news

గత పది రోజులుగా కేంద్రం, కెసిఆర్ తో ఆడిస్తున్న అవిశ్వాస డ్రామా ముగిసింది... కేంద్రం నుంచి గ్రీన్ సిగ్నల్ రావటంతో, ఇక అవిశ్వాస తీర్మానానికి అడ్డు పడ కూడదు అని తెరాస నిర్ణయం తీసుకుంది... గత పది రోజులుగా, తెలుగుదేశం, వైఎస్ఆర్ కాంగ్రెస్ పార్టీ అవిశ్వాస తీర్మానం ఇవ్వటం, డ్రామా ప్రకారం, కెసిఆర్ ఎంపీలు, అన్నాడీఏంకే ఎంపీలు వెల్ లో గోల గోల చెయ్యటం, నేను సభ్యులని లెక్కపెట్టాలి అని స్పీకర్ అనటం, వీళ్ళు మరింత ఆందోళన చెయ్యటం, దీంతో సభ్యుల ఆందోళన మధ్య స్పీకర్‌ సుమిత్రా మహాజన్‌ సభను రేపటికి వాయిదా వెయ్యటం, ఇది రోజు జరుగుతుంది...

అవిశ్వాసాని భయం లేదంటూనే, బీజేపీ ఇలా డ్రామాలు ఆడిస్తుంది అని, విపక్షలాన్నీ అంటున్నాయి... కెసిఆర్ థర్డ్ ఫ్రంట్ అంటూ డ్రామాలు ఆడుతున్నారని, సాటి తెలుగు వాడికి సాయం చెయ్యలేని వాడు, దేశాన్ని ఉద్దరిస్తాడా అంటూ, ఎద్దేవా చేసాయి... అయితే, దీని వెనుక కెసిఆర్ కు రాజ్యసభ ఎన్నికలు, అలాగే బీజేపీకి సొంత పార్టీ ఎంపీల నుంచి భయంతో ఇన్నాళ్ళు సాగదీసారు.. అయితే, అటు రాజ్యసభ ఎన్నికలు అయిపోవటం, ఇటు బీజేపీ అన్నీ సెట్ చేసుకోవటంతో, రేపు కాని, ఎల్లుండి కాని, అవిశ్వాసం పై, చర్చకు బీజేపీ రెడీ అవుతుంది.. అందులో భాగంగా, రేపు తెరాస కాని, అన్నాడీయంకే కాని ఆందోళన చెయ్యవు... తెరాస అయితే, ఈ విషయం ఇప్పటికే ప్రకటించింది కూడా...

ఇక రేపు అవిశ్వాసం ఎదుర్కుంటానికి బీజేపీ రెడీ అవుతుంది... అటు అద్వానీ వర్గం ఎంపీలను ఇప్పటికే చల్లబరిచారు.. ఇటు కొంత మంది విపక్షాలను కూడా లొంగదీసుకున్నారు.. ప్రభుత్వానికి భయం లేదు అని నిర్ధారణకు వచ్చిన తరువాత, ఇక ఇప్పుడు చర్చ అంటూ మొదలు పెట్టి, ఇక్కడ ఎన్ని డ్రామాలు ఆడుతారో చూడాల్సి ఉంది... ఏది ఏమైనా, మన రాష్ట్ర సమస్యలు దేశం మొత్తం వినిపించి, కేంద్రం చేస్తున్న అన్యాయాన్ని దేశానికీ చెప్పే అవకాసం ఉంది... మరి, అంత అవకాశం వీళ్ళు ఇస్తారో, బుల్డోజ్ చేసి పడేస్తారో చూడాలి...

10 రోజుల తరువాత బయటకు వచ్చాడు... మొన్న ఒక నాలుగు రోజులు హైదరాబాద్ నుంచి వచ్చి, ఇక్కడ హడావిడి చేసి, మళ్ళీ హైదరాబాద్ పోయాడు... ఏమైయ్యాడో తెలియదు.... ఆంధ్రప్రదేశ్ రాష్ట్రంలో ఎలాంటి పరిస్థితులు ఉన్నాయో తెలిసి కూడా, తెలంగాణలో ఉన్న ఆయన ఇంట్లో నుంచి బయటకు రాలేదు... మధ్యలో రెండు నేషనల్ చానల్స్ కి ఇంటర్వ్యూ ఇచ్చి, మోడీని ఆహా ఓహో అని పొగిడి, చంద్రబాబుని నాలుగు తిట్టి, నిన్న ఒక సినిమా ఫంక్షన్ కి పోయి, ఈ రోజు కమ్యూనిస్ట్ లతో మీటింగ్ ఒకటి పెట్టుకుని, హైదరాబాద్ లో కూర్చుని, మన రాష్ట్ర సమస్యల పై చర్చించామని చెప్పి, బయటకు వచ్చి, అమరావతి పై ఏడుపు కంటిన్యూ చేసాడు... అదేమన్నా లాజిక్ ఉందా అంటే ? లాజిక్ లేదు ఏమి లేదు...

