియాకెక్కారు. అప్పట్నుంచి హరిబాబు కాస్త అసంతృప్తితో ఉన్నారని తెలుస్తోంది. ఇదిలా ఉంటే అధికార పార్టీ నేతల విమర్శలు తిప్పికొట్టడంలో ప్రస్తుతమున్న అధ్యక్షుడు విఫలమయ్యారని అధిష్టానం భావించినట్లుగా తెలుస్తోంది. మరోవైపు ఎమ్మెల్సీగా ఉన్న సోము వీర్రాజు, ఎమ్మెల్యే విష్ణు కుమార్ రాజు, ఎమ్మెల్సీ మాధవ్‌‌ విమర్శలను తిప్పి కొట్టడంలో ముందు వరుసలో ఉన్నారని అందుకే సోముకు అధ్యక్ష పదవి కట్టబెట్టాలని అధిష్టానం నిర్ణయించినట్లు తెలుస్తోంది.

మక్కా మసీదు పేలుళ్ల కేసులో నిందితులపై ఉన్న నేరారోపణలు నిరూపణ కాని కారణంగా నాంపల్లిలోని స్పెషల్ ఎన్‌ఐఏ కోర్టు వారిని నిర్దోషులుగా ప్రకటించి, ఆ కేసుని కొట్టేసిన విషయం తెలిసిందే. ఈ తీర్పు పై ప్రజలు ఆశ్చర్యపోయారు... 8 మందిని చంపింది ఎవరు అంటూ, ప్రశ్నిస్తున్నారు... కొన్ని రాజకీయ పార్టీలు అయితే, ఈ తీర్పు వెనుకు ఒక పార్టీ ఉంది అంటూ ఆరోపిస్తున్నాయి... ఇవన్నీ వినిపిస్తూ ఉండగానే, పెను సంచలనం చోటు చేసుకుంది... ఉదయం మక్కా మసీదు పేలుళ్ల కేసులో తీర్పు ఇచ్చిన జడ్జి, సాయంత్రానికి రాజేనామా చేశారు... ఈ పరిణామంతో అందరూ షాక్ అయ్యారు... అసలు ఏమి జరిగింది అని ఆరాలు తెయ్యటం మొదలు పెట్టారు.. ఎవరి ఒత్తిడి వాళ్ళ ఆ తీర్పు ఇచ్చారో, అని ఉదయం చెప్పిన వాళ్ళు, ఇప్పుడు ఈ పరిణామంతో, వారి మాటలకు మరింత బలం వచ్చినట్టు అయ్యింది...

ఉదయం సంచలన తీర్పు ప్రకటించిన ఎన్ఐఏ కోర్టు న్యాయమూర్తి రవీందర్ రెడ్డి తన పదవికి రాజీనామా చేశారు. తీర్పు వెలువరించిన వెంటనే హైకోర్టు చీఫ్ జస్టిస్‌కు తన రాజీనామా లేఖను పంపించారు. తన రాజీనామా ఆమోదించేవరకు తనకు సెలవు ఇవ్వాలని కోరుతూ ఆ లేఖలో పేర్కొన్నారు. వ్యక్తిగత కారణాలతో తన పదవికి రాజీనామా చేస్తున్నానని చెబుతున్నప్పటికీ... గత కొన్ని రోజులుగా ఆయన తీవ్ర ఒత్తిళ్లు ఎదుర్కొంటున్నట్లు తెలియవచ్చింది. మక్కా మసీదు పేలుళ్ల కేసుకు సంబంధించి ఏమైనా ఒత్తిడిలు ఎదుర్కొంటున్నారా? ఇంకేమైనా ఒత్తిడులు ఉన్నాయా?. అనే ఆరోపణలు వస్తున్నాయి.

తీర్పు ఇచ్చిన కొద్దిసేపటికే ఆయన రాజీనామా చేయడం తీవ్ర సంచలనం కలిగిస్తుంది. తన రాజీనామాకు సంబంధించి ఇప్పుడేమీ మాట్లాడలేనని, రాజీనామా ఆమోదం పొందిన తర్వాత తాను చెప్పదలచుకున్న విషయాలను మీడియా సమావేశంలో మాట్లాడతానని రవీందర్ రెడ్డి చెప్పారు. ఇవాళ్టి తీర్పు తర్వాత బెదిరింపులు వచ్చినట్లు రవీందర్ రెడ్డి ఆయన మిత్రులతో చెప్పారని సమాచారం. వాస్తవానికి మరో రెండు నెలల్లో రవీందర్ రెడ్డి పదవీ విరమణ చేయాల్సి ఉంది. అసలు రవీందర్ రెడ్డి రాజీనామా వెనుక ఎం జరిగింది? ఎందుకు రాజీనామా చేశారన్నదానిపై సర్వత్రా చర్చజరుగుతోంది. కాగా రవీందర్ రెడ్డి తెలంగాణ జుడీషియల్ అధికారుల సంఘం నాయకుడు కావడం ప్రాధాన్యతను సంతరించుకుంది.

