news

కాపు రిజర్వేషన్‌ బిల్లుకు కేంద్ర సిబ్బంది, శిక్షణ వ్యవహారాల శాఖ (డీవోపీటీ) బ్రేకులు వేసిన నేపధ్యంలో, తెలుగుదేశం పార్టీకి చెందిన కాపు నేతలతో ముఖ్యమంత్రి నారా చంద్రబాబునాయుడు గురువారం వీడియో కాన్ఫరెన్స్ నిర్వహించారు. కాపుల రిజర్వేషన్ల పై ఆందోళన అవసరం లేదని నేతలకు సీఎం తెలిపారు... 9వ షెడ్యూల్‌ను సవరించి రిజర్వేషన్లు కల్పించాలని కోరామని కాపు నేతలకు వివరించారు... అన్నీ పక్కగా స్టడీ చేసి, రిపోర్ట్ తయారు చేసి, కమిషన్ వేసి మరీ, ఈ రిజర్వేషన్‌ పై ముందుకు వెళ్లామని చెప్పారు... ఇదే సందర్భంలో కొంత మంది నేతలు మాట్లాడుతూ, ఇప్పుడు అభ్యంతరం చెప్పింది ఒక్క డిపార్టుమెంటు మాత్రమే అని, రాజకీయంగా కేంద్రం ఇబ్బంది పెట్టినా, కోర్ట్ కి వెళ్ళాయనా సాధించుకోవచ్చు అన్నారు...

తమిళనాడులో 69 శాతం రిజర్వేషన్లు అమలులో ఉండగా, మన ప్రభుత్వం, 50 శాతానికి మించి మరో 5 శాతానికే అడిగింది... బీసిలకు అన్యాయం జరగకుండా ప్రభుత్వం ఈ నిర్ణయం తీసుకుని, జాగ్రత్తగా అన్ని విధాలుగా కమిషన్, రిపోర్ట్ తయారు చేసి పంపించింది... అయితే, కేంద్ర ప్రభుత్వం శాఖ అయిన డీవోపీటీ మాత్రం, బలమైన ప్రాతిపాదికలు ఏమిటో స్పష్టం చేయలేదని అభిప్రాయపడింది... కాని అది అవాస్తవం అని, అధికారులు అంటున్నారు... తెలంగాణ ప్రభుత్వం గిరిజనుల కోటాను 6 నుంచి 9 శాతానికి, ముస్లిం కోటాను 4 నుంచి 12 శాతానికి పెంచాలని ఎప్పుడో కేంద్రానికి పంపించింది... ఏపీ సర్కారు కాపు కోటా బిల్లును రెండు నెలలు క్రిందట పంపించింది.. ఎప్పుడో తెలంగాణా పంపించిన దాని పై కేంద్రం ఇప్పటిదాకా స్పందించలేదు. ఏపీ పంపిన కాపు బిల్లును మాత్రం ‘నిలిపి వేయాలి’ అని ఆగమేఘాల మీద తేల్చేయడం గమనార్హం.... మరో ఘోర తప్పిదం ఏంటి అంటే, డీవోపీటీ ఇచ్చిన లెటర్ లో, ఆంధ్రపదేశ్ బదులు తెలంగాణా అని రాసారు... ఇది ఆ విభాగం నిర్లక్ష్యానికి పరాకాష్ఠ...

మొత్తం రిజర్వేషన్లు 50 శాతం దాటితే కోర్టు ముందు నిలవదన్నది అందరికీ తెలిసిందే. అందుకే... కాపు రిజర్వేషన్ల విషయంలో రాష్ట్ర ప్రభుత్వం పకడ్బందీగా వ్యవహరించింది. దీనిని రాజ్యాంగంలోని 9వ షెడ్యూలులో చేర్చడమే లక్ష్యంగా చర్యలు తీసుకుంది. జస్టిస్‌ మంజునాథ నేతృత్వంలో బీసీ కమిషన్‌ను నియమించింది. రాష్ట్రవ్యాప్తంగా ప్రజాభిప్రాయ సేకరణ జరిపింది. కాపుల సామాజిక, ఆర్థిక స్థితిగతులను అధ్యయనం చేసి... వారికి విద్యా, ఉద్యోగాల్లో 5 శాతం రిజర్వేషన్‌ ఇవ్వాలని కమిషన్‌ సిఫారసు చేసింది. దీనికి సంబంధించి పెద్ద నివేదికే ఉంది. కాపులకు కోటా ఇవ్వాల్సిన అవసరం ఉందనేందుకు ఈ నివేదికే ఆధారం. అయితే... 50 శాతానికి మించి కోటా ఎందుకు, ఏ ప్రాతిపదికన ఇవ్వాలో ప్రభుత్వం వివరించలేదంటూ డీవోపీటీ తన లేఖలో ఒక్క ముక్కలో తేల్చేయడంపై రాష్ట్ర ప్రభుత్వ వర్గాలు విస్మయం వ్యక్తం చేస్తున్నాయి.