ముందుగా అమరావతి, కేవలం తెలుగుదేశం పార్టీ రాజధాని మాత్రమే అంటూ, లోపల ఉన్న కులం అజెండా బయట పెట్టాడు... అయినా, అమరావతి 29 గ్రామాల్లో, అన్ని కులాల వారు హాయిగా ఉంటున్నారు... విజయవాడ, గుంటూరులో అన్ని కులాల వారు కలిసిపోయి, చక్కగా జీవిస్తున్నారు.. అయినా అమరావతి తెలుగుదేశం రాజాధాని అయితే, పవన్ కళ్యాణ్ గారు, ఆయాన ఇల్లు, ఆఫీస్, రెండు ఎకరాల్లో ఎందుకు కడుతున్నారో ? VIT, SRM లాంటి యూనివర్సిటీలు, తెలుగుదేశం రమ్మంటే వచ్చాయా ? ఆంధ్రప్రదేశ్ రమ్మంటే వచ్చాయా ? అక్కడ కడుతున్న స్కూల్స్, హోటల్స్, హాస్పిటల్స్, ఇవన్నీ దేశంలోనే టాప్ సంస్థలు... ఇవి తెలుగుదేశం రమ్మంటే వచ్చాయా ? ఆంధ్రప్రదేశ్ రమ్మంటే వచ్చాయా ? ఇక్కడ కేవలం తెలుగుదేశం వారు మాత్రమే ఉద్యోగాలు చేసి, కాపురాలు చేస్తారా ? కనీస అవగాహన ఉందా నీకు పవన్ ? ప్రశాంతంగా ఉన్న రాష్ట్రాన్ని, కులాల పేరు మీద విడదీసి, ప్రజలను రెచ్చగొట్టటం, నీలాంటి ఇమేజ్ ఉన్నవాడికి అవసరమా ?

పైన కులాన్ని లాగాడు.. ఇప్పుడు ప్రాంతాన్ని లాగి, ప్రాంతాల వారీగా రెచ్చగొడుతున్నాడు... అసలు ఈ వాదన అయితే మరీ వింత వాదన... ప్రజలను ప్రాంతాల వారీగా గోడలు కట్టుకుని అమరావతిలో ఉండమంటున్నాడు... ఉత్తరాంధ్ర, రాయలసీమ జిల్లాల నుంచి అమరావతిలో స్థిర పడదామనుకునే వారికి ఎలాంటి వసతులు కల్పిస్తారు? ఏదైనా ప్రదేశం వారికి ఉందా? అంటూ, 33 వేల ఎకరాల్లో, 2 వేల ఎకరాలు సీమ వాళ్ళు ఉండటానికి, 2 వేల ఎకరాలు ఉత్తరాంధ్ర వాళ్లకి, 2 వేల ఎకరాలు ఆంధ్రా వాళ్ళు ఉండటానికి కేటాయించాలి అంట... ఈయన గారిని తీసుకువెళ్ళి మ్యుజియంలో పెట్టాలి... అసలు ఇలాంటి ఐడియా పవన్ కు ఎవరు ఇచ్చారో కాని... అసలు ముందు వీళ్ళకి అమరావతి అంటే ఏంటో తెలియదు... భూసమీకరణ చేసింది 33 వేల ఎకరాలు.... రైతుల త్యాగానికి ప్రతిఫలంగా, డెవలప్ చేసి తిరిగి ఇచ్చింది 9 వేల ఎకరాలు... ఇంకో 15 వేల ఎకరాలు రోడ్లకీ, పార్కులకీ, ఇలా కామన్ ఏరియాకి పోతాయి.... చివరకు ప్రభుత్వానికి మిగిలేది 9 వేల ఎకరాలు మాత్రమే... ఇక్కడ ప్రభుత్వ బిల్డింగ్స్ పోను, వరల్డ్ క్లాస్ సంస్థలు వస్తాయి... అప్పుడే అమరావతి వరల్డ్ క్లాస్ అయ్యేది... మరి జిల్లాకి 2-3 వేల ఎకరాలు ఎక్కడి నుంచి తెచ్చి ఇస్తారు ? నోరు తెరిస్తే అవగాహనా రాహిత్యం బయట పడుతుంది... ఇంత ప్రేమ రాయలసీమ మీద, ఉత్తరాంధ్ర మీద ఉంటే, తమరి ఇల్లు రాయలసీమలో, పార్టీ ఆఫీస్ ఉత్తరాంధ్రలో పెట్టుకోవచ్చుగా ?

