news

పోలవరం ప్రాజెక్ట్... మన రాష్ట్రానికి ఈ ప్రాజెక్ట్ ఒక జీవ నాడి... అందుకే ముఖ్యమంత్రి చంద్రబాబు నాయుడు, ఈ ప్రాజెక్ట్ పూర్తి చెయ్యటం, తన జీవిత ఆశయంగా పెట్టుకున్నారు... ఈ ప్రాజెక్ట్ కోసం, తన డైరీలో, సోమవారాన్ని, పోలవారంగా మార్చుకున్నారు... 2014 దాకా ప్రాజెక్ట్ సైట్ లో పిచ్చి మొక్కలు తప్ప, ఏమి ఉండేవి కాదు... తాను ముఖ్యమంత్రి అయిన దగ్గర నుంచి, పోలవరం ప్రాజెక్ట్ ఏరియాలో, కొండలని పిండి చేస్తూ, పనులు మొదలు పెట్టి, ప్రస్తుతం 60 శాతం పనులు పూర్తయ్యేలా చేసి, పోలవరం పై ఆశలు రేపారు... అసలు పోలవరం ప్రాజెక్ట్ చూస్తామా అనుకున్న రోజులు నుంచి, 2019లో చంద్రబాబు పోలవరం పూర్తి చేస్తారు అనే భరోసా కల్పించారు...

ఇంత చేస్తున్నా, కేంద్ర సహకారం అనుకున్నంత లేదు... అయినా, చంద్రబాబు ఓర్పుగా నెట్టుకొచ్చారు... కాని గత అక్టోబర్ నెల నుంచి, కేంద్రం కావాలని పోలవరం ప్రాజెక్ట్ లో కొర్రీలు పెట్టింది... మూడు నెలలు అమూల్యమైన సమయంలో పనులు చెయ్యకుండా, అడ్డు పడింది... ఆ సమయంలో చంద్రబాబు ఒకింత ఆగ్రహంగా అసెంబ్లీ సాక్షిగా, ఈ ప్రాజెక్ట్ మీరే పూర్తి చేస్తాను అంటే, దండం పీట్టి మీకే ఇచ్చేస్తా, ప్రాజెక్ట్ పూర్తి చేసి ఇవ్వండి అని అన్నారు... అప్పటి నుంచి, రాష్ట్ర బీజేపీ నేతలు, జగన్ పార్టీ గ్యాంగ్ కొత్త ప్రచారం మొదలు పెట్టింది... పోలవరం ప్రాజెక్ట్ లో అక్రమాలు జరిగిపోయాయి, అవినీతి జరిగిపోయింది, చంద్రబాబు డబ్బులు కొట్టేసారు అంటూ ప్రచారం చేసారు...

కేంద్ర బడ్జెట్ తరువాత, చంద్రబాబు ఎదురు తిరగడంతో, ఈ ఆరోపణలు, మరింత ఎక్కువ అయ్యాయి... పవన్ కళ్యాణ్ లాంటి వారు కూడా, అవినీతి జరిగింది అంటున్నారు అంటూ ప్రచారం చేసారు... చంద్రబాబు అసెంబ్లీ సాక్షిగా లెక్కలు చెప్పినా, లెక్కలు లేవు అన్నారు... చివరకు చంద్రబాబు, పోలవరం లెక్కలు అన్నీ వెబ్సైటు లో పెట్టారు... పోలవరం పురో గతి, పెట్టిన ఖర్చు తదితర పూర్తి వివరాలన్నీ http://polavaram.apegov.com/ispp/home# వెబ్ సైట్లో అందుబాటులో పెట్టారు... ఇంత పారదర్శకంగా అన్ని వివరాలు ఎప్పటికప్పుడు ప్రజల ముందు పెట్టి, పనులు చేస్తుంటే, చేత కాని వారు, పనిలేని వారు, విమర్శలు చేస్తూ ఉంటే, ప్రభుత్వం ఎప్పటికప్పుడు వీరికి సమాధానం చెప్తున్నా, విషయం అర్ధం కాని వారు, అలాగే విషయాన్ని తప్పుదోవ పట్టించే వారు, డయాఫ్రం వాల్ అంటే ఎక్కడ చూపించండి నాకు కనపడటం లేదు అనే వారు, చంద్రబాబు పై విమర్శలు చేసారు... చివరకు చంద్రబాబు పోలవరం లెక్కలు వెబ్సైటు లో పెట్టటంతో, ఒక్కడు అంటే ఒక్కడు కూడా, అప్పటి నుంచి పోలవరం పై అవినీతి అనలేదు.. పోనీ ఇదిగో తేడా అని ఒక్కడు కూడా చూపించలేదు... ఇది చంద్రబాబు పాలనలో ఉండే పారదర్శకత...