ఒకవైపు ఇంద్రకీలాద్రి.. అమ్మలగన్న అమ్మ కనకదుర్గమ్మ దేవాలయం.. ఇంకోవైపు ఉండవెల్లిగుహలు.. మూడో పక్క అద్భుత కట్టడం ప్రకాశం బ్యారేజీ.. నడుమ భవానీ ద్వీపం.. పర్యటకుల మనసు ఉల్లాసానికి ఇంతకంటే ఏం కావాలి..? కానీ ఆ పర్యటక ప్రాంతం అంతర్జాతీయ సొబగులు దిద్దుకొంటోంది... కృష్ణా నదిలో ఉన్న భవానీ ద్వీపాన్ని అద్భుతమైన పర్యాటక ప్రదేశంగా మార్చాలన్న చంద్రబాబు ఆలోచనకు తగ్గట్టు, టూరిజం శాఖ రంగంలోకి దిగింది... వినోద, విహార కేంద్రమైన భవానీ ద్వీపాన్ని మరింత సుందరంగా తీర్చి దిద్దేందుకు కార్యాచరణ ప్రణాళికలు దగ్గరే ఇన్నాళ్ళు కాలం గడిచిపోయేది... కాని, ఇప్పుడు కార్యాచరణతో పటు, పనులు కూడా అంతే వేగంగా జరుగుతున్నాయి...

ఇప్పటికే ఒడ్డున నీటిపై తేలియాడే లేజర్‌షో, వాటర్‌ ఫౌంటేన్‌ను ఏర్పాటు చేసిన సంగతి తెలిసిందే. ఇప్పుడు పిల్లలతో సహా ద్వీపానికి వచ్చే వారిని ఆకట్టుకునేలా వివిధ ఏర్పాట్లు చేస్తున్నారు. ముఖ్యంగా పిల్లలు సరదాగా గడిపేలా వివిధ రకాల ఆట పరికరాలను అందుబాటులోకి తీసుకువచ్చారు. గతంలో ప్రైవేటు సంస్థల ఆధ్వర్యంలో కొన్ని రకాల ఆట పరికరాలు మాత్రమే ఉండేవి. వాటిని వినియోగించుకోవాలంటే అధిక ధరలు వసూలు చేసేవారు. ప్రస్తుతం బీఐటీఎస్‌ ఆధ్వర్యంలోనే చిన్నారులు, పెద్దలు ఆటలాడుకునే విధంగా ప్రత్యేక ఉద్యాన వనాన్ని నిర్మించారు. అందులో ఊయలలు, జారుడు బల్లలు, పిల్లలతో కలిసి పెద్దలు ఊగే ఆట పరికరాలు తదితరాలను ఏర్పాటు చేశారు. వాటిని ఉచితంగా వినియోగించవచ్చు

