news

భార‌తీయ జ‌న‌తా పార్టీ జాతీయాధ్య‌క్షుడు అమిత్ షా త‌న‌కు రాసిన 9 పేజీల లేఖ పై స్పందిస్తూ, చంద్రబాబు సినిమా పంచ్ లకు మించిన పంచ్ లు వేసారు... శనివారం ఆ లేఖను అసెంబ్లీలో చదివి వినిపించారు... ఈ సందర్భంగా ఆయన మాట్లాడుతూ, ఒక పక్క వాస్తవాలు చెప్తూ, ఎక్కడ చురకలు అంటించాలో అక్కడ అంటించారు.... కేంద్రం ఇస్తున్న పధకాలకు, మోడీ ఫోటో పెట్టటం లేదంటూ చెప్తున్నారు, మీ మోడీ 10 ఏళ్ళు ముఖ్యమంత్రిగా ఉన్నాడు, అప్పుడు కేంద్ర పధకాలకి మన్మోహన్ ఫోటో పెట్టారా ? సోనియా గాంధి ఫోటో పెట్టారా అంటూ పంచ్ వేసారు.. అంతే ఒక్క బీజేపీ ఎమ్మల్యేకు సౌండ్ లేదు...

మరో పక్క, నేను తెలుగుదేశం పార్టీకి, రాష్ట్రానికి శ్రేయోభిలాషిని అని అమిత్ షా అంటున్నారు, ఆయాన అంత పెద్ద శ్రేయోభిలాషి అయితే నేను ఎందుకు వదులుకుంటాను ? దండలు, సాలువాలు నాలుగు ఎక్కువ కప్పేవాడిని అంటూ, కౌంటర్ ఇచ్చారు... అలాగే, మిత్రధ‌ర్మాన్ని పాటించ‌కుండా త‌మ పార్టీతో టీడీపీ తెగ‌దెంపులు చేసుకుంద‌ని బీజేపీ నేత‌లు అంటున్నార‌ని, గ‌త ఎన్నిక‌ల స‌మ‌యంలో తెలంగాణలో ఎవరిని అడిగి టీడీపీతో బీజేపీ తెగదెంపులు చేసుకుందని ఏపీ సీఎం చంద్రబాబు నాయుడు ప్ర‌శ్నించారు... మిత్ర‌ధ‌ర్మం విష‌యంలో తాను తొంద‌ర‌ప‌డ్డానా? బీజేపీ తొంద‌ర‌ప‌డిందా? అని చంద్ర‌బాబు ప్ర‌శ్నించారు.

ప్రజలు కట్టిన పన్నుల్లోంచే రాష్ట్రానికి వాటా ఇస్తున్నారని, కేంద్ర విద్యాసంస్థలకు రూ.11672 కోట్లు అవసరమైతే 576 కోట్లు ఇచ్చారని చెప్పారు. కేంద్ర విద్యాసంస్థలకు రూ.11584 కోట్ల విలువైన భూములు ఇచ్చామని ఈ సందర్భంగా బాబు గుర్తుచేశారు... అలాగే, ఆంధ్రప్రదేశ్ కోసం ఆరోజు పార్లమెంట్ లో పోరాడింది బీజేపీ మాత్రమే అని గుర్తుంచుకోవాలని అమిత్ షా రాసిన రాతల పై స్పందిస్తూ, ఈయన ఆరోజు ఢిల్లీలో లేడేమో ..నేనున్నా ..20 నిమిషాల్లో పాసైన ఆ బిల్లులో, వీళ్ళు పోరాడింది ఏంటి ? కాంగ్రెస్ కి వీళ్ళు ఏమి డిస్కషన్ లేకుండా మద్దతిచ్చారు... కనీస స్పృహ ఉండక్కర్లా ...ఇలాంటివి రాసేముందు.. ఒక ఉన్నత స్థాయిలో ఉన్నాం,అనే కనీస స్పృహ ,పద్దతి,హుందా లేకుండా రాసిన లెటర్ అది... చట్టం అమలు చేయమన్నాం..వీళ్ళు సాయంచేసినా..ఊరికే తీసుకోమ్..ఆంతకంత తిరిగిస్తారు ఆంధ్రులు అంటూ చంద్రబాబు అమిత్ షా ని వాయించి పెట్టారు...