ఎవరైనా ఒకసారి తప్పు చేస్తారు... బుర్ర ఉన్నాడు, ఆ తప్పు మళ్ళీ మళ్ళీ జరగకుండా జాగ్రత్త తీసుకుంటాడు... చేసిన తప్పే, కావాలని మళ్ళీ మళ్ళీ చేసి, దాన్ని సమర్ధించుకునే వారికి, పేటెంట్ మాత్రం జగన్ కే ఉంటుంది... వచ్చే నెల నుంచి ప్రారంభంకానున్న శాసనసభ సమావేశాలకు సైతం హాజరుకాకూడదని ప్రధాన ప్రతిపక్షమైన వైఎస్సార్ కాంగ్రెస్ పార్టీ నిర్ణయం తీసుకున్నట్లు తెలిసింది. దీనికి సంబంధించి, ఇప్పటికే తన పార్టీ ఎమ్మల్యేలకు లోటస్ పాండ్ నుంచి ఎస్ఏంఎస్ లు వెళ్ళాయి... ఈ సారి బడ్జెట్ లాంటి కీలకమైన సమావేశాలు కాబట్టి, అసెంబ్లీకి వెళ్ళటానికి జగన్, పర్మిషన్ ఇస్తారని అందరూ అనుకున్నారు... కాని, జగన్ మళ్ళీ అదే పాట పాడటంతో, ఎమ్మల్యేలు అవాక్కయ్యారు... ప్రజా సమస్యల పై కాకుండా, పార్టీ ఫిరాయించిన తమ ఎమ్మెల్యేలపై అనర్హత వేటు వేసే వరకూ తాము సభలో అడుగుపెట్టేది లేదంటూ.. గతంలో సమావేశాలను బహిష్కరించిన వైసీపీ, మర్చి 5 నుంచి ప్రారంభంకానున్న కీలకమైన బడ్జెట్ సమావేశాల విషయంలో కూడా అదే విధానం కొనసాగించాలని నిర్ణయించుకుంది.

ప్రత్యేక హోదాను డిమాండ్ చేస్తూ తమ పార్టీ ఎంపీలు చేస్తున్న హడావిడి మీడియాలో కవర్ కావలి అంటే, ఎమ్మెల్యేల పాత్ర కూడా కావాలని, వారు అసెంబ్లీ సమావేశాలకు హాజరయితే ఆ కార్యక్రమాలపై ఫోకస్ తగ్గుతుందన్న ఆందోళన కూడా జగన్ లో ఉందని పార్టీ వర్గాలు చెబుతున్నాయి. అయితే, తమ నాయకత్వం అనుసరిస్తోన్న తీరు పై మెజారిటీ ఎమ్మెల్యేలు అసంతృప్తితో ఉన్నారు. కీలకమైన బడ్జెట్ సమావేశాల్లో సర్కారు నిర్ణయాలు, వివిధ శాఖలకు కేటాయింపులపై నిలదీసే అవకాశాన్ని చేతులారా దూరం చేసుకోవడం వ్యూహాత్మక తప్పిదమేనన్న అభిప్రా యంతో ఉన్నారు.

జగన్ పాదయాత్రలో ఉన్నందున, ఆ కార్యక్రమం జరిగే నియోజకవర్గ ఎమ్మెల్యేని మినహాయించి, మిగిలిన ఎమ్మెల్యేలు హాజరయితే బాగుంటుందని ఇంకొందరు అభిప్రాయపడుతున్నారు. జగన్ లేకుండా అసెంబ్లీకి వెళ్తే, కొత్త వారికి లీడ్ తీసుకునే అవకాసం వస్తుందని, ఎమ్మల్యేల పనితీరు, సత్తా, అవగాహన శక్తి ఏమిటన్నది కూడా నాయకత్వానికి ఒక అవగాహన, అంచనా వస్తుందని చెబుతున్నారు. కాని, జగన్ మాత్రం, తాను లేకుండా, ఎవరూ అసెంబ్లీకి వెళ్ళకూడదు అని, తన స్థానం వేరే వారికి ఇచ్చే ప్రసక్తే లేదని, తాను తప్ప ఎవరు ఫోకస్ కావటానికి వీలు లేదని తేల్చి చెప్పేశారు..