కేంద్రం అనుసరించిన వైఖరిపై ఏపీ ప్రజలు తీవ్ర అసంతృప్తితో ఉన్న సంగతి తెలిసిందే. ఆంధ్రప్రదేశ్ విభజన హామీల్లో రూపాయి ఖర్చు లేనిది, కేవలం మోడీ నిర్ణయం తీసుకుంటే అయిపోయేది ఏదన్న ఉంది అంటే, అది వైజాగ్ రైల్వే జోన్.. అయితే ఇప్పుడు దీన్ని కూడా పక్కన పడేసింది కేంద్రం... మొన్నటి దాక, అదిగో రైల్వే జోన్, ఇదిగో రైల్వే జోన్ అంటూ ఊరించారు... బీజేపీ ఎమ్మల్యే విష్ణుకుమార్ రాజు అసెంబ్లీలో, రైల్వే జోన్ తీసుకువచ్చి తీరుతాం, మా కేంద్రం పై, మాకు నమ్మకం ఉంది అంటూ, హడావిడి చేసారు... ఈ నేపధ్యంలో, ఈ విషయంలో రూపాయి ఖర్చు లేదు కాబట్టి, కనీసం ఇదైనా మన రాష్ట్రానికి వస్తుంది అని, అందరూ భావించారు.. కాని కేంద్రం, మన పై కక్ష కట్టింది... రైల్వే జోన్ లేదు అనే సంకేతాలు ఇస్తుంది..

అయితే ఇదే అంశం పై, విభజన చట్టంలో పేర్కొన్న హామీల్లో ఒకటైన విశాఖకు రైల్వేజోన్‌ అంశంపై తెదేపా ఎంపీ రామ్మోహన్‌ నాయుడు దీక్ష చేపట్టారు. విశాఖకు రైల్వేజోన్‌ కేటాయించాలని డిమాండ్‌ చేస్తూ శ్రీకాకుళం రోడ్డు శ్రీకాకుళం జిల్లాలోని ఆముదాలవలస రైల్వే స్టేషన్‌కి తమ కార్యకర్తలతో వచ్చిన ఆయన అక్కడే 12 గంటల దీక్షను ప్రారంభించారు. రేపు ఉదయం 7 గంటల వరకు ఆయన దీక్షను కొనసాగించనున్నారు. ఈ సందర్భంగా రామ్మోహన్‌నాయుడు మాట్లాడుతూ విభజన హామీల అమలులో కేంద్రం విఫలమైందని, హోదాతో పాటు రైల్వే జోన్ ఆంధ్రుల హక్కు అని అన్నారు.

కేంద్రంపై ఒత్తిడి తెచ్చేందుకే దీక్ష చేస్తున్నట్లు తెలిపారు. టీడీపీని దెబ్బతీయాలని బీజేపీ లక్ష్యంగా పెట్టుకుందని. ఒడిశా అభ్యంతరం చెప్పకపోయినా కేంద్రం మోకాలడ్డుతోందని వ్యాఖ్యానించారు. రాష్ట్రంపై కేంద్రం కుట్రలు పన్నుతోందని రామ్మోహన్ నాయుడు ఆరోపించారు. ఏపీకి రైల్వేజోన్ ఇచ్చేస్తున్నాం అని, ఒడిశాతో చర్చలుజరుపుతున్నామని, అవన్నీ ఒక కొలిక్కి వచ్చిన తరువాత, విశాఖ రైల్వేజోన్‌ను ప్రకటిస్తామని కొద్దిరోజుల క్రితమే కేంద్ర పెద్దలు స్పష్టం చేశారు. ఇది ఇలా ఉండగానే, కేంద్ర కేబినెట్ నుంచి టీడీపీ వైదొలిగింది. విభజన హామీలు నెరవేర్చాలని తెలుగుదేశం ఆందోళన చేస్తున్న నేపధ్యంలో, రెండు నెలల నుంచి అసలు రైల్వే జోన్ అంశమే కేంద్రం పట్టించుకోవటం లేదు...