ఆంధ్రప్రదేశ్‌ ముఖ్యమంత్రి చంద్రబాబు నాయుడు కీలక నిర్ణయం తీసుకున్నారు. రాష్ట్రంలో నెలకొన్న పరిస్థితులు, కేంద్రం సాయం చెయ్యని పరిస్థుతులు నేపధ్యంలో, అన్ని పార్టీలతో అఖిల సంఘాల సమావేశం నిర్వహించాలని నిర్ణయించారు. రేపు ఉదయం 11 గంటలకు ఈ సమావేశం నిర్వహించనున్నారు. ఒక్కో రాజకీయ పార్టీ నుంచి ఇద్దరు ప్రతినిధులు చొప్పున ఈ సమావేశానికి రావాలని కోరనున్నారు. రాష్ట్రంలోని అన్ని రాజకీయ పార్టీలతో పాటు రాష్ట్ర ప్రయోజనాల కోసం పోరాడే వివిధ సంఘాలను ఈ సమావేశానికి పిలవాలని ముఖ్యమంత్రి నిర్ణయించారు.

మరో వైపు నిన్న టెలి కాన్ఫరెన్స్ లో మాట్లాడుతూ, ఆంధ్రప్రదేశ్‌ ప్రజల సెంటిమెంట్‌ను అందరూ గౌరవించాలని ముఖ్యమంత్రి చంద్రబాబు స్పష్టం చేశారు. ఈ సందర్భంగా ఆయా రాజకీయ పార్టీలకు, నేతలకు ముఖ్యమంత్రి చంద్రబాబు సూటిగా కొన్ని ప్రశ్నలు సంధించారు. ఆంధ్రా పక్షమా? కేంద్రం పక్షమా? అన్నది ఆయా పార్టీల నేతలే తేల్చుకోవాలన్నారు. ప్రజల కోసం పోరాడే ముఖ్యమంత్రి పక్షాన ఉంటారా? రాష్ట్రానికి అన్యాయం చేసే కేంద్రం పక్షాన ఉంటారా? అని నిలదీశారు. ప్రజల హక్కుల కోసం పోరాడే తెలుగుదేశం పక్షాన ఉంటారా? ప్రజల మనోభావాలను నిర్లక్ష్యం చేసిన బీజేపీ వైపు ఉంటారో నిర్ణయించుకోవాలన్నారు.

ఈశాన్య రాష్ట్రాలకు ఇచ్చేవి కూడా ఏపీకి ఇవ్వడం బీజేపీకి ఇష్టం లేదన్నారు. తొలి బడ్జెట్‌లోనే రెక్కలు విరిచి ఎగరమంటే ఎలా? అని కేంద్రాన్ని తాను నాలుగేళ్ల క్రితమే నిలదీశానని చెప్పారు. 29సార్లు ఢిల్లీ వెళ్లి రాష్ట్రాన్ని ఆదుకోమన్నాం. అయినా కేంద్రంలో స్పందన లేదు. అందుకే కేంద్రం నుంచి బయటకొచ్చాం. ఎన్డీయే నుంచి వైదొలిగాం. నిధులు రాబట్టేందుకు అన్ని ప్రయత్నాలు చేశాం. విధిలేని పరిస్థితుల్లోనే పోరాటమార్గం పట్టాం’ అని చంద్రబాబు చెప్పారు. వెనుకబడిన జిల్లాలకు ఇచ్చిన రూ.1050కోట్లలో రూ.940కోట్లకు యూసీలిచ్చాం. అమరావతికి ఇచ్చిన వెయ్యి కోట్లకు యూసీలిచ్చాం. గుంటూరు, విజయవాడకు ఇచ్చిన నిధుల్లో రూ.350కోట్లకు యూసీలిచ్చాం. ఆర్థికలోటుకు యూసీలు ఇవ్వనవసరం లేదు. రాష్ట్రానికి చేసిన అన్యాయం ప్రజలకు వివరించాలి’ అని చంద్రబాబు పిలుపునిచ్చారు.