రాష్ట్ర బీజేపీ నేతల చేస్తున్న పనులకి, ఆవేదనతో ఒక ఆంధ్రుడి రాసిన లేఖ సోషల్ మీడియాలో వైరల్ అవుతుంది... ఆ లేఖ సారంశం ఇదే... "బాష సంస్కారంను గౌరవించి అంతకంటే పెద్ద పదాలు వాడలేకపోతున్నాను. ఎవరిగురించి అనుకుంటునారా... అదే మన బీజేపీ పార్టీ ఆంధ్ర ప్రదేశ్ యోధుల గురించి. ఈ నేల మీదే పుట్టారు.. ఇక్కడే పెరిగారు... ఇక్కడ వనరులే వాడుకున్నారు/వాడుకుంటూనారు ... వీరి కుటుంబాలు, వీరి బంధుగణం అంతా ఇక్కడే ఉంది. అయినా, ఈ తెలుగు నెల పట్ల కాని, బాష పట్ల గాని ఇక్కడ ప్రజల పట్ల కాని ఎక్కడ వీసేమేత్తు కృతజ్ఞత, బాధ్యతా కనపడవు. గుడి కుల్చేసారు సర్ అంటాడు ఒక్కడు. అంత రాజధాని అవసరమా అంటాడు మరొకడు. ఇన్ని సార్లు కొరియా, స్విట్జర్ల్యాండ్ లాంటి దేశాలకు వెళ్ళటం అవసరమా అంటాడు మరో అపర మేధావి. ఇది వీరి ఐ.క్యు. స్థాయి.

దుర్గ గుడి ఫ్లైఓవర్ నిర్మాణంలో భాగంగా 2016లో ఒక గుడి తప్పనిసరై తొలగించాల్సి వచ్చింది. ఆ సమయంలో సోషల్ మీడియాలో దీని మీద చాలా వాదనలు నడిచాయి. బా.జ.ప. పాలిస్తున్న రాస్త్రాల్లో ఇలాంటి సంఘటనలు చాలా జరిగాయి. స్వయంగా గుజరాత్ తో సహా. ఈ బీజేపీ మేధావులు అవి మాట్లాడరు. కేంద్రం తాను చేసిన హామీల నుండి వెనక్కి వెళ్ళింది, విభజన హామీల విషయంలో మోసం చేసింది అంటే, ఈ మేధావులు అప్పుడు గుళ్ళు కూల్చారు అండీ అంటారు. ఏమనాలి వీళ్ళని? హుధుద్ తూఫాన్ తరవాత మా విజయమ్మను ఓడించటం వలెనే ఇలా జరిగింది అని తమ నీచమైన బుద్ధిని బయటపెట్టుకున్న ఫ్యాన్ పార్టీ కార్యకర్తలు కంటే వీరు ఏ విధంగా బెటర్??

అంత ఖర్చుపెట్టి రాజధాని అవసరమా అంటాడు మరో బడాయి మేధావి. తెలుగు ప్రజలు అద్భుతమైన రాజధాని నిర్మించుకోవాలి అని కలగన్నారు సరే...మరి ఆ రోజు మోడీ చెప్పింది ఏంటి? ఢిల్లీ కంటే గొప్ప రాజధాని నిర్మిస్తాము అని చెప్పింది ఎవరు?? వీళ్ళ తాతలు దిగి వచ్చి చెప్పారా? రాజకీయాలు వేరు, అభివృద్ధి వేరు. ప్రధానమంత్రి పదవిలో మోడీ, ముఖ్యమంత్రి పదవిలో చంద్రబాబు శాశ్వతంగా ఉండరు. కానీ వారు చేసే అభివృద్ధి శాశ్వతంగా ఉంటుంది. అమరావతి నిర్మితమైతే ఎన్నో భవిష్యత్తు తరాలకు అవసరాలు తీరుస్తుంది. హైదరాబాద్, సికింద్రాబాద్ నగరాలకు మరో నగరాన్ని ఆడ్ చేశారు చంద్రబాబు నాయుడు. అదే సైబరబాద్. కొండలు,గుట్టలు ప్రాంతాన్ని బెస్ట్ ప్లేస్ తో లివ్ గా మార్చటానికి అడుగులు వేశారు. తరవాత ప్రభుత్వాలు మరికొంత చేశాయి, చేస్తున్నాయి. కానీ ఈ రోజు చంద్రబాబు నాయుడు హైద్రాబాద్లో లేరు. బట్, అయన విజన్, కష్టం అలాగే ఉన్నాయి కొన్ని లక్షలమందికి ఉపాధి కల్పిస్తూ. మానసికంగా ఈ పరిపక్వత సాధించిన రోజున ఎవడికైనా రాజకీయాల గురించి మాట్లాడే అర్హత ఉంటుంది. అది లేకపోతే రాజకీయాలు గురించి మాట్లాడటం ఒక మానసిక రుగ్మత అవుతుంది."