అలాగే రెండు అద్భుతమై ప్రాజెక్ట్ ల పనులు కూడా వేగంగా జరుగుతున్నాయి.... ఇందులో భాగంగా మజ్ గార్డెను ఏర్పాటు చేయనున్నారు. ఈ మజ్ గార్డెన్ లోకి ఒక మార్గంలోంచి లోపలకు వెళ్లి తిరిగి బయటకు రావడానికి తికమకపడాల్సిందే. నాలుగు వైపుల నుంచి బయటకు వెళ్లేందుకు వీలుండటం, ఏ మార్గంలో వెళ్తున్నామో తెలియకపోవడంతో ఇందులోకి వెళ్లిన వారికి మజ్ గార్డెన్పై ఉత్సాహం కలిగిస్తుంది దాదాపు 80-80 మీటర్ల వెడల్పుతో ఆ గార్డెన్‌ను తీర్చిదిద్దుతున్నారు... ఇదే కాకుండా మిర్రర్ మజ్ ను ద్వీపంలో ఏర్పాటు చేస్తు న్నారు. ఈ మిర్రర్ మజ్ ఒక రకమైన మయసభ. అనేక అద్దాలు ఉండటంతో ఎక్కడైనా ఒక చోట నిలబడి చూస్తే అన్ని అద్దాల్లోనూ వారి ప్రతిబింబమే కనపడుతుంది. దీంతో అసలు వ్యక్తి ఎక్కడ ఉన్నారో తెలుసుకోవడం కొద్దిగా కష్టమే అవుతుంది. నిర్మాణాలు వేగంగా జరుగుతున్నాయని, కొన్ని రోజుల్లోనే వాటిని కూడా పూర్తి చేసి అందుబాటులోకి తీసుకువస్తామని బీఆర్‌టీఎస్‌ అధికారులు పేర్కొన్నారు.

రిలయన్స్ ముకేష్ అంబానీ అమరావతి వచ్చిన నేపధ్యంలో రకరకాల ఊహాగానాలు మొదలయ్యాయి... కొన్ని మీడియా సంస్థలతో పాటు, సోషల్ మీడియాలో, అంబానీ మోడీ దూతగా వచ్చారని, కధనాలు రాసారు... మరి కొంత మంది, అంబానీకి దగ్గర ఉండే తెలుగు వాడు, మాధవరావుకు రాజ్యసభ సీటు కోసం, అడగటానికి వచ్చారని రాసాయి... అలాగే, ఇంకో ప్రచారంలో, మోడీని మళ్ళీ ప్రధాని కాకుండా, పొలిటికల్ లాబీలో భాగంగా, చంద్రబాబు ద్వారా ప్లాన్ చేస్తున్నారని, అందుకే అంబానీ, చంద్రబాబుని సియం కంటే పెద్ద హోదాలో ఉండాలనే స్టేట్మెంట్ ఇచ్చారని వార్తలు అల్లాయి... వీటి అన్నటికీ చంద్రబాబు సమాధానం చెప్పారు...

బుధవారం సచివాలయంలో కొందరు మంత్రులతో ఆయన సమావేశమైనప్పుడు ఈ అంశం ప్రస్తావనకు వచ్చింది. ప్రధాని మోదీ తరపున దూతగా రిలయన్స్‌ కంపెనీ అధినేత ముఖేశ్‌ అంబానీ తన వద్దకు వచ్చారని జరుగుతున్న ప్రచారాన్ని ముఖ్యమంత్రి చంద్రబాబు ఖండించారు. ఆయనకు ఆ అవసరం లేదని వ్యాఖ్యానించారు. బుధవారం సచివాలయంలో మంత్రులతో భేటీ అయినప్పుడు.. రాజకీయ వర్గాల్లో ఇలా ప్రచారం జరుగుతోందని ఒక మంత్రి అన్నప్పుడు చంద్రబాబు నవ్వేశారు.

‘కొద్ది రోజుల క్రితం లోకేశ్‌ ముంబై వెళ్లి ఆయన్ను కలిసి రాష్ట్రంలో పెట్టుబడులు పెట్టడంతోపాటు ఒకసారి అమరావతికి రావాలని ఆహ్వానించారు. అమరావతికి ఒట్టి చేతులతో రావడం ఇష్టం లేదని, తిరుపతి వద్ద సెల్‌ఫోన్ల తయారీ పరిశ్రమ పెట్టడానికి నిర్ణయం తీసుకున్నాకే వచ్చానని ఆయన నాతో చెప్పారు. ఇది గొప్ప విషయం. రాయలసీమలో ఆయన చాలా పెద్ద పరిశ్రమ పెట్టబోతున్నారు. దానివల్ల 10,000-15,000 ఉద్యోగాలు రాబోతున్నాయి’ అని చెప్పారు.మాట్లాడారు.