ఇప్పటిదాకా దక్షిణాదిపై వివక్ష గురించి తెలంగాణ, ఆంధ్రప్రదేశ్‌, కర్ణాటక, తమిళనాడులు మాత్రమే పోరాడుతూ వస్తున్నాయి. ఇప్పుడు కొత్తగా కేరళ కూడా గొంతు కలుపుతోంది. కేరళ ఆర్థిక మంత్రి థామస్‌ ఇస్సాక్‌ దక్షిణాది రాష్ట్రాల ఆదాయాన్ని.. అభివృద్ధి అవసరాల పేరుతో ఉత్తరాది రాష్ట్రాలకు మళ్లించడంపై తీవ్ర అభ్యంతరం వ్యక్తం చేశారు. ఇది సమాఖ్య స్ఫూర్తికి విరుద్ధమన్నారు. ఇదే అంశంపై ఏప్రిల్‌ 10న తిరువనంతపురంలో దక్షిణాది రాష్ట్రాల ఆర్థిక మంత్రుల సమావేశం ఏర్పాటు చేస్తున్నట్లు తెలిపారు. అన్ని దక్షిణాది రాష్ట్రాల ఆర్థిక మంత్రులు, ఆర్థిక శాఖ కార్యదర్శులకు లేఖలు రాశానని, అందరూ సమావేశానికి వస్తామని ఫోన్లో చెప్పారన్నారు.

దక్షిణాది రాష్ట్రాల ఆర్థిక మంత్రుల భేటీని ముఖ్యమంత్రి చంద్రబాబునాయుడుకు రాష్ట్ర ఆర్ధిక మంత్రి యనమల రామకృష్ణుడు వివరించారు. ఈ భేటీకి వెళ్లేందుకు ఆయన సీఎం అనుమతి కోరారు. దీనికి చంద్రబాబు సుముఖత వ్యక్తం చేశారు. అలాగే... కేరళ రాష్ట్ర ఆర్థికమంత్రి ఫోన్ చేయడాన్ని కూడా సీఎంకు యనమల వివరించారు. పథకాలకు కేంద్ర నిధుల మంజూరులో 2011 జనాభా ప్రామాణికతపై తీవ్ర వ్యతిరేకత వస్తోందని, 2011 జనాభా ప్రతిపదికన నిధులను కేటాయిస్తే దక్షిణాది రాష్ట్రాలకు అన్యాయం జరుగుతుందని తెలిపారు. కుటుంబ నియంత్రణను పాటించినందుకు దక్షిణాది రాష్ట్రాల్లో జనాభా పెరుగుదల తగ్గిందని, ఇదే సమయంలో ఉత్తరాది జనాభా విపరీతంగా పెరిగిపోయింది.. కేంద్ర ప్రభుత్వ తాజా నిర్ణయంతో జనాభా నియంత్రణ లేని రాష్ట్రాలకు ఎక్కువ నిధులు వస్తున్నాయని చెప్పారు.

రాష్ట్రాలకు నిధుల పంపిణీకి 1971 జనాభా లెక్కలకు బదులు 2011 లెక్కలను పరిగణనలోకి తీసుకోవాలని పదిహేనో ఆర్థిక సంఘానికి కేంద్ర ప్రభుత్వం సిఫార్సు చేసినప్పటి నుంచి దక్షిణాది రాష్ట్రాలు ఆగ్రహంతో ఉన్నాయి. జనాభా నియంత్రణను పాటించి అభివృద్ధి సాధిస్తున్న రాష్ట్రాలకు శాపంగా కేంద్ర ప్రభుత్వ నిర్ణయాలు ఉండటం పట్ల తీవ్ర అసంతృప్తిని వ్యక్తం చేశాయి. కేంద్ర ప్రభుత్వ సిఫార్సును గట్టిగా వ్యతిరేకించాలని ఇప్పటికే కర్ణాటక ముఖ్యమంత్రి సిద్దరామయ్య ట్వీట్‌ చేశారు. సిద్దరామయ్య ట్వీట్‌ వెలువడిన గంటల్లోనే కేరళ నుంచి సంఘీభావ ప్రకటన వచ్చింది. తొలి నిరసన వ్యక్తం చేసింది మాత్రం ఏపీ సీఎం చంద్రబాబే. కేంద్రం డబ్బులు, రాష్ట్రం డబ్బులు అంటూ ఉండవని, అన్నీ పన్ను చెల్లింపుదారు డబ్బులేనని అన్నారు. దీనికి కర్ణాటక సీఎం సిద్దరామయ్య మద్దతు పలుకుతూ, ‘‘కేంద్రానికి వచ్చే పన్నుల్లో 9.56 శాతం కర్ణాటక నుంచే అందుతున్నాయి. అందులో కేవలం 4.5 శాతమే తిరిగి రాష్ట్రానికి అందుతున్నాయి. దక్షిణాది రాష్ట్రాలకు తీవ్ర అన్యాయం జరుగుతోంది’’ అన్నారు.

చంద్రబాబుకు మోడీ అంటే భయం... చంద్రబాబు కేసులకి భయపడుతున్నాడు... చంద్రబాబు ఓటుకి నోటు కేసులో జైలుకు వెళ్తాడు అందుకే మోడీ అంటే భయం... చంద్రబాబు మీద సిబిఐ కేసు వేస్తారని భయం... ఇలా ప్రతి పిల్లకాయి గాడు, ఒక నాలుగురుని పోగేసి రెచ్చిపోవటమే... కట్ చేస్తే, ప్రతి రోజు మోడీ, అమిత్ షా కు, చంద్రబాబు చాకిరేవు పెడుతున్నాడు... ఆ రోజు చంద్రబాబుకి మోడీ అంటే భయం అన్న పోటుగాళ్ళు, మోడీ పేరు పలకటానికి కూడా భయపడి నాటకాలు ఆడుతూ, ఎదురు చంద్రబాబుని తిడుతున్నారు... పోలవరానికి డబ్బులు తక్కువ ఇచ్చినా బయటకు రారు, ఈశాన్య రాష్ట్రాలకు హోదా బెనిఫిట్స్ ఇచ్చినా బయటకు రారు.. కాని చంద్రబాబు మాత్రం మోడీ, అమిత్ షా ని చీల్చి చెండాడుతున్నాడు...

ఈ రోజు అమిత్ షా, చంద్రబాబుకి 9 పేజిల లేఖ రాసారు... దాంట్లో చెప్పని అబద్ధం లేదు... ఆ స్క్రిప్ట్ ఎవరు రాసారో కాని, పచ్చి అబద్ధాలు.. దీంతో చంద్రబాబు ఆగ్రహం కట్టలు తెంచుకుంది... అసెంబ్లీ వేదికగా చాకిరేవు పెట్టారు... ‘‘అమిత్‌షా రాసిన లేఖ నాకు కాదు. రాష్ట్రాన్ని కించపరుస్తూ అమిత్‌షా లేఖ రాశారు. కేంద్రానికి ఏపీ ప్రజలు నీచంగా కనిపిస్తున్నారా?. యుద్దానికి వాడే డబ్బులు అడిగామా మనం?. విభజన చట్టంలో పెట్టినవే ఇవ్వమన్నాం. ఇవ్వాల్సినవి ఇవ్వకుండా వక్రీకరిస్తూ లేఖలు రాస్తారా?’’ అంటూ మొదలు పెట్టి, 9 పేజిల లేఖలో పాయింట్ బై పాయింట్ చదువుతూ, లెఫ్ట్ అండ్ రైట్ వాయించారు...

అమిత్‌షా ప్రకటించిన 9 పేజీల లేఖలో అన్నీ అసత్యాలే ఉన్నాయని.. ఉన్నత స్థాయిలో ఉన్న వ్యక్తులు అసత్యాలు చెబుతారా అని ప్రశ్నించారు. అసత్యాలు ఎందుకు చెప్పాల్సి వచ్చిందని అడుగుతున్నానన్నారు. ఎవరిపై ఎదురుదాడి చేయాలని మీ ఉద్దేశం.. రాష్ట్రానికి ఏం మేలు చేశారన్నారు. మాకు రావాల్సిన వాటిని అడిగితే కేంద్రం భాద్యతలేకుండా తిరిగి ఎదురుదాడి చేయడం ఎంతవరకూ సబబు అంటూ ఆవేదన వ్యక్తం చేశారు. ఒక్కమాట కూడా మాట్లాడకుండా లెక్కలేనితనంగా వ్యవహరిస్తున్నారని చెప్తూ, ప్రతి విషయం పై అమిత్ షా రాసిన అబద్ధాలాను అసెంబ్లీ వేదికగా ఎండగట్టారు...